% Text title            : Vishnuproktam Shivarchanopadesham 4
% File name             : viShNuproktaMshivArchanopadesham4.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 370-385||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnuproktam Shivarchanopadesham 4 ..}##
\itxtitle{.. viShNuproktaM shivArchanopadesham 4 ..}##\endtitles ##
(shivarahasyAntargate ugrAkhye)
devA UchuH
viShNo vedArthatatvaj~na shivapUjAparAyaNa |
kiM dhyeyaM kiM paraM brahma vada nishchitya sAdaram || 368||
agastya uvAcha
iti tadvachanaM shrutvA viShNurhR^iShTaH kR^itA~njaliH |
praNamya shirasA shambhumuvAcha dvijasattama || 369||
viShNuH (uvAcha)
R^itaM satyaM paraM brahma puruShaM kR^iShNapi~Ngalam |
UrdhvaretaM virUpAkShaM vishvarUpaM bhajAmyaham || 370||
shiva eva paraM brahma sachchidAnandavigraham |
nilipto (nirmalo) nirguNo nityasturIyaH shiva uchyate || 371||
sachchiddhano nirAkAro nirdvandvaH sa nirAmayaH |
sR^ijatyavatyatyasmAnsa bhavAjatvAdyupAdhibhiH || 372||
adR^iShTenAsmadAdInAM tasyechChaiva prajAyate |
bhavatvopAdhimAshritya sR^ijatyetajjagachChivaH || 373||
lIlayaiva sR^ijatyasmAnAyAso.asya na kashchana |
mR^iDatvopAdhimAshritya pAti sarvamumApatiH || 374||
lIlayaivAvataH sarvaM tasyAyAso na kashchana |
haratvopAdhimAshritya sa hantyasmAnpinAkabhR^it || 275||
sa hantyasmA.NllIlayaiva tasyAyAso na kashchana |
shivasya vastutaH kR^ityaM tasya nAstyeva sarvathA || 376||
tathApi lIlayaivAsmAn sR^ijatyavati hanti cha |
svatantrasya maheshasya sarvaj~nasyAmitAtmanaH || 377||
sR^iShTyAdAvitarApekShA nAsti sarvAtmanA surAH |
sa turIyo.asmadAdInAM na pratyakShaH kadAchana || 378||
parantu vedavedAntaistadrUpamavagamyate |
shrutismR^itipurANAdyaiH shivo.astItyuchyate tataH || 379||
shrutyAdyuktaprakAreNa sa sevyaH sarvasAdhanaiH |
satataM yaistapastaptaM bahudhA bahusAdhanaiH || 380||
teShAmeva shive bhaktiH shraddhA chaivopajAyate |
anantamavyayaM shAntaM shivamakSharamadvayam || 381||
avij~nAyAnyathA j~nAtvA bhavantyatyantaduHkhitAH |
shivo hi nirguNo.anantasturIya iti dhIrapi || 382||
sahasA na bhavatyeva saMsArAviShTachetasAm |
yeShAM na viShayAsaktirye cha nirdagdhakalmaShAH || 383||
teShAmeva shive bhaktiH shraddhA chaivopajAyate |
dharmAstapAMsi dAnAni yAgAshcha vividhAH surAH || 384||
shive prAmANyabuddhiM cha janayanti na saMshayaH || 385||

|| iti shivarahasyAntargate viShNuproktaM shivArchanamahimopadeshaM 4 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 370\-385||
##
- .. shrIshivarahasyam . ugrAkhyaH saptamAMshaH . adhyAyaH 26 kumbhaghoNamahimAnuvarNanam . 370-385..

Notes:
Upon being requested by Deva-s ##devAH##; Viṣṇu ##viShNu## tells them that He is worshiping Śiva ##shiva## and delivers Upadeśa ##upadesha## about merits of doing the same.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}