% Text title            : Skanda Saptashatih
% File name             : skandasaptashatiH.itx
% Category              : subrahmanya, saptashati
% Location              : doc\_subrahmanya
% Proofread by          : Aruna Narayanan, Rajani Arjun Shankar
% Acknowledge-Permission: Veda Circle, Vedic Education Dissemination and Awareness
% Latest update         : March 4, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Skanda Saptashati ..}##
\itxtitle{.. shrIskandasaptashatI ..}##\endtitles ##
\section{anukramaNikA}
1\. shrIskandasaptashatI\-pUrvA~Ngam |
1\.1 sa~NkalpaH |
1\.2 shrIsubrahmaNya\-mAlAmantraH |
1\.3 subrahmaNya\-pa~nchadashAkSharI\-mantraH |
2\. shrIskAndapurANa\-laghusha~NkarasaMhitAyAM saptashatIstotram |
2\.1 gaurIvivAhaH prathamo.adhyAyaH |
2\.2 kumArasambhavaH dvitIyo.adhyAyaH |
2\.3 praNavopadeshaH tR^itIyo.adhyAyaH |
2\.4 tArakAsuravadhaH chaturtho.adhyAyaH |
2\.5 shrIvIrabAhudUtaH pa~nchamo.adhyAyaH |
2\.6 bhAnukopavadhaH ShaShThamo.adhyAyaH |
2\.7 siMhamukhavadhaH saptamo.adhyAyaH |
2\.8 shUrasaMhAra aShTamo.adhyAyaH |
2\.9 shrIdevasenA\-vivAhaH navamo.adhyAyaH |
2\.10 shrIvallIvivAhaH dashamo.adhyAyaH |
2\.11 shrItyAgarAjamahimA ekAdasho.adhyAyaH |
2\.12 dakShacharitaM dvAdasho.adhyAyaH |
2\.13 dakShayaj~naH trayodasho.adhyAyaH |
2\.14 upadeshakANDe kailAsavarNanA chaturdasho.adhyAyaH |
2\.15 upadeshakANDe bhasmadhAraNaprabhAvaH pa~nchadasho.adhyAyaH |
2\.16 upadeshakANDe rudrAkShamahimA ShoDasho.adhyAyaH |
2\.17 upadeshakANDe pa~nchAkSharamahimA saptadasho.adhyAyaH |
2\.18 upadeshakANDe muktiphalapradAnaM aShTAdasho.adhyAyaH |

\section{prArthanA}
gaNeshaM nandinaM vANIM somAskandaM shivaM gurUn |
dvaipAyanamagastya~ncha natvA skandamudIrayet ||
kavitva\-vArAshi\-nishAkarAbhyAM dAridrya\-dAvAmbuda\-mAlikAbhyAm |
dUrIkR^itAnamra\-vipattidAbhyAM namo namaH shrIgurupAdukAbhyAm ||
natA yayoH shrIpatitAM samIyuH kadAchidapyAshu daridravaryAH |
mUkAshcha vAchaspatitAM hi tAbhyAM namo namaH shrI gurupAdukAbhyAm ||
kAmAdi\-sarpavraja\-bha~njikAbhyAM vivekavairAgya\-nidhipradAbhyAm |
bodhapradAbhyAM drutamokShadAbhyAM namo namaH shrIgurupAdukAbhyAm ||
svArchAparANAM akhileShTadAbhyAM svAhAsahAyAkSha\-dhurandharAbhyAm |
svAntAchCha\-bhAvaprada\-pUjanAbhyAM namo namaH shrIgurupAdukAbhyAm ||
aj~nAna\-timirAndhasya j~nAnA~njana\-shalAkayA |
chakShurunmIlitaM yena tasmai shrI gurave namaH ||
OM shrI guru\-charaNAravindAbhyAM namaH |
OM shrI sadguru\-charaNAravindAbhyAM namaH |
OM shrI paramaguru\-charaNAravindAbhyAM namaH |
OM shrI parAparaguru\-charaNAravindAbhyAM namaH |
OM shrI parameShThiguru\-charaNAravindAbhyAM namaH |
OM svarUpa\-nirUpaNa\-hetave shrIgurubhyo namaH |
\section{1\.shrIskandasaptashatI\-pUrvA~NgaM}
\section{1\.1 sa~NkalpaH}
shuklAmbaradharaM viShNuM shashivarNaM chaturbhujam |
prasannavadanaM dhyAyet sarvavighnopashAntaye ||
prANAyAmaH
OM bhUH bhUrbhuvassuvaroM
shivashambhorAj~nayA pravartamAnasya shubhe shobhane muhUrte Adya
brahmaNaH dvitIyaparArdhe shvetavarAhakalpe aShTAviMshatitame kaliyuge prabhavAdi\-ShaShTi\-
saMvatsarANAM madhye \-\-\-\-\-\-\-nAma saMvatsare \-\-\-\-\-\-\-\-\-\-\-\-
ayane \-\-\-\-\-\-\-\-\-\-\-\-R^itau \-\-\-\-\-\-\-\-\-mAse \-\-\-\-\-\-\-\-\-\-\-\-\-pakShe
\-\-\-\- shubhatithau \-\-\-\-\- vAsarasaMyuktAyAM, shubhayoga
shubhakaraNa sakalavisheShaNa\-vishiShTAyAM asyAM shubhatithau,
mamopAtta\-samasta\-durita\-kShayadvArA shrIparameshvara\-prItyarthaM
shrIvallIdevasenAsameta\-shrIsubrahmaNya\-ichChAkriyAj~nAna\-
shaktisvarUpa\-skanda\-prItyarthaM
asmAkaM sarveShAM sahakuTumbAnAM kShemasthairya\-vIryavijaya\-AyurArogya\-
aishvaryAbhivR^id.hdhyarthaM sarvapApa\-nivR^ittyarthaM
dhanakanaka\-vastuvAhanAdi\-sarvama~NgaLAvAptyarthaM
sakala\-saubhAgya\-sauma~NgaLyatA\-sid.hdhyarthaM
shrIvallIdevasenAsameta\-shrIsubrahmaNya\-prasAdAnugrahaprAptyarthaM
shrIj~nAnaskanda\-prItyarthaM shrIskanda\-saptashatyabhidhAyA
laghusha~Nkara\-saMhitAyAH pArAyaNaM kariShye ||
asya shrIsubrahmaNya\-skanda\-kavachastotra\-mahAmantrasya
brahma R^iShiH, anuShTupChandaH, shrI subrahmaNyo devatA
hrAM bIjaM hrIM shaktiH hUM kIlakaM mama sarvAbhIShTa\-sid.hdhyarthe jape viniyogaH ||
atha karanyAsaH |
OM sAM a~NguShThAbhyAM namaH |
OM sIM tarjanIbhyAM namaH |
OM sUM madhyamAbhyAM namaH |
OM saiM anAmikAbhyAM namaH |
OM sauM kaniShThikAbhyAM namaH |
OM saH karatala\-karapR^iShThAbhyAM namaH ||
atha hR^idayAdinyAsaH |
OM sAM hR^idayAya namaH |
OM sIM shirase svAhA |
OM sUM shikhAyai vaShaT |
