% Text title            : Vaidyanathasthale Siddhamritatirthamahatmyavarnanam
% File name             : vaidyanAthasthalesiddhAmRRitatIrthamAhAtmyavarNanam.itx
% Category              : shiva, mAhAtmya, tIrthakShetra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : vaidyanAthasthalamAhAtmya | dashamo.adhyAyaH | 45.2-93||
% Latest update         : February 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vaidyanathasthale Siddhamritatirthamahatmyavarnanam ..}##
\itxtitle{.. vaidyanAthasthale siddhAmR^itatIrthamAhAtmyavarNanam ..}##\endtitles ##

\- R^iShi agastyaproktam \-

vaidyanAthasthale puNye tasmin siddhAmR^ite narAH || 45||
yasmiMkasmiMshchiddivase chandrasUryoparAgayoH |
sa~NkrAntiShu vyatIpAte pitrormR^itadine.athavA || 46||
snAtvA tilAkShatairbhaktyA tarpayanti pitR^In dvijAH |
trissaptakulamuddhR^itya sarvAn kAmAnavApya cha || 47||
dehAnte paramaM sthAnaM yatsurairapi durlabham |
ApnuyustatpadaM satyaM bhiShagIshaprasAdataH || 48||
bhiShagIshasthale ye vai siddhAmR^itasarastaTe |
tIrthashrAddhaM prakurvanti teShAM muktirdvijottamAH || 49||
gayAyAM piNDadAnena pitR^INAM yAdR^ishI bhuvi |
tR^iptirAsIttathA siddhAmR^itatIrthasya tarpaNAt || 50||
tIrthairatyadbhutaistatra siddhAnAmamR^itopamaiH |
ga~NgA pratyakShabhUtAbhUt jaTAyvAkhye sarovare || 51||
tasmAt siddhAmR^itamiti triShu lokeShu vishrutam |
gaurIbrahmakujAdInAM sarveShAM snAnamAtrataH || 52||
yasmin sidhyanti kAmyAni siddhAmR^itamiti shrutam |
siddhAssurAshcha gandharvAH svargAdAdAya chAmR^itam || 53||
abhiShichya kalau shambhumachikitsAchikitsakam |
yasmAjjaTAyutIrthaM tu pUrayAmAsurAdarAt || 54||
tasmAt siddhAmR^itamiti prasiddhaM jagatItale |
tasmin siddhAmR^ite bhAnorvAre snAtvA narottamAH || 55||
sadArogyAstu te shiShTAH prasIdanti shivAspadam |
somavAre narAH snAtvA tasmin siddhAmR^itodake || 56||
sarvAn kAmAnavApyA.atra shivasAyujyamApnuyuH |
bhaumavAre narasnAtvA tasmin siddhAmR^itodake || 57||
aruNodayavelAyAM sarvAbhIShTapradAyake |
sarvarogavinirmuktAH kShetralAbhamavApnuyuH || 58||
ki~nchidabhyudite sUrye tasmin siddhAmR^ite shubhe |
bhaumavAre narasnAtvA vaidyanAthaM maheshvaram || 59||
ye sevante narA bhaktyA dIrghamAyuravApya cha |
ArogyaM jayamAsAdya kShudrarogAn vidhUya cha || 60||
bhogAn bhuktyA mahAbhAgAH shivasAyujyamApnuyuH |
bhaumavAre narasnAtvA tasmin siddhAmR^ite jale || 61||
hR^idambuje vaidyanAthaM dhyAyantaste munIshvarAH |
prAdhAnyaM jagatAM prApya chiraM bhogAnavApnuyuH || 62||
ki~nchidabhyudite sUrye bhaumavAre narottamAH |
ye snAtvA niyamenaiva siddhAmR^itamahodake || 63||
kR^iShNashrIgandhakaNThIM tAM dhyAyanti hR^idayAmbuje |
kuberasannibhAste tu pramodante shivAspade || 64||
bhaumavAre naraH snAtvA tasmin siddhAmR^ite vare |
ye dhyAyanti guhaM bhaktyA sudR^iDhAH pramudAnvitAH || 65||
kShudrarogavinirmuktA dIrghamAyuravApnuyuH |
bhaumavAre samAgatya siddhAmR^itataTe shubhe || 66||
jalaM spR^iShTvA hR^idi dhyAtvA vaidyanAthaM mudAnvitAH |
kurvanti prokShaNaM ye tu chulukodakamAtrakam || 67||
tilamAtraM mAShamAtraM siddhAmR^itajalaM shubham |
pibanti putraM sadrUpaM shubhaM vidyAbalairyutam || 68||
 
avApya bhogAn bhuktvA te shivasAyujyamApnuyuH |
pa~nchAshat koTivistIrNe bhUtale nivasanti ye || 69||
dvIpAntare vA dhyAyanto vaidyanAthaM cha mAnase |
snAnti ga~NgAjalaM snAnajAtaM phalamavApnuyuH || 70||
 
