% Text title            : Vishnukritam 10 Shiva Stotram
% File name             : viShNukRRitaM10shivastotram.itx
% Category              : shiva, skandapurANa, stotra
% Location              : doc\_shiva
% Proofread by          : PSA Easwaran
% Description/comments  : skandapurANa | mAheshvarakhaNDa | aruNAkhaNDa | uttarakhaNDa | adhyAya 14/21-31||
% Latest update         : April 27, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnukritam 4 Shiva Stotram ..}##
\itxtitle{.. viShNukR^itaM 4 shivastotram ..}##\endtitles ##
viShNuruvAcha |
jaya pR^ithvImayAkAra jaya chApomayAkR^ite |
jaya prabhAkarAkAra jayAmR^itakarAkR^ite || 8||
jaya vaishvAnarAkAra jaya gandhavahAkR^ite |
jaya hotR^imayAkAra jayAkAshamayAkR^ite || 9||
rakSha mAM triguNAtIta rakSha mAM kAlavigraha |
rakSha mAmakShayaishvarya rakSha mAM karuNAkara || 3\.2\.14\.10||
sraShTA tvaM sarvajagatAM rakShitA sarvadehinAm |
hartA cha sarvabhUtAnAM tvAM vinaivAsti ko.aparaH || 11||
aNUnAmapyaNIyAMstvaM mahAMstvaM mahatAmapi |
antarbahistvamevaitajjagadAkramya vartase || 12||
nigamAstava nishvAsA vishvaM te shilpavaibhavam |
sa tvaM tvadIya evAsi j~nAnamAtmA tava prabho || 13||
amarA dAnavA daityAH siddhA vidyAdharA narAH |
prANinaH pakShiNaH shailAH shikhino.api tvameva hi || 14||
svargastvamapavargastvaM tvamo~NkArastvamadhvaraH |
tvaM yogastvaM parA saMvitkiM tvaM na bhavasIshvara || 15||
tvamAdirmadhyamantashcha tasthuShAM jagmuShAmapi |
kAlasvarUpatAM prApya kalayasyakhilaM jagat || 16||
pareshaH parataH shAstA sarvAnugrAhakaH shivaH |
sa eSha me katha~NkAraM sAkShAdbhavati dhUrjaTiH || 17||
yaM dR^iShTvA sharaNaM prApto niHshreyasamavApnuyAt |
atha vA staumi taddhAma jAtamAtraM yathAmati || 18||
tachChrutvaiSha kR^ipAM kuryAdavashyaM sarvataH shrutiH |
iti nishchitya vaikuNThaH stotuM samupachakrame || 19||
tameva taijasaM stambhaM praNamya parameshvaram |
AdimadhyAntarahitaM matvA taM jagadIshvaram |
haThAttena vira~nchena vAryamANo.api sasmitam || 3\.2\.14\.20||
shrIviShNuruvAcha |
jaya deva mahAdeva vAmadeva vR^iShadhvaja |
kAlAntaka kratudhvaMsinnIlakaNThendushekhara || 21||
jaya shambho shiveshAna sharva tryambaka dhUrjaTe |
smaravairinpurArAte sthANo bhava maheshvara || 22||
jayesha khaNDaparasho shUlinpashupate hara |
sarvaj~na bharga bhUtesha kapAlinnIlalohita || 23||
jaya rudra makhArAte pinAkinpramathAdhipa |
ga~NgAdhara vyomakesha girIsha parameshvara || 24||
jaya bhIma mR^igavyAdha kR^ittivAsaH kR^ipAnidhe |
kR^ishAnuretaH kailAse nityameva hi vartase || 25||
tvadAj~nayA marudrAti phaNI vahati bhUbharam |
dIpyataH sUryashashinau brahmANDaM plavateM.abudhau || 26||
jyotIMShi sa~ncharante khe sarvaM tvachChAsanAtprabho |
ahaM brahmA cha jagatAM sargasantrANayoralam || 27||
vidhAya kalpase puShTyai sUte sasyAni medinI |
nAkrAmantyavyayaH sImAM yachcha tvanmahireva saH || 28||
aNimAdimahAsiddhiniHsAdhAraNavaibhavaH |
kathaM tvAmamarairanyairupekShe samabhiShTutam || 29||
vishuktve vismarAmastvAM smarAmaH sa~NkaTe.api cha |
na roSho jAtu bhakteShu prasAdaH sarvadaiva te || 3\.2\.14\.30||
yadA vidhitserbhaktiM tvaM yadA cha prAvR^iNoShi tAm |
mohabodhau tadA puMsAM kalpete bandhamokShayoH || 31||
iti stutassA~njalibaddhapANinA patiH pashUnAmatha chakrapANinA |
kR^itApahAse cha sarojasambhave madoddhate prAdurabhUddayAnidhiH || 32||

iti shrIskandapurANe mAheshvarakhaNDe.aruNAchalamAhAtmye
uttarArdhe chaturdashAdhyAyAntargataM viShNukR^itaM shivastotraM
samAptam |

skandapurANa | mAheshvarakhaNDa | aruNAkhaNDa | uttarakhaNDa | adhyAya 14/21\-31||
##
skandapurANa . mAheshvarakhaNDa . aruNAkhaNDa . uttarakhaNDa . adhyAya 14/21-31..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}