OM saiM kavachAya hum |
OM sauM netrebhyo vauShaT | (netratrayAya)
OM saH astrAya phaT |
OM bhUrbhuvassuvaromiti digbandhaH ||
dhyAnam |
sindUrAruNamindukAnti\-vadanaM keyUrahArAdibhiH
divyairAbharaNairvibhUShitatanuM svargAdi\-saukhyapradam |
ambhojAbhaya\-shakti\-kukkuTadharaM raktA~Nga\-rAgAMshukaM
subrahmaNyamupAsmahe praNamatAM bhIti\-praNAshodyatam ||
subrahmaNyo.agrataH pAtu senAnI pAtu pR^iShThataH |
guho mAM dakShiNe pAtu vahnibhUH pAtu vAmataH ||
shiraH pAtu mahAsenaH skando rakShellalATakam |
netre me dvAdashAkShashcha shrotre rakShatu vishvabhR^it ||
mukhaM me ShaNmukhaH pAtu nAsikAM sha~NkarAtmajaH |
oShThau vallIpatiH pAtu jihvAM pAtu ShaDakSharaH |
devasenApatirdantAn chubukaM bahulAsutaH ||
kaNThaM tArakajit pAtu bAhU dvAdasha\-bAhumAn |
hastau shaktidharaH pAtu vakShaH pAtu sharodbhavaH ||
hR^idayaM brahmabhUH pAtu kukShiM pAtvambikAsutaH |
UrU pAtu gajArUDho jAnunI jAhnavIsutaH ||
vishAkhaH pAtu ja~Nghe me pAdau cha shikhivAhanaH |
sarvANya~NgAni bhUteshaH saptadhAtUMshcha pAvakiH ||
sandhyAkAle nishIthinyAM divA prAtarjale.agniShu |
durgame cha mahAraNye rAjadvAre sasAdhvase ||
tumule raNamadhye cha sarvaduShTa\-mR^igAdiShu |
chorAdi\-sAdhvase.abhedye jvarAdi\-vyAdhi\-pIDane ||
duShTagrahAdi\-bhItau cha durnimittAdi\-bhIShaNe |
astrashastra\-nipAte cha pAtu mAM krau~nchadAraNaH ||
subrahmaNyasya kavachaM yo vA paThati mAnavaH |
tasya tApatrayaM nAsti satyaM satyaM vadAmyaham ||
iti japet |
OM kArttikeyAya vidmahe shaktihastAya dhImahi
tanno guhaH prachodayAt ||
OM mahAsenAya vidmahe ShaDAnanAya dhImahi
tannaH skandaH prachodayAt ||
OM kukkuTadhvajAya vidmahe vajrahastAya dhImahi
tannaH skandaH prachodayAt ||
\section{1\.2 shrI subrahmaNya mAlAmantraH}
skandaka\-sUktaH
mAtekumAraM rakShovadhInmAdhenuratyA sAraNI
priyAdhanasya bhUyA edhamAnAsse gR^ihe svAhA
ayaM kumAro jarAndhayatu dIrghamAyuH
yasvaitvaM stana prApyAyurvachoyashobalaM svAhA

mAlAmantraH
OM namo bhagavate subrahmaNyAya shaktihastAya
tArakAraye sharavaNodbhavAya R^igyajussAmAtharvaNAya
devasenApataye asurakula\-mardanAya
divyAntarikShAya yogAdhipataye kuru kuru
chaTachaTa shAntAya shAntarUpiNe
ShaShThIpriyAya shivAnanAya vachadbhuve sarvaj~nAna\-
hR^idayAya ShaNmukhAya surarAjAya namaH |
jagadbhuvaM vachadbhuvaM vishvabhuvaM
rudrabhuvaM brahmabhuvaM bhuvodbhavam |
aNubhishcha mahadbhishcha nighR^iShvaiH samAyutaiH
kAlairharitvamApannaiH indrAyAhi sahasrayuk (t ?)
agnirvibhrAShTi vasanaH vAyushveta sikadrukaH
saMvatsaro viShUvarNaiH nityAstenucharAstava
subrahmaNyoM subrahmaNyo.N subrahmaNyom |
jagadbhuvaM bahutohutaM yajadbhuvaM namaste
astu vishvabhuve jagadbhubhuvodhipatiH senAnI
mayUrapriyaShaDAnanA~NgAraH sa~njayAhanamaste
astu sukhAvahAya subrahmaNyo bR^ihaspate (teM ?)
sutAyAsya paddhatayoneH yasyAtmAvahane vahati
sakhyAttemAyoShaM sakhyAnme mAyoShThAH
sAsi subrahmaNye tasyAste dishaH pAdaH
parorajAste pa~nchamaH pAdaH sAnaLaShamUrjandukShva
tejalandriyaM brahmavarcha samandAdyaM
vimimetvApayasvatiM devAnAM dhenu.N sudughA
manapraspurantiM indrasomaM pibatukShemo.astunaH
\section{1\.3 subrahmaNya\-pa~nchadashAkSharI\-mantraH}
asya shrI subrahmaNya pa~nchadashAkSharI\-
mahAmantrasya brahmA R^iShiH gAyatrI ChandaH
shrIsubrahmaNyo devatA
OM shrIM hrIM klIM bIjaM
sharavaNabhavaH shaktiH aiM raM naM laM sauH kIlakaM
shrIsubrahmaNya\-prasAdasid.hdhyarthe jape viniyogaH ||
atha karanyAsaH |
OM shrIM hrIM klIM a~NguShThAbhyAM namaH |
OM aiM raM naM laM sauH tarjanIbhyAM namaH |
OM sharavaNabhava madhyamAbhyAM namaH |
OM shrIM hrIM klIM anAmikAbhyAM namaH |
OM aiM raM naM laM sauH kaniShThikAbhyAM namaH |
OM saH sharavaNabhava karatala\-karapR^iShThAbhyAM namaH ||
atha hR^idayAdi nyAsaH |
OM sAM hR^idayAya namaH |
OM sIM shirase svAhA |
OM sUM shikhAyai vaShaT |
OM saiM kavachAya hum |
OM sauM netrebhyo vauShaT | (netratrayAya)
OM saH astrAya phaT |
OM bhUrbhuvassuvaromiti digbandhaH ||
dhyAnam |
sindUrAruNaM indu\-pa~NkajanibhaiH ShaDbhirmukhairbhAsitaM
kAruNyAmR^ita\-syandi\-sundaratarairbhAntaM dviShallochanaiH |
bibhrANaM varamabja\-yugmamabhayaM shaktidvayaM kArmukaM
khaDgaM charma pR^iShatkama~Nkushagade vallIshamIkShe hR^idi ||
atha lamityAdi pa~nchapUjA |
laM pR^ithivyAtmane gandhaM kalpayAmi |
haM AkAshAtmane puShpANi kalpayAmi |
yaM vAyvAtmane dhUpaM kalpayAmi |
raM agnyAtmane dIpaM kalpayAmi |
vaM amR^itAtmane amR^itaM mahAnaivedyaM kalpayAmi |
saM sarvAtmane tAmbUlAdi sarvopachArapUjAn kalpayAmi ||
