% Text title            : Shadanana Dandakam
% File name             : ShaDAnanadaNDakam.itx
% Category              : subrahmanya, daNDaka
% Location              : doc\_subrahmanya
% Author                : Ramanuja Deshikam
% Proofread by          : Sivakumar Thyagarajan Iyer, Preeti Bhandare
% Description/comments  : 5 in Stotrasamuchchaya 1, Edited by Pandit K. Parameshwara Aithal
% Latest update         : August 5, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shadanana Dandakam ..}##
\itxtitle{.. shrIShaDAnanadaNDakam ..}##\endtitles ##
shrImahAgaNapataye namaH |
hariH OM |
shrIrAmashrIkeshavashrIrAmagurucharaNAravindAbhyAM namaH |
shrIkumAragurave namaH | tArakAntakAya namaH | OM |
antevasanmAnasarAjahaMsaM
      ShaDdarshanInIradhipUrNachandram |
pratIpavidvatkaripa~nchavaktraM
      shrIkeshavaM deshikamAnato.asmi || 1||
praNamya rAmadeshikaM gaNeshamambujArbhakaM
      murAntakaM purAntakaM durantatApavArakam |
samastapUruShArthadaM ShaDAnanasya daNDakaM
      karomi dhImatAM mude kumArabhaktisampade || 2||
kundendumandasmitasundarAsyaM
      vandArubhUdevavarairupAsyam |
vR^indArakArAtijanairashAsyaM
      vande bhavAnItanayaM ShaDAsyam || 3||
jaya ga~NgAvarasuta jaya gA~NgeyabhUShita |
jaya sa~NgItacharita jaya bhR^i~NgimukhArchita || 4||

jaya shivasuta sarvabhUmaNDalAla~NkR^itisvardhunIbhAnujAbhAratIgomatInarmadAbAhudApuNyagodAvarIgaNDakI(gautamI) kR^iShNaveNImahAsahyajImUta jAtu~NgabhadrAdipuNyApagAvArasammishritabrahmahatyAsurApAnachAmIkarasteyagurva~NganAgAmitAkAritadyogipApaughavidhvaMsanaprauDhadhArAnadItIranAnAvidhapratnaratnAvalIbaddhasauvarNakumbhAvalIsa~NgasambhinnameghaughaniShyandikIlAladhArAsamAsaktasaudhA~nchitottu~NgagA~NgeyasAlAntarAgAramadhyasthitAnekamANikyaratnADhyachAmIkarodArasiMhAsanAdhiShThite, siddhasaMveShTite;
vikramaudAryagAmbhIryasaddhairyasaundaryakAruNyatAruNyadAkShiNyasAdguNyasatpuNyasandohavArAkare, bhaktavA~nChAkare;
namravR^indArakastomamaulisphuratpratnaratnavrajAbaddhasauvarNakoTIraratnachChaTAdIpikArAjinIrAjitodArarekhAdhvajAmbhojavajrA~NkushAdya~NkasaMyuktapAdadvayaprasphuradbhAnubimbapratichChAyahairaNyasadratnajAlajvalannUpuradhvAnaniShpauruShArAtisandohasaMhArake, bhaktasantArake;
phullasanmallikApuShpasandohabANAvalIpUritAna~NgatUNIramedhAkaroddAmaja~NghAlate, ma~njulIlAgate;
saptasaptisphuradbimbasambhAvanAyogyaratyAptalIlopalAdarshabimbapratichChAyajAnudvaye, divyakanyAdvaye;
hemapItAmbaraChannarambhAtarudvandvashobhAparAbhUtidAnakShamAna~NgasenAsamuttu~NgamAta~NgashuNDopamorudvaye, sarvadodyaddaye;
ma~njushi~njatkaTIsUtradUrIkR^itAna~NgakANDAsanaprotachAmIkarajyAlatADambare, divyahemAmbare;
ruvamajImUtamadhyasthitashryAmamevAvalImadhyadeshasphuraddevatAnAthabANAsanabhrAntisampAdakasvarNasAvarNyasaMyuktamadhyasthalaprollasannIlacheloparisyUtapaTTAvalIyuktasauvarNaratnADhyakA~nchIlatAkAntividyotitadhyAnadUrIkR^itAsheShabhaktaughadurvArasaMsAratApatraye, trAtalokatraye || 1||

