% Text title            : Vishnavadiproktam Mahapatadimaranakale Shivabhidhanashravanamahimanuvarnanam
% File name             : viShNavAdiproktaMshivAbhidhAnashravaNamahimAnuvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 20 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnavadiproktam Shivabhidhanashravanamahimanuvarnanam ..}##
\itxtitle{.. viShNavAdiproktaM shivAbhidhAnashravaNamahimAnuvarNanam ..}##\endtitles ##
viShNavAdiproktaM mahApAtAdimaraNakAle shivAbhidhAnashravaNamahimAnuvarNanam
viShNuH \-
shivAbhidhAnaM maraNakShaNe shrutaM tvayA shivAnugrahapAtrabhUtam |
manye bhavantaM bhagavantameva tvayA na tulyo bhuvanatraye.api || 160||
svachChandavR^ittyA sthitameva pUrva tapaH kR^itaM nogramaghApanuttyai |
shivAbhidhAnashravaNena sadyo mukto.asi saMsAramahAmburAsheH || 161||
kurvanti kechit girikandareShu dArAn vihAyApi tathA kumArAn |
na tairidaM prApyamanantarAyaM shivAbhidhAnaM maraNakShaNeShu || 162||
aho kR^itArtho.asi shivAbhidhAnaM shrutaM yato mokShavidhAnadakSham |
sAkShAdvirUpAkShakR^ipAshrayeShu bhAlAkSharUpo.api bhaviShyasi tvam || 163||
anAyAsenedaM khalu phalamumAkAntakR^ipayA
tvayA prAptaM nUnaM maraNasamaye shAmbhavamidam |
shrutaM nAmAnantAmayavilayahetuH shivakR^ipA
kathaM tvayyapyAsIdamitasukR^itAnAM phalamidam || 164||
manuShyANAM tAvanmaraNasamaye rodanavaiH paraM
kAlo yAti praNayasahitAnAmapi dayA |
mahAdevAkhyAyAH sakR^idapi na chochchAraNamatiH
vR^ithA hAhAhAhetyapi samayanAshodyatadhiyaH || 165||
maraNAvasareShu kaNThabhAge kaphapittaprabhave bhavodbhavasya |
smaraNaM shivanAmakIrtanaM vA na bhavatyeva kadA.api pApayogAt || 166||
dArAn kumArAnapi vIkShya tAvanmumUrShurapyAdarato.ashrupUrNaH |
rudatyayaM na smarati smarAriM na shAmbhavaM nAma shR^iNoti duShTaH || 167||
antakAlasamaye maheshvarArAdhane bhasitabhUShaNe.api vA |
jAyate na sahasA matistato yAti ghoranarakAlayaM naraH || 168||
antakAlaviShaye sadAshivadhyAnamAtramapi muktisAdhanam |
tatkatha~nchidapi jAyate nR^iNAM sha~Nkaro yadi purA samarchitaH || 169||
antakAlaviShaye shivasmR^itiH bhasmadhAraNamaghaughanAshane |
jAyate khalu katha~nchiduchchakaiH nAma shA~Nkaramapi shrutaM bhavet || 170||
bhasmoddhUlitavigraho.ativipulAM rudrAkShamAlAM vahan
kaNThe karNayuge.api sha~NkarapadAnyapyucharannAdarAt |
spR^iShTvA li~NgamanuttamaM muhurapi spR^iShTvA cha bilvIdalaiH
sampUjyAshu samarpaNaM cha kurute sha~NgAya shA~Ngo janaH || 171||
shambho bharga bhavendushekhara mahAdeveti yaH saMvadan
rudrAkShAmalabhUtibhUpitatanuH kR^itvA cha li~NgArchanam |
sha~NgAyAshu samarpaNaM cha kurute shA~NgaH sa sha~Ngo bhavet
tatpAdAmbujareNubhirmama shiraH pUtaM bhavatyanvaham || 172||
mahAprayANeShu maheshanAma shrutaM smR^itaM vA yadi puNyavegAt |
tadA sa mukto bhavatIti manye nAnyasya muktiH pralaye.api satyam || 173||
shapAmi shivapAdayoH shivapadasmR^iteH kevalaM vimuktiriti sA smR^itirbhasitabhUShaNAnAM param |
bhaviShyati bhavAnvayo na bhavatIti manye punaH punaH punarahaM bhujadvayamidaM samuddhR^itya tu || 174||
yamadUtAH
anena maraNakShaNe shivapadaM shrutaM devatAH prabhUtabahupuNyavAnayamabhUt shivAnugrahAt |
shivAntikamayaM surAH sapadi neya evAdarAt vimAnavaramAshritaH suragaNAdisevyo mudA || 178||
apArakalpeShvapi yena taptaM tapo.atighoraM bahuvahnimadhye |
tasyApi tAvanna mahAprayANe shivAbhidhAnashravaNAvakAshaH || 179||
aho kR^itArthAH katichinmaheshaprasAdapAtratvamupetya dhanyAH |
kailAsavAsaM samavApnuvanti pUjyAH surANAmapi sarvathA.api || 180||
dhanaM paramidaM surAH shivapadaM paraM sampadAM
vipatkulavinAshakaM sakalapApasaMhArakam |
smR^itaM sapadi pAtakaM harati saMshrutaM vA
mudA dadAti shivasannidhiM nidhimapi pradatvA muhuH || 181||
apArajananAmayaM harati mR^ityuvAtAdikaM
shrutaM shivapadaM mudA shivapadAmbujAnugrahAt |
itaH kimadhikaM dhanaM bhuvi nidhipradAnakShamaM
vimokShadamatipriyaM shivapadArchakAnAM surAH || 182||
ataH paramihAdhunA khalu tathA vilambastadA vineya
iti nishchaye sati kathAnuvAdairalam |
bhavadbhiratipUjito bhavatu so.ayamatyAdarAt
iti priyatamaistadA suragaNaiH samArAdhitaH || 183||
shrIsha~NkaraH \-
tataH paraM puShpakaratnasaMsthaM tamAnayAmAsurihAdareNa |
sa mukta evAtra shivAbhidhAnamAhAtmyametat shrutamadya gauri || 184||
shivanAmasudhAshanena dhanyAH katichit te girije mamApi mAnyAH |
idamAdarato.atigopanIyaM maNirevAyamaho mahAn sa shaivaH || 185||
nandikeshaH \-
iti sha~NkavAgvilAsalolA kamalApUjitapAdapadmamAlA |
shivanAmadhApravAhalIlA mahilA kApi shivasya sA sushIlA || 186||
tasmAdanyaM muktibIjaM na vidmo loke muktiH sha~NkarAnugraheNa |
tasmAdekaH sha~NkaraH sha~Nkaro me sevyaH sevyaH sarvadA sarvadA.api || 187||

|| iti shivarahasyAntargate viShNavAdiproktaM mahApAtAdimaraNakAle shivAbhidhAnashravaNamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 20| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 20. vAvRRittashlokAH ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}