% Text title : Virabhadrena Dakshadhvaradhvamsakathanam % File name : vIrabhadreNadakShAdhvaradhvaMsakathanam.itx % Category : shiva, shivarahasya % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 108-179 || % Latest update : December 28, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Virabhadrena Dakshadhvaradhvamsakathanam ..}## \itxtitle{.. vIrabhadreNa dakShAdhvaradhvaMsakathanam ..}##\endtitles ## (shivarahasyAntargate IshAkhye) (skanda uvAcha) kashA~NkushA~NguShThasupR^iShThatodanai\- stotraishcha yoktraiH sukhalInachAlanaiH | karIndrasa~NghaShTakareNupu~nja\- prakIrNatAmA raNAvanistadA || 108|| dhAvadrathA~NgotthitareNurUShitaiH subhUShaNashmashrubhiruddhatAsurAH | gaNA vikoshIkR^itakhaDgakheTa\- prahAradhArAsu patanti bhR^i~Ngavat || 109|| kodaNDadaNDodbhavabANakR^itta\- vetaNDashuNDAradakhaNDasaMsR^itA | surorumuNDAjakaShaNDamaNDitA tadA gaNendraiH prababhau raNAvaniH || 110|| tura~NgaheShairgajabR^iMhitAravaiH shatA~NgachakrAvR^itaneminiHsvanai | chalatpatAkAvalidhUnanaiH surA bhA~NkArabherIpaTahAbjanAdaiH || 111|| tura~NgamAta~NgashatA~Ngasa~Nghai\- rgaNAsividyotitashastrajAlaiH | samAvR^itaM tattumulaM vireje surorukolAhalajAtasambhramam || 112|| lA~NgalamusalaistrishUlahastaiH suratA jaDatAmavApa janye | garjanti tatraiva gaNendrasa~NghAH parjanyanAdena hi tarjayansurAn || 113|| tannAdatastatra gajA hayA vR^iShA utkarShayanto madamAshu satkaTaiH | nimIlitAkShAshcha padAttashuNDAH prasruvuste shakR^idatra mUtram || 114|| surasAmAnyakajanyasambhrame bhramatIva pramadA babhUva senA | kuntaiHshakuntAniva te gaNendrA nihantumaichChatsuravAhinIM tAm || 115|| ahInamanyoH sumahorumanyo\- rAj~nAvashAnmanyumaho.asR^ijan gaNAH | te shastralAghavakarairvaramaNDalAkShi\- sa~NkrAmaNe pratihatA dhR^itakheTapR^iShThaiH || 116|| asyanta eva visR^ijanti sharAvarodhaM meghA ivAdrishikhare sharavR^iShTisR^iShTim | amoghameghA iva shastravarShai\- rgaNA vavarShuH surasa~Nghasainye | sampudhya chAyoghana bhUmimadhyagAH papushcha pAnAni vasAsavAni || 117|| tau chAjimIyaturubhau harivIrabhadrau rudraiH surArbhaTabhaTairvarashastrahastaiH | khaDgaprabhAnikaratailashilAsu dhauta\- kUjatsupu~NkhasumukhAH prababhushcha lekhAH || 118|| dakShaH sahasrAkSharathe.ambujAkSha\- samanvitastatra sharaistatakSha | shataM sahasrAyutakoTisa~NkhyayA sapakShayuktaiH supR^iShaktasa~NghaiH || 119|| sa vIrabhadro.api pinAkinaH sR^itaiH sharorusArairnichakarta tAn sharAn | dakShaM lalATe tribhirAjaghAna hariM cha jambhArimapi stanAntare || 120|| chakarSha chApaM pravavarSha bANAn harShorutarShaikahR^idA sa bhadraH | surorukumbhyudyatakumbhamadhye hayorusatsAdiShu tadratheShu || 121|| kShipraM sa vatsaprasharaiH suvatsa\- dantaM samAkR^iShya vR^iShaM mumocha | tasyArdhachandreNa dhanuH sharAvaraM chichCheda bhadro.api hiraNyadarshanam || 122|| kachatkavachamapyadho nyapatadAshunArAchakaiH vidAritashirodharairmakuTakuNDalAdyAvR^itaiH | surendragaNadAraNaiH suragaNeShu sAdhAraNaiH babhUva dharaNI tadA bhagaNapAtavatsvargataH || 123|| godhA~Ngulitrasushirastra tanutramatra