mUlaM \- OM shrIM hrIM klIM aiM raM naM laM sauH
sharavaNabhavAya svAhA iti aShTottarashataM japaM kR^itvA samarpayet
\section{2\. shrI skanda\-saptashatI}
ShaDAnanaM chandrasamAnavarNaM mahAmatiM divyamayUravAham |
rudrasya sUnuM surasainyanAthaM guhaM sadAhaM sharaNaM prapadye ||
shrIskAndapurANa\-laghusha~NkarasaMhitAyAM saptashatIstotre
\section{2\.1 gaurIvivAhaH prathamo.adhyAyaH |}
OM hAM kalyANasundarAsanAya namaH |
OM hAM kalyANasundaramUrtaye namaH |
kundAbhaM taruNendu\-chUDa\-makuTaM kR^iShNaM mR^igaM vAmake |
dakShAlambi\-patAkayA girisutA\-hastAmbujaM bibhratam ||
Ta~NkaM chordhvakare dhR^itAbhayakaraM padmodbhavenAdR^itam |
vAme viShNusamAshritaM smitamukhaM kalyANadaivaM bhaje ||
OM hAM kalyANasundarAya namaH |
shrIgaNeshaM sampraNamya shivaM gaurI~ncha ShaNmukham |
rachyate ra~NganAthena laghvI sha~NkarasaMhitA || 1||
purA kA~nchyAM tapasyantaM brahmANaM prApya tApasAH |
paprachChuH svatapaHsthAnaM so.api naimiShamAdishat || 2||
yatra saMsArachakrasya nemiH shIrNA.abhavatsthale |
anyatra labdhasa~nchArA dR^iDhA yadyapyakuNThitA || 3||
tatra gatvA tapastIvraM taptvA te shuddhamAnasAH |
sahasra\-vatsaramitaM satramArebhire tadA || 4||
yadR^ichChayA.a.agataM sUtamapR^ichChan skandavaibhavam |
praNamya svaguruM so.api pravaktumupachakrame || 5||
dvApare dvApare viShNurvedhAshcheshAj~nayA bhuvi |
vyAsatvena manutvenApyavatIrya shrutismR^itI || 6||
sa~NgR^ihNItastathaivAnye munayashcha yathochitam |
sUtrAdikaM praNinyurhi dharmAlopAya sAdaram || 7||
madvayaM bhadvaya~nchaiva bratrayaM vachatuShTayam |
anapAlishikUskAni purANAni dashAShTa cha || 8||
(madvayaM \- matsya,mArkaNDeya | bhadvayaM \- bhAgavata,bhaviShya |
bratrayaM \- brahma, brahmANDa, brahmavaivarta |
vachatuShTayam \- varAha,viShNu,vAmana,vainateya(garuDa) |
anapAlishikUskAni \- agni,nArada, pAdma, li~Nga, shiva, kUrma, skAnda)
vedopabR^iMhaNArthAya vyadhAd\-dvaipAyano muniH |
tathaivopapurANAni chakArAShTAdashaiva tu || 9||
aShTAdasha\-purANeShu dasha shaivAni teShvapi |
skAndaM lakShamitaM tachcha saMhitA\-ShaTka\-shobhitam || 10||
AdyA sanatkumArIyA dvitIyA vaiShNavI matA |
tR^itIyA tu bhavetsaurI chaturthI sUtasaMhitA || 11||
pa~nchamI shA~NkarI tasyAM bahukhaNDAshcha teShu tu |
khaNDaM shivarahasyAkhyaM kANDasaptaka\-maNDitam || 12||
tatra sambhavakANDo.ayaM skandajanmaparaH shubhaH |
uchyate shrUyatAM viprAH sarvasampattikArakaH || 13||
kailAsabhUdhare shambhuM kadAchitsarvama~NgalA |
abravIttyaktukAmA svAM dakShAjjAtAM tanUM rahaH || 14||
bhagavatyaparAddhasya dakShasya vyapadeshataH |
dAkShAyaNItyato lajje tyajeyaM tattanUmiti || 15||
anuj~nAtA cha tenAtha himavanmenayoH sutA |
gaurIti nAmnA.a.avirbhUya pa~nchame.abde tapo.acharat || 16||
sadAshivastadA shuddhavidyAM sadbhyo dishannabhUt |
tadAnIM shUrapadmAdi\-pIDitA devatAH samam || 17||
kailAsamIshanilayaM gatvA nandi\-nivAritAH |
satyalokaM gatAH padmabhuve duHkhaM nyavedayan || 18||
jiShNorgomaya\-lepitvaM vahnerdIpakarAgryatAm |
yamasya vaidyatAM rakShaHpaterbhaTa\-dhurINatAm || 19||
appaternarma\-sAchivyaM vAyorvIjakatAM mR^idu |
yakSharAjaH ka~nchukitAmIshAnasya cha netR^itAm || 20||
shrutvA.anyeShAM hInadharmAn vichArya suchiraM vidhiH |
daivaiH samaM viShNulokaM gato duHkhaM nyavedayat || 21||
tuShTAva cha ramAnAthaM puMsUktena suraiH saha |
tachChrutvA harirapyAgAnmuktvA drA~N\-mairavIM guhAm || 22||

kAmadahanaM
devairj~nApitavR^ittashcha vimR^ishya chiramIshvaram |
shatarudrIya\-japato.atoShayadvibudhaiH samam || 23||
na hyasti shatarudrIya\-japAdanyatpriyaM prabhoH |
yato.atra tasya sArvAtmyaM vistareNa nigadyate || 24||
atha tatra mahAdeva AvirbhUyAchirAdguham |
utpAdya tena duHkhaM vo hariShyAmIti chAbravIt || 25||
shrutvA tadvibudhAH sarve punaH sambhUya shA~Nkarim |
labdhuM sha~NkarapArvatyorvivAhAya jhaShadhvajam || 26||
AhUya bahudhA.abhyarthya sAmadAnAdibhirnayaiH |
prAhiNva~nChambhu\-nikaTaM sa chAgAd\-ratisaMyutaH || 27||
tatra gatvA nandikeshAnuj~nAto.antaH pravishya cha |
pashchimadvAramArgeNa bhagavantaM dadarsha hi || 28||
jaTAdharaM virUpAkShaM chinmudrA\-vilasatkaram |
vyAghrAjinottarAsa~NgaM vasAna~ncha gajAjinam || 29||
bhUtibhUShita\-sarvA~NgaM rudrAkSha\-vilasattanum |
mandasmitena shiShyANAM saMshayachChedakaM gurum || 30||
sanakAdi\-munIndrebhyaH nigamAntArtha\-bodhakam |
dR^iShTvA cha sAdhvasenaiva svinnA~Ngasya savepathoH || 31||
tasya hastAddhanurbANau chyutau tatkShaNato bhuvi |
punarAdAya sandhAya bANaM dhanuShi sha~Nkaram || 32||
