% Text title            : stavachintAmaNI by Bhatta Narayana
% File name             : stavachintAmaNI.itx
% Category              : shiva
% Location              : doc\_shiva
% Proofread by          : PSA Easwaran
% Description/comments  : advaitaparaka stavana of paramashiva, Kashmir Shaivism
% Latest update         : March 19, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Stava Chintamani by Bhatta Narayana  ..}##
\itxtitle{.. bhaTTanArAyaNavirachitA stavachintAmaNiH ..}##\endtitles ##

sugirA chittahAriNyA pashyantyA dR^ishyamAnayA |
jayatyullAsitAnandamahimA parameshvaraH || 1||
yaH sphItaH shrIdayAbodhaparamAnandasampadA |
vidyod.hyotitamAhAtmyaH sa jayatyaparAjitaH || 2||
prasaradbindunAdAya shuddhAmR^itamayAtmane |
namo.anantaprakAshAya sha~NkarakShIrasindhave || 3||
dviShmastvAM tvAM stumastubhyaM mantrayAmo.ambikApate |
ativAllabhyataH sAdhu vishva~Nno dhR^itavAnasi || 4||
saMhR^itasparshayogAya sampUrNAmR^itasUtaye |
viyanmAyAsvarUpAya vibhave shambhave namaH || 5||
bhinneShvapi na bhinnaM yachChinneShvaChinnameva cha |
namAmaH sarvasAmAnyaM rUpaM tatpArameshvaram || 6||
praNavordhvArdhamAtrAto.apyaNave mahate punaH |
brahmANDAdapi nairguNyaguNAya sthANave namaH || 7||
brahmANDagarbhiNIM vyomavyApinaH sarvatogateH |
parameshvarahaMsasya shaktiM haMsImiva stumaH || 8||
nirupAdAnasambhAramabhittAveva tanvate |
jagachchitraM namastasmai kalAshlAghyAya shUline || 9||
mAyAjalodarAtsamyaguddhR^itya vimalIkR^itam |
shivaj~nAnaM svato dugdhaM dehyehi harahaMsa naH || 10||
ShaTpramANIparichChedabhedayoge.apyabhedine |
paramArthaikabhAvAya baliM yAmo bhavAya te || 11||
api pashyema gambhIrAM pareNa jyotiShAbhitaH |
unmR^iShTatamasaM ramyAmantarbhava bhavadguhAm || 12||
namastebhyo.api ye somakalAkalitashekharam |
nAthaM svapne.api pashyanti paramAnandadAyinam || 13||
bhagavanbhava bhAvatkaM bhAvaM bhAvayituM ruchiH |
punarbhavabhayochChedadakShA kasmai na rochate || 14||
yAvajjIvaM jagannAtha kartavyamidamastu naH |
tvatprasAdAttvadekAgramanaskatvena yA sthitiH || 15||
shAkhAsahasravistIrNavedAgamamayAtmane |
namo.anantaphalotpAdakalpavR^ikShAya shambhave || 16||
vA~NmanaHkAyakarmANi viniyojya tvayi prabho |
tvanmayIbhUya nirdvandvAH kachchitsyAmApi karhichit || 17||

jagatAM sargasaMhAratattaddhitaniyuktiShu |
ananyApekShasAmarthyashAlini shUline namaH || 18||
vyatItaguNayogasya mukhyadhyeyasya dhUrjaTeH |
nAmApi dhyAyatAM dhyAnaiH kimanyAlambanaiH phalam || 19||
namo namaH shivAyeti mantrasAmarthyamAshritAH |
shlAghyAste shAmbhavIM bhUtimupabhoktuM ya udyatAH || 20||
kaH panthA yena na prApyaH kA cha vA~Nnochyase yayA |
kiM dhyAnaM yena na dhyeyaH kiM vA kiM nAsi yatprabho || 21||
