% Text title : Agastyakrita Vedapada Stava % File name : vedapAdastavaHagastyakRRita.itx % Category : shiva, shivarahasya % Location : doc\_shiva % Proofread by : Ruma Dewan % Description/comments : shrIshivarahasyam | harAkhyaH tRitIyAMshaH | pUrvArdham | adhyAyaH 35| 4-139 || % Latest update : May 6, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Agastyakrita Vedapada Stava ..}## \itxtitle{.. agastyakR^itavedapAdastavaH ..}##\endtitles ## agastyaH \- bhargo devasya saviturvareNyamiha dhImahi | sa bhargo bhagavAn shambhuH dhiyo yo naH prachodayAt || 4|| gaNagaNapataye namo namaH suragaNapataye namo namaH | agapatipataye namo namaH pashupatipataye namo namaH || 5|| namaste.astu gaNeshAya mahAdevasutAya te | vighnAndhakArasUryAya brahmaNAM brahmaNaspate || 6|| namAmi DhuNDhiM madasiktagaNDaM kR^ipAghaShaNDaM vidhR^itArdhamuNDam | svabhaktavighnArtiharaprachaNDaM parAtparaM yanmahato mahAntam || 7|| gaNAdhipaM gaNDatalAlikoTikirITa koTidhvajanirjitAmbudheH | saMsevitA~Nghri praNamAmi sarvadA kaviM kavInAmupamashravastamam || 8|| siddhiM dAtuM buddhiM vR^iddhiM shaktaM nityaM gaurIputram | skandaM vande vandyaM vedaiH subrahmaNyoM subrahmaNyam || tArakAsurasaMhAraM vihArachaturaM param | vande vandArumandAraM kumAraM puShkarasrajam || 10|| akasmAdasmadIyena bhAgyena sukhadeva me | smarArAtismR^itistAvadabhrAt vR^iShTirivAjani || 11|| ye vaidikasmArtavidhiprayuktakriyAjalakShAlanapUtachittAH | vibhUtirudrAkShavibhUShaNAste shamena shAntAH shivamAcharanti || 12|| surApArashiroratnaprabhAnIrAjitAya te | mahAdevAya sharvAya sadasaspataye namaH || 13|| bhUtajAtasamutpattihetubhUtAya sarvadA | sarvadevAbhivandyAya bhUtAnAM pataye namaH || 14|| sarvAmarAdhidevAya vedArAdhyapadAya te | devottamottamAyAshu pashUnAM pataye namaH || 15|| kAlAntakAya sharvAya mahAmR^ityu~njayAya cha | bhUtasvargApavargAya jagatAM pataye namaH || 16|| namastrilokanAthAya namaH paratarAya te | namaH shAntAya bhagavan annAnnAM pataye namaH || 17|| AryachittapraviShTAya prahR^iShTAya sureShvapi | prakR^iShTAyAtipuShTAya puShTAnAM pataye namaH || 18|| mahAbhUtAdhipataye bhUtabhItipradAya cha | bhUtipradaprabhUtAya dishAM cha pataye namaH || 19|| vishvamAyAvidUrAya vishvavishvapriyAya cha | vishveshvarAya somAya vishvarUpAya vai namaH || 20|| ghora tatpuruSheshAna vAmadeva sadAshiva | avidyAdhvAntasUryAya sadyojAtAya vai namaH || 21|| namo bhargAya bhImAya bhaganetraharAya te | devatAsArvabhaumAya namo rudrAya mIDhuShe || 22|| sahasrashirase tubhyaM sahasracharaNAya cha | namaH sahasrahastAya sahasrAkShAya mIDhuShe || 23|| bhAlabhAsuranetrAgnisandagdhatripurAya te | namaH sundararUpAya sumR^iDIkAya mIDhuShe || 24|| saMsAraghorarogArtinivAraNakarAya te | namastubhyamaShADhAya sahamAnAya mIDhuShe || 25|| samasta