yadA lakShyIchakArA.asau tadA tatkAlavahninA |
dagdho.abhUnmanmatho devAH punarvivyathire bhR^isham || 33||
atheshvaro devasa~NghAn samAdhAya manoratham |
pUrayiShye na bhetavyamiti choktvA ratiM satIm || 34||
vilapantIM bhartR^inAshAt sAntvayitvA patiM tava |
punarujjIvayiShyAmItyantardhAnaM gataH kShaNAt || 35||
tapashcharantIM girijAmanugR^ihNan jarattanuH |
jagAma gaurIshikharaM tayA vidhivadarchitaH || 36||
tapaH kimarthaM kriyata iti paprachCha tAM haraH |
tatsakhIbhyAM shivaprAptyai ityuktaH sha~NkaraM bahu || 37||
dUShayAmAsa pArvatyA anurUpo varo na saH |
bhavediti tadA gauryA pidhAya shrotramanyataH || 38||
gantuM vyavasitaM tasminkShaNe tAM vR^iShabhadhvajaH |
samAlalambe svaM rUpamAsthAya niyamasthitAm || 39||
vepamAnAM cha tanva~NgImanvagR^ihNAtkaragraham |
shvaH kuryAmiti kailAsaM gatvA saptA.asmaranmunIn || 40||
te.api kShaNena kailAsamAgatya shivamastuvan |
prApyAnuj~nAM nandikeshAdupetAshcha shivAntikam || 41||
so.api tAn mAnayan gaurIgurumAshritya tApasAH |
yuShmAbhitatsutA mahyaM varaNIyeti chAnvashAt || 42||
tataste svakuTumbitva\-kR^itAM hitvA trapAM mudA |
sArundhatIkAH sapadi prAptavanto himAlayam || 43||
satkR^itAstena vidhivaduktvA sha~Nkara\-vaibhavam |
kanyA~ncha varayAmAsurhitAya jagatAmamI || 44||
menA~nchArundhatI ki~nchichCha~NkamAnAM samAdadhe |
tata omiti nIhAra\-bhUdhareNa pratishrute || 45||
shvaH kalyANamiti prochya prabhave cha nyavedayan |
himavAnapi kalyANamaNDapaM vishvakarmaNA || 46||
muktAmaNi\-patAkADhyaM kArayAmAsa vistR^itam |
lokAnAmapi sarveShAM prAhiNollagnapatrikAm || 47||
pArvatI~ncha sugandhADhya\-tailenAbhya~Nga\-ma~Ngalam |
abhiShekaM purandhrIbhiH kArayAmAsa bhUdharaH || 48||
bhUShaNairvividhaishchaitAM bhUShayAmAsa yatnataH |
tAbhirnivedite tasyA ala~NkAraH kR^itastviti || 49||
brAhmeNaiva vivAhena ditsaMstAM shambhave giriH |
kailAsamagamattUrNaM AhvAnAya maheshituH || 50|
nandinA chAbhyanuj~nAto maheshAya nyavedayet |
tenomiti svIkR^ite cha prApa svaM puramadrirAT || 51||
IshAj~nayA tadA nandI sasmAra sakalaM jagat |
kAlAgnirudra\-mukhyAshcha hATakeshAdayastathA || 52||
svaiH svairgaNaissahAyAtAstasthuH prA~njalayo.agrataH |
dashAvatArairviShNushcha vyUhairlakShmyA sahAyayau || 53||
vidhirvANyA cha navabhiH prajApatibhirAgamat |
indrAdayashcha dikpAlAH svaiH svairyAnaiH samAgaman || 54||
kaTAkShitA maheshena sve sve sthAna upAvishan |
atha brahmA cha viShNushcha taM vyajij~napatAM shivam || 55||
imAni bhUShaNAnyetairala~NkR^ita\-tanuM prabhum |
draShTumichChanti sarve.api tada~NgIkartumarhasi || 56||
ityukto dhUrjaTistAni samAlabhya karAgrataH |
kShaNAttadiShTa\-bhUShADhyarUpAM tanumadhArayat || 57||
taishcha sarvAn diviShado.abhUShayattattadIpsitaiH |
athAdhiruhya vR^iShabhaM kShaNAnnIhArabhUdharam || 58||
prApa shrutiravairvAdya\-ravairjayajayAravaiH |
devadAnava\-gandharvamunIndraiH parivAritaH || 59||
pratyudgato himAgena prAdakShiNyakramAtpuram |
pravishya pauranArIbhiH stUyamAnayashA yayau || 60||
kalyANa\-maNDapadvAri ma~NgaLAShTaka\-satkR^itaH |
antaH pravishya tanmadhye divyaM siMhAsanaM gataH || 61||
pArvatI cha purandhrIbhirgaurIkalyANapUrvakam |
AnIya sthApitA tatra tato DolAdhirohaNam || 62||
kartumabhyarthito devaira~NgyakArShIddayAnidhiH |
kR^itamAlA\-vyatyayashcha menayA saha mAtR^ibhiH || 63||
pAdau prakShAlya payasA kR^itanIrAjanaH prabhuH |
kaTe mA~Ngalike sAkaM pArvatyA samupAvishat || 64||
athAdrirAjaH kanyAyA dAnaM sa~Nkalpya menayA |
kShemAya jagatAM prAdAchChambhave sarvama~NgalAm || 65||
pratyagR^ihNAdyathA vAchamarthastAM chandrashekharaH |
sarve lokA mumudire sha~NkhA bheryashcha dadhvanuH || 66||
bhUmishchottarato bhugnA dakShiNe chonnatA.abhavat |
tadA nijasamaM lopAmudrAjAniM maheshvaraH || 67||
sampreShya dakShiNAmAshAM brahmaNA prArthitaH punaH |
agnau juhAva vidhivat chakre saptapadImapi || 68||
lAjahomaM cha nirvartya kR^itAshIrvAdama~NgalaH |
bhojayitvA janAn sarvAn kailAsaM pratipedivAn || 69||
tatra pravishya homAdi\-sheShahomAntakarmaNi |
nirvR^itte devatAH sarvAH labdhAnuj~nA maheshvarAt || 70||
OM jaya jaya skandapurANe sha~NkarasaMhitAyAM sambhavakANDe skandasaptashatyAM
gaurIvivAhaH prathamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM hAM hrIM sAM gAya sAyudhAya sashaktikAya
saparivArAya savAhanAya saptadashamantrAtmakAya
shrI kalyANasundarAya tAmbUlaM\-ku~NkumAkShata\-
puShpa\-sadhR^ita\-bilvachChadamAhutiM samarpayAmi namaHsvAhA |
anena divyama~NgaLahomena girijAhR^idayasthita\-
jharajAta\-pANDara\-manujAdhipa\-adri\-tanujA\-vivAha\-
