% Text title            : kumArastavaH
% File name             : kumArastavaH.itx
% Category              : subrahmanya
% Location              : doc\_subrahmanya
% Transliterated by     : Sivakumar Thyagarajan Iyer shivakumar24 at gmail.com
% Proofread by          : Sivakumar Thyagarajan Iyer, PSA Easwaran
% Description-comments  : Page 101 of scanned PDF of Stotrasamahara part 1
% Latest update         : November 21, 2017, July 5, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIkumArastavaH ..}##
\itxtitle{.. shrIkumArastavaH ..}##\endtitles ##
shrIgaNeshAya namaH |
avyAdapArakaruNaM taruNAruNAbha\-
mavyAjasundaramanantaguNAbhirAmam |
ambhojashaktyabhayakukkuTashobhihasta\-
mambAtapaHphalamapatyamihaishvaraM naH || 1||
AchAryamAgamarahasyamahAmanUnA\-
mAchAntavArinidhideshikamAmbikeyam |
AkhaNDalAdyamaravanditamAtmarUpa\-
mAlambate mama manaH sharaNaM kumAram || 2||
indIvarAyatavilochanamindrasenA\-
netAramindumukhamindukalAvataMsam |
indrAnujArchitamaharnishamindirAyA
jAmAtaraM hR^idayami~Ngatu me kumAram || 3||
IshAnadharmasutamIshvaramIshvarANA\-
mIshitvamukhyaphaladaM gatimIyuShaH svam |
IhAnujAtajagadaNDakamIkShitAra\-
mIDe.ahamIpsitasuparvataruM kumAram || 4||
udyannishAramaNavaktramupendrakanyA\-
mudvoDhumAdR^itamanoj~napulindaveSham
unmUlanArthamurarIkR^itAdivyarUpa\-
mudvR^ittadaityavitaterupayAmi devam || 5||
UrIkR^itasvacharaNaikaparAyaNaM taM
dUrIkR^itAtmavimukhAtmajanaM bhajAmaH |
UhasvarUpamupagItamakR^itrimANAM
mUrdhasthitairapi girAM vachanaiH kumAram || 6||
R^iksAmavarNitapadaM yajupAnugIta\-
mR^iShyAdiyuktanijamantrajapaikatAnAn |
R^iddhAspadaM gamayitAramR^itasvarUpa\-
mR^ichChAmyahaM sharaNamAtmajamindumauleH || 7||
ekAntabhaktisulabhaM jagadekanAtha\-
mekAtapatravibhavapradamAshritAnAm |
ekAgragamyapadamekaradAnujAta\-
medhAmahe sharavaNodbhavameyivAMsaH || 8||
aishvaryasiddhimathavA sukhamaihikaM vA\-
pyaikAdhipatyamavanerapi vAmaratvam |
aituM yadIchChasi manaH sharaNaM bhajethA
aishAnama~NgajamumAgurubhAgadheyam || 9||
o~NkAramantrapadavAchyamajaM vadanta\-
mojomadAdaparathA praviveshya kArAm
lokAn sasarja nikhilAnnijayaiva shaktyA
yo yoginaM tamajaraM guhamAshrayAmaH || 10||
 audAryavArinidhimAspadamauchitInA\-
mauddhatyavadditisutaughabhidApaTiShTham |
aunnatyamAshu dadataM sakR^idAnatAnA\-
maupamyahInacharitaM guhamAnamAmaH || 11||
kalyANabhUmidharakArmukapuNyapAkaH
kandarpakoTikamanIyakalevarashrIH |
kalpadrukalpakarakalpitashaktishAlI
kAmAn mamAshu saphalIkurutAM kumAraH || 12||
khedaM parityaja manaH khalasevanotthaM
khelAshu khaNDaparashoH sukR^ite kumAre |
khelAvidhUtakhaladAnavayUthapo.ayaM
khedaM na jAtu sahate svapadAshritAnAm || 13||
gA~Ngeyaku~NkumajapAruNachArugAtraM
ga~NgAdharAnanasarojasarojabandhum |