vedavedAntavandivanditamavyayam | bhavvasvarUpaM taM vande sadasaspatimadbhutam || 26|| surAsuragaNArAdhyaM durArAdhyaM durAtmanAm | paramAnandadaM vande sugandhiM puShTivardhanam || 27|| tameva bhaktyA hR^idi bhAvayAmo bhavaM bhavAnIramaNaM bhajAmaH | bhavAdinAmAni mudA vadAmo yataH prasUtA jagataH prasUtI || 28|| gaurI vihArapravaraprajAtasvedodakAmodavijR^imbhitena | umAsahAyaH samayaH sa bhUyaH toyena jIvAn vyachasarja bhUmyAm || 29|| ya eva tAvadbhirirAjakanyA vinyastahastastanamastahastaH | sa eva tAvavdyachasarja tasyAM yadoShadhIbhiH puruShAn pashUMshcha || 30|| pradoShakAlInashivArchanena yaH sarvadoShApaharo haro me | gaurIvihArAdarataH sasarja yadeSha bhUtAni charAcharANi || 31|| bhAlAkShaM dakShayaj~nAdishikShAdakShAbhilakShitam | vande devaM virUpAkShamakSharaM paramaM padam || 32|| shivaprabhAvashravaNotsukAya shivArchanAnandavijR^imbhitAya | shivastavAkhyAnavivardhanAya shiva prajAyai shivamastu mahyam || 33|| mahAprabhuH shambhurumAsahAyo dayAmayo bhUtimayo mayo.api | mAtA pitA me sa hitapradAtA dhAtA vidhAtA paramota sandR^ik || 34|| ma~NgalAla~NkR^itArdhA~NgamardhendulalitAlakam | ardhanArIshvaraM vande puruShaM kR^iShNapi~Ngalam || 35|| jagannirmANachAturyamaryAdAsetusevitam | vande shAntamumAkAntaM jagatastasthuShaspatim || 36|| purAdikAmarArAtisaMhArachaturaM param | parAt parataraM vande jetAramaparAjitam || 37|| taM vande sachchidAnandamadvaitamatisundaram | lIlayA vidadhe yoyamimAni trINi viShTapA || 38|| taM vande nityasarvaj~naM nityavij~nAnasAgaram | yato yajUMShi jAtAni R^ichaH sAmAni jaj~nire || 39|| bhavantameva satataM bhagavantamumApatim | smR^itvA tarati saMsAraM yo vishvA.abhivipashyati || 40|| sarvAmaraniyantAraM sha~NkaraM lokasha~Nkaram | bhaja yasya prasAdena vyApya nArAyaNaH sthitaH || 41|| tameva vande deveshaM maheshaM sharaNaM gataH | yadAj~nayA jagad dhAtA yathApUrvamakalpayat || 42|| smarAriM tamahaM vande yalli~NgaM ma~Ngalapradam | pUjayanti prasUnAdyairindrajyeShThA marudgaNAH || 43|| namAmi tamumArdhA~NgaM sha~NgaM ma~NgaladAyakam | yamArAdhya sukhaM prApuH devAsaH pUSharAtayaH || 44|| namAmi taM mahArudraM shAmbhavAshchiddhanaM param | satataM vedavedAnteH sa~njAnAnA upAsate || 45|| namAmi tAM parAM gaurIM kuchaku~NkumarUdhitAm | smR^ityApyAnandadAmAshu yA te rudra shivA tanUH || 46|| namaste karuNApArasAgarAya smarAya cha | namaH shAntirasAyApi namaste rudramanyave || 47|| mahApralayakAlAgninibhashUlAya te namaH | namaH parashave tAvat utota iShave namaH || 48|| phaNirAjamahAkAyajyAjyotsnAmaNDitAya cha | mahAmerusvarUpAya namaste astu dhanvane || 49|| raktaka~NkaNabhAbhArabhAsurAbhyAM bhava prabho | bhaktAbhIShTapradAbhyAM cha bAhubhyAmuta te namaH || 50|| surAsurAdikApArasaMhArakaraNAnyapi | ghorANyapArarUpANi tasmAttebhyo.akaraM