% Text title            : Vishnuproktam Shivarchanopadesham 6
% File name             : viShNuproktaMshivArchanopadesham6.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 185-228||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnuproktam Shivarchanopadesham 6 ..}##
\itxtitle{.. viShNuproktaM shivArchanopadesham 6 ..}##\endtitles ##
(shivarahasyAntargate ugrAkhye)
kaNvaH (uvAcha)
saMsAratApa santaptaM mama chittamabhUddhare |
kathaM saMsArasantApa vichChittiH syAdvadasva me || 184||
viShNuH (uvAcha)
saMsAra sAgare ghAre nimagnAnAM durAtmanAm |
apArakaruNAsindhuH sAmba evAvalambanam || 185||
\- \-
shivameva bhajasva sAvadhAnaM
satu saMsAradurantaduHkha hArI |
bahuvastamupAsya muktimApu\-
stripurArinijabhaktamukti hetu || 186||
navabilvadalairathAntakAntakaM
yaja kAmAntaka mantakAntakam |
vipadantakamantakAntakaM
shivali~NgAtmakamAshu santatam || 187||
bahupApavimochakaM prabhuM
yadikAlAntakamarchayiShyati |
satataM niyataM tadA bhavA\-
nviShasaMsAravashaM na yAsyati || 188||
bhaja bhargamanargalaprabhuM
bhagavantaM bhaganevahAriNam |
bhavabhImabhayaM tadA mune
na bhavantaM prati bhAvayiShyati || 189||
bhasitAbharaNo bhaja prabhuM
bhavabhItirna bhaviShyati dhruvam |
shubhadastvayi shambhuravyayo
niyataM tiShThati taM samarchaya || 190||
navabilvapalAshakAshapuShpaiH
kushapuShpaiH kanakAhvayaprasUnaiH |
bhasitena cha bhAlalochanaM
shivali~Nge satataM samarchaya || 191||
sa kR^idapyamalaiH sabilvapallavaiH
kushadhuttUrapalAshakAshapuShpaiH |
sajalairabhipUjya pArvatIshaM
sakalApajjaladhi taranti dhIrAH || 192||
hR^idi tiShThati shailajAdhave(patau)
shivali~Nge cha nirantaraM shubhe |
na yajanti narAdhamAH sakR^i\-
nnarakAvAsaratA nirantaram || 193||
vidadhAti paraM padaM shivaH
kushapatrairapi sAdhu pUjitaH |
tamupAsya maheshvaraM bhramA\-
tsuramanyaM samupAsate janAH || 194||
bhagamantamumApatiM bhavaM
bhajanIyaM na bhajanti ye janAH |
narakeShu patanti te janAH
satataM satyamudIryate mayA || 195||
divi ye na vasanti bhUtale.api
grasitAH saMsR^itighoradandashUkaiH |
dvija te shivapUjanauShadhaM
samavApyAmR^itatAM prayAnti hi || 196||
sakR^idapyatibhaktipUrvakaM
shivamevaM praNamanti te janAH |
amarairakhilaishcha te natAH
satataM satyamidaM dhruvaM dhruvam || 197||
kR^itasarvamakho.api janma dhatte
kR^itavishveshapadAmbujapraNAmaH |
na punarjanibhAgvadAmi satyaM
bhujamuddhR^itya na saMshayaM kurudhvam || 198||
akR^iteshapadAmbujapraNAmA
narakAvAsamavApya duHkhabhogam |
samavApya muhurmuhurnivR^ittA
na bhavanti pralaye.api satyameva || 199||
vividhAmitapAtakochchayA ye
na namanti tripurArimAdareNa |
ata eva yamAlayAntare te
nivasantyanvahamAptaduHkhabhogAH || 200||
praNamantyamarAstrilochanaM
munayaH siddhagaNAshcha santatam |
nigamAshcha namanti yaM tataH
praNamasva praNamAmyahaM tamIsham || 201||
sakalAmaravandanIyamaishaM
padapadmaM tridashakabhAgadheyam |
bhaja santatamadrijAsahAyaM
nirapAyaM niravadyamuktyupAyam || 202||
yaja komalabilvapallavai\-
ranuvAraM bhujagAdhipaikahAram |
sakalAghaharaM nirastavIraM
haramArAdhaya tatparaM sadAram || 203||
bhajatAmabhayapradaM maheshaM
bhaja mR^ityu~njayamAdareNa nityam |
tamapAsya na saMvasa dvijaM taM
hitamatyantamudIritaM mayA te || 204||
dvija te shivatulyamuttamaM
na shivAnyattava daivataM sureShu |
ata eva nirantaraM (sureShu) maheshaM
bhaja bhAlasphuradujjvalatripuNDraH || 205||
dvijadaivata daivataM maheshaM
yadi nArAdhayasi prakAmamIsham |
dvijadaivata dAnasa~NgatA
tava satyaM va vadAmi nAnyathA || 206||
