% Text title            : Yamaproktam Shivanamamahimopadesham
% File name             : yamaproktaMshivanAmamahimopadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 23| 269-295||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Yamaproktam Shivanamamahimopadesham ..}##
\itxtitle{.. yamaproktaM shivanAmamahimopadesham ..}##\endtitles ##
(shivarahasyAntargate ugrAkhye)
(chitragupta yama saMvAde)
yama uvAcha
yasminnanugrahaH shambhostenaiva maraNakShaNe |
shivetyudIryate shabdaH sAkShAnmokShapradAyakaH || 269||
yenaivodIryate shabdaH shivashabdo mR^itikShaNe |
tenaiva prApyate mokShaH sa yato mokShadAyakaH || 270||
shivashabdaM samuchchArya brahmahApi vimuchyate |
sarvANi shivanAmAni mokShadAnyeva sarvathA || 271||
teShvapyatyuttamaM nAma shiveti brahmasa.nj~nitam |
aghoratarasaMsArasAgarAplutamaplutam || 272||
uddharatyantakAloktaM shivanAma shivAtmakam |
shivanAmasamaM vastu na dR^iShTaM kvApi na shrutam || 273||
ratnaratnamidaM nUnaM nAmaratnamanuttamam |
nityaM kaNThe dhR^ito yena shivanAmamahAmaNiH || 274||
sa nIlakaNTho bhUtvAnte nIlakaNThe vilIyate |
brahmaprakAshakaM sAkShAchChiva ityakSharadvayam || 275||
na tasmAdadhikaM kvApi nAma brahmaprakAshakam |
pratikShaNaM shivetyeva nAma yo vaktumichChati || 276||
tasmai namo namo bhUyo namastasmai namo namaH |
yaH shR^iNoti shivetyeva nAma bhaktipuraHsaram || 277||
tasmai namo namo bhUyo namastasmai namo namaH |
shiveti nAma shrutvaiva yo hR^iShTahR^idayo bhavet || 278||
tasmai namo namo bhUyo namastasmai namo namaH |
shiveti nAmapIyUShaM yaH pibatyanvahaM mudA || 279||
tasmai namo namo bhUyo namastasmai namo namaH |
shivanAmnaiva satataM vyavahAraM karoti yaH || 280||
tasmai namo namo bhUyo namastasmai namo namaH |
mahApralayakAlAgniryathA dahati parvatAn || 281||
tathA dahati pApAdrIn shivanAmAnalo dhruvam |
shivanAmavinAshyAni pAtakAnyamitAnyataH || 282||
mahAghanAshakaM nAma namitAghaughanAshakam |
anantAnyapi pApAni shivanAmni smR^ite param || 283||
sadyo vinAshayatyeva vichitrANyapi satvaram |
antakAle shivetyuktvA yastuprANAnvimu~nchati || 284||
sa sarvathAtra nAneyaH sa yataH shA~Nkaro janaH |
shA~NkarA naiva pashyanti duShTaM mama niketanam || 285||
ata evAtra nAneyAH shA~NkarAH sha~NkarapriyAH |
yasyA~Nge shA~NkaraM chihna sa nAneyo.atra sarvathA || 286||
yataH sa sha~NkarA~NkA~NkaH shA~NkaraH sha~NkarapriyaH |
sha~NkarA~NkAni vakShyante tAni shR^iNvantu sAdaram || 287||
yada~NkashravaNenApi pApanAsho bhaviShyati |
rudrAkShadhAraNaM shuddhaM kevalaM bhasmadhAraNam || 288||
kevalA shivapUjA cha sha~NkarA~Nkamiti shrutiH |
shivanAmAnusandhAnaM rudrAdhyAyAnuvartanam || 289||
uddhUlanaM cha sarvA~Nge sha~NkarA~Nkamiti shrutiH |
somavAravrate shraddhA tathA shivakathAshrutau || 290||
shivabhaktajanaprItiH sha~NkarA~Nkamiti shrutiH |
imAni kevalAnyeva shivA~NkAni tathA shrutiH || 291||
imAnya~NkAni yasyA~Nke kevalAni sa shA~NkaraH |
etAdR^ishAH shA~NkarAstu nAyAnti mama mandiram || 292||
shA~NkarAH sha~NkarA~NkA~NkA nirAta~NkA nira~NkushAH |
bhuvi vinyastaparya~NkAH prayAntyeva hi sha~Nkaram || 293||
adya prabhR^iti nAneyaH shA~Nkaro.atra kadAchana |
yadyatrAnIyate mohAt yuShmAnhiMsyAmyahaM tadA || 294||
shikShaivameva kriyate pratyahaM sAdaraM mayA |
tathApi bhavatAM buddhiranyathaiva hi jAyate || 295||

|| iti shivarahasyAntargate yamaproktaM shivanAmamahimopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 23| 269\-295||
##
- .. shrIshivarahasyam . ugrAkhyaH saptamAMshaH . adhyAyaH 23 . 269-295..

Notes:
Yama ##yama## delivers Upadeśa ##upadesha## to Citragupta ##chitragupta## about the merits of listening to and recitation of ŚivaNāma ##shivanAma##, especially at the time of one’s death. He mentions that while all of the ŚivaNāma ##shivanAma## can bestow Liberation, the DvyakṣaraNāma Śiva ##dvayakSharanAma shiva## that is Parama Brahma ##parama brahma## itself, is the most essential one.
Yama ##yama## also instructs that the Śāṅkarā-s ##shA~NkarAH## who are adorned with i.e. Śaṅkarāṅka ##sha~NkarA~Nka## should not be brought to his (Yama’s) abode.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}