namaH || 51|| mAM mAmakadhiyA dInaM tAvakaM karuNAkara | kuru sha~Nkara sampannaM daridrannIlalohita || 52|| shA~NkarAgresarArAdhyaM shivArAdhanasAdhanam | rakSha rakSha virUpAkSha nAnyaM vindAmi rAdhase || 53|| dArANAM mama putrANAM pautrAdInAM visheShataH | tvatpAdukArAdhakAnAmasmAkamavitA bhava || 54|| ataH paramumAkAnta durdashAM na sahAmahe | tAM durdashAM harAsmAkaM bhUridAM bhUri dehi naH || 55|| shivapUjanasaktebhyaH shAmbhavebhyaH pratikShaNam | pavitraM gAtramasmabhyaM vasu svArhaM tadAbhara || 56|| bhAvebhyo bhavabhIrubhyo bhasmA~NgebhyaH prayatnataH | bhavAnIramaNa svAmin iShaMstotR^ibhya Abhara || 57|| sarva mohavinAshAya sarvAbhIShTada sha~Nkara | prayachCha shA~NkarIM vidyAM rAyA vishvapuShA saha || 58|| shivapUjAsAdhanAnAM bilvAnAmArjanAya cha | tathA shivapraNAmArthaM balaM dhehi tanUShu naH || 59|| shivapUjanasAmagrIvirahAdeva duHkhinaH | hR^idrogaM mama sUryesha harimANaM cha nAshaya || 60|| shivadroharatA eva shivabhaktapararA~NmukhAH | tAn shivAchArarahitAn vibAdhasva mahAmbhasi || 61|| ananyasharaNAnasmAn tryakSha dAkShAyaNIpriya | kaTAkSheNa virUpAkSha rakSha No brahmaNaspate || 62|| gaurIpate pitA mAtA dAtA trAtA visheShataH | tvamasmAkaM dhanaM bhAgyamuta bhrAto.ata naH sakhA || 63|| stanyapAnAdisamaye na kR^itaM shivapUjanam | anyachcha tat kShamasvesha yanmayA duShkR^itaM kR^itam || 64|| karpUrapUranIhAra girisundara vigraham | girijAnugrahAnugraM gAye tvAM manasA girA || 65|| so.ayaM deyo varo.asmabhyaM vayaM li~NgaM samarpitam | bilvAdisAdhanairdivyaiH pashyema sharadaH shatam || 66|| shivali~NgArchanodyogamahotsava samanvitAH | sarvasaubhAgyasampannA jIvema sharadaH shatam || 67|| gaurIvihArashrIpu~nja ma~njushi~njitama~njulam | shrIkAlakAlamAlokya nandAma sharadaH shatam || 68|| umAsahAyaM sadayaM prasannahR^idayaM hR^idi | AnandaM muhurAlokya modAma sharadaH shatam || 69|| prasIda bhagavan shambho bhavatkaruNayA vayam | nirbhayAH shAmbhavA eva bhavAma sharadaH shatam || 70|| hArApArakathAmeva saMsArAtibhayakShayam | kartumatyudyatAH shR^iNavAma sharadaH shatam || 71|| shiva sha~Nkara gaurIsha mahAdevAntakAntaka | shUlin ityAdinAmAni prabravAma sharadaH shatam || 72|| apamR^ityu mahAmR^ityu mahAroga kulairapi | AdhibhirvyAdhibhiH nityamajItAH syAma sharadaH shatam || 73|| gaurIkuchagirisphArakAshmIrarasarUShitam | sadA chA~NgeShu pashyAmi yuvAnaM vishpatiM kavim || 74|| gaurImanoharasmeravilokanavishAradam | dR^iShTvA hR^iShTo.asmi taM sAmbaM subhAsaM shukrashochiSham || 75|| apArAsArasaMsArarogabhogavinAshakaH | smR^itaH smaraharaH shUro nIlagrIvo vilohitaH || 76|| smR^itaH stutaH shruto dhyAtaH pUjito vA sakR^inmudA | muktiprado mahAdevaH tuvigrIvo anAmayaH || 77|| rudravINAgAnalolalIlayA sAmakalpakaH | sAmagAnapriyaH so.ayamupAsmai gAyatA naraH || 