pArijAtamoda\-sahajAta\-shAtajalajAyudhesha\-sharajAla\-
pAta\-divyama~NgaLa\-kalyANamahotsAha\-
shrIkalyANasundaraH prIyatAm |
jaya shrIkalyANasundara jaya jaya
jaya pArvatIpate jaya jaya
jaya gaurImanohara jaya jaya
jaya sakalama~NgaLaprada jaya jaya
jaya sakalakArya\-jayaprada jaya jaya
namaH pArvatIpataye hara hara mahAdeva ||
\section{2\.2 kumArasambhavaH dvitIyo.adhyAyaH |}
OM bAlaskandAsanAya namaH |
OM bAlaskandamUrtaye namaH |
padmasavya\-kaTisaMyutavAmaM padmakAnti\-nibhamekamukha~ncha |
bAlavR^iddhikaramIshvarasUnuM bAlamunnatabhujaM praNato.asmi ||
OM bAlaskandAya namaH |
svaM svaM nilayamAsedurmunayo vibudhA narAH |
sarve babhUvuH santuShTA gaurIsha~Nkarasa~Ngame || 71||
atha gauryA saheshAno ramamANaH shilAdajam |
dvAradeshe pratiShThApya shuddhAntaM prAvishatsukham || 72||
kAle bahutithe yAte devA viShNumukhAH punaH |
militvA chintayAmAsuH skandotpatti\-vilambanAt || 73||
merorguhAM gatAste hi vichintya vibudhA drutam |
mArutaM preShayAmAsuH shiva\-vArtopalabdhaye || 74||
sa cha bhogapuraM prApya pravishyeshAna\-mandiram |
kakShyAH sapta vyatIyAya kenApyanupalakShitaH || 75||
athAntaH puramichChan san praveShTuM nandivAritaH |
bhItaH prApa surAn bhUyo na shaknomi shivAntikam || 76||
gantumityabravIchchApi tachChrutvA sarvadevatAH |
sambhUya jagmuH kailAsaM stotraishcheshvaramastuvan || 77||
kAmAre tripurAre kAlAre kAlakUTaviShabhakSha |
shUratrastAnasmAn pAhi vibho ShaNmukhaM cha janayeti || 78||
atha prasanno bhagavAn vadanaiH ShaDbhiranvitaH |
gaurImapashyannetrebhyaH ShaDbhyastejAMsi jaj~nire || 79||
lalATAgni\-prabhApu~njamakShamAnvIkShituM surAn |
j~nAtvesho vahnimAhUya vAyunA saha tadvaha || 80||
nidhehi suranadyAM chetyashAt so.api tathA.akarot |
yadA sharavaNe tena yatnena mahatA.a.ahitam || 81||
tadA padmeShu tejAMsi ShaTsu ShaTcha purAM ripoH |
ShoDhA bAlavapUMShyAsan netrAsechanakAnyatha || 82||
devA viShNumukhA dR^iShTavA rarakShuH shraddhayA shishUn |
ShaTkR^ittikAH samAhUya stanyaM chAdApayaddhariH || 83||
guho.api prINayaMstAsAM manAMsi nayanAni cha |
bahvIbhirbAlalIlAbhiravardhata dine dine || 84||
chandramA iva sampUrNaH kalAbhirudito divi |
vighnena svIyagarbhasya kruddhayA.atitarAM tathA || 85||
gauryA tu devatAH shaptA nijagarbhabharA.asahAH |
yUyamapyanapatyA hi yathaivAhaM bhaviShyatha || 86||
iti shaptvA krudhA yAntyA maNayo nUpurasthitAH |
navApi vyagalaMsteShu tanmUrtiH pratibimbitA || 87||
shivastu tAH samAhUya premNA.apashyannavA~NganAH |
tatkShaNAdeva tAH sarvAH garbhaM dadhurumApateH || 88||
garbhanissaraNaM mAbhUditi shaptAstadomayA |
svedodgamAdajanayan gaNanAthAn bahUnimAH || 89||
atha garbhagatairdevI stutA shambhuprasAditA |
anvagR^ihNAdratnadevIstAbhyo jAtA navAtmajAH || 90||
vIrabAhurvIradhIro vIramArtANDa eva cha |
vIrAntakastathA vIrarakSho vIrapurandaraH || 91||
vIrakesarisa.nj~nashcha vIramAheshvarastathA |
vIrendra iti cha khyAtAH tattadvallIsamA ruchA || 92||
tAMshcha skanda\-sahAyArthaM anushAsya maheshvaraH |
gauryA sAkaM sharavaNaM yayau putradidR^ikShayA || 93||
putraShaTka\-mukhAmbhojAlokanAmodamanvabhUt |
umA chAdAt j~nAnamayaM stanyaM snutapayodharA || 94||
gADhAli~Ngana\-nirvR^itta\-vapuraikyabhR^ite nijam |
ShaDbhirmukhairdvAdashabhiH bhujairaShTAdashAkShibhiH || 95||
yuktAya dvipade tatra samaye yAnyajIgalan |
payaH pR^iShanti tatpAnAmuktAH shApAnmunessutAH || 96||
tatastAH kR^ittikAH shambhuranvagR^ihNAttadAkhyayA |
kArtikeya iti khyAtiM labhatAM kR^ittikAdine || 97||
upoShya guhapUjAM ye kurvanti bhuvi mAnavAH |
teShAM sarvAbhIShTa\-siddhirguhechChAto bhavatviti || 98||
atha skandaH shambhugaurIlAlito.a~NkagatastayoH |
lIlA bahuvidhAshchakre bAlabhAvochitAH shubhAH || 99||
krameNa vR^iSha\-sarpAkhu\-siMhairyudhyansahAnugaH |
brahmaloke viShNuloke.akhilaloke cha vajriNaH || 100||
athAdrInambudhIMshchaiva bha~njayan kShobhayaMshcha saH |
shikharANi mahAmeroH babha~ncha shishulIlayA || 101||
damanAddiggajAnAM cha merorutpATanena cha |
kruddhaH shatamakhastena yoddhumAgAt suraissaha || 102||
IshamAyA\-vilasitaM teShAM buddhavA.atha ShaNmukhaH |
pratyayudhyata taiH sAkaM mUrChayAmAsa tAnapi || 103||
atha nAradavAkyena bR^ihaspatirupetya tam |
tuShTAva so.api prItaH san surAMstAnudajIvayat || 104||
varaM vR^iNIta chetyAha te tathoktAshcha ShaNmukham |
indratve varayAmAsurbhagavAMstu dayAnidhiH || 105||
shakrasyaivendratAM svasya senAnItvamushan punaH |
prApya skandagiriM tatra vishvakarma\-vinirmite || 106||
