% Text title            : Rishigautamaproktam Umamaheshvarabahyapyupacharapujavarnanam
% File name             : umAmaheshvarabAhyApyupachArapUjAvarNanam.itx
% Category              : shiva, shivarahasya, pUjA
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 22| 208-248||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishigautamaproktam Umamaheshvarabahyapyupacharapujavarnanam ..}##
\itxtitle{.. R^iShigautamaproktaM umAmaheshvarabAhyApyupachArapUjAvarNanam ..}##\endtitles ##
(shivarahasyAntargate ugrAkhye)
gautama uvAcha
tataH puShpANi sa~NgR^ihya shivamAvAyechChivAm |
mahAdeva kR^ipAsindho vishvavandyapadAmbuja || 208||
AvAhayAmi devesha prasIda parameshvara |
lakShmyAdidevavanitApariShevitapAduke || 209||
AvAhayAmi deveshi prasIda parameshvari |
gR^ihANa soma vishvAtmannAsanaM ratnanirmitam || 210||
anantAsana vishvesha karuNAsAgara prabho |
ume somasamAshliShTe somArdhakR^itashekhare || 211||
nAnAratnasamAkIrNamAsanaM pratigR^ihyatAm |
arghyaM gR^ihANadevesha sapuShpaM gandhasaMyutam || 212||
shivAnantaguNagrAma sarvAbhIShTapradAyaka |
gR^ihANArghyaM shive nityaM sarvAvayavashobhini || 213||
shivapriye shivAkAre nityaM bhaktavaraprade |
pAdyaM gR^ihANa gaurIsha hemapAtrasthitaM navam || 214||
gR^ihANa devi pAdyaM tvaM vedavedAntasaMstute |
gR^ihANAchamanaM shambho kalpitaM nirmala prabho || 215||
nirmale nirmalAkAre gR^ihANAchamanIyakam |
madhuparkaM gR^ihANesha sachchidAnandavigraha || 216||
madhuparkapradAnena prIto bhava maheshvara |
madhuparkamidaM devi svIkuru priyasha~Nkare || 217||
madhuparkapradAnena prItA bhava sushobhane |
shiva shambho.amR^itasnAnaM svIkuruShva kR^ipAnidhe || 218||
sarvatIrthamaya svAmin sarvapAvanapAvana |
shive pa~nchAmR^itasnAnaM svIkR^iruShva shivapriye || 219||
sR^iShTatIrthottame shuddhe tIrtharAjaniShevite |
shambho shuddhodakasnAnaM svIkuruShva surottama || 220||
prasIda kR^ipayA bhaktaM pAhi mAM pArvatIpate |
shive shuddhodakasnAnaM gR^ihyatAM mInalochane || 221||
prasIda devi dInaM tvaM pAhi mAM sharaNAgatam |
sottarIMyaM sa~NgrahANa dukUlamidamuttamam || 222||
pAhi pAhi kR^ipAsindho karuNAvaruNAlaya |
sottarIyaM gR^ihANedaM dukUlaM sha~Nkarapriye || 223||
prasIda pAhi mAM dInamananyasharaNaM shive |
upavItaM gR^ihANesha shambho chandrArdhashekhara || 224||
gR^ihyatAmupavItaM yannavatantuvinirmitam |
devi devAdhideveshi yathAshaktyupakalpitam || 225||
gR^ihANa chandanaM deva nAnAgandhopakalpitam |
prasIda pArvatInAtha sharaNAgatavatsala || 226||
gR^ihANa chandanaM devi kastUrIku~NkumA~nchitam |
vishvaM vishvAtmike pAhi vishvanAthapriye sadA || 227||
gR^ihANAbharaNAnIsha nirIsha nigamAshraya |
vishvAbharaNa vishvesha ratnAbharaNabhUShita || 228||
gR^ihANAbharaNAnyamba sarvAbharaNabhUShite |
sarvapriye jagadvandye jagadAnandade shive || 229||
gR^ihANa bilvapatrANi puShpANi cha maheshvara |
sugandhIni navAnIsha sabilvakusumapriya || 230||
gR^ihANa bilvapatrANi nUtanAni shivapriye |
nAgapunnAgamandAramAlikAsamala~NkR^ite || 231||
dashA~NgaM gugguluM dhUpaM sagoghR^itamanuttamam |
gR^ihANa pArvatInAtha ghrANatarpaNamAdarAt || 232||
dashA~NgaM gugguluM dhUpaM sagoghR^itamanuttamam |
gR^ihANa bhaktavarade lakShmIvANyAdisevite || 233||
sAjyaM trivartivisphUrjaddIpaM shiva shivApate |
gR^ihANAnantasUryAgnichandraprabha namo.astu te || 234||
sAjyaM trivartivispUrjaddIpamIshAnavallabhe |
gR^ihANa chandrasUryAgnimaNDalAdhikasuprabhe || 235||
shambho goghR^itasaMyuktaM paramAnnaM manoharam |
sasharkaraM gR^ihANesha nityatR^ipta maheshvara || 236||
shive govR^itasaMyuktaM paramAnnaM manoharam |
sasharkaraM gR^ihANAmba paramAnnapradAyini || 237||
shambho gR^ihANa gandhADhyamidamAchamanIyakam |
nivedanAnte devesha kalpitaM shuddhavigraha || 238||
shive gR^ihANa gandhADhyamidamAchamanIyakam |
shuddhe shuddhiprade devi shivavAmA~NgarUpiNi || 239||
nIrAjanaM gR^ihANesha bahudIpavirajitam |
svaprakAsha prakAshAtmanprakAshitadigantara || 240||
nIrAjanaM gR^ihANAmba sUryachandrAgnilochane |
prabhApUrita (sampUrNa) sarvA~Nge ma~Ngale ma~NgalAspade || 241||
shambho gR^ihANa tAmbUlamelAkarpUrasaMyutam |
prasIda bhagavan shambho sarvaj~nAmitavikrama || 242||
shive gR^ihANa tAmbUlamelAkarpUrasaMyutam |
prasIda sasmite devi shivAli~Ngitavigrahe || 243||
gR^ihANa parameshAna saratne ChatrachAmare |
darpaNaM vyajanaM chesha sarvaduHkhavinAshaka || 244||
gR^ihANeme surArAdhye saratneChatrachAmare |
darpaNaM vyajanaM chAdye vidyAdhAre namo.astu te || 245||
pradakShiNanamaskArAngR^ihANa parameshvara |
nartanaM cha mahAdeva nATyapriya namo.astu te || 246||
pradakShiNanamaskArAngR^ihANa parameshvari |
nartanaM cha mahAdevi shivanATyampriye shive || 247||
evaM prayatnataH kR^itvA shivayoHpUjanaM shivam |
shivaM shivAM cha yatnena punaH sampUjayetpunaH || 248||

|| iti shivarahasyAntargate R^iShigautamaproktaM umAmaheshvarabAhyApyupachArapUjAvarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 22| 208\-248||
##
- .. shrIshivarahasyam . ugrAkhyaH saptamAMshaH . adhyAyaH 22 . 208-248..

Notes:
Having described about the UmāMaheshvara Dhyānam ##umAmaheshvara dhyAnam## as part of the UmāMaheshvara Vrata ##umAmaheshvara vrata##, Ṛṣi Gautama ##R^iShi gautama## further elaborates about the UmāMaheshvara Pūjā ##umAmaheshvara pUjA## by external means.
In this Chapter 22, Ṛṣi Gautama ##R^iShi gautama## further details about the UmāMaheshvara AṅgaPūjā ##umAmaheshvara a~NgapUjA## with mantra ##mantra##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}