78|| rudrasUktapriyo devo rudrAdhyAyapriyaH shivaH | atastairakhilarnUnameSha viraprairabhiShTutaH || 79|| shivArchanAdayo dharmAH chitta sha~NkarakalpitAH | ato bhaja virUpAkShamadhyakShaM dharmaNAmimam || 80|| praNamanti surAH sarve praNataM shivasannidhau | ataH kurmo namaskArAn rudrAya sthiradhanvane || 81|| rudrAdhyAyAdibhiryA yA namasyA pratipAditA | sA pinAkinamAyAti namasyA kalmalIkinam || 82|| netrAmbhoruha te kR^ityaM hitamadyAdhunochyate | pashya mAmaka pashyeshaM bhrAjamAnaM hiraNmayam || 83|| shivanAmasudhAdhArAM ghorasaMsArahAriNIm | antaHkaraNapAtreNa pAtaM gaurAviveriNI || 84|| shivanirmAlyamAlyAni samyagAghrAyanAsike | shAmbhavebhyo.adhunA nityamasmabhyaM sharma yachChatam || 85|| rasane madhurApArarasAsvAdanatatpare | shivanArasaM brUhi jayatAmivadundubhiH || 86|| re re chittachakora tvaM jahi duHkhamataH param | shivanAmasudhAdhArAM gero na tR^iShitaH piba || 87|| re re manashcha~ncharIka shivapAdAmbujaM muhuH | gADhamAli~Nga machchittaM yoShA jAramiva priyam || 88|| mahArharatnAkarachArumerubhUriprabhAbhAsurabhUShaNAya | maheshvarAyAtimanoharAya maho mahIM suShThutimIrayAmi || 89|| maheshvarAtiduHsahAmitAtigarbhavedanA samAkulAnapArapApasa~Nghasa~NkulAnimAn | avAva mAmavAva mAmumAsahAya kAlahan adUShaNova soma he mR^ishasva shUra rAdhase || 90|| bhajema kAmadaM mudA hR^idi praviShTamaShTadhA nirantarAyamantarAyanAshahetusAdhakam | anargalapravAhasR^iShTikAraNaM sabhApatiH sa no dadAtu taM rayiM rayiM pisha~NgasandR^isham || 91|| namo.andhakAsurAdi sarvashatru nAshahetave surAdhikAya chittametadindukhaNDamaulaye | bhayApahAya deyameva bilvapallavAmalaM na yasya dR^ishyate sakhA na hIyate kadAchana || 92|| aho mahAdeva mahAnubhAva shubhasvabhAvAnupamaprabhAva | bhavodbhavAnudbhava bhavyabhAva bhave bhave nAtibhave bhavasva mAm || 93|| mahAghakoTikUTakoTidAvapAvakAnalAn apArakAmava~nchitAnudArakAmalolupAn | anAthanAtha vishvanAtha tAnavAva tAvakAn adUShaNo.ava somahan mR^ishasva shUra rAdhase || 94|| mandArakundAdimarandadhArAsaktAlimAlAkulamAlikAbhiH | samarchayAmi stutibhirgirIshamaShADhamugraM sahamAnamAbhiH || 95|| namo namaste girirAjarAjakumArikAsundarakAmukAya | namo namaste.astu punarnamaste namo jaghanyAya cha budhniyAya || 96|| tasmai namaH sarvaguNArNavAya sarvAmarArAdhitapAdukAya | gaurIsametAya bahuprajeyaM yataH prasUtA jagataH prasUtI || 97|| tasmai namo ma~Ngalama~NgalAya shrIma~NgalAla~NkR^itavigrahAya | vedAntasa~NghAtasamAshrayAya yasmAt paraM nAparamasti ki~nchit || 98|| sudhAkarApArakaraprasAravihAratArAkarahArabhAra | namo namaste.astu namo namaste yasminnidaM sa~ncha vichaiti sarvam || 99|| hiraNyarUpaM cha hiraNyabAhuM hiraNyanAthaM cha hiraNyavarNam | namAmi bhAlasphuradagnijAlaM hiraNyadaM taM shuchivarNamArAt || 100|| sUkShmAtisUkShmAdbhutavigrahAya