gA~NgeyamAshraya mano bahuchintayAlaM
ga~NgAtara~NgavadayaM shritatApahArI || 14||
ghorAlikArpitalipirvidhineti cheto
ghUrNasyajasramayi kiM guhamAshrayethAH |
ghUkaM dinesha iva koTarameSha devaH
kArAgR^ihAntamanayatkhalu taM viri~ncham || 15||
~Nitpratyaye sati pare guNavR^iddhyabhAvaH
syAtsArvadhAtukapitA yadi na vyavAyaH |
jantoH kathaM balavatI vidhidurlipiH syAt
sarvAtigo yadi guho hR^idayaM praviShTaH || 16||
chakrAyudhapriyasutAmukhacha~ncharIka\-
shchandrAvataMsicharaNAyudhachAruhastaH |
cheto bhavAnikuchakorakapUrNachandra\-
shchitte chakAstu dhR^itachandrakabhR^itkumAraH || 17||
ChinnAkhilAghashamale svapadAshritAnAM
ChAyAtarau bhavamahoShmavishoShitAnAm |
ChandAnurUpaphalade surasainyanAthe
Chandomaye mama mano ramatAM nitAntam || 18||
jAnAmi dharmamayi tatra na tu pravarte
jAnAmyadharmamapi naiva tato nivarte |
jAnAsi sarvahR^idayaM jagadantarAtman
jAtaM mamApacharitaM sakalaM kShamethAH || 19||
j~nAtAkhilAgamarahasyatamArthametaM
j~nAtvA samAshraya guhaM sharaNaM sharaNyam |
j~nAnaM dadIta tadayaM hR^idayAshu tubhya\-
mevaMvidho na bhavitA tava yena mohaH || 20||
jha~njhAsamIraNamaghaughaghanachChaTAnAM
siddhauShadhaM bhavabhayAmayavihvalAnAm |
chintAmaNiM praNamatAM karuNAmburAshiM
gaurIsutaM guhamahaM sharaNaM prapadye || 21||
Ta~NkAyamAnanijakopamasheShaloka\-
bAdhAkarAsuramahopalajAlakAnAm |
krau~nchAdribhedapariguptasamastaloka\-
ma~nchAmi ki~nchana hR^idA shivabhAgadheyam || 22||
ThUtkAramAshu paripAtaya taM kaThoraM
madvairikaNThakuhareShu guhAviShahyam |
yaH prAgudasthitabhavadbhujashaktividdha\-
krau~nchAdribhedasamaye ditijAdrivajraH || 23||
DambhApahAricharitaM danujeshvarANAM
jambhArirAjyadamaDambhajanAnukUlam |
sambhAvayAmi sharakAnanasambhavaM taM
pakvaM phalaM hR^idi purAripurAkR^itAnAm || 24||
Dha~Nke samastahR^idayAbjaguhAshayaM taM
pashyAmi pAtakamahAgajapa~nchavaktram |
pa~nchAyudhArimR^idulA~NkakR^itAdhivAsaM
krau~nchArimadya sharaNaM manasA sharaNyam || 25||
NAntaM vanaM bhavati mAnasachatvaraM chet\-
tasmin sarastadudare kamalaM tadantaH |
kiM~nchinmahAstranavaShaDyugavaktradR^igdo\-
stadbheShajaM bhavarujo bhaja guhyametat || 26||
tatkAlataptatapanIyamayaM kirITaM
tArAdhipArdhamaNimauktikashobhitAntam
tArAvalIshashiparIvR^itamerusha~NkAM
tanvattanotu kushalaM mama tArakAreH || 27||
stheyaH shivaM dishatu me sthiradhanvasUnoH
koTIranaddhanavaratnamarIchividdham |
indrAyudhopamitamindukalAvadAtaM
lolambaloladalakollasitaM lalATam || 28||
dainyaM mamApaharatAM dahanodbhavasya
kAruNyavellananiyantritasarvalokam |
divyaM bhruvoryugalamIShadarAliramyaM
dUrAstadarpakasharAsanadarpabhAram || 29||
dhUnvantu me duritamAshu dishantu saukhyaM
dhIrasya dhUrjaTisutasya kaTAkShamAlAH |
dhUtAravindaruchayaH karuNAmaranda\-
