% Text title            : Vishnvadikritam Shiva Stotram
% File name             : viShNvAdikRRitaMshivastotram.itx
% Category              : shiva, shivapurANa, stotra
% Location              : doc\_shiva
% Proofread by          : PSA Easwaran
% Description/comments  : shivapurANa | rudrasaMhitA | satIkhaNDa | adhyAya 41/1-47||
% Latest update         : November 19, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishnvadikritam Shiva Stotram ..}##
\itxtitle{.. viShNvAdikR^itaM shivastotram ..}##\endtitles ##
viShNvAdaya UchuH |
devadeva mahAdeva laukikAchArakR^itprabho |
brahma tvAmIshvaraM shambhuM jAnImaH kR^ipayA tava || 1||
kiM mohayasi nastAta mAyayA parayA tava |
durj~neyayA sadA puMsAM mohinyA parameshvara || 2||
prakR^itaH puruShasyApi jagato yonibIjayoH |
parabrahma parastvaM cha manovAchAmagocharaH || 3||
tvameva vishvaM sR^ijasi pAsyatsi nijatantrataH |
svarUpAM shivashaktiM hi krIDannUrNapaTo yathA || 4||
tvameva kratumIshAna sasarjitha dayAparaH |
dakSheNa sUtreNa vibho sadA trayyabhipattaye || 5||
tvayaiva loke.avasitAssetavo yAn dhR^itavratAH |
shuddhAn shraddadhate viprA vedamArgavichakShaNAH || 6||
kartustvaM ma~NgalAnAM hi svaparaM tu mukhe vibho |
ama~NgalAnAM cha hitaM mishraM vAtha viparyayam || 7||
sarvakarmaphalAnAM hi sadA dAtA tvameva hi |
sarve hi proktA hi yashastatpatistvaM shrutishrutaH || 8||
pR^ithagdhiyaH karmadR^isho.aruntudAshcha durAshayAH |
vitudanti parAnmUDhA duruktairmatsarAnvitAH || 9||
teShAM daivavadhAnAM bho bhUyAttvachcha vadho vibho |
bhagavanparameshAna kR^ipAM kuru paraprabho || 2\.41\.10||
namo rudrAya shAntAya brahmaNe paramAtmane |
kapardine maheshAya jyotsnAyai mahate namaH || 11||
tvaM hi vishvasR^ijAM sraShTA dhAtA tvaM prapitAmahaH |
triguNAtmA nirguNashcha prakR^iteH puruShAtparaH || 12||
namaste nIlakaNThAya vedhase paramAtmane |
vishvAya vishvabIjAya jagadAnandahetave || 13||
OM kArastvaM vaShaTkArassarvArambhapravartakaH |
hantakAssvadhAkAro havyakavyAnnabhuk sadA || 14||
kR^itaH kathaM yaj~nabha~NgastvayA dharmaparAyaNa |
brahmaNyastvaM mahAdeva kathaM yaj~nahano vibho || 15||
brAhmaNAnAM gavAM chaiva dharmasya pratipAlakaH |
sharaNyo.asi sadAnantyaH sarveShAM prANinAM prabho || 16||
namaste bhagavan rudra bhAskarAmitatejase |
namo bhavAya devAya rasAyAmbumayAya te || 17||
sharvAya kShitirUpAya sadA surabhiNe namaH |
rudrAyAgnisvarUpAya mahAtejasvine namaH || 18||
IshAya vAyave tubhyaM saMsparshAya namo namaH |
pashUnAmpataye tubhyaM yajamAnAya vedhase || 19||
bhImAya vyomarUpAya shabdamAtrAya te namaH |
mahAdevAya somAya pravR^ittAya namo.astu te || 2\.41\.20||
ugrAya sUryarUpAya namaste karmayogine |
namaste kAlakAlAya namaste rudra manyave || 21||
namashshivAya bhImAya sha~NkarAya shivAya te |
ugro.asi sarvabhUtAnAM niyantA yachChivo.asi naH || 22||
mayaskarAya vishvAya brahmaNe hyArtinAshine |
ambikApataye tubhyamumAyAH pataye namaH || 23||
sharvAya sarvarUpAya puruShAya parAtmane |
sadasadvyaktihInAya mahataH kAraNAya te || 24||
jAtAya bahudhA loke prabhUtAya namo namaH |
nIlAya nIlarudrAya kadrudrAya prachetase || 25||