mahonnatAtyunnatasannutAya | namo namaste shrutisannuta tvamaNoraNIyAn mahato mahIyAn || 101|| na kevalaM parvatamastakeShu na kevalaM parvatamadhyabhAge | na kevalaM tadgirimUlabhAge adhaHsvidAsIt uparisvidAsIt || 102|| na kevalaM pUrvadigAshrayo.ayaM na kevalaM tiShThati dakShiNAyAm | na pashchimAyAmayamuttarasyAM vyAptaH sa sarvAH pradisho dishashcha || 103|| saMsArarogAdikarogajAlaM shrIkAlakAlAkhilalokapAlam | dUrIkuru tvaM tvarayA dayAbdhe bhiShaktamaM tvAM bhiShajAM shR^iNomi || 104|| pashyAdhunA pashya bhavatpadAbjapUjArataM bhasmavibhUShitA~Ngam | rudrAkShamAlAbharaNaM mahesha pashchAt purastAdadharAdudaktAt || 105|| dayAsudhAsAgaradhIradhArAtara~Ngasa~NgatvadapA~Ngasa~NgAt | vayaM mahApApakulasvarUpAH tvatpAdanAvA duritaM tarema || 106|| dainyAmbudhArAdharadhIradhAra purApakArAkaramAdareNa | mAM pAlayAbhIShTavishiShTamiShTamojiShThayA dakShiNa eva rAtim || 107|| maheshvarArAdhanasAdhanAnAmAsAdanenaiva nayAmi kAlam | na kAlabhIrdehi mamAmitAyuH yadi kShitAyuH yadi vA paretaH || 108|| kadA mudA sundaramandahAsapuraHsaraM mAM smaravairirArAt | bhasmA~NgamAli~Ngati sottamA~NgaiH sthirebhira~NgaiH pururUpa ugraH || 110|| kadA tripuNDrA~NkitabhAlabhAgaM rudrAkShamAlAbharaNapriyaM cha | li~NgArchakaM drakShyati rakShaNAya hiraNyarUpaH sa hiraNyasandR^ik || 111|| bilvAdisampUjitali~NgamadhyAt vinirgataM bilvadalA~NkitA~Ngam | sha~NgaM prapashyAmi muhurmudA.ahamAdityavarga tamasaH parastAt || 112|| tameva devottamamindumauliM bhajAmi bhaktyA bhagavantamekam | bhavaM bhavAnIpatimAmananti vedAntavij~nAnasunishchitArthAH || 113|| tameva sAmbaM satataM bhajAmi yalli~NgapUjAsamavAptabhAgyaH | hiraNyagarbhaH samavartatAgre bhUtasya jAtaH patireka AsIt || 114|| tameva vishveshvaramAshrayAmi yo devadevo jagadekanAthaH | yaddR^iShTimAtraM shriyamAtanoti shrINAmudAro dharuNo rayINAm || 115|| suputrapautrAdisamR^iddhikAmAH kAmArimekaM sharaNaM prapannAH | yataH samastepsitadAnalolaH hiraNyagarbhaH samavartatAgre || 116|| maheshvarAdeva samastametat kalpAvasAne punareva jAtam | AdAvumAli~NgitasundarA~NgAt divA cha naktaM parito yuvA.ajani || 117|| bho lochanorubhramaraprakR^iShTamandArakundAdimarandadhArAm | vihAya gaurIpatimAshritAya svAduH kilAyaM madhumAmutAyam || 118|| kShIraM ghR^ita sharkarayA sametaM gR^ihANa jihve madhurapriye tvam | phalAni ramyANi punargR^ihANa stuhi shrutaM gartasadaM yuvAnam || 119|| ataH paraM kAlabhayaM na me syAt na garbhavAsAdibhayAni nUnam | yato jalaiH bilvadalaiH prageShu yakShvAmahe saumanasAya rudram || 120|| shrImanmahAdeva dayAsamudra shrImanmahArudra mamAparAdhAn | dUrIkuru tvaM kR^ipayA tvamIsha piteva putrAn prati no juShasva || 121|| mAmavyaktavyaktasarvAparAdhAgAdhAmbhodhikrUranakrAdidaShTam | dR^iShTvA.ariShTAniShTanAshAya bhUyo devastrAtA