manasijanavaratnasambaddhasauvarNasopAnakAsArasadehasandhAyakaprollasadvR^ittagambhIranAbhItaTIrAjaduddAmashaivAlasha~NkAkarodAraromAvalInIlashobhAsamullAsasampAditAneka mitrAtmaje, vairimitrAtmaje;
taptajAmbUnadaprollasatkoTishampAlatAkArakAntichChaTATopadUrIkR^itAsheShalokasthitAnantavR^itraughakoTyarkasa~NkAshanIrandhraniHsAmyadivyottarAsa~NgasaMveShTite, chitrasachchaShTite;
tArakAdidviShadvIravaktrAvalIpa~NkajavrAtatArAvalIyuktarAkAshashistomasambhAvanAyogyamuktAmaNiprotaniShkAvalIdIptatArAvalIchArutArAvalImukhyabhUShAvisheShaprabhAbhAsvaratpInavistAravakShaHsthale, chandravachChItale;
divyasauvarNapA~nchAlikAtarkitAnanyasamprApyalAvaNyamoghIkR^itAsheShalekhA~NganAdehasaundaryasarvasvadedIpyamAnAmarendrAtmajAdivyasaurabhya pannasindUrapATIrakastUrikApa~NkasaMliptasauvarNakumbhopamasthUlamuktAvalIbhUShitottu~NgabarhirmukhAdhIshamAta~NgakumbhAbhadivyastanAshleShasaMsaktasindUramukhyA~NgarAgasphuraddantishuNDopamadvAdashArkapratichChAyaratnAvalIbaddhasauvarNakeyUrabhUShAjvaladdorlatAmaNDale, toShitAkhaNDale;
nIlaratnormikAkAntisandohasandarshanodbhUtadUrvA~NkurabhrAntishIghrAgatAnekavAtAyupotAvalIlAlanAsaktasatka~NkaNashreNiratnaprabhAra~njitaspaShTarekhAbjachakradhvajAdya~NkahastAmbuje, hastivaktrAnuje;
shauryapadmAlayAyuddhasa~njAtanirNiktatAlasya shAntyarthakasvApatUlADhyatalpopamAyogyadevArimAyeyasambhUtadurvArabAdhArtalokatrayatrANadhaureyapInAMsake, vairividhvaMsake;
svarNakambUpamaspaShTarekhAtrayAla~NkR^itapratnaratnajvalachchAruchAmIkarodAradInArasauvarNachAmpeyasanmallikApuShpamAlAvalIbhUShitodArakarNasphurannirmalasvAntavaidhAtramukhyeDyayogIndrasambhAvite, bhoginAthArchite || 2||

navamaNikR^itashAradAdityakoTipratIkAshasandIptasatkuNDalAla~NkR^itiprollasadgaNDaShaDvaktralAvaNyavishrANitAsheShasaundaryarAkoditAnekajaivAtR^ike, kR^ittikAmAtR^ike;
shoNabimbAdharadyotavidyotamAnollasaddADimIbIjarAjipratIkAshadantAlike, kumbhinIbAlake;
bAlikAshroNikAbaddhasusnigdhamuktAvalIkundapuShpapratIkAshamandasmitodArakAntivrajAnekachandraprabhAbhAsitAsheShadi~NmaNDale, trAtasanmaNDale;
phullasannAgachAmpeyapuShpapratIkAshanAsAnvite, yogisanmAnite;
shAradAmbhojarAjipratichChAyakarNAntavistAranetrAlikAntichChaTAnimnagAvIchisandohasa~nchArasaMsaktasantoShasantuShTadhanyAshaye, shakrakanyAshaye;
shUrpakArAtibANAsanAkArasubhrUlatAla~NkR^itaprollasattArakAdhIshakhaNDapratIkAshakAntAlikaprasphuradvaktrasaurabhyalobhabhramadbhR^i~NgasandohasandehasampAdakasnigdhakastUrikAsallalAmAvalIshobhite, bhUShaNairbhUShite;
nIlajImUtabhR^i~NgAbhasusnigdhamugdhAyataprollasatkuntalastomasa.ndarshano.adbhUtanIlAmbudabhrAntisa~njAtasantoShanR^ityanmayUrAvalIkaNThaniryatsvanApUritAsheShabhUmaNDale, suprabhAmaNDale;
pratnaratnasphuranmerushR^i~NgapratichChAyakoTyarkasa~NkAshasauvarNakoTIrakAntichChaTAdIpitAnekalokavraje, shailakanyAtmaje;
vishvakarmapratiShThApitAnekaratnADhyameghAvalIchumbisauvarNaharmyAgrasaMviShTadevA~NganAvArasa~NgItadevArimAyeyamukhyAsurastomasaMhAralIlAkathAkarNanAyattachitteDyavAgIshapadmeshagaurIshavighneshanandIshamukhyAmarairAvR^ite, medinIlAlite;
pAdasevAsamAyAtasAlokyasAmIpyasArUpyasAyujyakaivalyasiddhyArthidevarShiviprarShirAjarShisa~njAtasammardasadratnasauvarNasanmandirAvAsasaMbhUtaniHsAmasantoSharatnAkare, sampadAmAkare;
ma~njuma~njIrakA~nchIlatAdivyaratnormikAka~NkaNashroNikeyUrahArAvalIkuNDalastomakoTIrabhUShojjvale, divyamuktAphale || 3||

