% Text title            : Ganeshvarakritam Subrahmanya Stava
% File name             : gaNeshvarakRRitaMsubrahmaNyastavaH.itx
% Category              : subrahmanya, shivarahasya, stava
% Location              : doc\_subrahmanya
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | 38 | 156-186 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganeshvarakritam Subrahmanya Stava ..}##
\itxtitle{.. gaNeshvarakR^itaM subrahmaNyastavaH ..}##\endtitles ##
(shivarahasyAntargate IshAkhye)

gaNeshvara uvAcha |

shrImachchandrakalAdharAtmajamajaM shrR^i~NgArashobhAkR^itiM
gaurIpInaghanastanAmitapayaH sAraj~namaj~nAsanam |
ambhojaprabhavAbhimAnajaladoda~nchatprachaNDAnilaM
subrahmaNyamagaNyapuNyacharitaM vande paraM deshikam || 178||
kArAvAsanivAsakhinnavidhihR^itka~njAta bhAnuM puna\-
stadvaktrAbjachatuShTayastutimahAkalyANashIlaM vibhum |
krau~nchAriM pitR^ipAdavanditapadaM ShANmAturaM shA~NkariM
subrahmaNyamagaNyapuNyacharitaM vande paraM deshikam || 179||
o~NkArArtha samarthanArthakavachobhUShAvisheShAnvitaM
pAthojAbhaShaDAnanaM shikhikulAdhIshorutu~Ngadhvajam |
skandaM sundarakundadantamanaghaM shambhorguruM shAshvataM
subrahmaNyamagaNyapuNyacharitaM vande paraM deshikam || 180||
sharvANIpraNavopadesha chaturashrIkaNThakaNThIrava\-
shrotAraM rajanIshubhA~NkavilasatsiMhAmasanasthaM guham |
vallIpInapayodharekShaNaparaM svarNAhirAjAkR^itiM
subrahmaNyamagaNyapuNyacharitaM vande paraM deshikam || 181||
brahmANDaikasahasrakAShTabharaNaprAchuryadhairyasphura\-
tkopATopadurApapApaghaTitAha~NkArashUrAntakam |
senAnyaM suramAnyamunnabhujaM chintAbdhikumbhodbhavaM
subrahmaNyamagaNyapuNyacharitaM vande paraM deshikam || 182||
mArtANDAyutabhAsamAnamaNibhR^illAvaNyatAruNyaji\-
ttatkAruNyasharaNyapa~nchakamayaprodyatphaNAshAlinam |
divyA~NgaM bhavabha~Ngasa~NgatakR^ipA tu~Ngottara~NgAlayaM
subrahmaNyamagaNyapuNyacharitaM vande paraM deshikam || 183||
sevAtatparamAnavArpitabR^ihatkUshmANDapAdAvanI\-
tUlasthUlamarIchisarShapasamagropAyanaM mAyinam |
nAnAvAdyamR^ida~Ngasha~NkhapaTalI ghoShA~NkapUjAnvitaM
subrahmaNyamagaNyapuNyacharitaM vande paraM deshikam || 184||
putrasnehavimohavardhitashivAvakShojakumbhasrava\-
nnIrApUrakumArapUrvavilasaddhArAtaTIvAsinam |
viShNubrahmasurAsurArchitamaNisvarNojjvalatpAdukaM
subrahmaNyamagaNyapuNyacharitaM vande paraM deshikam || 185||
devaM shaktidharaM kumAramatulaM divyAvatAraM vaTuM
bhAvAtItamatItasaMsR^itimanaH padmAgrasadmapriyam |
bhaktyA ye praNamanti te gatabhayAH kAruNyabhAjaH sadA
bhuktvA bhogasukhaM tvadIyakR^ipayA muktA bhavanti dhruvam || 186||

|| iti shivarahasyAntargate gaNeshvarakR^itaM subrahmaNyastavaH sampUrNam ||

\- || shrIshivarahasyam | IshAkhyaH dvAdashamAMshaH | 38 | 156\-186 ||
##
- .. shrIshivarahasyam . IshAkhyaH dvAdashamAMshaH . 38 . 156-186 ..

Notes:

Gaṇeśvara ##gaNeshvara## eulogize Subrahmaṇya ##subrahmaNya## towards the conclusion of the discourse of The ŚivaRahasyam ##shivarahasyam##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}