% Text title : Venakritam Shiva Stotram % File name : venakRRitaMshivastotram.itx % Category : shiva, vAmanapurANa, stotra % Location : doc\_shiva % Proofread by : PSA Easwaran % Description/comments : vAmanapurANa | adhyAya 47/63-162|| % Latest update : September 28, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Venakritam Shiva Stotram ..}## \itxtitle{.. venakR^itaM shivastotram ..}##\endtitles ## (sthANu (sthANveshvara li~Nga)) vena uvAcha | prapadye devamIshAnaM tvAmajaM chandrabhUShaNam | mahAdevaM mahAtmAnaM vishvasya jagataH patim || 63|| namaste devadevesha sarvashatruniShUdana | devesha baliviShTambha devadaityaishcha pUjita || 64|| virUpAkSha sahasrAkSha tryakSha yakSheshvarapriya | sarvataH pANipAdAnta sarvato.akShishiromukha || 65|| sarvataH shrutimalloke sarvamAvR^itya tiShThasi | sha~NkukarNa mahAkarNa kumbhakarNArNavAlaya || 66|| gajendrakarNa gokarNa pANikarNa namo.astu te | shatajihva shatAvarta shatodara shatAnana || 67|| gAyanti tvAM gAyatriNo hyarchayantyarkkamarchiNaH | brahmANaM tvA shatakrato udvaMshamiva menire || 68|| mUrtau hi te mahAmUrte samudrAmbudharAstathA | devatAH sarva evAtra goShThe gAva ivAsate || 69|| sharIre tava pashyAmi somamagniM jaleshvaram | nArAyaNaM tathA sUryaM brahmANaM cha bR^ihaspatim || 70|| bhagavAn kAraNaM kAryaM kriyAkAraNameva tat | prabhavaH pralayashchaiva sadasachchApi daivatam || 71|| namo bhavAya sharvAya varadAyograrUpiNe | andhakAsurahantre cha pashUnAM pataye namaH || 72|| trijaTAya trishIrShAya trishUlAsaktapANaye | tryambakAya trinetrAya tripuraghna namo.astu te || 73|| namo muNDAya chaNDAya aNDAyotpattihetave | DiNDimAsaktahastAya DiNDimuNDAya te namaH || 74|| namordhvakeshadaMShTrAya shuShkAya vikR^itAya cha | dhUmralohitakR^iShNAya nIlagrIvAya te namaH || 75|| namo.astvapratirUpAya virUpAya shivAya cha | sUryamAlAya sUryAya svarUpadhvajamAline || 76|| namo mAnAtimAnAya namaH paTutarAya te | namo gaNendra nAthAya vR^iShaskandhAya dhanvine || 77|| sa~NkrandanAya chaNDAya parNadhArapuTAya cha | namo hiraNyavarNAya namaH kanakavarchase || 78|| namaH stutAya stutyAya stutisthAya namo.astu te | sarvAya sarvabhakShAya sarvabhUtasharIriNe || 79|| namo hotre cha hantre cha sitodagrapatAkine | namo namyAya namrAya namaH kaTakaTAya cha || 80|| namo.astu kR^ishanAshAya shayitAyotthitAya cha | sthitAya dhAvamAnAya muNDAya kuTilAya cha || 81|| namo nartanashIlAya layavAditrashAline | nATyopahAralubdhAya mukhavAditrashAline || 82|| namo jyoShThAya shreShThAya balAtibalaghAtine | kAlanAshAya kAlAya saMsArakShayarUpiNe || 83|| himavadduhituH kAnta bhairavAya namo.astu te | ugrAya cha namo nityaM namo.astu dashabAhave || 84|| chitibhasmapriyAyaiva kapAlAsaktapANaye | vibhIShaNAya bhIShmAya bhImavratadharAya cha || 85|| namo vikR^itavaktrAya namaH pUtogradR^iShTaye | pakvAmamAMsalubdhAya tumbivINApriyAya cha || 86|| namo