% Text title            : Vaidyanatha Mahima Varnanam
% File name             : vaidyanAthamahimAvarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 20||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vaidyanatha Mahima Varnanam ..}##
\itxtitle{.. vaidyanAthamahimAvarNanam ..}##\endtitles ##
IshvaraH \-
shrR^iNu tvamagaje puNyAM mama bhaktasya satkathAm |
bhaktabhaktaM cha mAM viddhi bhAvavashyo.asmi sha~Nkari || 1||
yaH kashchidastu madbhaktaH sa me priyatamo.ambike |
bhaktaH priyo me satataM chaNDAlo.a{}stu dvijo.athavA || 2||
bhaktAnnasya kShudhAviShTaH trinetraH pAtramambike |
vanakhaNDamiti khyAtaM kShetramatyuttamottamam || 3||
vaidyanAtho.ahamamale talli~Nge saMvasAmyaham |
kAmArthI janakAmAnAM pUrako.ahaM sadAmbike || 4||
araNyasharaNo nityaM vanAnAM patirasmyaham |
brahmaviShNvAdibhirdevaiH gaNavR^indaishcha sevitaH || 5||
pUjito bilvapatrAdyairnivasAmi tvayA saha |
badarIkhadarairbilvaiH harItakavibhItakaiH || 6||
vaika~NkataiH ketakaishcha vaMshaiH kaNTakabhUruhaiH |
anyaishcha shAkhishatakaiH phalapuShpAvanAmibhiH || 7||
saMvR^itaM vanamatyugraM siMhavyAghraravAkulam |
veNukre~NkAraninadaiH jhillikAgaNapUjitaiH || 8||
kesarIvikaTArAvabhItadantijabR^iMhitaiH |
ghUkolUkotthaghUtkArasaMvardhitadigantaram || 9||
kekikokilanAdaishcha shivAkolajaghurghuraiH |
bhIShaNaM bhIShaNasyApi tatrAraNyapatistvaham || 10||
nivasAmi tvayA gauri tadvane sa~ncharansadA |
phalapuShpANyapArANi pashyanjighranvanasthalIH || 11||
araNyapatirevAhaM tadA hi vanagocharaH |
tatrAsti bhillarATkashchitsadA.atyantasakhA mama || 12||
bhaktashcha satataM devi mayi prItisamanvitaH |
baddhagodhA~NgulitrANo mR^igacharmalasatkaTiH || 13||
varAhacharmAdikR^itapAdatrANasamanvitaH |
mAta~NgakR^ittivilasatka~nchukAvR^itavigrahaH || 14||
pinAkasadR^ishaM tasya dhanurastyekamuttamam |
muShTinA hastalagnena dhanuShA sa virAjitaH || 15||
tanniSha~NgasharaiH pUrNaM dhArayantI tada~NganA |
savarNavAsasA taM hi samAyAsyati pR^iShThataH || 16||
gu~njAdividhR^itApArabhUShaNAvalibhAsurA |
sa mR^igAjinasarvA~Ngo madhupi~NgalalochanaH || 17||
taddR^iShTipAtabhItyaiva palAyante mR^igANDajAH |
kiM punastachCharAghAtaM mR^igaH kaH sodumarhati || 18||
mR^igaM va mahiShaM vApi sR^imaraM chamaraM rurum |
kolaM shalalakaM chaiva shashaM kha~NgaM cha vidhyati || 19||
karIndrashuNDAkANDAni girIndrashikharANyapi |
svakANDasharakANDaishcha khaNDayatyeva bhillarAT || 20||
vyAghraM vApi tarakShuM vA sa vidhyatyeva duHsahaH |
sadA kaTitaTodbhAsikha~NgakheTakashobhitaH || 21||
AkheTakaparIvArerjAlajAlaiH sadA.a.avR^itaH |
trisahasramahAbhillaiH krUreH krUratarairvR^itaH || 22||
te nityaM shastrapAShANakha~NgakheTadharAH sadA |
dhanuHsharakarAshchAnye nityaM tamanuyAyinaH || 23||
vyAghravIyaiH shvamishchaiva karAlonnatadaMShTribhiH |
kUjadbhiranudhAvadbhistaiH sAkaM vakrapuchChakaiH || 24||
jR^imbhamANalalajjihvAdIrghashrotrorulochanaiH |
nIlapItyAruNairvarNairlAlAtantuyutairmukhaiH || 25||
shashAnvarAhAMshcha mR^igAnanudrutyAshuchistadA |
vidArayanti dashanaistadraktApUritairmukhaiH || 26||
mR^igAnpArshvodarAntreShu vR^ikNaishcha vR^iShaNaistathA |
sharapAtAtpUrvameva dhAvantyete suduHsahAH || 27||
bhillAnAM purato devi tasminsugahane vane |
sa muShTidhR^itacharmasthashyenairugrAruNAkShibhiH || 28||
pakShijAlaM nihanti sma visR^iShTakarabandhanaiH |
sa maNDalaparibhrashyannakhatuNDorukuTTanaiH || 29||
pakShapAdaprahAraistAM balAkApa~NktimutthitAm |
nIlanIradamadhyasthavidullekheva uprabhAm || 30||
pAtayanti mahIpR^iShThe viShTavdhavarakArmukAH |
gajanIlA mahAbhillAH sarve malli~NgapUjakAH || 31||
teShAM shreShTho.atha medhAvI japo nAmnA mahAbalaH |
patnyA samanvito nityaM jhaShAnsarasi hantyapi || 32||
hatvA varAhAnpR^iShatAnrurUnanyA~nChashAMstathA |
susvAdumAMsamutkR^itya niShTapyAsvAdya shobhate || 33||
anyadAdAya jAlena vArayanbhUri tadvalam |
sampreShayati tadgauri gR^ihaM bhillagaNaistadA || 34||
susvAdumAMsaM peshyAM sa nikShipyAyAti mAM tadA |
bhavarogaharaM nAmnA tIrthaM tatrAsti shailaje || 35||
AyurvedaH purA datto mayA.ashvibhyAM supUjitaH |
snAtvA tasminmahAtIrthe pUtau devabhiShagvarau || 36||
devapa~Nktigatau chApi bhavatAM somapIthinau |
tAbhyAM stuto{}.ahaM kalyANi tatstutiM shrR^iNu shailaje || 37||
pUjito bilvapatraishcha vaidyanAtho maheshvari || 38|| (vaidyanAtho.ahamIshvari )

|| iti shivarahasyAntargate shivagaurIsaMvAde vaidyanAthamahimAvarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 20||
##
- .. shrIshivarahasyam . bhargAkhyaH panchamAMshaH . adhyAyaH 20..
Notes:
Shiva describes to Devi, the Vaidyanatha Jyotirlinga in Vanakhanda, where bhilla worshipped Him in his own innocent way. Shiva granted the knowledge of Ayurveda to the Ashwini Kumara twins at this Shiva Kshetra.

The shloka numbers are maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}