% Text title            : Yamaproktam Shivarchanopadesham 2
% File name             : yamaproktaMshivArchanopadesham2.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 28 madhyArjunamahimAnuvarNanam | 333-359||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamaproktam Shivarchanopadesham 2 ..}##
\itxtitle{.. yamaproktaM shivArchanopadesham 2 ..}##\endtitles ##
(shivarahasyAntargate ugrAkhye)
yama uvAcha |
yaH pUjayati yatnena sa shivo bhavati dhruvam |
vinA yaj~nairvinA dAnaistapobhishcha vinA shivam || 333||
sampUjya bilvapatreNa prAptAnandAH shivAH dhruvam |
anantAnyapi pApAni nashyanti shivapUjayA || 334||
tataH prayAti cha shivaM tayaiva shivapUjayA |
anantottamagodAnabhUdAnAnAM cha yatphalam || 335||
tato.anantaguNaM puNyaM shivapUjAvidheH phalam |
anantamattamAta~NgadAnAnAmapi yatphalam || 336||
tato.anantaguNaM puNyaM shivapUjAvidheH phalam |
shivapUjAkalpavR^ikShaH sveShTAnantaphalapradaH || 337||
tataH sA sarvadA kAryA shivapUjAM mumukShubhiH |
shivArchanaphalaM yAvattAvatphalamanekadhA || 338||
kR^itairapyamR^i(mi)tairdhamairnaiva samprApyate dhruvam |
vinApi yaj~nadAnAdyaiH kevalaM shivapUjayA || 339||
muktA bhavanti manujAstyaktapAtakapa~njarAH |
pApino.api shivaM yAnti nUnaM kR^itashivArchanAH || 340||
na tapomUrtayo.apIshaM yAnti tyaktashivArchanAH |
vR^ithA tapo vR^ithA dAnaM dharmAshcha vividhA vR^ithA || 341||
kintvekaM sArthakaM shrautaM shrImahAdevapUjanam |
shive dattamayatnenApyekaM bilvadalaM navam || 342||
vinA dharmAntarApekShAM mokShadaM bhavati dhruvam |
samprApya mahadaishvaryamindratvAdipadAnyApi || 343||
bahubhiH shivasAyujyaM prAptaM sha~NkarapUjayA |
sakR^idapyarchito bhaktyA maheshaH karuNAnidhiH || 344||
dadAtyatulamaishvaryaM svasAyujyaM cha shAshvatam |
sute piteva tanute prItimIshaH svapUjake || 345||
tato dadAti suprItaH shivastadvA~nChitaM phalam |
toyena vilvapatreNa pUtenaikena vA shivam || 346||
yaH pUjayati sashraddhaM tasya muktiradUrataH |
yaH pashyetkrUrayA dR^iShTyA mohAt sha~NkarapUjakam || 347||
sa tiShThennarake.avashyaM yAvadAchandratArakam |
dhanyaM dhanyaM mahAdevaM pUjakasyaiva jIvanam || 348||
yo bhuktvA vividhAnbhogAnmuktimante samashnute |
tasyaiva janako mAnyo yasya putraH shivArchakaH || 349||
tasyaiva jananI mAnyA suShuve yA shivArchakam |
tasya dhanyataro vaMsho yantra jAtaH shivArchakaH || 350||
tadvaMshajanyA dhanyA hi yadvaMshe sha~NkarArchakAH |
nR^ityanti pitarastasya yasya vaMshe shivArchakaH || 351||
kadAchidapi gaurIshaM payasA yo.abhiShi~nchati |
tasyeha jananIstanyaM bhaviShyati sudurlabham || 352||
narA bhavanti niShpApA dR^iShTvApi shivapUjakam |
ataH shivArchako dhanyo bhAgyavAMshcha na saMshayaH || 353||
shivArchanena yallabhyaM tallabhyaM nAnyadharmataH |
yadanyadharmato labhyaM tallabhyaM shivapUjayA || 354||
shivArchakAstripuNDrA~NkAH shivapAriShadAH do.amalAH
(dAH shubhAH) |
namo namaH shAmbhavebhyaH shAmbhavebhyo namo namaH || 355||
namo namaH shAmbhavebhyaH punarbhUyo namo namaH |
bhuvyantarikShe pAtAle ye bhaviShyanti shAmbhavAH || 356||
tabhyo namo namo nityaM namo nityaM namo namaH |
asmAbhirete dR^ishyante bhAgyena shivapUjakAH || 357||
bhUribhAgyaM vinA.asmAkaM kutaH shAmbhavadarshanam |
anantadAnadharmANAmanantatapasAmapi || 358||
phalaM shrutishrutaM sAkShAdantakAle shivArchanam |
yena kenApi rUpeNa yasya kasyApi dehinaH || 359||
yadyante shivapUjA syAtsa mukto bhavati dhruvam |

|| iti shivarahasyAntargate yamasabhAsadaprati yamaproktaM shivArchanopadeshaM 2 sampUrNam ||

\- || shrIshivarahasyam | ugrAkhyaH saptamAMshaH | adhyAyaH 28 madhyArjunamahimAnuvarNanam | 333\-359||
##
- .. shrIshivarahasyam . ugrAkhyaH saptamAMshaH . adhyAyaH 28 madhyArjunamahimAnuvarNanam . 333-359..

Notes:
Yama ##yama##; delivers Upadeśa ##upadesha## (to Yamasabhāsada ##yamasabhAsada##) about merits of worshiping Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}