archito.ayamayaM dhyAta eSha toShita ityayam |
rasaH srotaHsahasreNa tvayi me bhava vardhatAm || 22||
namo niHsheShadhIpatrimAlAlayamayAtmane |
nAthAya sthANave tubhyaM nAgayaj~nopavItine || 23||
aj~nAnatimirasyaikamauShadhaM saMsmR^itistava |
bhava tattatpradAnena prasAdaH kriyatAM mayi || 24||
nama IshAya niHsheShapuruShArthaprasAdhakaH |
praNantavyaH praNAmo.api yadIya iha dhImatAm || 25||
magnairbhIme bhavAmbhodhau nilaye duHkhayAdasAm |
bhaktichintAmaNiM shArvaM tataH prApya na kiM jitam || 26||
nirAvaraNanirdvandvanishchalaj~nAnasampadAm |
j~neyo.asi kila ke.apyete ye tvAM jAnanti dhUrjaTe || 27||
nirguNo.api guNaj~nAnAM j~neya eko jayatyajaH |
niShkAmo.api prakR^ityA yaH kAmanAnAM paraM phalam || 28||
shrIratnAmR^italAbhAya kliShTaM yatra na kaiH suraiH |
tatkShIrodamaishvaryaM tavaiva sahajaM vibho || 29||
namo bhaktyA nR^iNAM muktyai bhavate bhava te.avate |
smR^ityA nutyA cha dadate shambhave shaM bhave.abhave || 30||
sarvaj~naH sarvakR^itsarvamasIti j~nAnashAlinAm |
vedyaM kiM karma vA nAtha nAnantyAya tvayArpyate || 31||
ichChAyA eva yasyeyatphalaM lokatrayAtmakam |
tasya te nAtha kAryANAM ko vetti kiyatI gatiH || 32||
brahmAdayo.api tadyasya karmasopAnamAlayA |
uparyupari dhAvanti labdhuM dhAma namAmi tam || 33||
ayaM brahmA mahendro.ayaM sUryachandramasAvimau |
iti shaktilatA yasya puShpitA pAtvasau bhavaH || 34||
bhramo na labhyate yasya bhrAntAntaHkaraNairapi |
dUragairapi yasyAnto durgamastaM stumo mR^iDam || 35||
namaH stutau smR^itau dhyAne darshane sparshane tathA |
prAptau chAnandavR^indAya dayitAya kapardine || 36||
kiM smayeneti matvApi manasA parameshvara |
smayena tvanmayo.asmIti mAmi nAtmani kiM mudA || 37||
chintayitvApi kartavyakoTIshchittasya chApalAt |
vishrAmyanbhava bhAvatkachittAnande rame bhR^isham || 38||
sUkShmo.api chettrilokIyaM kalAmAtraM kathaM tava |
sthUlo.atha kiM sudarsho na brahmAdibhirapi prabho || 39||
vAchya eShAM tvameveti nAbhaviShyadidaM yadi |
kaH kleshaM deva vAgjAleShvakariShyatsudhIstadA || 40||
krameNa karmaNA kena kayA vA praj~nayA prabho |
dR^ishyo.asItyupadeshena prasAdaH kriyatAM mama || 41||
namo nirupakAryAya trailokyaikopakAriNe |
sarvasya spR^ihaNIyAya niHspR^ihAya kapardine || 42||
aho kShetraj~natA seyaM kAryAya mahate satAm |
yayAnantaphalAM bhaktiM vapanti tvayyamI prabho || 43||
mahatIyamaho mAyA tava mAyinyayAvR^itaH |
tvad.h{}dhyAnanidhilAbhe.api mugdho lokaH shlathAyate || 44||
Arambhe bhava sarvatra karma vA karaNAdi vA |
vishvamastu svatantrastu kartA tatraikako bhavAn || 45||
triguNatriparispandadvandvagrastaM jagattrayam |
uddhartuM bhavato.anyasya kasya shaktiH kR^ipAthavA || 46||
doSho.api deva ko doShastvAmAptuM yaH samAsthitaH |
