% Text title            : Vaidyanathamahatmyavarnanam
% File name             : vaidyanAthamAhAtmyavarNanam.itx
% Category              : shiva, mAhAtmya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : vaidyanAthasthalamAhAtmya | dvAdasho.adhyAyaH | 12.1-39||
% Latest update         : February 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vaidyanathamahatmyavarnanam ..}##
\itxtitle{.. vaidyanAthamAhAtmyavarNanam ..}##\endtitles ##

vande jaTAyunagarIM vande siddhAmR^itaM saraH |
vande kalpakavighneshaM vande sha~Nkhavanodbhavam ||
vande shrIvaidyanAtheshaM bhavarogachikitsakam |
vande shrIgandhakaNThIM vande bAlAmbikAmumAm ||
R^iShi agastya uvAcha |

bhUyo vakShyAmi mAhAtmyaM vaidyanAthasya shUlinaH |
shR^iNvatAM paThatAM puMsAmAyurArogyadAyakam || 1||
vaidyanAthasya pUrvasyAM dishi mannAmatIrthakam |
puNyaM chakAsti pApaghnaM tattIrthasnAnamAtrataH || 2||
sidhyet kalyANamAgneyyAM brahmakuNDamiti shrutam |
tatra snAtvA mahApuNye yaddadyAdaNumAtrakam || 3||
tatsarvaM koTiguNitaM snAnaM dAnaM shivArchanam |
bhiShagIshasya naiR^ityAM kodaNDataTinI varA || 4||
rAmatIrthamiti khyAtaM mahApApaharaM nR^INAm |
vaidyanAthasya nikaTe dakShiNe paramAdbhutam || 5||
siddhAmR^itamiti khyAtaM kalau sarvArthasiddhidam |
mR^ittikAM gR^idhrakuNDasya vaidyanAthAbhiShekajaiH || 6||
gandhodakaiH pa~nchagavyaiH mardayitvA samAhitAH |
ye lepayeyurbhaktyA cha shvetakuShThAdi rogataH || 7||
kShudradoShairvinirmuktA divyadehAshcha sundarAH |
gandharvarUpasadR^ishA mahApApairvivarjitAH || 8||
ArogyaM balamAyuShyaM dIrghamAyuravApnuyuH |
deshAntarasthito yo vA gR^idhraR^IkskandanAmake || 9||
maNimantrauShadhAt kuNDAt mR^idamAdAya bhaktitaH |
dhR^itvA kShudrAdirogebhyo muchyate nAtra saMshayaH || 10||
gR^idhrasya gR^idhrakuNDasya darshanaM bhAgyasiddhaye |
jvarAdibhiH pIDito.api tathA kuShThAdibhivR^itaH || 11||
apasmArAdibhishchaiva bhUtapretAdibhistathA |
anyaiH kShudrAdisa~Nghaishcha saMvR^itaH pIDito.api vA || 12||
tebhyAM vimuchyate sadyaH gR^idhrakuNDasya darshanAt |
vaidyanAthasthale puNye rudrAkShaM dhArayannaraH || 13||
vibhUtiM dhArayan dhImAn shivapUjAM karoti yaH |
sarvopadravasa~Nghatairmuchyate nAtra saMshayaH || 14||
kR^iShNashrIgandhakaNThIM ye vaidyanAthaM pradakShiNam |
ye kArayanti kurvanti teShAM vakShye phalaM dvijAH || 15||
ashvamedhasahasrasya prApnuvanti phalaM dhruvam |
vaidyanAthasthale puNye puNyArAmaM maheshituH || 16||
yaH karoti naro bhaktyA chehAbhIShTamavApya saH |
kailAsabhAge vAso vA devendratvaM bhavet dhruvam || 17||
bhiShagIshapure yaj~naM ye kurvanti dvijottamAH |
te.avApya sakalAn kAmAn vrajeyuH shAmbhavaM padam || 18||
shivarAtravratAdIni vaidyanAthasthale dvijAH |
ye kurvanti narA bhaktyA teShAM vakShye phalAdikam || 19||