mIDhuShTamAya devAya shipiviShTAya te namaH |
mahIyase namastubhyaM hantre devAriNAM sadA || 26||
tArAya cha sutArAya taruNAya sutejase |
harikeshAya devAya maheshAya namo namaH || 27||
devAnAM shambhave tubhyaM vibhave paramAtmane |
paramAya namastubhyaM kAlakaNThAya te namaH || 28||
hiraNyAya pareshAya hiraNyavapuShe namaH |
bhImAya bhImarUpAya bhImakarmaratAya cha || 29||
bhasmadigdhasharIrAya rudrAkShAbharaNAya cha |
namo hrasvAya dIrghAya vAmanAya namo.astu te || 2\.41\.30||
dUrevadhAya te devAgrevadhAya namo namaH |
dhanvine shUline tubhyaM gadine haline namaH || 31||
nAnAyudhadharAyaiva daityadAnavanAshine |
sadyAya sadyarUpAya sadyojAtAya vai namaH || 32||
vAmAya vAmarUpAya vAmanetrAya te namaH |
aghorAya pareshAya vikaTAya namo namaH || 33||
tatpuruShAya nAthAya purANapuruShAya cha |
puruShArthapradAnAya vratine parameShThine || 34||
IshAnAya namastubhyamIshvarAya namo namaH |
brahmaNe brahmarUpAya namassAkShAtparAtmane || 35||
ugro.asi sarvaduShTAnAM niyantAsi shivo.asi naH |
kAlakUTAshine tubhyaM devAdyavanakAriNe || 36||
vIrAya vIrabhadrAya rakShadvIrAya shUline |
mahAdevAya mahate pashUnAM pataye namaH || 37||
vIrAtmane suvidyAya shrIkaNThAya pinAkine |
namo.anantAya sUkShmAya namaste mR^ityumanyave || 38||
parAya parameshAya parAtparatarAya te |
parAtparAya vibhave namaste vishvamUrtaye || 39||
namo viShNukalatrAya viShNukShetrAya bhAnave |
bhairavAya sharaNyAya tryambakAya vihAriNe || 2\.41\.40||
mR^ityu~njayAya shokAya triguNAya guNAtmane |
chandrasUryAgninetrAya sarvakAraNasetave || 41||
bhavatA hi jagatsarvaM vyAptaM svenaiva tejasA |
parabrahma nirvikArI chidAnandaH prakAshavAn || 42||
brahmaviShNvindrachandrAdipramukhAssakalAssurAH |
munayashchApare tvattassamprasUtA maheshvara || 43||
yato bibharShi sakalaM vibhajya tanumaShTadhA |
aShTamUrtiritIshashcha tvamAdyaH karuNAmayaH || 44||
tvadbhayAdvAti vAto.ayaM dahatyagnirbhayAttava |
sUryastapati te bhItyA mR^ityurdhAvati sarvataH || 45||
dayAsindho maheshAna prasIda parameshvara |
rakSha rakSha sadaivAsmAn yasmAnnaShTAn vichetasaH || 46||
rakShitAH satataM nAtha tvayaiva karuNAnidhe |
nAnApadbhyo vayaM shambho tathaivAdya prapAhi naH || 47||
yaj~nasyoddharaNaM nAtha kuru shIghraM prasAdakR^it |
asamAptasya durgesha dakShasya cha prajApateH || 48||
bhago.akShiNI prapadyeta yajamAnashcha jIvatu |
pUShNo dantAshcha rohantu bhR^igoH shmashrUNi pUrvavat || 49||
bhavatAnugrahItAnAM devAdInAM cha sarvashaH |
ArogyaM bhagnagAtrANAM sha~Nkara tvAyudhAshmabhiH || 2\.41\.50||
pUrNabhAgo.astu te nAthAvashiShTe.adhvarakarmaNi |
rudrabhAgena yaj~naste kalpito nAnyathA kvachit || 51||
ityuktvA saprajeshashcha rameshashcha kR^itA~njaliH |
daNDavatpatito bhUmau kShamApayitumudyataH || 52||

iti shrIshivamahApurANe dvitIyAyAM rudrasaMhitAyAm |
dvitIye satIkhaNDe devastutivarNanaM nAmaikachatvAriMsho.adhyAyaH || 41||

shivapurANa | rudrasaMhitA | satIkhaNDa | adhyAya 41/1\-47||
##
shivapurANa . rudrasaMhitA . satIkhaNDa . adhyAya 41/1-47..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}