vR^iShA~NkavR^ikShAya govR^iShAbhirute namaH | kaTa~NkaTAya bhImAya namaH paraparAya cha || 87|| namaH sarvavariShThAya varAya varadAyine | namo viraktaraktAya bhAvanAyAkShamAline || 88|| vibhedabhedabhinnAya ChAyAyai tapanAya cha | aghoraghorarUpAya ghoraghoratarAya cha || 89|| namaH shivAya shAntAya namaH shAntatamAya cha | bahunetrakapAlAya ekamUrte namo.astu te || 90|| namaH kShudrAya lubdhAya yaj~nabhAgapriyAya cha | pa~nchAlAya sitA~NgAya namo yamaniyAmine || 91|| namashchitrorughaNTAya ghaNTAghaNTanighaNTine | sahasrashataghaNTAya ghaNTAmAlAvibhUShiNe || 92|| prANasa~NghaTTagarvAya namaH kilikilipriya | huMhu~NkArAya pArAya huMhu~NkArapriyAya cha || 93|| namaH samasame nityaM gR^ihavR^ikShaniketine | garbhamAMsashR^igAlAya tArakAya tarAya cha || 94|| namo yaj~nAya yajine hutAya prahutAya cha | yaj~navAhAya havyAya tapyAya tapanAya cha || 95|| namastu payase tubhyaM tuNDAnAM pataye namaH | annadAyAnnapataye namo nAnAnnabhojine || 96|| namaH sahasrashIrShAya sahasracharaNAya cha | sahasrodyatashUlAya sahasrAbharaNAya cha || 97|| bAlAnucharagoptre cha bAlalIlAvilAsine | namo bAlAya vR^iddhAya kShubdhAya kShobhaNAya cha || 98|| ga~NgAlulitakeshAya mu~njakeshAya vai namaH | namaH ShaTkarmatuShTAya trikarmaniratAya cha || 99|| nagnaprANAya chaNDAya kR^ishAya sphoTanAya cha | dharmArthakAmamokShANAM kathyAya kathanAya cha || 100|| sA~NkhyAya sA~NkhyamukhyAya sA~NkhyayogamukhAya cha | namo viratharathyAya chatuShpatharathAya cha || 101|| kR^iShNAjinottarIyAya vyAlayaj~nopavItine | vaktrasandhAnakeshAya harikesha namo.astu te | tryambikAmbikanAthAya vyaktAvyaktAya vedhase || 102|| kAmakAmadakAmaghna tR^iptAtR^iptavichAriNe | namaH sarvada pApaghna kalpasa~NkhyAvichAriNe || 103|| mahAsattva mahAbAho mahAbala namo.astu te | mahAmegha mahAprakhya mahAkAla mahAdyute || 104|| meghAvarta yugAvarta chandrArkapataye namaH | tvamannamannabhoktA cha pakvabhuk pAvanottamaH || 105|| jarAyujANDajAshchaiva svedajodbhidajAshcha ye | tvameva devadevesha bhUtagrAmashchaturvidhaH || 106|| sraShTA charAcharasyAsya pAtA hantA tathaiva cha | tvAmAhurbrahma vidvAMso brahma brahmavidAM gatim || 107|| manasaH paramajyotistvaM vAyurjyotiShAmapi | haMsavR^ikShe madhukaramAhustvAM brahmavAdinaH || 108|| yajurmayo R^i~NmayastvAmAhuH sAmamayastathA | paThyase stutibhirnityaM vedopaniShadAM gaNaiH || 109|| brAhmaNAH kShatriyA vaishyAH shUdrA varNAvarAshcha ye | tvameva meghasa~NghAshcha vidyuto.ashanigarjitam || 110|| saMvatsarastvamR^itavo mAso mAsArdhameva cha | yugA nimeShAH kAShThAshcha nakShatrANi grahAH kalAH || 111|| vR^ikShANAM kakubho.asi tvaM girINAM himavAn giriH | vyAghro mR^igANAM patatAM tArkShyo.anantashcha bhoginAm || 112|| kShirodo.asyudadhInAM cha yantrANAM dhanureva cha | vajraM praharaNAnAM cha vratAnAM satyameva cha || 113|| tvameva dveSha ichChA cha rAgo mohaH kShamAkShame | vyavasAyo