% Text title            : Kumarabhujangaprayata Stotram
% File name             : kumArabhujangaprayAtastotram.itx
% Category              : subrahmanya, shivarahasya, bhujanga, stotra
% Location              : doc\_subrahmanya
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 23 (bhujaNgakathanam) shivasamAgamaH | 30-52 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kumarabhujangaprayata Stotram ..}##
\itxtitle{.. kumArabhuja~NgaprayAtastotram ..}##\endtitles ##
(shivarahasyAntargate IshAkhye)

devA UchuH |

mukhe vAraNendraM nakhechArdhachandraM
mukhe pUrNachandraM kR^ipAsAndranetram |
kR^itastutyupendraM padAbjAnanendraM
bhajAmo.astatandraM katha~NkArametam || 30||
namAmo.abhraga~NgAtara~NgA~Ngasa~NgaM
sashR^i~NgAramo~NkArapAthojabhR^i~Ngam |
shivotsa~Ngasa~NgaM shivasyAntara~NgaM
kirAtIgaNollAsivallIbhuja~Ngam || 31||
kare shaktimantaM hare bhaktimantaM
share janmavantaM haritpAvanaM taM
udAre.avanantaM sadAraM vasantaM
sado~NkAramantarbhajAmo guhaM tam || 32||
sharachchandraShaTkasphuradvaktrabimbaM
prabAlapravAlaprabhAmaNDalastham |
ruchA dhUtamitraM kR^ipAshItanetraM
bhajAmaH sadA devasenAkalatram || 33||
vidhe svAgataM kiM hare ma~NgalaM kiM
sakhedAnuSha~NgaM kuto dR^ishyate.a~Ngam |
kva vairI samAnIyatAM me shatA~Ngam |
krudhaivaM vadantaM bhajAmo guhaM tam || 34||
kva shUraH kva vA tArakaH sihmavaktraH
kva vetyaTTahAsaprabhinnANDabhitti |
haThAnnIlakaNThendrakaNThAdhirUDhaM
bhajAmo mudA rakShitAraM kumAram || 35||
bhavadgarbhadAsarbhakAn dInabandho
hyava premayuktAn hinaH kShipramaMhaH | (?)
na chette.apakIrtiH ataH svAminaM svaM
bhajAmo dhunImo bhavAmo.adya bhaktAH || 36||
dviShaDbAhudaNDaM dviShaTchArugaNDaM
dviShaTkarNaShaNDaM triShaNNetratuNDam |
hatakrau~nchagotraM dhR^itabrahmasUtraM
bhavaprItipAtraM bhajAmaH sugAtram || 37||
prasIda prasIda prabho tArakAre
prasIda prasIda bhavAmo nirIhAH |
prapannA vipannAH purA tAra khinnAH
bhavAmo.adya bhinnAstvayA duHkhanunnAH || 38||
kimarthaM surArthaM kR^itA nAnukampA
nilimpAH purA tAraduHkhAbhikampAH |
bhavatpAdamoda prabhAvAddhi saudhe
vasAmo vishAmaH pramodorusindhum || 39||
uronyastahAraM shironyastahIraM
dayAsindhupUraM shivaj~nAnasAram |
parAbhUtatAraM bhavAmbhodhipAraM
surA jAlasauraM bhajAmaH kumAram || 40||
gurUNAM guruM devasenAsametaM
pareShAM paraM kekiyAnena yAntam |
kaTAkShArdhapAtaM kuruShvAdya bhadraM
o~NkAramudraM bhajAmo.astanidram || 41||
shatA~NgaM viha~NgaM kR^itArAtibha~NgaM
sudhIchitrara~NgaM mahApApabha~Ngam |
kuje premabhAjaM bhuje sarparAjaM
samAjAdhipaM tvAM bhajAmo natAjam || 42||
namaste namaste shivapremamUrte
namaste namaste trayIgItakIrte |
namaste namaste hR^itatraidashArte
namaste namaste surAbhIShTapUrte || 43||
surANAM purastAdyadi tvatpadAbjaM
samastApadastA nirastA bhaveyuH |
karasthA vimuktirhR^idisthA subhaktiH
shivastheshabhaktirbhavetsatyametat || 44||
kvachidbhUtasa~NgaM kvachitpretasa~NgaM
kvachidvyAdhisa~NgaM kvachiddhAtusa~Ngam |
kvachitkShudra pu~NkhAnupu~Nkhaprasa~NgaM
samuchchATayantaM bhajAmo guhaM tam || 45||
bhavAneva pAtA bhavAneva netA
bhavAneva dAtA bhavAn duHkhahartA |
iti tvatkaTAkShaM pratIkShyA.a.avasAma
sahasvAparAdhaM kR^ipApArasindho || 46||
na manyAmahe tvatpadAbjAtsudhanyaM
nachAnyaM bhajAmo na chAnyaM namAmaH |
tvayA pAlanIyA vayaM pAlakatvaM
samastaM surANAM tavAste va haste || 47||
tvamevAsya kartA tvamevAsya dhartA
tvamevAsya bhartA tvadanyaM na yAmaH |
bhavAmbhodhimagnA dayAmbhonidhe naH
samuddhartumarhasyato.apyarhaNIyaH || 48||
balAre kirITaM gR^ihANAchyutemaM
gR^ihANAtapatraM vidhe hArajalam |
iti prauDhavAchaM vadantaM niveshaM
jananyA vishantaM bhajAmo.anuyAmaH || 49||
bhavatpAdato.anyannahi prArthayAmaH
bhave bhaktito.anyat kvachinnArthayAmaH |
tvayA shikShaNIyA utArakShaNIyA
tvayopekShaNIyA na vA mokShaNIyA || 50||
pitA tvaM gurustvaM cha mAtA cha nityaM
kShudhArtA bhavartiprapannAH sma dInAH |
kaTAkShAvaloke.apyupekShA yadisyA\-
dgatiH kA surANAM vibho bhUsurANAm || 51||
(phalam)

bhuja~NgaM paThan yaH kumArasya nityaM\-
sa bhuktaH samuktaH sa vai muktiyuktaH |
suputraiH kalatraishcha mitraishcha yukto
labheta shriyaM chAru bhAgyairvaraishcha || 52||

|| iti shivarahasyAntargate devaiH kR^itaM kumArabhuja~NgaprayAtastotraM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 23 (bhuja~Ngakathanam) shivasamAgamaH | 30\-52 ||
##
- .. shrIshivarahasyam . IshAkhyaH dvAdashamAMshaH . adhyAyaH 23 (bhujangakathanam) shivasamAgamaH . 30-52 ..

Notes:

Kumāra/Skanda ##kumAra/skanda## is eulogized by the Deva-s ##devAH## as He won the battle against Tārakāsura ##tArakAsura## that resulted in his annihilation, thus getting them liberated from the perpetual atrocities being committed by him.

The Stotram ##stotram## is composed in Bhujaṅgaprayāta Candaḥ ##bhuja~NgaprayAta ChandaH##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}