divyAtapatra nikarairvibabhAti sA bhUH || 124|| tura~NgamAta~NganarottamA~Ngai\- stastAra vistAritashastravaryaiH | te bhinnamarmadaritAshcha vivarmiNo.atra vaivarNyamApuramarA gaNashastraghAtaiH || 125|| varmANi tatra sasR^ipuH sharasR^iShTivR^iShTyA muShTyA cha yaShTibhiratha praharanti janye | patanti dhAvanti pibanti shoNitaM mukhasravaM chotplutimAcharanti || 126|| kUjanti hR^iShyanti cha nUtanavraNaiH pAnIyamAnIyata ityudAram | sA vAjayuktA shararAjirAjau kUjantyatantIva rarAja tatra || 127|| Agneya vAyavyasurAkhyashastrai\- rastrairvavarShaturubhau harivIrabhadrau | tasyAtapatradhvajavAjirashmi\- tatsararathiM bhadragaNo mamantha(mamAtha) || 128|| rathaM tathAkShaM cha sakUbaraM raNe chakarta bANaistilasho gaNeshvaraH | chakraM cha nakrAkR^itishakriyuktaM trivikramo vikramate raNAjire || 129|| vakraM cha tachchakramabhUnnisR^iShTaM hareH karo bhadragiriprasa~Ngake | sasmAra vedAshvavahaM cha bhUrathaM mahAratheshaM kila vIrabhadraH || 130|| sviShuH sudhanavAnamaho pinAkinaM naivAsya bhagno na ratho na kArmukam | sudarshanaM vA na chakarta vai suro drApi prabhAbhAvita eSha vIraH || 131|| niSha~NgiNo.asya smR^itino.akShayeShudhiH (?) babhUva tasyeshakR^ipAvashAttadA | suparvaNAM sannataparvabhiH sharai\- rakharvagarvaM prajahAra garvahR^it || 132|| kakShorukukShisthitavahninA samo dadAha tatrAhni suroruvAhinIm | gaNottamAste cha sutailadhautai\- strishUlaghAtaiH parighairgadAbhiH || 133|| niryatsumastiShkasushuklalohitai\- rvyasUn vasUn tatra hatAn prachakruH | te vishvadevAshvaratheShu vAjino nijaghnire tatra gadAbhighAtaiH || 134|| vAyUnviniryAyinarAyuShastAn prachakruruchchakrasahasradhAraiH | taraNiM varuNaM tathaiva vahniM yamamApyAnamayan sharoruvarShaiH || 135|| rathasArathivAjiyoktraChatrA\- NyapajahnurgaNApA dhanAdhipasya | gahanaM vivishuH surAstu shambhoH svagaNairujjhitavAhanAstraveShAH || 136|| paridhAvanti raNe bhR^ishaM vraNA~NkAH prapatanto drutamugrarudrabhItAH || 137|| bhagnAkShachakradhvakUbarai rathai\- rhayorumAta~NgashavaiH vibhAti bhUH | viniShkR^itAntroruvasAsR^igashru\- durgandhabandhAnilasa~Nghamatra || 138|| UhuH kashAghAta shitA~NkushAgra\- sa~nchodanairashvagajA rathAshcha | yodhAn susannAMshcha mahoruyuddhe mAMsAsthyasR^ikpUyavasAdipa~Nke || 139|| surendrasa~NghAshcha gaNendravR^indaM vipATanArAchasharairvyapATayan | bhallaiH suphullairiva kiMshukAbhai rdehe tatakShuH kShatajArdragAtrAH || 140|| prAsAsihastAnmusalairvishastAn dhvastAn chakArAshu gaNeshavAhinI | gadAbhibhagnoruvalagnamadhyamAn nagnAnpradudrAva sumAnaharShAn || 141|| vishAlavakShaH sukavATapATanaiH skandhe tathA komalakaNThamUle | gaNeshvarAshchApasharAsipANayo yaj~nopavItAkR^iti chichChiduH surAn || 142|| hasanti kechitpravadanti kechi\- nnR^ityanti tatraiva kabandhamuNDAH | prAsAsihastA vivR^itAntrabandhAH sambandhamIyurdharaNItaleShu || 143|| patatsamadaku~njaraM varahayorudehAkulaM sukampitarasAtalaMskhaladapArayodhAvR^itam | sugarjitasunirjaraM gaNakR^itorusantarjanaM babhUva ha raNAjiraM suragaNaugharAgAdaram || 144|| janye tadA tatra sushoNitApagAH