dhR^itirlobhaH kAmakrodhau jayAjayau || 114|| tvaM sharI tvaM gadI chApI khaTvA~NgI cha sharAsanI | ChettA mettA prahartAsi mantA netA sanAtanaH || 115|| dashalakShaNasaMyukto dharmo.arthaH kAma eva cha | samudrAH sarito ga~NgA parvatAshcha sarAMsi cha || 116|| latAvallyastR^iNauShadhyaH pashavo mR^igapakShiNaH | dravyakarmaguNArambhaH kAlapuShpaphalapradaH || 117|| AdishchAntashcha vedAnAM gAyatrI praNavastathA | lohito harito nIlaH kR^iShNaH pItaH sitastathA || 118|| kadrushcha kapilashchaiva kapoto mechakastathA | savarNashchApyavarNAshcha kartA hartA tvameva hi || 119|| tvamindrashcha yamashchaiva varuNo dhanado.anilaH | upaplavashchitrabhAnuH svarbhAnurbhAnureva cha || 120|| shikShAhautraM trisauparNaM yajuShAM shatarudriyam | pavitraM cha pavitrANAM ma~NgalAnAM cha ma~Ngalam || 121|| tinduko girijo vR^ikSho mudgaM chAkhilajIvanam | prANAH sattvaM rajashchaiva tamashcha pratipatpatiH || 122|| prANo.apAnaH samAnashcha udAno vyAna eva cha | unmeShashcha nimeShashcha kShutaM jR^imbhitameva cha || 123|| lohitAntargato dR^iShTirmahAvaktro mahodaraH | shuchiromA harishmashrurUrdhvakeshashchalAchalaH || 124|| gItavAditranR^ityaj~no gItavAditrakapriyaH | matsyo jAlo jalaukAshcha kAlaH kelikalA kaliH || 125|| akAlashcha vikAlashcha duShkAlaH kAla eva cha | mR^ityushcha mR^ityukartA cha yakSho yakShabhaya~NkaraH || 126|| saMvartako.antakashchaiva saMvartakabalAhakaH | ghaNTo ghaNTI mahAghaNTI chirI mAlI cha mAtaliH || 127|| brahmakAlayamAgnInAM daNDI muNDI trimuNDadhR^ik | chaturyugashchaturvedashchAturhotrapravartakaH || 128|| chAturAshramyanetA cha chAturvarNyakarastathA | nityamakShapriyo dhUrto gaNAdhyakSho gaNAdhipaH || 129|| raktamAlyAmbaradharo giriko girikapriyaH | shilpaM cha shilpinAM shreShThaH sarvashilpapravartakaH || 130|| bhaganetrA~NkushashchaNDaH pUShNo dantavinAshanaH | svAhA svadhA vaShaTkAro namaskAro namo namaH || 131|| gUDhavrato guhyatapAstArakAstArakAmayaH | dhAtA vidhAtA sandhAtA pR^ithivyA dharaNo.aparaH || 132|| brahmA tapashcha satyaM cha vratacharyamathArjavam | bhUtAtmA bhUtakR^idbhUtirbhUtabhavyabhavodbhavaH || 133|| bhUrbhuvaH svarR^itaM chaiva dhruvo dAnto maheshvaraH | dIkShito.adIkShitaH kAnto durdAnto dAntasambhavaH || 134|| chandrAvarto yugAvartaH saMvartakapravartakaH | binduH kAmo hyaNuH sthUlaH karNikArasrajapriyaH || 135|| nandImukho bhImamukhaH sumukho durmukhastathA | hiraNyagarbhaH shakunirmahoragapatirvirAT || 136|| adharmahA mahAdevo daNDadhAro gaNotkaTaH | gonardo gopratArashcha govR^iSheshvaravAhanaH || 137|| trailokyagoptA govindo gomArgo mArga eva cha | sthiraH shreShThashcha sthANushcha vikroshaH krosha eva cha || 138|| durvAraNo durviShaho duHsaho duratikramaH | durddharSho duShprakAshashcha durdursho durjayo jayaH || 139|| shashA~NkAnalashItoShNaH kShuttR^iShNA cha nirAmayaH | Adhayo vyAdhayashchaiva vyAdhihA vyAdhinAshanaH || 