% Text title            : sharavaNabhavamAnasapUjAstotram
% File name             : sharavaNabhavamAnasapUjAstotram.itx
% Category              : pUjA, subrahmanya
% Location              : doc\_subrahmanya
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan, PSA Easwaran, Aruna Narayanan
% Latest update         : December 17, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsharavaNabhavamAnasapUjAstotram ..}##
\itxtitle{.. shrIsharavaNabhavamAnasapUjAstotram ..}##\endtitles ##
OM shrIgaNeshAya namaH |
gukAro hyAkhyAti prabalamanivAryaM kila tamo
     hakAro hAniM cha prathayatitarAmeva jagati |
ato mohAndhatvaM shithilayati yannAma guha i\-
     tyamuM devaM dhyAyAmyabhilaShitasandhAnanipuNam || 1||
samAshliShTaM vallyA samupaghaTitaM bAhuviTapaiH
     svamUlAyAtAnAM samuchitaphalaprApaNachaNam |
svasevAniShThAnAM satatamapi saukhyopagamakaM
     sadA dhyAyAmyenaM kamapi tu guhAkhyaM viTapinam || 2||
surANAM sa~NghAtaissamupagataiH sAndrakutukaiH
     samArAdhya svAmin bhaja vihitamAvAhanamidam |
samantAtsadratnaiH samupahitasopAnasaraNi\-
     sphurannAnAshobhaM rachitamapi siMhAsanamidam || 3||
hR^itaM ga~NgAtu~NgAdyakhilataTinIbhyo.ativimalaM
     sutIrthaM pAdyArthaM tava nihitama~NgIkuru vibho |
tathA puNyaistIrthairvihitamidamarghyAchamanakaM
     dayArdrAM dR^iShTiM me disha disha dayAbdhe harasuta || 4||
samantAtsnAnIyaiH parimalaguNotkarShabharitaiH
     sphuranmANikyAdipratikhachitasadratnaphalake |
samAsInaM hi tvAM suchiramabhiSha~nchannasulabhaM
     parAnandaM yAsyAmyanupadhikR^ipAbdhe harasuta || 5||
suvAsobhishchA~NgaM tava kila samAchChAdya sapadi
     prasAdhyAMse shubhraM vimalamupavItaM navaguNam |
prabhUtAMste gandhAn girishasuta sandhAya niTile
     sukhAsInaM hi tvAM nanu khalu didR^ikShe chapaladhIH || 6||
kirITAnAM ShaTkaM tava hi kalayan ShaNmukha shira\-
     ssvatha grIvAyAM te samanughaTayan hAralatikAm |
lalATeShvAtanvan tilakamatha te kuNDalagaNaM
     samarghaM shrotreShu kShaNamapi didR^ikShe bhavasuta || 7||
amandairmandAradrumakusumasa~NghaiH surabhilaiH
     samarchan sAmodaM tava hi sukumArA~Ngamakhilam |
samantAtsamplAvAM tava vadanasaundaryalaharIM
     sadA smAraM smAraM saphalayitumIshe janimimAm || 8||
samAjighra svAminnagaruyutadhUpaM karuNayA
     jighR^ikShasvApImAnamalaghR^itadIpAnupahR^itAn |
gR^ihANAjyaplAvAn mR^idulatarabhakShyANi vividhA\-
     nyupAdatsvApyannaM vividhamatha pa~nchAmR^itamapi || 9||
sukarpUrasvAdukramukayutamelAdikalitaM
     sutAmbUlaM svAmin sadayamupagR^ihNIShva mR^idulam |
tataste karpUraissurabhitaranIrAjanavidhiM
     prakurvannAdhAsye tava shirasi puShpA~njalimapi || 10||
karomi svAmiMste nikhilamupachAraM pravaNadhIH
     dayArdrAste dR^iShTIrvikira girijAnandana mayi |
samantAtsaMsAravyasanakaluShIbhUtahR^idayaM
     paritrAyasvAshAparavashitamApannamapi mAm || 11||
imAM chetaH pUjAM sharavaNabhuvo yaH kila paThet
     sakR^idvA.anyairgItaM sapadi shR^iNuyAdbhaktibharitaH |
na taM saMsArAshA paravashayate nApi viShayAH
     kramAtpuNyAtmA.ayaM nanu bhajati kaivalyapadavIm || 12||

iti shrIjagadgurushR^i~NgerIpIThAdhIshashrIchandrashekharabhAratI
shrIpAdaiHkR^itaM shrIsharavaNabhavamAnasapUjAstotraM sampUrNam |
##
Encoded by Sivakumar Thyagarajan shivakumar24 at gmail.com
Proofread by Sivakumar Thyagarajan, PSA Easwaran, Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}