prasusruvushChatrakadambaphenAH | sachAmarAkhaNDitaphenabudbudA narAntramastiShkajakUrmamInAH || 145|| divi svargalipsAM bahu prArthayantaH | sushastrorudhArAvigADhA dharaNyAm | vetAlaka~NkAlabalAdiharShadA gR^idhreShu kAkashvagaNe shivAsu || 146|| bhramanti tatraiva shunAM samUhA\- gR^idhrabhramaistatpishunAlittadA || 147|| bhrAmyadgR^idhragaNorupakShatihatAH saMvIjitAste shavAH || 148|| gajAshvarathapa~NktisannihatasAdisatsArathiH pratodavarahastato mR^itanirastashastrA~NkuraiH | prakIrNamaNibhANDakairvivR^ita netra jihvAsyakaiH prakIrNamabhavattadA raNatalaM sudurdarshanam || 149|| kuthA~NkushapadAhatiprabalamAMsasamparkata\- skhaladgaNasharAravairmR^itimavApurevaM surAH | tridashA vidashAM dashAmavApurevaM gaNashastrairnihatAshcha kAndishIkAH || 150|| tatheha gaNapu~NgavaH sharavarorudhArAdibhiH surAsuragaNaM vyadhAt bhagaNanAthachUDAj~nayA || 151|| raTatkaraTigarjanairhayavarorupAtasvanaiH | babhUva dharaNI tadA sakaruNAruNA shoNitaiH | prabhagnarathachakrakaprashithilAkShanemisvanaiH | rarAja raNabhUstadA gaNagaNorubANairhatA || 152|| dhvastAkShasatsArathisatpatAkA\- suChatrahInAnnipapAta mAdhavaH | svakAM striyamAlili~NgiShu\- rabhyuttho dakShayutaH sa vAsavaH || 153|| viha~NgamaM taM khagamaM puraHsthitaM viShNuH samAruhya chakAra lAghavam | gomAyumAyeva sa mAyayA.astrakA\- NyavAsR^ijattatra gaNendradehe || 154|| vidhau mudhaivAtha sa viShNurAhave vyAdhAtsvakAstrairvinivArya tAn gaNAn | prAdhmApayachCha~NkhamadInavIryo dhairyaikadhuryaH sa gaNeshituH puraH || 155|| tadastravarShaM vinivArya govR^iSho varShaprakarShaM saha tai gaNeshvaraiH | sharAndhakAraM cha vibhidya sAyakai\- rmayUkhamAlIva sa dR^ishyate sma ha || 156|| pakShIndrapakShANi sharaiH prachichChide tanuM cha pAdau cha sharairakhaNDayat | viha~NgamastatkShatajAbhitaptaH papAta kUjan saha viShNunAvanau || 157|| pradhmApya sha~NkhaM sa hI vIrabhadraH provAcha viShNuM kShatajAvR^itA~Ngam | vasantakAlotthapalAshakadruma\- prabhAsamAnA~Ngamatho raNasthale || 158|| vIrabhadra uvAcha | tatte kva daityapraharoruchakraM sha~NkhaM kva te kaustubhavaijayantI | na daityapakShasya vihArakAlaH saMhArakAlo.adya tavetyavehi || 159|| nAhaM hiraNyakashipurna hiraNyanetra trivikramo.ahaM hi tavAsmi samprati | na rAvaNo.ahaM na cha kaMsadaityo na bhArgavaH kShatrakulAntakArI || 160|| vibhIShikAM te kimutAtra janye iShIkanAlAniva sandahe te | kShINAkShikoNena sa devamuShNaM vIkShan sahasrAkShamatho.atra dakSham || 161|| dIkShAnvitaM tryakShapade viraktaM lIkSheva sandahya bhagAkShisUdanaH || 162|| sUta uvAcha | ityuktvotthita eva khaNDakaradhR^ik kheTAbhighAtairhariM jAnubhyAmatha pAdaghAtanikarairvyAlolayattatra hi | dakShaM dIkShitamapyapAstashirasaM chakre.atha ra~NgasthitaM khaDgenaiva hariM harantamasakR^idbrahmA prasAdyAnamat || 163|| brahmovAcha | kShamasva manyuM cha sahasva viShNo\- rmahAparAdhaM raNavIrabhadra | tvaM tvIrabhadro.asi subhaktabR^iMhita\- stathAkhilAnAM raNago.asyabhadraH || 164|| indro.api trAsa vIrabhadraM praNamya pAdAvupaguhya nAtyajat | utthAya yAhIti cha tena mochito