% Text title : Shivagaurisamvade Upanishadlingakathanam % File name : upaniShallingakathanam.itx % Category : shiva, shivarahasya, upanishhat, upaniShat % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mAheshvarAkhyaH prathamAMshaH | adhyAyaH 59 - shivagaurIsaMvAde upaniShalliNgakathanam | vAvRittashlokAH || % Latest update : December 17, 2023 % Send corrections to : sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivagaurisamvade Upanishallingakathanam ..}## \itxtitle{.. shivagaurIsaMvAde upaniShalli~Ngakathanam ..}##\endtitles ## IshvaraH \- ahamIshashcha jIvo.ahamityaha~NkAramAninau | tAveva haribrahmANau tali~NgAdarshakau shive || 1|| tanmaulimUlaM cha surau so.aha~NkAraH prakIrtitaH | ahaM mAnAbhipannAnAM nAsti tatpUjanaM shive || 2|| Isho.ahaM brahma paramaM vAchyavAchakavarjitam | dhyAyan svAtmaikyavij~nAnamahAnandAmbumagnadhIH || 22|| sadAshivo.ahamasmIti tannirnodakapAnakR^it | evamAtmamahAli~NgapUjA te kathitA shive || 34|| evaM pUjayato nityaM pUjyapUjAvivarjitaH | pUjakaH pUjyatAmeti sadAli~Ngamayobhavet || 35|| na pUjAnali~NgaM na chopAsanAdi na vedAntadhArArasAsvAdanaM hi | na vedaprachArottharmaidhakajAlesshivematprasAdaikalabhyaM kiledam || 36|| na cha prANakoshaM na chAnandakoshaM na vij~nAnakoshaM na chAnnAdikosham | na chANurna dIrghaM na baddhaM na muktaM na cha dvaitamekaM tvanIshaM paraM cha || 37|| (na chANurna dIrghaM na baddhaM na muktaM na cha dvaitamekaM sadeshaM maheshaM) || 37|| na cha vyApakaM deshakAlAdihInamavasthAdihInaM tvali~NgaM rasAdi (guNadi) | guNAtItamekaM chidAnandarUpaM ghanaM chApyakhaNDaM sadAkhaNDiteShu || 38|| manovAgatItaM tvanAdiM cha sUkShmaM sadA shuddhabuddhaM tvasa~NgaM mahA~Ngam | sadA li~Ngasa~NgaM tvali~NgaM sutu~NgaM nabhassvAntara~NgaM janAnAmasa~Ngam || 39|| na puNyaM na pApaM na tajjanmanAshe na chintA nachArtirna tallobhamohau | na vA deshiko naiva shiShyastadevaM na vedAntavAdairdurApaM sadApam || 40|| sahasrAsyahastaM sahasrorupAdaM tadevAdhunA pANipAdAsyahInam | tathAgandhamekaM rasaishchApi hIna masaMsparshakaM ghrANajihvAdihInam || 41|| turIyaM tvashIrNaM sharIreShu nityaM vibhu sarvadehAdidharmairvihInam | tathAtmAnamiShTaM kaniShTaM cha jyeShTaM priyaM vastutassarvabhAgeShu yuktam || 42|| tadevAkhilairbhogajAlairvihInaM mahAnandasandohadhAmaikasIma | tadevAsmi li~NgaM tadevAsmi bhUtaM tadetadbhaviShyaM shive vartamAnam || 43|| tadevAkhilAdhArapuchChaM pratiShThaM tadevAdya brahma tadeva tvamIshe | tadeveshi tatvaM sadA tatvamasmItyaha.nbrahmachAsmIti vAkyairdurApam || 44|| tadevAyamAtmeti brahmetyahaM vai sadA brahmabhUto bhavedeva brahma | tadUrdhvaM hyadhasthAttadeveti devi tadeveshi pashchAtpurastAttadeva || 45|| tadevAdya lokAstathAlokalokyA disho bhUtavargaM tathA vedajAlam | surAshchAsurA bhUsurAbhAmuraM tatpraviShTaM samasteShu niShTaM vishiShTam || 46|| kaniShTaM vishiShTaishcha shiShTIrdurApaM sadA lokanetre shivau chApiviShTam | tadIyaprasAdena vAyurddharitrI tathA sUryachandrAdayo vahnayashcha || 47|| vibhAtyasya bhAsaiva lokaM tvasheShaM yadaj~nAnato nityametajjaDaM cha | yadudbodhanenApi sarvaM vibhAti yadAlokane sarvametaddhipashyet || 48|| dR^igetadR^ishau naiva rUpaM tadetanna dR^ishyaM tathAdarshanaM chApi gauri | na tadj~nAnamaj~nAnametadvichitraM na sUkShmaM na cha sthUlamaNvAdihInam || 49|| na tatki~ncha kenApi pashya~ncha