% Text title            : Umanandabhairavastutih
% File name             : umAnandabhairavastutiH.itx
% Category              : shiva, stuti
% Location              : doc\_shiva
% Transliterated by     : Durga Sharma
% Proofread by          : Durga Sharma
% Latest update         : JUne 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Umanandabhairavastutih ..}##
\itxtitle{.. shrIumAnandabhairavastutiH ..}##\endtitles ##
namAmyumAnandamaheshamIDyaM
nIlAchalAntaHsthitadivyatejaH |
yaH shaktisaundaryasudhApravAhaiH
pUrNaM jagadbhAti sadaikamUrtiH || 1||
umAsamAli~NgitavAmabhAgaM
AnandasindhoH paramaM niketam |
bhaje bhavaM bhAvavibhAvanADhyaM
bhavAbdhipArapradamIshvaraM tam || 2||
namaste devadevesha kAmarUpavihAriNe |
yoginIhR^idayAvAsa umAnanda namostu te || 3||
tvaM nAdarUpaH praNavasvarUpaH
tvaM bindurUpaH parachinmayashcha |
tvattaH samutpadyate vishvametat
tvayyeva sarvaM vilayaM prayAti || 4||
nIlAmbudashyAmatanuM trinetraM
chandrArdhachUDaM smitachAruvaktram |
vyAghrAjinAla~NkR^itadivyadehaM
vande sadAnandamumApatiM tam || 5||
yasya smitena prasR^itAH kalAstAH
yasyekShaNAdutthitamaNDalAni |
yasya spR^ishA jIvitametadAkhyaM
taM vishvanAthaM sharaNaM vrajAmi || 6||
umAyAH karapallavasparshajAta\-
sudhAsArasaMsiktachittaprakAsham |
anantapramodapravAhaikamUrtiM
bhaje.ahaM sadA shrIumAnandanAtham || 7||
kAmAkhyayA saha sadaiva ramyaM
kAmeshvaraM kAmakalaikamUlam |
kAmapradaM kAmavinAshanaM cha
bhaje maheshaM hR^idaye prasannam || 8||
kailAsashR^i~Nge yadi vA smashAne
yogIndramadhye yadi vA guhAyAm |
samaM vibhAtyekarasaH shivo.ayaM
umAnandarUpeNa nirantaraM saH || 9||
tvaM kAlakAlaH paripUrNashAntaH
tvaM j~nAnadIpo hR^idi yoginAM vai |
tvaM muktidAtA bhavabandhahartA
tvaM sarvadeveShvadhidevadevaH || 10||
na bhedamichChasi na chApi mAnaM
na yaj~navistAramapekShase tvam |
bhaktasya shuddhaM hR^idayaM nirIkShya
kR^ipAmR^itaM varShayasi prasannaH || 11||
namo bhairavabhUShaNAya namo yogIshvarAya cha |
namo j~nAnasvarUpAya umAnandAya te namaH || 12||
namo nIlAchalAdhIsha namo yogapradAyaka |
namo vishvaikanAthAya namo.anandasvarUpiNe || 13||
yadA na sUryo na shashI na vahniH
na nAmarUpaM na dishA na kAlaH |
tadA prakAshaH paramo vibhAti
sa eva devo hyumAnandarUpaH || 14||
bhavArNave majjati yo manuShyaH
kleshairviShAdairbahubhirvipannaH |
smaredumAnandapadAbjayugmaM
kShaNena shAntiM paramAM labhet saH || 15||
jaya deva jagannAtha jaya Anandaraseshvara |
jaya kAmAkhyayA sArdhaM nityalIlAvihAraka || 16||
idaM stavaM yaH paThati prabhAte
bhaktyA samAyuktamanAH prasannaH |
sa j~nAnamAyushcha yashashcha lakShmIM
labhet prasAdAdumAnandadevAt || 17||

|| iti shrIumAnandastutiH sampUrNA ||

##

Encoded and proofread by Durga Sharma

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}