% Text title : Ujjayini Mahakala Mahima by Maheshvara % File name : ujjayinImahAkAlamahimAmaheshvaraproktA.itx % Category : shiva, shivarahasya % Location : doc\_shiva % Proofread by : Ruma Dewan % Description/comments : shrIshivarahasyam | bhargAkhyaH panchamAMshaH | adhyAyaH 1| 18-90|| % Latest update : June 18, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ujjayini Mahakala Mahima by Maheshvara ..}## \itxtitle{.. maheshvaraproktA ujjayinImahAkAlamahimA ..}##\endtitles ## vakShyAmi mahimAnaM te setihAsaM maheshvari | kathAM kaluShachittAnAM nishsheShakaluShApahAm || 18|| ujjayinyAM mahAkAlakShetramastyekamuttamam | tatra li~NgaM mamAstyekamasheShasurapUjitam || 19|| talli~NgadarshanAdeva pApavR^indaM vinashyati | talli~NgadarshanaM prAtaH sarvapuNyaphalapradam || 20|| shakrAdibhirlokapAlaiH sevitaM parayA mudA | brahmaviShNvAdibhirdevairmunIndrairakhilairapi || 21|| gaNeshvaraistathA rudraiH mAghyairvasumarudgaNaiH | siddhavidyAdharairnAgaiH yakShakimpuruSharapi || 22|| nadInadamamudraishcha parvatendraishcha sevinam | apsarobhiH kinnarImI rudrakanyAbhirAdarAt || 23|| vaikhAnasairvAlakhilyaidvijeH parNAmbubhojanaiH | kAmadhenugaNaishchaiva sravatpashchAmR^itaiH sadA || 24|| airAvatakulotpannairnAgairbhadramR^igaistathA | uchchairuchchashravaH prakhyairashvairashvapatipriyaiH || 25|| tatra mandArataravo marandasumavR^iShTayaH | tatra bilvorutaravo mUlali~NgopashobhitAH || 26|| svachChandaiH ChAdayantyete sUryAMshu li~Ngamastake | svapANDupatrapatanaiH pUjayanti maheshvaram || 27|| nAnAvAditraghoShaishcha baghirIkR^itadiktaTA | kurvanti gaNapA nityaM shrImaheshasya sannidhau || 28|| nR^ityantyapsaraso nityaM rAgabhAvalayAnugAH | nAradapramukhA nityaM vishvAvasuhahAhuhUH || 29|| gAyanti rudravINAbhiH shivanAmAni sAdaram | nandiprotsAritAnekasvarNavetrakasha gaNAH || 30|| durIkurvanti janatAM maheshadvAri sarvadA | praNamanti sureshAdyA mahAkAlaM maheshvaram || 31|| mahAli~NgAkR^itiM shambhuM bilvAla~Nkanamastakam | mahAbhuja~NgA~NgadharaM ga~NgAdharamanuttamam || 32|| tripuNDrachandrarekhotthakalAkalitashekharam | karpUratilakAnekadIpamAlAvirAjitam || 33|| divyagoghR^itasampUrNadIpapAtrashatAvR^itam | kR^iShNAgarUtthasAmrANidhUpairghumughumAntaram || 34|| prAtaHsa~NgavamadhyAhnasAyaM nishi maheshvaram | praNamanti prastuvanti surAsuramunIshvarAH || 35|| kechidrudraiH stuvantIshaM kechit sAmabhirIshvaram | R^igmishchAchAtharvaNaishchaiva stutibhirmunisattamAH || 36|| pradakShiNaparAshchAnye luThantaH sha~NkarAlaye | praNamanti cha saShTA~NgaM munayo bhaktitatparAH || 37|| uchchairhara suresheti mahAdeveti sAdaram | nR^ityanti sAshrunayanAH karatADanapUrvakam || 38|| koTishaH santi munayaH shivali~NgaikapUjakAH | bhasmarudrAkShavItA~NgAH shivaikasharaNAH sadA || 39|| kShiprA nAma nadI tatra kShipraM pAtakanAshinI | tasyAstIre bilvamUle shaivali~NgArchanapriyAH || 40|| vasanti tatra niyatAH shivanaivedyabhojanAH | tava rAjA mahAnAsIdujjayinyAM