ata eva tadarchitaH shivo
vitaratyeva tadIpsitaM phalam |
sitakevalabhasmadhAraNaM
vidhivadbhUri vidhAya sAdaram || 207||
satataM shivaniShThachetasAM
tanubandho na kadApi duHkhadaH || 208||
shrutivoShitabhasmadhAraNaM
vihitaM yachChivali~NgapUjanam |
tadidaM dvayamAstikairdvijai\-
rnaparityAjyamiti shrutiHsvayam || 209||
dvija kevalabhasmadhAraNaM
satataM kevalali~NgapUjanam |
shrutibodhitamityavehi tasmA\-
ttadupAsyaM dvayamapyananyabhAjaH || 210||
shivameva yajasva sarvakAlaM
shivabhinnaM na yajasva mohato.api |
shivabhinnasamarchanaM vR^ithaive\-
tyanuvAraM kuru nishchayaM dvija tvam || 211||
shiva sha~Nkara chandrashekhare
tyatibhaktyA vada santataM mudA cha |
shivanAmajapaM vihatya nAnya\-
jjapomAdapi nAma sarvathaiva || 212||
shivanAmasudhaiva vipra peyA
satataM muktimabhIpsatA dvijena |
shivanAmasudhAparA tu jihvA
dvija nAnAvidhabhUripuNyalabhyA || 213||
shivanAma sudhArataiva jihvA
mahatAmeva bhavatyato.anuvAram |
shivasha~Nkara chandrashekhareti
tripurAre iti sa~njapasva nityam || 214||
shivanAmasudhAM muharmuhuH
piba sAnandamanantarAyamAshu |
shivanAmasudhaiva muktihetu\-
rmunivR^indairakhilaishcha sevyamAnA || 215||
amR^itAmR^itamArya muktibIjaM
shivanAmAmR^itamityavaimi nUnam |
ata eva muhurmuhurmayA
shivanAmAmR^itameva pIyate || 216||
shivanAmasudhAM nipIya bhaktyA
sudhiyaH sAdhu sudhAM cha nAdriyante |
divi pItasudhAH prayAnti garbhaM
shivanAmAmR^itapAH prayAnti muktima || 217||
shivanAmasudhA vinirmitA
girijeshena purA kR^ipAlunA |
dvija sAtkR^itapuNyasa~nchayai\-
rmuhuratyantamudA nipIyate || 218||
rasabhAjanabhojane nidAnaM
rasanA hyeva yayA muhuH prakAmam |
shivanAmasudhA nipIyate
niyamenAnyavilApanaM vihAya || 219||
shivamarchitamanvahaM prasUnai\-
rnavabilvairapi pashya sAvadhAnam |
idameva phalaM mataM yato.akShNo\-
rvilasatpadmapalashatulyakAntyoH || 220||
navabilvadalaiH samarchitaM
shivali~NgaM dvija sAdhu pashyatAm |
vividhAmitaghorapApasa~NghaH
pralayaM yAti na saMshayastadaivam || 221||
shR^iNu sharvakathAmaghaughahantrI\-
manuvAraM niyamena sAvadhAnam |
idameva phalaM vinishchitaM
shrutibhiH shrotrayugasya vastutastu || 222||
navakomalabilvapallavaiH
shivali~NgaM savidhAnamarchayitvA |
shivasAtkR^itabilvapalavA\-
nsamupAghrAya vinodayasva chittam || 223||
spR^isha sha~NkaramarchitaM trikAlaM
sakalAghaughavinAshanAya nityam |
bhaja chetasi bhAlachandramauliM
muhurAnandadamadvitIyamekam || 244||
manasA vachasA cha karmaNA
shiva ekaH shivayA samanvitaH |
bhajanIya iti shrutiH svayaM
prativAraM pratibodhakR^itsadA || 225||
tripurArikathAsupUjane.api
tripurArerabhivIkShaNe.api chittam |
mahatAM bhavati hyananyabhAjAM
na bhavatyeva durAtmanAM kadApi || 226||
\- \-
dadhIchiruvAcha
iti viShNuvachaH shrutvA kaNvaH santuShTamAnasaH |
shivArchanaparo jAtaH sarvabhAvena sarvadA || 227||
ato yatnena satataM kartavyaM shivapUjanam |
shivArchanaM yato nityaM bhuktimuktiphalapradam || 228||

|| iti shivarahasyAntargate viShNuproktaM shivArchanopadeshaM 6 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 27 madhyArjunamahimAnuvarNanam | 185\-228||
##
- .. shrIshivarahasyam . ugrAkhyaH saptamAMshaH . adhyAyaH 27 madhyArjunamahimAnuvarNanam . 185-228..

Notes:
Viṣṇu ##viShNu## delivers Upadeśa ##upadesha## (to Ṛṣi Kaṇva ##R^iShi kaNva##) about the essentiality of worshiping Śiva ##shiva## and savoring the Ambrosia/Nectar of The Name of Śiva ##shivanAmAmR^ita / shivanAmasudhA##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}