140|| samUhashcha samUhasya hantA devaH sanAtanaH | shikhaNDI puNDarIkAkShaH puNDarIkavanAlayaH || 141|| tryambako daNDadhArashcha ugradaMShTraH kulAntakaH | viShApahaH surashreShThaH somapAstvaM marutpate | amR^itAshI jagannAtho devadevo gaNeshvaraH || 142|| madhushchyutAnAM madhupo brahmavAk tvaM ghR^itachyutaH | sarvalokasya bhoktA tvaM sarvalokapitAmahaH || 143|| hiraNyaretAH puruShastvamekaH tvaM strI pumAMstvaM hi napuMsakaM cha | bAlo yuvA sthaviro devadaMShTrA tvanno girirvishvakR^idvishvahartA || 144|| tvaM vai dhAtA vishvakR^itAM vareNyastvAM pUjayanti praNatAH sadaiva | chandrAdityau chakShuShI te bhavAn hi tvameva chAgniH prapitAmahashcha | ArAdhya tvAM sarasvatIM vAglabhante ahorAtre nimiShonmeShakartA || 145|| na brahmA na cha govindaH paurANA R^iShayo na te | mAhAtmyaM vedituM shaktA yAthAtathyena sha~Nkara || 146|| puMsAM shatasahasrANi yatsamAvR^itya tiShThati | mahatastamasaH pAre goptA mantA bhavAn sadA || 147|| yaM vinidrA jitashvAsAH sattvasthAH saMyatendriyAH | jyotiH pashyanti yu~njAnAstasmai yogAtmane namaH || 148|| yA mUrtayashcha sUkShmAste na shakyA yA nidarshitum | tAbhirmAM satataM rakSha pitA putramivaurasam || 149|| rakSha mAM rakShaNIyo.ahaM tavAnagha namo.astu te | bhaktAnukampI bhagavAn bhaktashchAhaM sadA tvayi || 150|| jaTine daNDine nityaM lambodarasharIriNe | kamaNDaluniSha~NgAya tasmai rudrAtmane namaH || 151|| yasya kesheShu jImUtA nadyaH sarvA~NgasandhiShu | kukShau samudrAshchatvArastasmai toyAtmane namaH || 152|| sambhakShya sarvabhUtAni yugAnte paryupasthite | yaH shete jalamadhyasthastaM prapadye.ambushAyinam || 153|| pravishya vadanaM rAhoryaH somaM pibate nishi | grasatyarkaM cha svarbhAnU rakShitastava tejasA || 154|| ye chAtra patitA garbhA rudra gandhasya rakShaNe | namaste.astu svadhA svAhA prApnuvanti tadadbhute || 155|| ye.a~NguShThamAtrAH puruShA dehasthAH sarvadehinAm | rakShantu te hi mAM nityaM te mAmApyAyayantu vai || 156|| ye nadIShu samudreShu parvateShu guhAsu cha | vR^ikShamUleShu goShTheShu kAntAragahaneShu cha || 157|| chatuShpatheShu rathyAsu chatvareShu sabhAsu cha | hastyashvarathashAlAsu jIrNodyAnAlayeShu cha || 158|| ye cha pa~nchasu bhUteShu dishAsu vidishAsu cha | chandrArkayormadhyagatA ye cha chandrArkarashmiShu || 159|| rasAtalagatA ye cha ye cha tasmAt paraM gatAH | namastebhyo namastebhyo namastebhyashcha nityashaH || 160|| yeShAM na vidyate sa~NkhyA pramANaM rUpameva cha | asa~NkhyeyagaNA rudrA namastebhyo.astu nityashaH || 161|| prasIda mama bhadraM te tava bhAvagatasya cha | tvayi me hR^idayaM deva tvayi buddhirmatistvayi || 162|| stutvaivaM sa mahAdevaM virarAma dvijottamaH || 163|| iti shrIvAmanapurANe saptachatvAriMshattamAdhyAyAntargataM venakR^itaM shivastotraM samAptam | vAmanapurANa | adhyAya 47/63\-162|| ## vAmanapurANa . adhyAya 47/63-162.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}