guNo.api cha guNaH ko nu tvAM nAptuM yaH samAsthitaH || 47||
rAgo.apyastu jagannAtha mama tvayyeva yaH sthitaH |
lobhAyApi namastasmai tvallAbhAlambanAya me || 47||
aho mahadidaM karma deva tvadbhAvanAtmakam |
Abrahmakrimi yasminno muktaye.adhikriyeta kaH || 48||
ArambhaH sarvakAryANAM paryantaH sarvakarmaNAm |
tadantarvR^ittayashchitrAstavaivesho dhiyaH pathi || 49||
yAvaduttaramAsvAdasahasraguNavistaraH |
tvadbhaktirasapIyUShAnnAtha nAnyatra dR^ishyate || 50||
upasaMhR^itakAmAya kAmAyatimatanvate |
avataMsitasomAya somAya svAmine namaH || 51||
kimashaktaH karomIti sarvatrAnadhyavasyataH |
sarvAnugrAhikA shaktiH shA~NkarI sharaNaM mama || 52||
guNAtItasya nirdiShTaniHsheShAtishayAtmanaH |
labhyate bhava kutrAMshe paraH pratinidhistava || 53||
nirdvandve nirupAdhau cha tvayyAtmani sati prabho |
vayaM va~nchyAmahe.adyApi mAyayAmeyayA tava || 54||
aNimAdiguNAvAptiH sadaishvaryaM bhavakShayaH |
amI bhava bhavadbhaktikalpapAdapapallavAH || 55||
yA yA diktatra na kvAsi sarvaH kAlo bhavanmayaH |
iti labdho.api karhi tvaM lapsyase nAtha kathyatAm || 56||
namaH prasannasadvR^ittamAnasaikanivAsine |
bhUribhUtisitA~NgAya mahAhaMsAya shambhave || 57||
hR^itoddhatatamastAntiH pluShTAsheShabhavendhanA |
tvadbodhadIpikA me.astu nAtha tvadbhaktidIpikA || 58||
visR^iShTAnekasadbIjagarbhaM trailokyanATakam |
prastAvya hara saMhartuM tvattaH ko.anyaH kaviH kShamaH || 59||
namaH sadasatAM kartumasattvaM sattvameva vA |
svatantrAyAsvatantrAya vyayaishvaryaikashAline || 60||
trailokye.apyatra yo yAvAnAnandaH kashchidIkShyate |
sa binduryasya taM vande devamAnandasAgaram || 61||
aho brahmAdayo dhanyA ye vimuktAnyasa~Nkatham |
namo namaH shivAyeti japantyAhlAdavihvalAH || 62||
niShkAmAyApi kAmAnAmanantAnAM vidhAyine |
anAditve.api vishvasya bhoktre bhava namo.astu te || 63||
stumastribhuvanArambhamUlaprakR^itimIshvaram |
lipserannopakAraM ke yataH sampUrNadharmaNaH || 64||
mahatsvapyarthakR^ichChreShu mohaughamalinIkR^itAH |
smR^ite yasminprasIdanti matayastaM shivaM stumaH || 65||
prabho bhavata eveha prabhushaktirabha~NgurA |
yadichChayA pratAyete trailokyasya layodayau || 66||
kukarmApi yamuddishya devaM syAtsukR^itaM param |
sukR^itasyApi saukR^ityaM yato.anyatra na so.asi bhoH || 67||
eSha muShTyA gR^ihIto.asi dR^iShTa eSha kva yAsi naH |
iti bhaktirasAdhmAtA dhanyA dhAvanti dhUrjaTim || 68||
stumastvAM R^igyajuHsAmnAM shukrataH parataH param |
yasya vedAtmikAj~neyamaho gambhIrasundarI || 69||
vidhirAdistathAnto.asi vishvasya parameshvara |
dharmagrAmaH pravR^itto yastvatto na sa kuto bhavet || 70||
namaste bhavasambhrAntabhrAntimudbhAvya bhindate |
j~nAnAnandaM cha nirdvandvaM deva vR^itvA vivR^iNvate || 71||
yasyAH prApyeta paryantavisheShaH kairmanorathaiH |
