% Text title            : Devaih Krita Skanda Stuti
% File name             : devaiHkRRitAskandastutiH.itx
% Category              : subrahmanya, shivarahasya, stuti
% Location              : doc\_subrahmanya
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 23 (bhujaNgakathanam) shivasamAgamaH | 6-28 || see corresponding nAmAvalI
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devaih Krita Skanda Stuti ..}##
\itxtitle{.. devaiH kR^itA skandastutiH ..}##\endtitles ##
(shivarahasyAntargate IshAkhye)

devAH UchuH |

subrahmaNyAya mahate brahmaNaspataye namaH |
umAsutAya divyAya atiparNAya te namaH || 6||
kArtikeyAya vanyAya tArakAntakarAya te |
vallIsenAsametAya sarvadevastutAya cha || 7||
kumArAya harAyAtha vIrabAhunatAya cha |
ambikAtanayAdyaiva prasannAsyAya te namaH || 8||
ShaDAnanAya te dhAmne vedasImne namonamaH |
shivapriyAya shAntAya guhAya mathanAya cha || 9||
praNavArthAya sArAya jagatAM pAlakAya cha |
senAnye te namastubhyaM shaktihastAya raMhase || 10||
goptre dhAtre vidhAtre cha sargasR^iShTyantahetave |
hiraNyakavachAyAtha sharakArmukadhAriNe || 11||
mahApAshupatAstrAgnidagdhadaityAya te namaH |
ga~NgAgarbhAya mahate kR^ittikAsUnave namaH || 12||
umAgarbhAya kAntAya tArAya taraNAya cha |
kanakA~NgadakeyUramakuTAla~NkR^itAya cha || 13||
ShoDashasvaravaktrAya pAtrAyAkShararUpiNe |
vinAyakAnujAyAtha surasainyAvine namaH || 14||
kandarpakoTilAvaNyadehAya paramAtmane |
yakShIyakShadharAyAtha hemavarNAya te namaH || 15||
gandharvagaNagItAya shambarAya stutAya cha |
vishAlavakShase pAtre sarvadevastutAya cha || 16||
akhaNDitAya nityAya satyAya prathitAya cha |
ShaShThIpriyAya vAtyAya rabhasAya gaNAya cha || 17||
natapriyAya mAnyAya sarvayaj~nasutA(mayA)ya cha |
ojase tejase chaiva vareNyAya tathA bhR^ite || 18||
girivAsAya muShTAya puShTAya balashAline |
kekivAhAya dAntAya namaH kukkuTaketave || 19||
sharakANDabhavAyAtha mahate.aNIyase namaH |
sanAtanAya vyomAya shivaj~nAnapradAyine || 20||
shatapuShkaramAlAya shakrapAlAya te namaH |
tvayaiva pAlitA lokAstvayA sR^iShTAshcharAcharAH || 21||
tArakArtivinAshyaiva devAshcheme supAlitAH |
tvaM yaj~nastvaM svadhA svAhA tvayA varNAshramA bhuvi || 22||
pAlitA munayo yaj~nairyajantyadya sukhena hi |
grahA nityaM pramodante R^ikShairR^iShigaNaishcha khe || 23||
shakrastriviShTapapatiradyAbhUttvatkR^ipAvashAt |
agnirvahati havyAni kavyAni pitR^isanmukhe || 24||
lokA nirargalaM saukhyaM bhajanti tava vikramaiH |
trivikramo vai vaikuNThaM pAti sarvacharAcharam || 25||
brahmApi satyalokasthaH sR^iShTiM vitanute.akhilAm |
samudrAshcha tathA nadyo nodvelaM pravahanti cha || 26||
vAyuH saumyena vapuShA vAti nityaM sukhena hi |
somaH R^ikShairbhrAjate khe tavAdya vijayena hi || 27||
arko.ayaM bhAti kiraNaistava vikramatoShitaH |
yathApUrvaM sthitA lokAstvayAtra nihate.asure || 28||

|| iti shivarahasyAntargate devaiH kR^itA skandastutiH sampUrNA ||

\- || shrIshivarahasyam | IshAkhyaH dvAdashamAMshaH | adhyAyaH 23 (bhuja~Ngakathanam) shivasamAgamaH | 6\-28 ||
##
- .. shrIshivarahasyam . IshAkhyaH dvAdashamAMshaH . adhyAyaH 23 (bhujangakathanam) shivasamAgamaH . 6-28 ..

Notes:

Skanda ##skanda## is eulogized by the Deva-s ##devAH## as He wins the battle against Tārakāsura ##tArakAsura## that results in his annihilation, thus getting them liberated from the perpetual atrocities being committed by him.

Skandāṣṭāśītirnāmāvaliḥ ##skandAShTAshItirnAmAvaliH## derived from this Devaiḥ Kṛtā SkandaStutiḥ ##devaiH kR^itA skandastutiH## can be accessed from one of the links given below.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}