maNDape vibudhaiH siddhairmunibhishchAbhiShechitaH |
sainApatye sthitaH sarvAn lokAn pAlayati sma saH || 107||
OM jaya jaya skandapurANe sha~NkarasaMhitAyAM sambhavakANDe skandasaptashatyAM
kumArasambhavaH dvitIyo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM hAM hrIM sA~NgAya sAyudhAya sashaktikAya
saparivArAya savAhanAya saptatriMshatmantrAtmakAya
shrIbAlaskandAya tAmbUlaku~NkumAkShata\-
puShpa\-saghR^ita\-jambU\-phalamAhutiM samarpayAmi namaHsvAhA |
anena divyama~NgaLa homena vijR^imbhita\-kusumbhavarNa\-svarNasharIra\-
shobhA\-paramparAbha~Ngi\-bhartsita\-bAlaravidyutiH surasundarIbR^inda\-
viShAdAnalaH nijasaundarya\-nindita\-sundara\-kandarpatanuH shrIbAlaskandaH prIyatAm |
jaya shrIbAlaskanda jaya jaya
jaya j~nAnaskanda jaya jaya
jaya bhaktavatsala jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.3 praNavopadeshaH tR^itIyo.adhyAyaH |}
OM svAminAthAsanAya namaH
OM svAminAthamUrtaye namaH |
UruhastaM daNDapANiM mau~njI\-kaupInadhAriNam |
shuklayaj~nopavIta~ncha suprasannaM smitAnanam ||
sindUrAruNavarNa~ncha ki~nchidUrdhva\-shikhojjvalam |
bhaktAbhIShTapradAtAraM svAminAthamahaM bhaje ||
OM aM uM maM hrIM svAminAthAya namaH |
kadAchinnArado nAma bhUsuro nAradopamaH |
somenAyajateshAnaM pashostvAlambhana\-kShaNe || 108||
prAkkarmavashato meSho babhUva girisannibhaH |
lokAnAkulayan sarvAn chachAra cha madAvilaH || 109||
vaikuNThamapi gatvA saH yadA taM bhIShayan sthitaH |
tadA munigaNaiH skandaH prArthito vIrabAhunA || 110||
AnAyya tamupAruhya trInlokAn sa~nchachAra saH |
pAdaghAtaiH kashAghAtaiH pIDitaH prakR^itiM gataH || 111||
taM sundarAkR^itiM svasya vAhanatve.apyakalpayat |
nAradaM cha guhaH prAha prArthayantaM kratoH phalam || 112||
tava yaj~nena me vAho jAtastena tava kratuH |
shatAshvamedhaistulyatvaM gato brahmArpaNAddvija || 113||
yachChivArpaNamIShachcha kriyate tadanantatAm |
etIti taM visR^ijya svairanugairvijahAra ha || 114||
atha brahmA pradoShe tu kadAchiddraShTumIshvaram |
kailAsametya pravishannantarmR^ityu~njayAlayam || 115||
krIDantaM ShaNmukhaM dvAre hyanAdR^itya yayau punaH |
nirgachChannapi satkAraM na chakAra yadA guhe || 116||
tadA paprachCha taM skandaH ko bhavAn kA cha te kR^itiH |
kA vidyA kutra vAsashchetyetatbrUhi yathArthataH || 117||
iti pR^iShTena vidhinA sraShTR^itvaM vedavettR^itA |
satyalokAdhipatyaM cha varNitaM svamasheShataH || 118||
tarhyekamuchyatAM vAkyamR^igAdAviti shA~NkariH |
yadA.apR^ichChattadA pUrvaM praNavochchArapUrvakam || 119||
vidhinA vaktumArabdhe tiShTha tiShTheti tarjayan |
paprachCha ShaNmukhaH pUrvaM o~NkArArthamudIraya || 120||
svAdhyAyAdhyayanaM hyarthaj~nAnArthaM tadvinA naraH |
sthANurbhavedbhArahAra iti vedeShu nindyate || 121||
iti pR^iShTo vidhistasyApyahamevArtha ityuta |
yadA.abravIttadeshasya putrastaM mUrdhni kuTTayan || 122||
kArAgR^ihe nyarautsIchcha tatkShaNaM vIrabAhunA |
sR^iShTiM cha jagataH kartuM svayamArabhata prabhuH || 123||
atha devairj~nAtavR^ittaH prAhiNonnandinaM shivaH |
brahmANaM mochayiShyan san yadA nA~NgyakarodguhaH || 124||
tadA svayaM vinA gaurIM skandapattanametya tam |
dvitriH sAmnA cha kopenApyuvAcha guhamIshvaraH || 125||
brahmANaM mu~ncha mu~ncheti tato muktvA vidhiM guhaH |
nyavedayattasya dauShTyaM pitrA pR^iShTaH punaH svayam || 126||
praNavArthamupAdikShachChambhoH karNe rahasyatha |
sadAshivoM subrahmaNyoM iti nAvo~NkR^iteH shrutiH || 127||
arthaM bravIti tadj~nAnAtpuruShArtho bhaveddhruvam |
adhikAra\-madagrasto na jAnAti hi padmajaH || 128||
ityuktvA sha~NkarastuShTaH kailAsaM prApya pArvatIm |
pratinyavedayatsarvaM sA.api tuShTA mudaM yayau || 129||
OM jaya jaya shrIskandapurANe sha~NkarasaMhitAyAM sambhavakANDe skandasaptashatyAM
praNavopadeshaH tR^itIyo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM aM uM maM hrIM sA~NgAya sAyudhAya sashaktikAya
saparivArAya savAhanAya dvAviMshati\-mantrAtmakAya
shrIsvAminAthAya tAmbUla\-ku~NkumAkShata\-
puShpa\-saghR^ita\-kapittha\-phalamAhutiM samarpayAmi namaHsvAhA |
anena divyama~NgaLa\-homena yamaniyamAsana\-
prANAyAma\-pratyAhAra\-dhyAnayoga\-samAdhi\-
sa~nchitAShTA~Nga\-sampuShTi\-vishiShTi\-yogAkR^iShTANimAdi\-
guNAShTaishvaryasiddhiH prasiddha\-praNavopadeshaH shrIsvAminAthaH prIyatAm |
jaya shrIbAlaskanda jaya jaya
jaya skandaguro jaya jaya
jaya sakalamantramUrtte jaya jaya
jaya j~nAnadAyaka jaya jaya
jaya sakalakArya\-jayaprade jayajaya
namaH pArvatIpataye hara hara mahAdeva ||
\section{2\.4 tArakAsuravadhaH chaturtho.adhyAyaH |}
OM tArakAsuravadhAsanAya namaH |