nirupamabalakL^iptalokatrayIbAdhamAyAtanUjAtamukhyAmarArAtisandohasaMhArasaMbhUtaniHsImakIrtishriyA bhUShite, strotrasantoShite;
pUrvataH sarvagIrvANasaMyuktarambhorvashImukhyavArA~NganAgItajambhArisambhAvite, ma~njusambhAShite;
dakShiNe chitraguptAdiyuktena dhanyena vaivasvatenArchite, chandanaishcharchite;
pashchime pAshinA nirjarArAtikaNThArpitasvIyapAshena bhaktyA stute, vandibhirvandite;
uttare kinnaraishchAraNairyakShagandharvavidyAdharaiH sopadairyakSharAjena sopAyanenAshrite, bhUsuropAshrite;
chandrakaprasphurachchArupakShadvayaM chitraratnajvalanmerushailopamaM vegasampatparAbhUtapakShIshvaraM pakShapAtAtidR^irIkR^itArivrajaM kaNThashobhAsamAdhUtanIlAmbudaM nIlakaNThaM samAruhya tejomayaM shaktivajrAsishUlAbhayaM kheTakaM chakrapAshA~NkushaM chArubANAsanaM tAmrachUDaM varaM sandadhAne kare, ki~NkarashrIkare;
sarvamantrAtmake sarvatantrAtmake sarvasattvAtmake sarvatattvAtmake sarvavidyAtmake sarvashaktyAtmake sarvamAyAtmake sarvadevAtmake sarvato bhAsvare sarvalokeshvare sarvayogIndrahR^itpadmasanmandire vairikIrtiprajAmbhodhisaMshoShaNaprasphuradvADabaprauDhasadvikrama\-prAptalokatrayavyApikIrtyAshraye tejasAmAshraye sanmanonandane pArvatInandane tvayyado mAnasaM mAmakaM tvatpadadhyAnato nirmalaM muktakAmAdiShaDvairivargaM sadA khelatAM khelatAM khelatAm |

stotrametat paraM dharmakAmArthadaM sarvasiddhipradaM sarvasampatpradaM sarvavidyApradaM sarvarakShAkaraM sArasArasvataprakriyApAdakaM tAvakaM yena vA prAtarutthAya bhaktyAnishaM japyate tena yadyat sadA prArthyate tadbhavet tvatkR^ipApUratastasya bhaktirbhavet tvatpadAbjadvaye, sampadAM siddhaye;
bhAvasantApasantaptanirvANadaM pAtakAraNyasandohadAvAnalaM bhaktibhAjAM paraM shreyasAmAspadaM sarvadA sarvayogIndrasaMsevitaM bhaktakaivalyadaM bhaktigamyaM sadA sevakAnandadaM bhAvakAbhIShTadaM tAvakaM padmasa~NkAshapAdadvayaM devasenArchitaM mAnase bhAsatAm, sannidhAnaM satAm;
tvatpadAmbhojayugmaM vinAbhIShTadaM nAsti me.anyA gatirlochanaM dehi me santatiM dehi me sampadaM dehi me ma~NgalaM dehi me | tvadgatiM durgataM tvatkathAlApinaM tvatpadadrohiNaM tvatkR^ipAbhAjanaM tvatkR^ipApUritairlochanaiH pashya mAM satkR^ipApUritairlochanaiH pashya mAM satkR^ipApUritairlochanaiH pashya mAm, sarvato rakSha mAm |
chintayantaM bhavaddivyarUpAntaraM dhyAnamAtreNa saMsAratApApahaM paNDitAgresaraM kuNDalIshopamaM darshanAmbhodhisampUrNajaivAtR^ikaM vAdividvatkarivyUhapa~nchAnanaM ChAtrahaMsAvalImodapadmAkaraM kAntisampatsamAdhUtabAlAruNaM shIlasampattisantuShTavaishvAnaraM rAmanAmA~NkitaM sadguruM sarvagaM sarvabhUtAtmakaM manmanobodhakaM satkR^ipAsAgaraM devasenApate pahi mAM pAhi mAM pAhi mAM deva tubhyaM namo deva tubhyaM namo deva tubhyaM namaH || 4||

shrIrAmadeshikapadAmbujayugmayoga\-
      sa~njAtanirmalaguNottaramAnasena |
rAmAnujena sharasambhavadaNDako.ayaM
      bhaktyA kR^ito navashatai ragaNaiH prasannaH ||

kaTAkShayatu gA~Ngeyo gA~NgeyanagadharmabhUH |
jaivAtR^iko mahAseno jaivAtR^ikasamAnanaH ||

iti shrIrAmAnujadeshikakR^itaM shrIShaDAnanadaNDakaM samAptam |

OM shrIrAmashrIkeshavashrIrAmadeshikavarebhyo namaH |
shrIsubrahmaNyeshvarAya namaH |

vande dharAdaivatavargashekharaM kandarpalajjAkarakAntisundaram |
mandasmitairninditapUrNachandiraM vandArumandAramumAkumArakam ||

##

The author Ramanujadeshikam was a disciple of Ramadeshika whos is eulogized in the last section of this work.  It is interesting to note that this daNDakA on shrI ShaNmukhA, after the well-known shyamalADaNDaka, has been composed by a shrIvaiShNava author.  

Proofread by Sivakumar Thyagarajan Iyer, Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}