jighraM na cha sparshagandhAdishabdAdihInam | tadetatsurANAM hR^idisthaM guhAsthaM na hi prANavAchAM manasto.api dUram || 50|| na cha strI na puMshcha na hi klIbametadyadA kena kAryeNa yuktaM hi taddhi | na bAlaM yuvA vai na vR^iddhaM na dIrghaM na cha hrasvadIrghaM na kR^iShNaM na pItam || 51|| na vai vartulaM naiva tadvai chatuShkaM nachordhvaM na chAdho na tadvistaraM hi | tadevAdyakhaNDaM na khaNDAdihInaM samastANDagaM vistR^itaM chANDato.api || 52|| na shuShkaM na chArdraM dhanaM vApi devi na ki~nchittadeveha pashyAmi li~Ngam | yato brahmaviShNvindrarudrAH prajAtA yato vA mahAbhUtasa~NghAni devi || 53|| anenaiva jIvanti nityaM sadAste jagajjAlametanmahAlokavargaiH | tathAnte layaM yAti li~Nga tvali~Nge tadetadvijij~nAsasva brahmatvameva || 54|| yenaiva sarvendriyakalpanA tatA rUpa~ncha chakShuH paripashyate tat | tadeva li~NgaM vimalaM prapashya nAnaiva nAsti paridR^ishyate tat || 55|| yadaiva vAksarvarasAMshcha vetti rasAtigaM tatparipashyali~Ngam | tadeva tachChrotravaraM cha divyaM shrAvyaM shR^iNotIdamevAdya li~Ngam || 56|| yadeva chAghrAti sugandhametattadeva li~NgaM paripashya devi | yatraiva tvaksparshamathaiva vetti tadeva li~NgaM mama devi pashya || 57|| yadeva (yanaiva) cha prANiti prANivargaM buddhyAdi yadbodhayate.adya li~Ngam | pANya~NghripAyuprajanAdikeShu visargajAnandachalaM cha dharmam || 58|| talli~Ngametaddhi vijAnate janA mano mano yachcha tadeva li~Ngam | yathaiva nadyassaramANAssamudraM velAtigA nAmarUpe vihAya || 59|| talli~Ngasandarshanato naro bhavennAmAtigo rUpaguNAtigashcha | tadeva li~NgaM dhvanibinduvarNaM mAtrAkalAtItaguNAtiga~ncha || 60|| omomiti prANavarge cha vede vedAntasa~Nge cha vadatyabhIkShNam | IshAnavAsyaM hi tadeva li~NgaM pUrNAttathA pUrNataraM supUrNam || 61|| yadA tamastanna divA na rAtrirna sanna chAsatsadatItali~Ngam | tadakSharaM tatsaviturvareNyaM praj~nA cha tasmAtprasR^itA purANI || 62|| bhAvagrAhyaganIDaM tadbhAvAbhAvakaraM hi tat | kalAsargagataM li~NgaM ye viduste jahustanum || 63|| svabhAvameke vadantIshali~NgaM kAlaM tathAnye parimuhyamAnAH | li~NgasyaitanmahimAnamiti vItashoko j~nAtvA li~NgaM shAntimatyantameti || 64|| yasminli~Nge adhivishve niSheduryasminnidaM sa~nchavichaiti vishvam | yasmAdbabhUva bhuvanasyAsya gopAH praj~nApatirbhUtavargaikakartA || 65|| yali~NgametadbhavanaM vichakrame tasyAMshataH pAdamidaM hi vishvam | aNoraNIyAnmahato mahIyAMstadeva li~NgaM nihitaM guhAyAm || 66|| na praj~naiva cha talli~NgaM nApraj~naM chaitadIshvari | adR^ishyaM chaiva talli~NgamagrAhyaM tatsadaiva hi || 78|| ekAtmapratyayaM li~NgaM prapa~nchopashamaM hi tat | talli~Ngaj~nA ime lokAstalli~Nge lIyate.akhilam || 79|| talli~Nge layanAddevi tajjalAnIti te jaguH | tadvedAdau svaraM li~NgaM vedAnte cha pratiShThitam || 80|| talli~NgaprakR^itaulInAbrahmaviShNumaheshvarAH | tadbrahmatachChivassAkShAttadviShNustadvirAT svarAT || 81|| samrADvishveshi talli~NgaM taddR^ishyaM sUkShmadarshibhiH | hR^idA pashyanti talli~NgaM manasaiva manIShiNaH || 82|| shravaNAyApi talli~NgaM na labdhaM bahubhirishshive | shR^iNvanto.api shive li~NgaM na vidurbahavo.api ye || 83|| Ashcharyavatpashyati kashchidetadAshcharyavachChR^iNute tachchali~Ngam | Ashcharyavadbodhate yaM tathAnye hyAshcharyavatpashyati tachchali~Ngam || 84|| na prANena nApAnena li~NgahIno na jIvati || 85|| ajAmekAM lohitashuklR^ikR^iShNAM