mAyAmekanimeSheNa muShNaMstAM pAtu naH shivaH || 72||
vairAgyasya gatiM gurvIM j~nAnasya paramAM shriyam |
naiHspR^ihyasya parAM koTiM bibhratAM tvaM prabho prabhuH || 73||
brahmaNo.api bhavAnbrahma kasya neshastvamIshituH |
jagatkalyANakalyANaM kiyattvamiti vetti kaH || 74||
kimanyairbandhubhiH kiM cha suhR^idbhiH svAmibhistathA |
sarvasthAne mamesha tvaM ya uddhartA bhavArNavAt || 75||
jayanti mohamAyAdimalasa~NkShAlanakShamAH |
shaivayogabalAkR^iShTA divyapIyUShavipruShaH || 76||
gAyatryA gIyate yasya dhiyAM tejaH prachodakam |
chodayedapi kachchinnaH sa dhiyaH satpathe prabhuH || 77||
aShTamUrte kimekasyAmapi mUrtau na naH sthitim |
shAshvatIM kuruShe yadvA tuShTaH sarvaM kariShyasi || 78||
vastutattvaM padArthAnAM prAyeNArthakriyAkaram |
bhavatastvIsha nAmApi mokShaparyantasiddhidam || 79||
muhurmuhurjagachchitrasyAnyAnyAM sthitimUhitum |
shaktiryA te tayA nAtha ko manasvI na vismitaH || 80||
duShkaraM sukarIkartuM duHkhaM sukhayituM tathA |
ekavIrA smR^itiryasya taM smarAmaH smaradviSham || 81||
jayanti gItayo yAsAM sa geyaH parameshvaraH |
yannAmnApi mahAtmAnaH kIryante pulakA~NkuraiH || 82||
bhavAniva bhavAneva bhavedyadi paraM bhava |
svashaktivyUhasaMvyUDhatrailokyArambhasaMhR^itiH || 83||
mantro.asi mantraNIyo.asi mantrI tvattaH kuto.aparaH |
sa mahyaM dehi taM mantraM tvanmantraH syAM yathA prabho || 84||
bhArUpaH satyasa~NkalpastvamAtmA yasya so.apyaham |
saMsArIti kimIshaiSha svapnaH so.api kutastvayi || 85||
tadabha~Ngi tadagrAmyaM tadekamupapattimat |
tvayi karmaphalanyAsakR^itAmaishvaryamIsha yat || 86||
kShamaH kAM nApadaM hantuM kAM dAtuM sampadaM na vA |
yo.asau sa dayito.asmAkaM devadevo vR^iShadhvajaH || 87||
mAyAmayamalAndhasya divyasya j~nAnachakShuShaH |
nirmalIkaraNe nAtha tvadbhaktiH paramA~njanam || 88||
nirbhayaM yadyadAnandamayamekaM yadavyayam |
padaM dehyehi me deva tUrNaM tatkiM pratIkShase || 89||
aho nisargagambhIro ghoraH saMsArasAgaraH |
aho tattaraNopAyaH paraH ko.api maheshvaraH || 90||
namaH kR^itakR^itAntAnta tubhyaM madanamardine |
mastakanyastaga~NgAya yathAyuktArthakAriNe || 91||
aishvaryaj~nAnavairAgyadharmebhyo.apyupari sthitim |
nAtha prArthayamAnAnAM tvadR^ite kA parA gatiH || 92||
tvayyanichChati kaH shambho shaktaH kubjayituM tR^iNam |
tvadichChAnugR^ihItastu vahedbrAhmIM dhuraM na kaH || 93||
harapraNatimANikyamukuTotkaTamastakAH |
nameyuH kaM paraM kaM vA namayeyurna dhIdhanAH || 94||
sarvavibhramanirmokaniShkampamamR^itahradam |
bhavajj~nAnAmbudhermadhyamadhyAsIyApi dhUrjaTe || 95||
chitraM yachchitradR^iShTo.api manorathagato.api vA |
paramArthaphalaM nAtha paripUrNaM prayachChasi || 96||
ko guNairadhikastvattastvattaH ko nirguNo.adhikaH |