OM tArakAsuravadhamUrtaye namaH |
varadama~Nkusha\-dhvaje cha kaTaka\-chApa\-vajramap\-
yabhaya\-pAsha\-chakra\-khaDga\-musala\-shakti\-manvaham |
dvidasha\-pANibhirdadhAnamaruNa\-koTi\-sannibhaM
bhajata tArakArimadya bhavavinAshakAraNam ||
OM shrIM sauM tArakAraye namaH |
atha pR^iShTo girijayA girIshaH prAha shA~NkareH |
nAmnAM niruktiM mAhAtmyaM vibhUti~ncha visheShataH || 130||
sarvaj~natvAt skanda iti hR^idguhAstho guhaH smR^itaH |
sutarAM brAhmaNaprItyA subrahmaNya itIryate || 131||
vahninIto.agnibhUshchaiva kR^ittikAprItikR^itpunaH |
kArttikeyaH sharavaNe jAtaH sharavaNodbhavaH || 132||
vishAkha\-R^ikSha\-jAtatvAdvishAkha iti kathyate |
suranadyAmabhivyakto gA~Ngeya iti kIrtitaH || 133||
tatChrutvA gIyamAnaM tu vaiNikairviShNusadmani |
tatkanye.amR^itavallIti tathA saundaryavallyapi || 134||
premavatyAvabhUtAM hi ShaNmukhe nyastamAnase |
sharakAnanamabhyetya tapashchAcheratuH svayam || 135||
tena santuShTahR^idayaH skandaH prAdurabhUtpunaH |
uvAcha chendrabhavane gehe shivamunerapi || 136||
vasataM yuvayoH pANI gR^ihIShyAmIti sAdaram |
atha smR^ito girIshena gataH kailAsamagnibhUH || 137||
ala~nchakAra tasyA~NkaM somAskandaM shivaM tadA |
dR^iShvA.a.apurjanma\-sAphalyaM devA viShNupurogamAH || 138||
atha vij~nAya sandarbhamuchitaM chirarAtrataH |
shUrapadmakR^itAM pIDAM ShaNmukhAya vyajij~napan || 139||
so.api kailAsapatinA.anuj~nAtaH prayayau mudA |
tAtaM pradakShiNIkR^itya tathAmbAM sarvama~NgalAm || 140||
namaskR^itya paraM tAbhyAM dattAnuj~no .anugAvR^itaH |
astrANyanekarUpANi labdhvA shakti~ncha sha~NkarAt || 141||
shatayUdhaM shatA~NgaM cha mArutaM sArathiM tathA |
sha~NkhabherI\-mR^ida~NgAdi\-vAdyaghoSha\-puraHsaram || 142||
gatvA.a.adau parvataM gandhamAdanaM hemakUTakam |
yayau pashchAttadA viShNumukhAH skandaM vyajij~napan || 143||
bhagavan krau~ncha\-shailo.ayamasuro.agastya\-shApataH |
bhUtvaivaM tArakasyAtimitraM devAn hinasti hi || 144||
drAvayainaM kShaNeneti prArthitaH sha~NkarAtmajaH |
vIrabAhuM samAhUya tannirodhanamanvashAt || 145||
sa yadA nyaruNat krau~nchaM tadA.a.agAttArako yudhe |
atIva tumulaM yuddhaM vIrANAM tArakasya cha || 146||
yadA pravR^ittamaShTAnAmasahyaM vIkShya tatkShaNam |
vIrabAhuH svayaM yoddhuM tena sAkaM yayau tadA || 147||
tayoH samabhavadyuddhaM tumulaM romaharShaNam |
astrapratyastra\-yogena sarvavismaya\-kArakam || 148||
yadA tu bhIto daityendraH prAvishatkrau~ncha\-gahvaram |
tadA parA~NmukhasyArho vadho neti vichintayan || 149||
vIrabAhurjahArAstraM sa tu mAyAbalena vai |
guhAyAM nyakShipatsarvAn vIrAMste tu paribhramam || 150||
kurvanto nirgamAlAbhAt khinnachittA yadA.abhavan |
gaNanAthAstadA daityabhItA dudruvire dishaH || 151||
tatsarvaM nAradenoktaM shrutvA skando mahAmanAH |
prasthAya chatura~Ngena sainyenAyoddhumAyayau || 152||
taM dR^iShTvA tArakastasya tejo\-vismita\-mAnasaH |
shivaputra iti j~nAtvA tamAha vinayAnvitaH || 153||
daivAsuraM hi sahajaM vairaM tasya na niShkriyA |
viShaye.asmin kaH prasa~NgaH shambhostattanayasya vA || 154||
ato namaskaromi tvAM gachCha kailAsamIshvaram |
pArvatI~ncha samArAddhumuchitaM tava ShaNmukha || 155||
ityuktastArakeNeshaputraH prAha shivAj~nayA |
vedAtikrama\-kartR^INAM nigrahaM kartumAgamam || 156||
ityanyonyaM vIravAda\-purassaramayudhyatAm |
devAH siddhAH cha munayo vismayaM jagmuruttamam || 157||
gaganaM gaganAkAraM sAgaraH sAgaropamaH |
skanda\-tArakAryoryuddhaM skanda\-tArakayoriva || 158||
yadA sarvANi chAstrANi vR^ithAjAtAni ShaNmukhe |
tadAnIM tArako daityaH skandenorasi tADitaH || 159||
mUrchChitaH punarutthAya kR^ittashuNDo guhena cha |
amarSha\-vashamApannaH punarAyoddhumAgataH || 160||
ShaNmukhashcha shitairbANairavadhIttasya sArathim |
jahR^iShushcha tadA devA viShaNNastArako.abhavat || 161||
atha mAyAbalenaiva yoddhuM nishchitya dAnavaH |
krau~nchena sahitaH skandaM punarabhyudyayau balI || 162||
kAlAnalAtmanA bhUtvA yadA lokAMstatApa saH |
tadA jaghAna taM shaktyA sAkaM krau~nchena ShaNmukhaH || 163||
devA mumudire sarve lokAshcha jahR^iShurbhR^isham |
vIrAshchottasthurAkAshAtpuShpavarShaM papAta cha || 164||
skandaH pAshupatAstraM tattArakIyaM svahastakam |
shatruprANaharaM tIkShNaM prAyachChadvIrabAhave || 165||
atha skando himagiriM prApya nAkibhirarthitaH |
divyasiMhAsane vishvakarmaNA nirmite vibhuH || 166||
upaviShTo devatAnAM saparyAM pratigR^ihya cha |
shivAbhyAM nandito viShNubrahmamukhaiH surairapi || 167||
uvAsa rAtrau skandAdrau sarveShAM darshanaM dadat |
