% Text title            : Vishnuproktam Shivaradhanamahimavarnanam
% File name             : viShNuproktaMshivArAdhanamahimAvarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 25| 161-203.1||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnuproktam Shivaradhanamahimavarnanam ..}##
\itxtitle{.. viShNuproktaM shivArAdhanamahimAvarNanam ..}##\endtitles ##
(shivarahasyAntargate ugrAkhye)
viShNuH (uvAcha)
tAvatsthAsyanti duHkhAni yAvannArAdhyate shivaH |
tAvadeva mahAvyAdhiH yAvannArAdhyate shivaH || 161||
tAvattiShThanti pApAni yAvannArAdhyate shivaH |
tAvadbhavati dAridUryaM yAvannArAdhyate shivaH || 162||
yathA sUryodaye jAte vinashyati tamastathA |
pUjite shrImahAdeve duHkhamAtraM vinashyati || 163||
nAnAduHkhamahAvyAdhibheShajaM shivapUjanam |
satyaM satyaM punaH satyamuddhR^itya bhujamuchyate || 164||
nAnAsaMsAraduHkhAni nashyanti shivapUjayA |
satyaM satyamiti prAha jAbAlo.api svayaM vidhe || 165||
saMsArajAM rujaM rudro drAvayatyarchitaH sadA |
tato.archannIyamanishaM rudrali~NgaM mumukShubhiH || 166||
sarvamanyatparityajya shiva eva shiva~NkaraH |
dhyeya ityAha hi vidhe sAkShAdAtharvaNashrutiH || 167||
pUjanIyo mahArudro manovAkkAyakarmabhiH |
tatpUjayaiva nashyanti duHkhAni vividhAnyapi || 168||
vinAshayati saMsAraM sakR^itsampUjanAchChivaH |
bhAvapUtaM mahAdevaM yo.archayiShyati santatam || 169||
sa samprApnoti dharmArthakAmamokShAnna saMshayaH |
saMsArasAgaraM ghoraM yaH samuttartumichChati || 170||
tena nityaM mahAdevaH pUjanIyaH prayatnataH |
dhanyo.asAviti vij~neya yo.anvahaM pUjayechChivam || 171||
sa taratyeva saMsAraM nAnApAtakasAgaram |
shiveti nAmadAvAgnirmahApApavanAnyapi || 172||
bhasmasAtkurute sadyaH satyaM satyaM na saMshayaH |
pApamUlAni duHkhAni vividhAnyapi tAnyataH || 173||
shivArchanena nAshyAni pApAni nikhilanyapi |
pAtakAni nivartante yAvanti shivapUjayA || 174||
katuM tAvanti pApAni na shaknoti naraH kvachit |
saMsAramUlabhUtAnAM pAtakAnAM chaturmukha || 175||
shivanAmakuThoraNa vinAsho jAyate dhruvama |
shivanAmAmR^itaM peyaM pApachaNDAMshutApitaiH || 176||
pApadAvAgnitaptAnAmasti nAnyatparAyaNam |
shiveti nAmapIyUShavarShadhArApariplutAH || 177||
saMsAradAvamadhye.api na shochanti na saMshayaH |
yeShAM dharmasvabhAvAnAM maheshaH kuladaivatam || 178||
te dhanyAste mamArAdhyAste maheshakR^ipAshrayAH |
na bhaktiH sha~Nkare pUjA rAgadveSharatAtmanAm || 179||
anantajanmabhiryena tapastaptaM bhaviShyati |
tadvidhAnAM na sahasA muktirbhavati sarvathA || 180||
tasyaiva bhaktirbhavati bhavAnIprANavallabhe |
jAtApi sha~Nkare bhaktiranyasAdhAraNI vR^ithA || 181||
parantvavyabhichAreNa shivabhaktiH parepsitA |
yasyAstyAmaraNaM shambhau bhaktiravyabhichAriNI || 182||
tasyaiva mokShaH sulabho nAnyasyeti matirmama |
vidhe bhavanti pratyUhAH shivabhaktividhAtakAH || 183||
pratyUhAste shamaM yAnti maheshAnugrahAtparAt |
yasya bhaktiranusyUtA dehapAtAntamIshvare || 184||
sa shivAnyagR^ihItAtmA na bhavatyeva tAdR^ishaH |
yasya bhaktirmahAdeve dhArArUpA.anuvartate || 185||
namastasmai savaMshAya samitrAya chaturmukha |
shivau pUjyau yathA nityaM tathA pUjyaH shivArchakaH || 186||
shivArchakaH shivau cheti trayaH pUjyA mamAnvaham |
anekajanmatapasA pUtaH puNyaughasaMshrayaH || 187||
mahAdevaparo bhUtvA yajati shrImaheshvaram |
yasya shrImanmahAdeve bhaktiravyabhichAriNI || 188||
tasya hR^itkamale(laM) sAmbaH sarvadApyadhitiShThati |
sAmvasya shrI maheshasya sannidhiryatra sarvadA || 189||
na tasya pApalesho.asti satyaM satyaM na saMshayaH |
sarvatra vidyamAno.api shivabhaktahR^idambuje || 190||
li~NgarUpaM samAshritya krIDAlolo.adhitiShThati |
Udhasyeva yathA kShIraM pashusaMrvA~Ngasa~Ngatam || 191||
shivaH sarvavyApako.api shivali~NgamadhishritaH |
ataH sarvaM parityajya shivali~NgaM prayatnataH || 192||
pUjanIyaM vidhe nityaM vidhivadbhaktipUrvakam |
shivali~Nge shivaH pUjyo nAnyatra tu kadAchana || 193||
kShIralabdhirna yathA viShANAdau stanaM vinA |
shivali~NgaM vinA tadvachChivo nAnyatra pUjyate || 194||
shivapUjA bahuvidhA kathyate nigamairvidhe |
Agamairapi sA pujA vividhaiveti kathyate || 195||
ShoDashairupachAraishcha (upachAraiH ShoDashabhiH)
pUjanIyo.anvahaM shivaH |
teShu mantrAshcha vividhA nigamAgamachoditAH || 196||
mantrAH shivaparAH sarvanigagAgamachoditAH |
samyajj~nAtuM na shakyayante vividhA bahavo yataH || 197||
tathApi teShu mantreShu shivapa~nchAkSharaH paraH |
tena mantreNa vishveshaH pUjanIyaH prayatnataH || 198||
shivapa~nchAkSharo mantraH sarvamantrottamottamaH |
na tasmAdadhiko mantro vaidiko.anyatra dR^ishyate || 199||
shivapa~nchAkSharo mantro vaidiko vedasammataH |
vedeShu paThyate tadvadvedAnteShu cha paThyate ||
R^iShibhiH saMskR^ito mantraH shivamantro mumukShubhiH |
shivenApi stuto mantraH shivamantraH shivapradaH ||
shrIrudramantramadhyasthaH shaivaH pa~nchAkSharo manuH |
vedAvataMso mantro.ayaM shivapa~nchAkShara stutaH ||
tena mantreNa kartavyaM shivali~NgArchanaM budhaiH |
shrImatpa~nchAkSharo mantraH sarvAghauvavinAshakaH ||
smR^ite.api pApagirayo bhavantyeva hi bhasmasAt |

|| iti shivarahasyAntargate viShNuproktaM shivArAdhanamahimAvarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 25| 161\-203\.1||
##
- .. shrIshivarahasyam . ugrAkhyaH saptamAMshaH . adhyAyaH 25 . 161-203.1..
##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}