iti nAtha numaH kiM tvAM kiM nindAmo na manmahe || 97||
kIrtane.apyamR^itaughasya yatprasatteH phalaM tava |
tatpAtumapi ko.anyo.alaM kimu dAtuM jagatpate || 98||
niHsheShaprArthanIyArthasArthasiddhinidhAnataH |
tvattastvadbhaktimevAptuM prArthaye nAtha sarvathA || 99||
namastrailokyanAthAya tubhyaM bhava bhavajjuShAm |
trilokInAthatAdAnanirvinAyakashaktaye || 100||
niHsheShakleshahAnasya hetuH ka iti saMshaye |
svAminso.asIti nishchitya kastvAM na sharaNaM gataH || 101||
bhuktvA bhogAnbhavabhrAntiM hitvA lapsye paraM padam |
ityAshaMseha shobheta shambhau bhaktimataH param || 102||
nAtha svapne.api yatkuryAM brUyAM vA sAdhvasAdhu vA |
tvadadhInatvadarpeNa sarvatrAtrAsmi nirvR^itaH || 103||
jyotiShAmapi yajjyotistatra tvaddhAmni dhAvataH |
chittasyesha tamaHsparsho manye vandhyAtmajAnujaH || 104||
manye nyastapadaH so.api kShemye mokShasya vartmani |
manorathaH sthito yasya seviShye shivamityayam || 105||
sthityutpattilayairlokatrayasyopakriyAsviha |
ekaivesha bhavachChaktiH svatantraM tantramIkShase || 106||
trilokyAmiha kastrAtastritApyA nopatApitaH |
tasmai namo.astu te yastvaM tannirvANAmR^itahradaH || 107||
kR^itrimApi bhavadbhaktirakR^itrimaphalodayA |
nishChadmA chedbhavedeShA kimphaleti tvayochyatAm || 108||
tachchakShurIkShyase yena sA gatirgamyase yayA |
phalaM tadaja jAtaM yattvatkathAkalpapAdapAt || 109||
shreyasA shreya evaitadupari tvayi yA sthitiH |
tadantarAyahR^itaye tvamIsha sharaNaM mama || 110||
aho svAdutamaH sharvasevAshaMsAsudhArasaH |
kutra kAlakalAmAtre na yo navanavAyate || 111||
muhurmuhuravishrAntastrailokyaM kalpanAshataiH |
kalpayannapi ko.apyeko nirvikalpo jayatyajaH || 112||
malatailAktasaMsAravAsanAvartidAhinA |
j~nAnadIpena deva tvAM kadA nu syAmupasthitaH || 113||
nimeShamapi yadyekaM kShINadoShe kariShyasi |
padaM chitte tadA shambho kiM na sampAdayiShyasi || 114||
dhanyo.asmi kR^itakR^ityo.asmi mahAnasmIti bhAvanA |
bhavetsAlambanA tasya yastvadAlambanaH prabho || 115||
shubhAshubhasya sarvasya svayaM kartA bhavAnapi |
bhavadbhaktistu jananI shubhasyaivesha kevalam || 116||
prasanne manasi svAminkiM tvaM nivishase kimu |
tvatpraveshAtprasIdettaditi dolAyate janaH || 117||
nishchayaH punareSho.atra tvadadhiShThAnameva hi |
prasAdo manasaH svAminsA siddhistatparaM padam || 118||
vachashchetashcha kAryaM cha sharIraM mama yatprabho |
tvatprasAdena tadbhUyAdbhavadbhAvaikabhUShaNam || 119||
stavachintAmaNiM bhUrimanorathaphalapradam |
bhaktilakShmyAlayaM shambho bhaTTanArAyaNo vyadhAt || 120||

iti shrImahAmAheshvarAchAryavaryashrIbhaTTanArAyaNavirachitaH
stavachintAmaNiH samAptA |
##
Proofread by PSA Easwaran psawaswaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}