saumyavAre narAsnAtvA tasmin siddhAmR^ite vare |
sarvashAstrArthatatvaj~nAH dIrghamAyuravApnuyuH || 71||
guruvAre narAsnAtvA tasmin siddhAmR^itodake |
budhyA bR^ihaspatisamAH trikAlaj~nAnino.api te || 72||
indrasya sadanaM prApya paurohityamavApnuyuH |
bhR^iguvAre narAstnAtvA tasmin siddhAmR^ite shubhe || 73||
nidhIn sarvAnavApyAshu shivasAyujyamApnuyuH |
sthiravAre narAsnAtvA tasmin siddhAmR^ite vare || 74||
shanipIDAvinirmuktAH dIrghamAyuravApnuyuH |
mAghamAse samAgatya vaidyanAthasthale narAH || 75||
shuklapratipadArabhya tvamAparyantamAstikAH |
siddhAmR^ite puShkare ye snAnti teShAmidaM phalam || 76||
AyurArogyamaishvaryaM putraH shatrujayaM tvamI |
sidhyanti satyaM dehAnte muktireva na saMshayaH || 77||
mAghamAse narAsnAtvA tasmin siddhAmR^ite sukR^it |
mahArogavinirmuktAH kShudrapIDAvivarjitAH || 78||
pa~nchapAtakanirmuktAH putrairpautraissamanvitAH |
iha bhuktvAkhilAn bhogAn svamitrairbandhubhissaha || 79||
trisaptakulamuddhR^itya shivasAyujyamApnuyuH |
mAghamAse sakR^it snAtvA gAyatrIM vedamAtaram || 80||
pa~nchAkSharaM japaM chAnyaM mantraM brAhmaNatarpaNam |
kR^itvA siddhAmR^itasyAsya vaibhavashlokamAdarAt || 81||
yaH shruNoti naro bhaktyA karasthAstasya siddhayaH |
ye dIpArAdhanaM kuryurvaidyanAthasya bhaktitaH || 82||
akShirogAdvinirmuktAH sarvAn kAmAnavApnuyuH |
pradakShiNanamaskAraM shrIrudrapaThanaM tathA || 83||
bilvairabhyarchanaM chaiva dAnaM brAhmaNabhojanam |
ye kArayanti kurvanti te kShudrAdivivarjitAH || 84||
sarvavyAdhivinirmuktAssarvAn kAmAnavApya cha |
dehAnte shivasAyujyaM labheyurnAtra saMshayaH || 85||
auShadhyaH phalapAkAntA mAghamAse phalanti tAH |
dvijAnAM ye prayachChanti tatratyAnAM mahAtmanAm || 86||
kShudrarogAdinirmuktAH putrairpautraissamanvitAH |
iha bhuktvA.akhilAn bhogAn te shaivaM padamApnuyuH || 87||
puNye siddhAmR^ite snAtvA mAghe ye bhaktipUrvakam |
gulamishraM tilaM puNyaM taNDulaM kadalIphalam || 88||
badarIphalamanyadvA dhAtrIphalamanuttamam |
dAnaM kurvanti muktAssyuH te vai saMsArabandhanAt || 89||
 
vidyAM ShaShTiM yashaH putrAn rAjyalakShmIM samApnuyuH |
vaidyanAthasthale mAghe puNye siddhAmR^ite narAH || 90||
snAtvA brAhmaNamekaM vA triMshachcha dharaNIsurAn |
bhojayedyadi mR^iShTAnnaiH bhogAn bhuktvA yathechChyA || 91||
sarvavyAdhivinirmuktAH shivasAyujyamApnuyuH |
ye shR^iNvanti narA bhaktyA tIrthamAhAtmyamuttamam || 92||
ga~NgAsnAnaphalaM prApya shivasAyujyamApnuyuH || 93||

|| iti vaidyanAthasthalamAhAtmye vaidyanAthasthale siddhAmR^itatIrthamAhAtmyavarNanaM sampUrNam ||
\- || vaidyanAthasthalamAhAtmyam | dashamo.adhyAyaH | 45\.2\-93||

##
- .. vaidyanAthasthalamAhAtmyam . dashamo.adhyAyaH . 45.2-93..

Notes:

Ṛṣi Agastya ##R^iShi agastya## describes the merits of visiting and conducting of certain rites at the Siddhāmṛta Tīrtha ##siddhAmR^ita tIrtha## located in the Vaidyanātha Sthala ##vaidyanAtha sthala##. He mentions especially about conducting these rites on various Vāra ##vAra##, the month of Māgha ##mAgha## and reaping several merits including relief from Śanipīḍā ##shanipIDA## and achieving ŚivaSāyujya ##shivasAyujya##.##


##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}