kShudrarogavinirmuktAssarvarogavivarjitAH |
avApya sakalAn kAmAn vrajeyuH shA~NkaraM padam || 20||
vaidyanAthasthale puNye yA dadAti dvijAtaye |
annadAnaM rasopetaM shraddhAbhaktiyuto naraH || 21||
tasya puNyaphalaM vaktuM na shaknomi munIshvarAH |
vaidyanAthasthale puNye kanyAdAnaM karoti yaH || 22||
putrapautraiH parivR^itaH sArvabhaumo bhaveddhruvam |
sasyayuktAM dharAM tatra vaidyanAthasthale naraH || 23||
yo dadAti daridrAya brAhmaNAya mahAtmane |
saptasAgaraparyantabhUmidAnasya yatphalam || 24||
tatphalaM prApya tejasvI so.ante shivapadaM vrajet |
vaidyanAthasyale puNye prapAdAnaM karoti yaH || 25||
ashvamedhaphalaM prApya shivasAyujyamApnuyAt |
dukUlaM vyajanaM Chatra shivikAmambaraM tathA || 26||
kirITaM bhUShaNaM chaiva vaidyanAthasthale.amale |
shrIgandhakusumaM divyaM mR^iganAbhiM cha chandanam || 27||
godAnamashvadAnaM vA gajadAnaM cha kambalam |
marIchidashadAnAni ye kurvanti dvijAtaye || 28||
teShAM puNyaphalaM vaktuM sahasravadano.akShamaH |
shvetAraNye cha kedAre gajAraNye vaTAlaye || 29||
rAmeshe kumbhaghoNe cha gokarNe chitsabhAsthale |
virUpAkSho.arjunagrAme tyAgarAjapure vare || 30||
shrIshaile champakAraNye vedAraNyasthale dvijAH |
mahAdAnasahasrANi yatkR^itvA phalamApnuyAt || 31||
tatkalaM vaidyanAthe.asmin niShkamAtrasya dAnataH |
yaH karoti naro bhaktyA chAbhiShekaM samAhitaH || 32||
ArAdhanashataM kShIrairdadhibhishcha sahasrakam |
ghR^itAbhiShekaisyutamaparAdhaM sahechChivaH || 33||
pa~nchAmR^iteH pa~nchagavyaiH ye kurvantyabhiShechanam |
pa~nchapAtakasandhvaiste muchyante nAtra saMshayaH || 34||
gandhAbhiShekassamyak bhuktvA bhogAnanekashaH |
tataH kailAsapadavIM prApnuyurmunisattamAH || 35||
ye vAdhyamAnAH kShudraishcha shvetakuShThAdibhistathA |
vaidyanAthaM samabhyarchya bilvaissAhasranAmakaiH || 36||
muktAssyuH nAtra sandehaH satyaM satyaM vadAmyaham |
bahunAtra kimuktena bhavanto.api mahAtmanaH || 37||
pUjayadhvaM mahAdevaM vaidyanAthaM maheshvaram |
stutvA cha vividhaistotraiH prArthayitvA manorathAn || 38||
tatroShitvA trirAtraM cha bhogAn bhu~njata he dvijAH |
ityagastyoditAn dharmAn sarvapApapraNAshanAn || 39||

|| iti vaidyanAthasthalamAhAtmye vaidyanAthamAhAtmyavarNanaM sampUrNam ||

\- || vaidyanAthasthalamAhAtmyam | dvAdasho.adhyAyaH | 12\.1\-39||
##

- .. vaidyanAthasthalamAhAtmyam . dvAdasho.adhyAyaH . 12.1-39..

Notes:

Ṛṣi Agastya ##R^iShi agastya## describes the merits of visiting and conducting of certain rites at the several specific places (e.g. Agastyaṭīrtha ##agastyatIrtha##, Rāmatīrtha ##rAmatIrtha##, Gṛdhrakuṇḍa ##gR^ighrakuNDa## etc.) located in the Vaidyanātha Sthala ##vaidyanAtha sthala##.##

##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}