% Text title            : Sudatiproktam Shivarchanopadesham
% File name             : sudatiproktaMshivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 28 madhyArjunamahimAnuvarNanam | 391-407||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sudatiproktam Shivarchanopadesham ..}##
\itxtitle{.. sudatiproktaM shivArchanopadesham ..}##\endtitles ##
(shivarahasyAntargate ugrAkhye)
shivArchanaM kuruShvAdya shivastuShTo bhaviShyati |
vya~NgApi shivapUjA sA kAlena phaladA dhruvam || 391||
sA~NgA chechChivapUjA sA sadyaH sarvaphalapradA |
sA~NgaM yaH kurute bhaktyA shivali~NgArchanaM suta || 392||
sa dharmAdiphalAdhyakSho bhavatyeva na saMshayaH |
yaH pUjayati gaurIshaM li~NgarUpiNamavyayam || 393||
tamevAtiprayatnena saubhagyamanudhAvati |
yataH shivArchanaphalaM bhuktirmuktishcha shAshvatI || 394||
sarvadevottamaH sAmbo bhuktimuktiphalapradaH |
apArakaruNAsindhurdInabandhustamarchaya || 395||
kAlatraye.api duHkhAni na shivArpitachetasAm |
ato vidhivadArAdhyamArAdhaya maheshvaram || 396||
maheshvarashcha duHkhAni na nAshayati te sadA (chettava) |
kaH samartho.aparo devastava duHkhanivAraNe || 397||
sarveShAmapi duHkhAni vinAshayati sha~NkaraH |
sa kiM tvadIyaduHkhAni na nAshayati sha~NkaraH
(shambhurnonashayiShyati) || 398||
sha~NkaraH sha~Nkaro yasmAdataH shaM te prayachCha(dAsya)ti |
sha~NkaraM sAvadhAnena samArAdhaya sAdaram || 399||
vishvAsaM kuru shrutyukte shivali~NgArchane suta |
garbhavAsAdiduHkhAni yAnyanantAni me suta || 400||
kadApi na bhaviShyanti shrImR^ityu~njayapUjanAt |
kuru vishvasya satataM shivali~NgArchanaM mudA || 401||
vishvasya bhAvitabhavAH shambhuM bhaktyA.archayanti ye |
prApnuvanti na te bhUyo yonichakraM durAsadaM (sudurbhagam) || 402||
ayaM suta maduktArthaH shrutyuktArtho na saMshayaH |
shivali~NgArchane nitye sveShTade shrutichodite || 403||
vishvAso na bhavedyasya sa mahApAtakI dhruvam |
mahApAtakayuktAnAM pApinAM duShTachetasAm || 404||
na bhaviShyati vishvAsaH kR^itakarmAnusArataH |
yasya grahA bhaviShyanti pratikUlA durAgrahAH || 405||
tasya nashyati vishvAsaH shivali~NgArchane dhruvama |
shivali~NgArchane yasya vishvAsaH shrutichodite || 406||
sa sarvasho bhukti(kta)bhogaH prayAti shivasannidhim |
anukUlA grahA yasyAnugrahAdgirijApateH || 407||

|| iti shivarahasyAntargate sudatiproktaM shivArchanopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 28 madhyArjunamahimAnuvarNanam | 391\-407||
##
- .. shrIshivarahasyam . ugrAkhyaH saptamAMshaH . adhyAyaH 28 madhyArjunamahimAnuvarNanam . 391-407..

Notes:
Sudati ##sudati## delivers Upadeśa ##upadesha## to her son about merits of worshiping Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}