% Text title            : Vishvavasuproktam Shivarchanamahimanuvarnam
% File name             : vishvAvasuproktaMshivArchanamahimAnuvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 36 | 85-154 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishvavasuproktam Shivarchanamahimanuvarnanam ..}##
\itxtitle{.. vishvAvasuproktaM shivArchanamahimAnuvarNanam ..}##\endtitles ##
\- vishvAvasuputrasaMvade \-
vishvAvasuH \-
shivaM sarvottamaM matvA bhajadhvamatiyatnataH |
anyathA madanAvasthA bhaviShyati na saMshayaH || 85||
sha~Nkare sarvadA prItirvidheyA sa dayArNavaH |
aparNAramaNaH prItiH praNato muktidAyakaH || 86||
prItashchet sa dadAti shailatanayAkAntaH prabhutvaM paraM
lokAnAmavinashvaraM satatamapyante tu muktiM parAm |
taM tAvannigamAntavAkyavinutaM santaH kR^itArthAH
paraM saMsArAdviratAH prayAnti sharaNaM devAgragaNyaM muhuH || 87||
yAvatpUjA sAvadhAnaM kriyate girijApateH |
tAvanna hAnivArtApi hAnirduratarA yataH || 88||
sha~NkarArAdhanodyukte siddhayastu pade pade |
tato na duHkhavArtApi bho putrAH shambhupUjakAH || 89||
shivapUjAsAdhanAni kusumAni vane vane |
atiramyANi tiShThanti pUjayadhvaM sadAshivam || 90||
aruNodayavelAyAM kurudhvaM shivachintanam |
dhyeyaH sAmbo mahAdevaH sarvama~NgalavigrahaH || 91||
tataH snAtvA bhasmanApi samyaguddhUlya sAdaram |
tripuNDradhAraNaM kAryaM kAryaM rudrAkShadhAraNam || 92||
tataH paraM sha~NkaramandireShu samyak shivArAdhanasAdhanAni |
sampAdya pUjApi vidhe vidheyA kAryA prayatnena cha shA~Ngali~Nge || 93|| 
(sampAdya pUjA vividhairvidhAnaiH kAryA prayatnena cha shA~Ngali~Nge)|| 93||
shivali~NgArchanaM kAle kAle kAryaM nirantaram |
tenaiva pApanAshaH syAt sukhaM muktishcha jAyate || 94||
yadyapyatyantasulabhaM shAmbhavAnAM shivArchanam |
tathApi durlabhaM manye pramAde sati sarvathA || 95||
apramAdena kartavyaM shrImahAdevapUjanam |
svapne.apyanyasurArchAyAM AdarastyAjya eva hi || 96||
tyAjyaM sarvAtmanA tyAjyaM shivAnyasurapUjanam |
svapne.api shivapUjaiva kartavyAtiprayatnataH || 77||
ashivAni bhaviShyanti shivAnyasurapUjanAt |
atastannaiva kartavyaM na kartavyaM kadAchana || 98||
vA~nChitaM shivamasmAkaM ataH kAryaM shivArchanam |
yataH svayaM shivaH kShIraM kAmadhenuH shivArchanam || 99||
shivArchanasya mahimA na j~nAto brahmaNApyataH |
tajj~nAnavirahe.apyAshu kartavyaM shivapUjanam || 100||
kAlAntare mayA kAryaM shivapUjanamityapi |
AlasyaM naiva kartavyaM kAlo hi kaThino yataH || 101||
kva tAvadAyurasmAkamityevAdbhutachintayA |
kartavyamiti yatnena satvaraM shivapUjanam || 102||
viShamapyamR^itaM bhUyAdAlasyena tataH sutAH |
kartavyamatiyatnena li~Nge sha~NgArchanaM mudA || 103||
shA~Ngali~NgArchanaM loke sarvadA durlabhaM sutAH |
vighnAnapi nirAkR^itya kurvantu shivapUjanam || 104||
shivArchanasya samaye yadi vighno bhaviShyati |
tadA tannAshyayatnena kartavyaM shivapUjanam || 105||
shivArchanaM khalu shreyaH shreyasAM vighnasambhavaH |