mahAbalaH || 41|| tigmAMshuvaMshasambhUto nAmnA chitraratho yuvA | tasyeyaM pR^ithivI sarvA vittapUrNA.abhavat sadA || 42|| tasya dArA mahodArA mArasyApi manoharAH | shatAdhikaM cha dashakaM sunAsaM pa~NkajAnanam || 43|| surathAdyaM putrashataM tataste saurathAH smR^itAH | kShayadvIrarathAH sarve shatamuttamadhanvinaH || 44|| tasya koshasya neyattA tasyAsan ratnaparvatAH | tiraskaroti dhanadaM dhanAdhipasakhArchanAt || 45|| tasyAsan vAjimAta~NgagogaNAnAM cha koTayaH | saubhAgyairvividhairIshaM sabhAgyaH pUjayan nR^ipaH || 46|| mahAkAlArchanaparaH kAlabhItivivarjitaH | tasyAsanmantriNaH sarve shAmbhavA eva kevalam || 47|| ashAmbhavo na kopyasti tasmin rAjani shAmati | bhasmarudrAkShasampannaH shivali~NgArchane rataH || 48|| ashAmbhavaM naraM vApi dvijaM vApi nR^ipotamaH | sa kopitaH shirastasya ChetsyatyevAtivegataH || 49|| sadA nR^ipabhayAt sarve shAmbhavAstanmate sthitAH | tatputrAstatkalatrANi gajavAjinarA api || 50|| bhasmatripuNDrarudrAkShamAlAla~NkR^itavigrahAH | mahAkAla mahAdeva chandrachUDeti vAdinaH || 51|| tatkalatrANi sarvANi vINAvAdanatatparAH | mahAkAlAlaye nityaM tA nR^ityanti layAnugAH || 52|| tatkaNThagItamAdhurya shArikAshcha pikAdayaH | vilajjitA vanagatAH kokilAH svakulaiH saha || 53|| devA~NganApi muhyanti tadgAtashravaNotsukAH | mR^igAshcha pa~nchavaH sarve sR^imarAshchamarA api || 54|| na vAtaprasarastatra mahAkAlAlaye tadA | sa rAjA tatkalatrANi tatputrAshcha mudAnvitAH || 55|| dR^iShTvA maheshali~NgaM tanmahAkAlasya sAdaram | bhasmatripuNDrarudrAkShamAlAbhiH samala~NkR^itaH || 56|| hArodAramahAgAnaM nATyamatyuttamottamam | pashyannAste sa bhUpAlaH kAmuka kAminImiva || 57|| tadgAnAmR^itadhArAbhiH sudhAdhikkAribhirnR^ipaH | shivanAmAnusandhAnaM kurvannAste prahR^iShTadhIH || 58|| shAmbhavairmantribhiH sArdhaM vR^iddhairmunigaNairapi | tenorubilavataravaH sthApitaH sha~NkarA~NgaNe || 59|| tanmUle bANali~NgAni sthApayAmAsa vai nR^ipaH | li~NgAni pUjayetyAshu bilvapatraiH pratikShaNam || 60|| shAmbhavaiH saha saMlApaM karotyeva sa bhUpatiH | shaivImeva kathAM nityaM shR^iNotyeva sadA nR^ipaH || 61|| shAmbhavA bhojitAstena shivanaivedyarAshibhiH | tadgR^ihe shivanAmAni sadA gAyanti gAyanAH || 62|| shukAshcha shArikAstatra pAhi shambho shiveti cha | vadanti prItivAkyAni shaivAnyevAtha patriNaH || 63|| nR^ityanti cha mayUgaste shivali~NgAgratastadA | svapakShadhUnanavyAjaiH shaivAn khinnAn patatriNaH || 64|| bIjayanti sadA hR^iShTashcha~nchubhiH kaNDunAshakAH | bilvavR^ikSheShu satataM nivasanti sadANDajAH || 65|| gorasApArapUraishcha mahAkAlamasechayat | phalasAraishcha vividhaiH pUjayAmAsa sha~Nkaram || 66|| gandhakarpUrapATIramR^iganAbhidravaiH shubhaiH | lepayAmAsa deveshaM sugandhairyakShakardamaiH || 67|| anarghyamR^idusauvarNadukUlairatasIbhavaiH | veShTayAmAsa vimalairnAnAvarNairnR^ipottamaH || 68|| shvetakR^iShNAgarUtyaishcha dhUpairdevamadhUpayat | kapilAgoghR^itApAradIpaiH karpUrakhaNDanaiH || 69|| dIpayAmAsa