% Text title            : Virabhadraprati Shivajnakathanam
% File name             : vIrabhadrapratishivAjnAkathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 12-34 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Virabhadraprati Shivajnakathanam ..}##
\itxtitle{.. vIrabhadraprati shivAj~nAkathanam ..}##\endtitles ##
(shivarahasyAntargate IshAkhye)

bhairava (vIrabhadra) uvAcha |

deva deva mahAdeva kalyANavaruNAlaya |
marutpAraNahArADhayakandharAnantavikrama || 12||
mAmAj~nApaya devesha kimatra karavANi te |
kiM pibAmyambudhIn sapta tara~NgAvalighUrNitAn || 13||
chUrNitaM kiM girivrAtaM karomi padaghAtataH |
kiM brahmANDaM mahApiNDaM karomyadya charAcharaiH || 14||
bhUchakramakhilaM chAtra chitranetrAgninA dahan |
kiM vA surAsuravrAtaM pAtayAmi mR^itaM puraH || 15||
shIghramAj~nApayedAnIM mA vilambitumarhasi |
tadbhairavorurabhasA vachasA parameshvaraH || 16||
viprayogeNa vai devyA duHsahenaiva suvratAH |
tadA tIvrataraM svA~NgAtsasarja bhuvi tarjakAn || 17||
saumyAnatha gaNashreShThAnasaumyAn shivabhAvanAn |
tura~NgavaramAta~NgasAra~NgAsyAn manoharAn || 18||
kAkolUkabakAbhAsyAn vR^ikabhekAsyakAMstathA |
bhallUkasR^imarAbhAsyAn chAmarAsyAMstathA gaNAn || 19||
sheShamAhiShavaktrAMshcha khaDgagomAyuvaktrakAn
vR^iShabhAsyAn rAsabhAsyAn ibhAsyAn kokilAsyakAn |
evaM gaNagaNaM tatra dR^iShTveshaH purataH sthitam |
koTitrayAtigaNitaM nAnAveShaikabhUShitam || 20||
rUShitaM bhasitenaiva ghoShamANaM muhurmuhuH |
tripuNDrabhAlaM rudrAkShaphaNihAravibhUShitam || 21||
asikArmukanistriMsakhaDgakheTadharaM tadA |
bANabANAsanadharaM karavAlasatkaTim || 22||
kuntashAtArimutkR^iShTaM praNataM purataH sthitam |
sAsrAvilAkShastryakShastAn muhurIkShannuvAchaha || 23||
vIrabhadraM puraskR^itya rudrakoTisamanvitam |

Ishvara uvAcha |

vIrabhadra sadAbhadra tavAstu vijayo gaNaiH || 24||
tUrNaM prayAhi dakShasya yaj~navATaM surairvR^itam |
viShNubrahmAdivibudhaiH kShaNAdvidhvaMsayAdhunA || 25||
tena me prItiratulA mA te vighno.atra samprati |

(skanda uvAcha)

ityukto.atha maheshena vIrabhadro gaNaiH saha || 26||
mattavAraNasa~NkAshairyayau gaNagaNairvR^itaH |
natvA taM shrImahAdevaM vIrabhadro nadaMstadA || 27||
gaNA jagarjushcha tadA bhrAmayanto.astramaNDalam |
gaNeshvarakR^itArAvabadhirIkR^itadi~Nmukham || 28||
tanmakhaM lekhakaiH sArdhaM durmukhaM samapadyata |
tadA vAtA vavurloke tatra vA bhayashaMsinaH || 29||
parvatAshcha vyashIryanta chakampe cha vasundharA |
mArutaishchApyaghUrNanta chukShubhe varuNAlayaH || 30||
agnayo nApyadIpyanta na cha bhAti prabhAkaraH |
grahAshcha na prakAshante peturnakShatrapa~NktayaH || 31||
ulkA kabandhasahitA papAta makhasaMsadi |
gaNeshvaraiH samAruhya rathaM bhadro giriprabham || 32||
sahasrAshvaM patAkADhyaM kumbharAjatpatAkakam |
gaNAstamanvayustatra vividhAyudhapANayaH || 33||
garjantashchAtihR^iShyanto bhindanto gAM sharAvaraiH |
shUlamUlairgirivrAtaM dhanuShkoTyotsR^ijantyapi || 34||

|| iti shivarahasyAntargate vIrabhadraprati shivAj~nAkathanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 12\-34 ||
##
- .. shrIshivarahasyam . IshAkhyaH dvAdashamAMshaH . adhyAyaH 6 vIrabhadraviShNuyuddham . 12-34 ..

Notes:

Skanda ##skanda## narrates (to Jaigīṣavya ##jaigIShavya##); about the formidable Vīrabhadra ##vIrabhadra## (a.k.a Bhairava ##bhairava## due to His frightening appearance) who had manifested from the dreadlocks of Śiva ##shiva## and is eager about receiving instructions from Him and executing them.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}