dayAvatA prAha tadAshrulochanaH || 165|| pApasya dakShasya sahAyakAraNA\- tsurAsurAste nihatAstvayAdhunA | viShNoryasho bhakShitameva daitya\- pApasya sa~NgAdabhavatsvanAshaH || 166|| adhokShajaM rakShatu vA kaTAkShaiH kShantavya evAstyaparAdhavR^indam | lokopakArArthamasau tvayAdya saMrakShaNIyo nahi nAshamApnuyAt || 167|| skanda uvAcha | niShkoshitAsi sa jahAra sadya\- statkeshapAshaM vidhivAkyatoShitaH sArathyakauchityasusAmavAkyai\- rjaharSha tatrAshu sa vIrabhadraH || 168|| shvasantamAsannasuduHkhakhinnaM gachCheti tatrAha hariM krudhA gaNaiH | trapAnato mAdhava eva natvA gaNendramukhyaM prayayau svalokam || 169|| khagaM samujjIvya yathAgataM hari\- rdakShe.atra nirviNNamanA babhUva | tA dakShapatnyaH suravaryapatnyo yatnAdupAlabhya patIn raNA~NgaNe || 170|| vimuktakeshyaH prarudanti sa~Nghasho vaivarNyamAlinyasabAShpalochanAH || 171|| hA dakShapakShasuratA.adya gatAtta bhAge lakSheva dhR^iShTA nikhilA gaNeshvaraiH | kastaM prasAdayati chApadharograbAhuM prayAma sarvAH sharaNaM hi no gatiH || 172|| ityevamuktvA praNatAH surA~NganAH saMsAntvya bAShpANi nigR^ihyatAmiti | uvAcha bhadro.atra vachastadAnIM nindA shravAyAH phalametadIshituH || 173|| ashAmbhavasahAyakR^idbhavati pApa UnA~Ngako maheshvaradayojjhito jvalitalolabhAlAnalaiH | vidAhayati taM paraM sukhavaraM vA tyajet vilokitamidaM yathA makhavibha~NgavighnaM mahat || 174|| sUta uvAcha | alIkanItyA surasattamAnAM pinAkina yA sthirabhaktivarjitA | vinAshanI sA prababhau tadAnIM saudAmanI chAtichaleva kAminI || 175|| jagarjurgaNendrA mudA taM gaNendraM prakR^iShTorughoShairdivaM gAM bhinantaH (?) | kShayadvIrapAdArchako vIrabhadro jayatyeva dakShasuhR^iddeva sa~Ngham || 176|| sandhukShitAghokShaja eSha vIro jayatyeva IshArchanAsaktachittaH | mahAbhasmarudrAkShabhAjAM sharaNyo na gaNyo.asya sAmye bhavetko.api vIraH || 177|| vavarShurabdAH kusumoruvarShaM vavushcha vAtA sukhasArashItalAH | visrastavishvaM prajagAma harShaM jagmushcha shAntiM kila sarvalokAH || 178|| haraprasAdena sa vIrabhadro ramAvaraM taM pradadAra sAyakaiH | dakSho.api saMshikShita eva devai jagAma rudraM sa pitAmahena || 179|| || iti shivarahasyAntargate vIrabhadreNa dakShAdhvaradhvaMsakathanaM sampUrNam || \- || shrIshivarahasyam | IshAkhyaH dvAdashamAMshaH | adhyAyaH 6 vIrabhadraviShNuyuddham | 108\-179 || ## - .. shrIshivarahasyam . IshAkhyaH dvAdashamAMshaH . adhyAyaH 6 vIrabhadraviShNuyuddham . 108-179 .. Notes: Skanda ##skanda## narrates (to Jaigīṣavya ##jaigIShavya##); about the formidable Vīrabhadra ##vIrabhadra## (a.k.a Bhairava ##bhairava## due to His frightening appearance) who had manifested from the dreadlocks of Śiva ##shiva## and as commanded by Him, arrives at the venue of Dakṣa-Adhvara ##dakSha adhvara## with a terrifying army. Vīrabhadra ##vIrabhadra## sets fire to the stage and with His army of Gaṇa-s ##gaNAH## unleashes terror and chaos amongst the participants of the Dakṣādhvara ##dakShAdhvara## in order to teach them a lesson, in which He duly succeeds.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}