% Text title            : Vipraih Proktam Kashivasopadesham
% File name             : vipraiHproktaMkAshIvAsopadesham.itx
% Category              : shiva, shivarahasya, tIrthakShetra, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 304-326.1||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vipraih Proktam Kashivasopadesham ..}##
\itxtitle{.. vipraiH proktaM kAshIvAsopadesham ..}##\endtitles ##
(shivarahasyAntargate ugrAkhye)
yena kenApi rUpeNa kAshyAM sthAtavyamAstikaiH |
martavyaM cha prayatnena kAshyAmeva mumukShubhiH || 304||
mahAsmashAnasaMviShTaM kuNapaM sarvathA naraiH |
nAnyatra neyaM tatraiva bhasmasAtkAryamAdarAt || 305||
mahAsmashAnamaraNaM surANAmapi durlabham |
(mahAsmashAnamaraNaM prANinAmatidurlabham)
atastatra prayatnena martavyaM muktikA~NkShibhiH || 306||
(atastatraiva maraNaM kA~NkShitavyaM vimuktaye ||) 306||
yAchyatu maraNaM kAshyAM brahmaviShNvAdibhiH suraiH |
kimpunarmAdR^ishairmatyairnityadharmasamAshritaiH || 307||
brahmaviShNvAdidevAnAM kAshyAM maraNamichChatAm |
bhaviShyatyeva maraNaM pralaye samupasthite || 308||
maraNaM ma~NgalaM kAshyAM kevalaM maraNaM tataH |
tadarthaM vividhA yatnAH kartavyA muktikA~NkShibhiH || 309||
nR^ipa pUrvaM sharIrANi dagdhAnyanyatra bhUrishaH |
sharIramekadA kAshyAM dAhanIyaM prayatnataH || 310||
nR^ipAnantasharIrANi dagdhAnyanyatra janmasu |
sakR^iddagdhe tu dehe.atra punardAho.asya no bhavet || 311||
sa kAshyAM kAshate shrImAnmaheshAnugraheNa yaH |
svadehadahanodbhUtabhasmarAshiM vilokayet || 312||
sharIraM bhasmasAtkR^itvA kAshyAM tenaiva bhasmanA |
yaH kAshIM bhUShayettena samprAptaM sheShabhUShaNam || 313||
ye tyaktatanavaH kAshyAM ta evAtanavaH punaH |
vAmArdhavAmAtanavashchandrachUDA bhavanti cha || 314||
devatAsArvabhaumatvaM yasyAbhilaShitaM bhavet |
tena kAshyAM tanutyAgaH kartavyaH sAvadhAnataH || 315||
kAshyAM sharIramAtrasya tyAgenaiva maheshvaraH |
datvA pa~nchAkSharaM shaivaM svasvarUpaM prayachChati || 316||
kAshyAM tyaktasharIreNa shaivena madanAntakaH |
mahesho dR^ishyate sAkShAtsarvalakShaNasaMyutaH || 317||
yasya (yena) sAkShAnmahAdevadarshanaM samapekShitam |
tena kAshyAM prayatnena martavyaM muktikA~NkShiNA || 318||
maraNAbhimukhaH kAshyAM yadA bhavati mAnavaH |
tadA shivottarIyeNa taM vIjayati cheshvarI || 319||
tatkarNakuhare shambhustArakaM samupAdishet |
pa~nchAkSharaM mahAmantraM shaivaM saMsAratArakam || 320||
tadA gaNAH samAgatya dundubhidhvanipUrvakam |
chAruchAmarahastAshcha tanvanti vijayadhvanim || 321||
muktikanyAM tatastasmai shivo ma~NgalapUrvakam |
dadAti ma~NgalAchArAnkurvanti pramathAstataH || 322||
maraNaM ma~NgalaM tasmAtkAshyAM bhavati bhUpate |
muktikanyAvivAhArthaM kAiyAM martavyamekadA || 323||
tataH paraM na maraNaM kadAchidapi jAyate |
bhavatyanyatra maraNe bahudhA maraNavyathA || 324||
durIkaroti tAM devo mahesho ma~NgalAyutaH |
darshanArthaM maheshasya shivaprAptyarthameva cha || 325||
martavyaM mAnavairdhanyaiH kAshyAM yatnapuraHsaram . 326\.1

|| iti shivarahasyAntargate rAjAprati vipraiH proktaM kAshIvAsopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 304\-326\.1||
##
- .. shrIshivarahasyam . ugrAkhyaH saptamAMshaH . adhyAyaH 29 shivagaurIsaMvAde kAshIprabhAvakathanam . 304-326.1..

Notes:
Vipraḥ ##viprAH## deliver Upadeśa ##upadesha## (to Rājā ##rAjA##) about the merits of staying in Kāśī ##kAshI## especially nearing the time of one’s death.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}