bahvIM prajAM janayantIM sarUpAm | ajo li~NgI juShamANo.anushete jahAtyenAM li~NgasaMsthassa AtmA || 86|| talli~NgamAre draShTavyaM shrotavyaM vedaparvataiH | purIshayaM cha talli~NgaM sarvabhUteShu saMsthitam || 87|| kohyevAnyA~nchakaHprANyAlli~NgahInomaheshvari | rasohyeShamahAli~Ngarasa eSho.ambikesadA || 88|| etaddhi paramAnandaM li~NgametatsvayaM prabham || 89|| yasmAtparaM nAparamasti ki~nchidyasmAnnANIyo na jyAyo.asti kishchit | vR^ikSha iva stabdhandivi tiShThati li~NgamekaM tenedaM pUrNaM li~NgabhAsaikasarvam || 90|| li~NgAdvAcho nivartante hyaprApya manasA saha | tadatyatiShThaddeveshi brahmANDordhvA~NgulaM tatam || 91|| tasminbhAti svayaM li~NgaM chandrasUryAgnayo na hi | bhAti tattejasA vyAptaM jagadetachcharAcharam || 92|| yathA kShetraj~navihitaM hi bhUmau guhAhitaM tachcha li~NgaM mahAntam | hiraNyaM na vindanti chordhvaM charantastathedaM prapashyAmbike li~Ngametat || 93|| jAgratsvapnasuShuptIShu yalli~NgaM manasA tatam | tadetadahamiti j~nAtvA li~NgI li~NgAtigo bhaveta || 94|| yathorNanAbhissR^ijate tantujAlaM gR^ihNAti vaktreNa tathAtti sarvam | tathA jagajjAlamidaM hi li~Ngato bhavatyato.ante vilayaM prayAti || 95|| brahmaiva talli~NgamidaM sanAtanaM svavidyayA saMsarate cha muchyate | tadetalli~NgaM tapasA veditavyaM nAnyairdharmaistachcha li~NgaM tvali~Ngam || 96|| tadeva li~NgaM tvavimukte niviShTaM bhUtAtigaM vishvanAthAbhidhaM cha | vArANasyAM bhrUyuge sanniviShTaM yogaiH pashyanti tatra te chotkramanti || 97|| tatraiva teShAM tArakaM chopadeshamo~NkArAdyaM praNavaM brahmamantram | na tasya prANo.anutkramatIva devi talli~Ngasa~NgaM bhavatItyali~Ngam || 98|| daharAdvistaraM tachcha sUryamaNDalamaNDitam | chandrakoTisahasrAbhaM tadR^ishyaM sarvadhA shive || 104|| yogenAtmAnusandhAnairvItamohabhayaissadA || 105|| vedAntavij~nAnasunishchitArthaissanyAsayogairyatibhishshuddhabuddhaiH | teShAmevaitadvirajaM li~NgadhAma prApyaprApteshchAvidUraM shive.adya || 106|| naiShA tarkeNa matirApaneyA kShuropamaM li~Ngametaddhi satyam | R^icho akShare parame tatpraviShTaM sargAdihInaM mahAli~Ngametat || 107|| surAdyairdurApaM tathAyogibhiH karmabhishchApyavashyam | talli~NgatyAgena sarvadhA vItamoho bhavatyavashyaM shrutiguhyametat || 108|| yo nAvirato dushcharatitAnnAshAnto nAsamAhitaH | tasyaitaddurlabhaM li~NgamAsaktasyaiva sarvagam || 109|| yeShAM na jihmamanR^itaM sadaiva teShAM li~NgaM hR^idi bhAtyeva shAntam | ato li~NgaM pUjayedAtmakAmo na kAmakAmI li~NgapUjAdhikArI || 110|| etadarthaM gUDhatamaM maheshi nAnye vindanti j~nAnaniShThA hi bhUyaH | na vA deshiko naiva shiShyaH kadAchinna pUjA na pUjyo na vA pUjakatvam || 111|| svadoShAtpradoSho.api nAstyeva li~Nge jagannaiva sheShaM visheShAdbhavAni | mahAsheShabhUShAvisheSho.apinAtra sadoShAkarApAramaulirna chaiva || 112|| || iti shivarahasyAntargate mAheshvarAkhye shivagaurIsaMvAde upaniShalli~Ngakathanam || \- || shrIshivarahasyam | mAheshvarAkhyaH prathamAMshaH | adhyAyaH 59 \- shivagaurIsaMvAde upaniShalli~Ngakathanam | vAvR^ittashlokAH || ## - .. shrIshivarahasyam . mAheshvarAkhyaH prathamAMshaH . adhyAyaH 59 - shivagaurIsaMvAde upaniShallingakathanam . vAvRRittashlokAH .. Notes: Śiva ##shiva ## reveals to Devī ##devI##, the mysteries and subtleties of worship of Śivaliṅga ##shivali~Nga##.## ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}