sambhAvitastatastasya nAsho.api shivapUjayA || 106||
shivArchanaM paraM tAvat sarvAriShTavinAshanam |
sarveShTadAyakaM cheti kartavyaM shivapUjanam || 107||
shivArchanAt paraM loke kiMvA puNyaM bhaviShyati |
tat puNyottamamityeva j~nAtavyaM sarvathA budhaiH || 108||
yena kenApi vA bhaktyA kR^itaM yadi shivArchanam |
tadA dadAti gaurIshastasmai muktimasaMshayam || 109||
apArasukR^itAmbudhiryadi bhavet pravR^iddhastadA
shivArchanaratibhavediti matiH pravR^iddhA tataH |
avashyamasakR^itsmR^itaH praNata eva vA pUjito
dadAti paramaM padaM girisha ityavaimi dhruvam || 110||
vinAshayati pAtakAmitamahAgirInekadA
smR^ito.api girishaH sutAH sakR^idapArapuNyapradaH |
sa eva surapu~Ngavairmanasi sarvadA pUjyate
sa eva munipu~Ngavairapi samAdhiniShThairapi || 111||
apUrvamIshArchanamekameva loke prasiddhaM sakalArthahetuH |
tattulyamanyanna mayApi dR^iShTaM vedairna dR^iShTaM surapu~NgavairvA || 112||
na yAgadAnAdhyayanAdibhirvA li~NgArchanAtyAdarapuNyatulyam |
puNyaM bhaviShyatyata eva tAvat tatpuNyapuNyaM vidurAstikAste || 113||
AchAramanyadvakShyAmi (rahasyamanyadvakShyAmi)shR^iNudhvamatisAdaram |
shrute tasmin shivAchAre bhaktivR^iddhirbhaviShyati || 114||
yA shivArchanasAmagrI sarvA sA bhUtipAvanA |
kartavyA mUlamantreNa tayA tuShTo bhavet shivaH || 115||
atraivodAharantImamitihAsaM purAtanam |
vijayAnagare kashchit sthitaH shAmbhavapu~NgavaH || 116||
sa samArAdhayanneva bhAvali~NgaM shivAtmakam |
bhasmoddhUlitasarvA~Ngo dadarsha svapnamekadA || 117||
taina tIrtheshvaro dR^iShTaH svapne sarvasureshvaraH |
dR^iShTAshcha shAmbhavAstatra shivadhyAnaparAyaNAH || 118||
bhasmoddhUlitarudrAkShatripuNDrA~NkitamastakAH |
shivali~NgArchanenaiva santuShTAH satataM mudA || 119||
talli~NgapUjanaM dR^iShTA vimalairbilvapallavaiH |
nIlotpalaiH puNDarIkaiH kundaishcha kumudairapi || 120||
ratnAbharaNasaMyuktaM dukUlapariveShTitam |
divyopahArasaMhAraphalarAjivirAjitam || 121||
dhUpadhUmasamAkrAntaM puShpagandhavirAjitam |
karpUradIpamAlAbhiH paritaH pariveShTitam || 122||
vedairmUrtidharaireva stutaM sarvArthasiddhidam |
sarvama~NgaladaM nityaM smaraNenApi tatparam || 123||
gItanATyasamArambhatattaddhvanivirAjitam |
devadundubhinirghoShapratidhvanivijR^imbhitam || 124||
devagandharvanArINAM samUhaishcha virAjitam |
gaurIpUjanasaMsaktasuranArI samanvitam || 125||
tAdR^ishaM mandiraM dR^iShTvA tIrtheshasya sa shAmbhavaH |
pUjAM tIrtheshali~Ngasya chakArAtIva bhaktitaH || 126||
pa~nchAmR^itAbhiShekAdyaiH chandanaishcha manoharaiH |
dukUlaiH kusumairdivyaiH mandArAdyairvisheShataH || 127||
dhUpadIpAdibhirdivyaiH naivedyairapi sAdaram |
nIrAjanaishcha vividhaiH divyakarpUrasambhavaiH || 128||
pradakShiNanamaskArAn kR^itvA bhaktipuraHsaram |
upaviShTaH shivaM pashyan japan pa~nchAkSharaM manum || 129||
tAvanniyamamAsAdya tR^iShitena jalAnyapi |
na pItAnyeva tenAtaH pipAsA vR^iddhimApa sA || 130||
tataH paraM samAnItaM pAnIyamatishobhanam |
