% Text title            : Sunagarena Shivarchane Ghritakambalarpanakathanam
% File name             : sunAgareNashivArchaneghRRitakambalArpaNakathanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 200-228||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sunagarena Shivarchane Ghritakambalarpanakathanam ..}##
\itxtitle{.. sunAgareNa shivArchane ghR^itakambalArpaNakathanam ..}##\endtitles ##
(shivarahasyAntargate ugrAkhye)
sunAgaraH (uvAcha) \-
asitAyAH sitAyAshcha dhenorghR^itamanuttamam |
sampAdanIyaM yatnena ghanIbhUtaM cha shodhitam || 200||
taddhR^itaM tulayottIrNaM prasthaM sArdhashatatrayam |
tadardhaM vA tadardhaM vA sAyaM neyaM shivAlaye || 201||
ghR^itenAnyena deveshamabhiShichya maheshvara |
ghanIbhUtaM ghR^itaM deyaM tataH sha~Nkaramastake || 202||
tatastilaiH sarShapaishcha bilvapatraishcha komalaiH |
hemapadmaishcha deveshaH pUjanIyo maheshvaraH || 203||
dhUpadIpAdikaM deyaM tato naivedyamAdarAt |
tato nIrAjanaM datvA deyaH puShpA~njalistataH || 204||
pradakShiNanamaskArAn kR^itvA cha tadanantaram |
shaivaM pa~nchAkSharaM japtvA shivAyaitannivedayet || 205||
tato jAgaraNaM kAryaM shivasmaraNapUrvakam |
rAtrirneyA prayatnena mahAdevakathAdibhiH || 206||
tataH prAtaH samutthAya kR^itvA snAnAdikaM tataH |
pUjanIyo mahAdevo ghR^itasechanapUrvakam || 207||
bhojanIyAstataH shaivA bhakShyairbhojyaishcha yatnataH |
tataH svayaM cha bhoktavyaM bandhubhiH saha sAdaram || 208||
anena tava dAridyaM nAshameShyati sarvathA |
bhogAMshcha vipulAnbhuktvA shivalokaM gamiShyasi || 209||
gautamaH uvAcha
ityuktastena sa shive chakAra ghR^itakambalam |
tataH prApa sa chaishvaryamakShINavR^iddhisaMyutam || 210||
ratnaprAsAdasaMyuktA gR^ihAstena vinirmitAH |
vedikAH kAritAstena navaratnojjvalAH shubhAH || 211||
nikShepA bahavo labdhAsteneshasya prasAdataH |
tasya sArdhaMshataM putrA babhUvuH shivatatparAH || 212||
idaM sarvaM samAlokya mahadaishvaryamutkaTam |
samastabhogasampanno hR^iShTachitto babhUva saH || 213||
sa mAghamAsi yatnena sakuTumbo maheshvaram |
nityaM samarchayAmAsa sAdhanairvividhairapi || 214||
adhashchakAra dhanadamaishvaryeNa sukhena cha |
tenaishvaryeNa santuShTo babhUva shivatatparaH || 215||
pratisaMvatsaraM chApi mAghamAse sa shA~NkaraH |
chakAra putrapautrAdyaiH shambhave ghR^itakambalam || 216||
tataH pravavR^idhe bhUri dravyaM mAnAtigaM punaH |
prAsAdaH kAritastena ratnastambhavirAjitaH || 217||
tasmin shivAlaye tena li~NgaM ratnamayaM shubham |
sthApitaM vidhivattatra bahudravyavyayAnmudA || 218||
kR^itAni tena dAnAni bahUni shivamandire |
tadA suvarNadAnAni godAnAni cha sAdaram || 219||
kR^itAni sha~NkaraprItyai shA~Nkarebhyo visheShataH |
ghR^itAktaparamAnnena sampUjya parameshvaram || 220||
sharkarAmadhudugdhAnnaiH pUjayAmAsa sha~Nkaram |
ayutaM shivabhaktAshcha bhojitAH pratyahaM mudA || 221||
atithIn pUjayAmAsa bhojayAmAsa chAdarAt |
kadAchittadgR^ihaM prAptAH shaivAH sa~NkhyAtigAH nishi || 222||
dR^iShTvA tAn bhasmadigdhA~NgAn hR^iShTachitto babhUva saH |
tatastAnbhojayAmAsa svAdvannairghR^itapAchitaiH || 223||
dadau sa dakShiNAtvena ratnAni cha dhanAni cha |
evaM bhuktvA.akhilAnbhogAnkR^itvA cha shivapUjanam || 224||
dehAnte sa shivaM prApa ghR^itakambalasevayA || 225||
agastyaH (uvAcha)
ityuktaH sa sumedhAshcha gautamena mahAtmanA |
chakAra mAghe samprApte shivAya ghR^itakambalam || 226||
aishvaryaM chApi samprApa sarvaM sha~NkarapUjayA |
bhuktvA cha bhogAnsakalA~nChivasAyujyamApa cha || 227||
ato yatnena kartavyaM maheshe ghR^itakambalam |
bhogAnmokShechChayA vipra satyaM satyaM na saMshayaH || 228||

|| iti shivarahasyAntargate sunAgareNa shivArchane ghR^itakambalArpaNakathanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 200\-228||
##
- .. shrIshivarahasyam . ugrAkhyaH saptamAMshaH . adhyAyaH 26 kumbhaghoNamahimAnuvarNanam . 200-228..

Notes:
Sunāgara ##sunAgara## explains the procedure of offering Ghṛtakambalam ##ghR^itakambalam## during Māgha māsa ##mAgha mAsa## for worship of Śiva ##shiva##. Ṛṣi Gautama ##R^iShi gautama## and Ṛṣi Agastya ##R^iShi agastya## summarize the merits of the same earned by Sunāgara ##sunAgara## and his lineage.
Ghṛtakambalam ##ghR^itakambalam## procedure finds detailed mention in the Adhyāyaḥ 26 ##adhyAyaH 26## of ŚivaRahasyam Saptamāṁśaḥ ##shivarahasyam saptamAMshaH## and in the Kāmika Āgama ##kAmika Agama##.
The Adhyāyaḥ 26 ##adhyAyaH 26## of ŚivaRahasyam Saptamāṁśaḥ ##shivarahasyam saptamAMshaH## has several other details about Śivapūjāsādhanāni ##shivapUjAsAdhanAni##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}