dhArAtimAtrashishirAH kamalAnivAsAH || 30||
nAsApuTaM nalinanAbhasahodarasya
nAsIraneturanishaM kushalAni kuryAt |
nimnonnataM navatilaprasavAbhirAmaM
nIchaistarIkR^itasuchampakakorakAbham || 31||
pAtAM parasparasamau gurupadmarAga\-
pAShANadarpaNasamAnaruchI kapolau
paryantalambimaNikuNDalamaNDitAntau
pATIrashailapavamAnasakhArisUnoH || 32||
phullAravindasadR^ishaM phalatu shriyaM me
phAlAntalochanabhavasya mukhaM prasannam |
sphArasphuraddashanamauktikamandahAsaM
shmashruprarohamadharoShThapuTapravAlam || 33||
barhIndraketanaratasya mukhAbjanAlo
buddhiprado.astu shubhado mama kambukaNThaH |
bandhUkavarNaruchibhinnaruchipravAla\-
bandhU bhavadvishadamauktikahArahArI || 34||
bhadrA~Nkabhadratanayasya bhujA bhaveyu\-
rbhadrAya me bhuvanarakShaNajAgarUkAH |
bhAsvatsuvarNavalayA~NgadakA~NgulIyA
bhaktAkhileShTaphaladAnasuradrushAkhAH || 35||
mandAramAlyamakarandamilad.hvirepha\-
mAlAmanoharamuro haranandanasya |
mA~NgalyamAvahatu mAdhavakanyakAyA
mANikyahArikuchaku~Nkumapa~NkashoNam || 36||
yaj~neshvarasya yajamAnatanorguhasya
yogeshvarasya jaTharaM jagatAM nidhAnam |
yuktena yojayatu mAM trivalIvirUDha\-
romAvalIlasitavR^ittagabhIranAbham || 37||
ratnAnuviddharamaNIyasuvarNakA~nchI\-
rekhApinaddhakanakAntadukUlakAntam |
rAmAvalIhR^idayasaMvananaM sadA mAM
rakShetpulindaramaNIramaNasya madhyam || 38||
lakShmIvilAsabhavanaM kadalIkameta\-
llIlAnukAri lalitAntaramUruyugmam |
lAvaNyashAli laghayenmama dainyabhAraM
lokottarasya lalitAkulanandanasya || 39||
vAchAmagocharamanoharavAmarUpaM
vAmArdhajAnijanuShaH kila jAnuyugmam |
vande vareNyamaNidarpaNama~njuvR^ittaM
vandAruvA~nChitavarapradadivyaratnam || 40||
shambhoH sutasya shatapatrasharAsatUNI\-
sha~NkAvahe shabararAjasutAbhikasya |
shashvatkarAbjamR^idite shatamanyuputryA
shR^i~NgArite shamayatAM shamalaM suja~Nghe || 41||
ShaDyugmaShaDbhujamukhasya padAravinde
ShaDvairivargashamane mama jIva eShaH |
ShaDbhiH sametya karaNaiH saha ShaTpadatvaM
ShaTpa~Nkajopari gato ramatAM sukhena || 42||
skAndaM sadA sphuratu me manasi svarUpaM
sarvA~NgasundarataraM sarasaM samagram |
sachchinmayaM sakalasattvahite niviShTaM
sAkShAtsadAkR^itasadAshivabhAgadheyam || 43||
herambasodara hiraNmayakuNDalAya
hemA~NgadAya himashailasutAsutAya |
hetoH samastajagatAM hitacheShTitAya
he shUrapadmakulakAla namo namaste || 44||
kShoNIdharakShitipabhUramaNAnvavAya\-
kShIrArNavodarabhavakShaNadAkareNa |
kShantavyameva bhavatA guha sAhasaM me
kShudrasya tAvakaguNastavanAya jAtam || 45||

iti shrIkumArastavaM samAptam |

|| OM shrIsubrahmaNyAya namaH ||

##
Encoded by Sivakumar Thyagarajan Iyer shivakumar24 at gmail.com
Proofread by Sivakumar Thyagarajan Iyer, PSA Easwaran


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}