kR^itvA shivArpaNaM pAtuM sa chakAra matiM tataH || 131||
tadAnImAgataH ko.api tasmin girishamandire |
bhUtirudrAkShavItA~NgaH shivanAmajapotsukaH || 132||
samAgatya sa taM prAha shAmbhavAgre paraM priyam |
mAmA piba jalaM vipra tadIshAnarpitaM yataH || 133||
shivabhakto.asi dhanyo.asi tadIshAnArpitaM jalam |
pAtumichChasi kiM tattu girishAya samarpaya || 134||
tajjalaM bhUtisaMyuktaM kuru bhasmavivarjitam |
na gR^ihNAti jalaM shambhurgA~NgaM vA kimutetarat || 135||
ya~njalaM bhUtisaMyuktaM na bhaviShyati tajjalam |
adeyaM sha~NkarAyeti na j~nAtaM kiM tvayA param || 136||
yadyaddeyaM maheshAya tadbhasmarahitaM yadi |
na gR^ihNAti mahAdevastato mA piba ta~njalam || 137||
tataH paraM vibhUtirvA kvAstItyuktaH sa shA~NkaraH |
prAha bhUtiM gR^ihANeti shAmbhavAya mahAtmane || 138||
tato gR^ihItvA tAM bhUtiM bhUtidAmatibhaktitaH |
prakShipya jalamadhye tu mUlamantreNa sAdaram || 139||
tatastenaiva mantreNa tatkR^itvA sha~NkarArpaNam |
papau shivaM smaranneva kR^itArtho.asmIti sAdaram || 140||
tatra sthitvA kiyatkAlaM shivadharmAn visheShataH |
sa tasmAdeva shushrAva sarvapApavinAshakAn || 141||
dharmopadeshake tasmin tasyAbhUdgirishatvadhIH |
tena dharmeShu vishvAsaH tadukteShvabhavata tadA || 142||
tataH paraM samutthAya taM praNamyAtibhaktitaH |
tameva gururityuktvA tyaktanidro.abhavat tataH || 143||
tasmAt kumArAH sarvANi puShpAdIni visheShataH |
bhUtiyuktAni deyAni mUlamantreNa shambhave || 144||
apUtamapi pUtaM syAt bhasmanA saMyutaM yadi |
tasmAdbhasmayutaM deyaM li~Nge bilvAdikaM sutAH || 145||
yadi syAdbhasmarahitaM pIyUShamapi tatparam |
viShamityeva mantavyaM yato neshArpaNaM hi tat || 146||
hAreShvapi dukUleShu suvarNAbharaNeShvapi |
bhUtirdayA prayatnena maheshavinivedane || 147||
shivanaivedyapAkArthaM pravR^ittairbhUtisaMyutaiH |
pAkAgAra pravesho.api kartavyo yatnapUrvakam || 148||
tena kITAdisambandhadoSho.api sa vinashyati |
bhUtirnaivedyapAtre.api pradeyA jalasaMyutA || 149||
bhUtirudrAkShapUtA~Ngairnaivedyamapi yat kR^itam |
tadgR^ihNAti mahAdevaH tadeva hi sudhAmayam || 150||
kiM tayA sudhayA putrAH ki~nchidbhasmAnvitaM yadi |
jalamapyapitaM bhaktyA tadIshAya sudhAM viduH ||
pUjanaM cha maheshasya bhUtirudrAkShabhUShitaH |
kartavyamatiyatnena mUlamantreNa bhaktitaH || 152||
yaH pa~nchAkSharamuchcharan atisitAM bhUtiM vahan mastake
bhAle vakShasi bAhudaNDayugale rudrAkShamAlAmapi |
sharvArAdhanatatparo jalalavairbilvaishcha dUrvA~NkuraiH
puShpairvA sa shivaM prayAti sa paraM dhanyottamo vastutaH || 153||
tyaja tyaja taTinnaTIvidhivadhUTikAcheTikA
vikArakaramindirAruchirabhUvihAraM param |
bhajAshu bhaja dhUrjaTiM paTukR^ipITayonisphura\-
llalATapaTalollasatsamabhibhUtabhAnuprabham || 154||

|| iti shivarahasyAntargate vishvAvasuproktaM shivArchanamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 36| 85\-154 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 36. 85-154 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}