trAyatAmaprayuchChan || 122|| yatpAdAbjaM yogirbhirnaiva dR^iShTaM brahmAdyairvA siddhasa~NghairanekaiH | yasya dhyAnAt sarvadA sarvasiddhiH tattvAyAmi brahmaNA vandamAnaH || 123|| namAmi duNDhiM madasiktagaNDaM hatAghaShaNDaM vidhR^itordhvashuNDam | svabhaktavighnArtiharaprachaNDaM parAtparaM yanmahato mahAntam || 124|| gaNAdhipaM gaNDatalAlikoTibhiH kirITakoTidhvajanirjitAmbudaiH | saMsevitA~Nghri praNamAmi sarvadA kaviM kavInAmupamashravastamam || 125|| namo bhavAnyai bhavatApabhIru svabhaktasaMrakShaNatatparAyai | AnandadA hAravihAradA yA chatuShkapardA yuvatiH supeshAH || 126|| tArAbhirAmAmarahArahIraprasAradhArAnikaropakArAm | chirAya dhIrAM bhaja chitta gaurIM vachovidaM vAchamudIrayantIm || 127|| namAmi tAmeva jagajjanitrIM karoti kAshmIrarasaprasAraiH | AraktavarNI girijA kuchau yA priyaM sakhAyaM pariShasvajAnA || 128|| tAmeva vande girirAjakanyAM yatpAdukArAdhanataH sukhAni | maheshvarA~NkasthalasanniviShTA vishvAni devI bhuvanAni chaShTyA || 129|| mandArAdisragvisheShAlivR^indAmandadhvAnAkarNanAsaktachittAm | vande mandaM bhaktasaMrakShaNArthaM vande devaM rAdhase chodayantIm || 130|| vande bhUyo manduhAsopahAsavyAsaktAsyAnandasindhuM mahesham | krIDAlolaM kartumabhyudyatAM tAmeShA netrI rAdhasaH sUnutAnAm || 131|| bhavAni mAtastrijagajjanitri tvamamba bimbAdhararAgabhAgaiH | shriyaM pradehi tvarayA priyAnno yayA.ati vishvA duritA tarema || 132|| kaste stutiM kartumihAsti shaktaH yAmindirA sundarachandanAdyaiH | samarchayAmAsa sarasvatI cha sarasvatI vA subhagA dadirvasu || 133|| phalaM \- iti stuto mahAdevo varAn datvA tadIpsitAn | punarvarAntaraM dAtumuvAcha vachanaM mudA || 134|| tvayA kR^itaM stotrashikhAmaNi yaH kaNThe luThantaM kurute.atibhaktyA | tamAshu sampa~njalarAshayastAH pariShvajante janayo yathA patim || 135|| imaM stavaM yaH paThati prabhAte madhyAhnakAle.api mahApradoShe | tasya prayAnti prahatA ivAshu bhiyaM dadhAnA hR^idayeShu shatravaH || 136|| labhante japantaH shriyaM kIrtikAmAH labhante dhanaM dhAnyamashvAdikaM cha | labhante tathA.a.ayuH pravR^iddhaM pravR^iddhAH labhante ha putrAn labhante ha putrAn || 137|| iti datvA varAMstasmai tatraiva girijApatiH | antardadhe gaNeshAdyaiH saha li~Nge shivAtmake || 138|| shrIshaileshvarali~NgatulyamamalaM li~NgaM na bhUmaNDale brahmANDapralaye.api tasya vilayo nAstIti vedoktayaH | tasmAt tadbhajanena muktirakhilaiH prApyA na sA durlabhA tatpUjAniratasya durlabhatamaM kiM vA jaganmaNDale || 139|| || iti shivarahasyAntargate agastyakR^itavedapAdastavaH sampUrNaH || \- || shrIshivarahasyam | harAkhyaH tR^itIyAMshaH | pUrvArdham | adhyAyaH 35| 4\-139 || ## - .. shrIshivarahasyam . harAkhyaH tRRitIyAMshaH . pUrvArdham . adhyAyaH 35. 4-139 .. Proofread by Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}