vishveshamAsAyAdudayaM nR^ipaH | taddIpaprabhayA lokA dIpitAste chaturdasha || 70|| atyujjvala mahAratnabhUSharNairnavatnajaiH | niShTapsahemakhachitairbhUShayAmAsa sha~Nkaram || 71|| navaratnAnekakR^itaM golakaM li~Ngamastake | dApayAmAsa nR^ipatirbhuja~NgaphaNasaMvR^itam || 72|| sa lakShavilatrapatraishcha pUjayAmAsa sha~Nkaram | sitaraktaistathA padmaiH phullasaugandhikaiH shivam || 73|| punnAganAgavakulaichampakaiH karavIrakaiH | sa lakShaiH pUjayAmAsa mahAkAlamaharnisham || 74|| nIlotpalasahasrADhyAM mAlAM li~Nge prakalpayat | naivedyagirayastena kalpitAH koTisho.ambike || 75|| apUpagirayastena sUpapAyasakardamAH | dadhikShIrapravAhaishcha sopadaMshanagaistadA || 76|| khadirAsAratakkolasujAtIphalapatrakaiH | lava~NgailAshuNThiyuktaiH karpUrakramukaistathA || 77|| muktAchUrNasamAyukanAgavallIdalArpaNaiH | ratnachChatrairapAraishcha chAmarairvyajanairapi || 78|| vyajanairvIjayA~nchakre ChatrairAchChAdavachChivam | haMsakalpaishchAmaraudhairdudhAva jagadIshvaram || 79|| dundubhipramukhAnekamR^ida~NgAnakagomukhaiH | sha~NkhakAhalanirghoShairmahAkAlamaghoShayat || 80|| nAnAppurogaNAstena nATyArtha shivamandire | kalpitAstena bhUpena niShkakaNThyo varA~NganAH || 81|| evaM pratidinaM rAjA mahAkAlArchane rataH | tasya nAnyatkR^ityamasti shivachitto mahIpatiH || 82|| dArodArakumAraishcha vasanyeva shivAlaye | bhojayAmAsa naivedyaiH shAmbhavAneva koTishaH || 83|| tadrAjye sarvathA sarve shivanaivedyabhojanAH | pavitragAtrAstenaiva trinetrapriyakR^ittamAH || 84|| tadrAjyamamivR^iddhaM syAt tatmantripravaraitam | chAturvarNyaM shAmbhavAMshcha prajApatiriva prajAH || 87|| shashAsa nihatArAtiH purArAtiprasAdataH | saMsArachintAvirato nirataH shivapUjane || 86|| naivedyaiH shivatarpitairaghaharaiH sampUjya shaivAnnR^ipaH sArdhaM putrakalatrasahito.avAtsIt sadA kAmade | kShetre.asminsatataM maheshakathA shrIkAlakAlArchanaM kurvannirmalachittametadadhunA saMsAravArtAlasam || 87|| vadantyeva bhAvAH shive saktabhAvAH bhave tyaktabhAvA nR^ipe harShabhAvAH | gatAna~NgabhAvAH sadA bhaktibhAvAH mahAdhairyamAvA vasantyeva bhAvAH || 88|| shivaM kalimalotthinaprabalatApapApAnalaiH vidagdhatanumAnamAH smaraharaM na chArchanti ye | madanyasurapAmarAn harividhIndrapUrvAmarAn sadA muhurananyadhIH smarati bhAgyahIno naraH || 89|| shivanaivedyamapArapuNyalabhyaM nahi labhyaM satataM shivadruhA | rajatAdrinivAsabhaktibhuktau matirujjAyati sha~NkaraprasAdAt || 90|| || iti shivarahasyAntargate shivagaurIsaMvAde maheshvaraproktA ujjayinImahAkAlamahimA || \- || shrIshivarahasyam | bhargAkhyaH pa~nchamAMshaH | adhyAyaH 1| 18\-90|| ## - .. shrIshivarahasyam . bhargAkhyaH panchamAMshaH . adhyAyaH 1. 18-90.. Notes: Shiva describes to Devi; the glory of Ujjain at the banks of river Kshipra, where King Chitraratha built the temple for Mahakala. The shloka numbers are maintained per the referenced source text Proofread by Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}