sarve.api netraistaM pItvA nyamajjanmoda\-sAgare || 168||
tArakAsura\-patnyastu vilapantyo bhR^ishAturAH |
chitAmAropya bhartAraM svaya~nchAruruhurmudA || 169||
pitaraM mAtR^ibhiH sAkaM saMskR^itya bhR^ishaduHkhitaH |
jagAma shUrapadmasya samIpaM tArakAtmajaH || 170||
nivedya tasmai vR^ittAntaM pratyAyya shapathena cha |
duHkhamutpAtayAmAsa tasmai so.api chiraM rudan || 171||
bhrAtrA siMha\-mukhenAnyairmantribhishcha samanvitaH |
chakAra yuddhasannAhaM vArito.amohamantriNA || 172||
dUtAn sa prAhiNotskanda\-vArtA\-tatvopalabdhaye |
apashyachcha jagat skandamayaM tadgatamAnasaH || 173||
iti tAraka\-saMhArakathA shatrujayapradA |
paThatAM shR^iNvatA~nchaiva sarvAbhIShTaphalapradA || 174||
atha skandagirestasmAchChUrapadma\-jighAMsayA |
prasthAya ShaNmukhaH sarvairanvito daivataiH saha || 175||
kedAraM prathamaM prApya tato vArANasImapI |
shrIparvataM vaTAraNyaM kailAsaM dakShiNaM tathA || 176||
kA~nchIM chidambara~nchaiteShvarchayitvA shivau svayam |
gachChaMshcha sahyajA\-tIramuttaraM prApya ShaNmukhaH || 177||
sUryasyAstamayAttatra senAM vishramayanyadA |
uvAsa vishvakarmA.api ratnasaudhaM tadA.akarot || 178||
tatra maNNinadItIre svanAmnA nagarIM guhaH |
pratiShThApya vrajanmadhye marubhUmiM kaTAkShataH || 179||
shItalIkR^itya vegena parAchalamupAgamat |
tatra ShaTtApasAn shrImatparAsharamuneH sutAn || 180||
anugR^ihya mahendreNa mAnito vibudhaiH saha |
jagAma sentInagaraM tatkShaNAdvishvakarmaNA || 181||
nirmite maNDape tiShThannanvayu~Nkta bR^ihaspatim |
daityAH kati kuto jAtAH ki~nchaiShAM vIryamityapi || 182||
tatsarvaM vaktumArebhe guhAyA.atha bR^ihaspatiH |
itthaM sambhavakANDo.ayaM pUrNaH shreyaskaro nR^iNAm || 183||
OM jaya jaya skandapurANe sha~NkarasaMhitAyAM sambhavakANDe skandasaptashatyAM
tArakAsuravadhaH chaturtho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM shrIM shauM sA~NgAya sAyudhAya sashaktikAya
saparivArAya savAhanAya chatuHpa~nchAshat\-mantrAtmakAya
shrItArakArimUrtaye tAmbUla\-ku~NkumAkShata\-
puShpa\-saghR^ita\-bIjApUra\-phalamAhutiM samarpayAmi namaHsvAhA |
anena divyama~NgaLa\-homena sakalasurAsura\-
nikarApekShita\-sainApatyaH karaShaTkayugmadhR^ita\-
kAlAnala\-parijvalajjvAlAyamAna\-jyotirmaya\-
mahAshaktiyukta\-sharakhaDgachApa\-parashupAsha
vajra\-kukkuTadhvaja\-kheTaka~NkaTa\-kArmuka\-vividhAyudha\-
vidaLita\-dAnava\-bAdhAvimuktaH shrItArakAriH prIyatAm |
jaya shrItArakArimUrte jaya jaya
jaya asurakulAntaka jaya jaya
jaya yaj~narakShaka jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.5 shrI vIrabAhudUtaH pa~nchamo.adhyAyaH}
OM kArtikeyAsanAya namaH |
OM kArtikeyamUrtaye namaH |
varadakulishakheTaM vAmahastatraye cha dadhatamabhayashaktiM khaDgamanyatraye cha |
taruNaravi\-samAbhaM sAdhubhiHpUjyamAnaM kamalavadana\-ShaTkaM kArttikeyaM namAmi ||
OM hrIM sAM kArtikeyAya namaH |
purA ma~NgalakeshinyAmasurendraH sutAM shubhAm |
surasAM janayAmAsa sA cha shukraprasAdataH || 184||
sarvAshcha vidyAH sampAdya mAyetyAkhyAM jagAma ha |
asurANAM samR^id.hdhyarthaM kashyapAshramametya sA || 185||
vidyullateva tachchitaM mohayantI punaH punaH |
prArthitA tena bhogArthaM kAmarUpavareNa cha || 186||
prathamaM shUrapadma~ncha siMhAsya~ncha dvitIyakam |
tR^itIyaM tAraka~nchaiva chaturthImapyajAmukhIm || 187||
sainyaiH saha samutpAdya tattadvaktrayutA bahu |
yadaivoparatA tarhi shUra\-siMhAsya\-tArakAH || 188||
paprachChuH pitaraM natvA kinnaH kAryamiheti saH |
tapo dAnaM matirdharme kAryA bhUtadayA sadA || 189||
ityudAharaNaM bhUri kurvannupadidesha ha |
mAyA tu tannirAkR^itya dharmo.ayaM nanu yoginAm || 190||
bhavadbhistu vaTadvIpaM gatvA shambhuM prasAdya cha |
dIrghamAyurmahadvIryamanekANDAdhirAjatA || 191||
kenApyavadhyatA chaiva sampAdyeti samanvashAt |
tadarthaM yaj~nasambhArAn tantraM mantrAn didesha cha || 192||
tathaiva te shambhumiShTvA mahAkuNDa\-vidhAnataH |
pratIkShamANA api tatprasAdaM naiva lebhire || 193||
saMvatsara\-sahasrAnte shUrapadmaH svakAM tanum |
ChitvA juhAva tenA.api na prasanno yadA shivaH || 194||
tadA.agnau nipapAtA.atha siMhavaktrashcha duHkhitaH |
shirAMsi kartayitvA.agnau juhAva cha punaH punaH || 195||
tadA maheshvaraH sAkShAdgauryA sAkaM vR^iShasthitaH |
datvA darshanametasmai ga~NgAtoyena chAnalam || 196||
shamayitvA shUrapadmamujjIvya tadabhiShTutaH |
tasmai dadau vara~nchAShTa\-sahasrANDAdhinetR^itAm || 197||
anyAbhyAmapi siMhAsya\-tArakAbhyAM maheshvaraH |
yathepsitaM varaM prAdAt tapasA toShitastayoH || 198||
aShTAshatayuga~nchAyuH svashaktyanyairavadhyatAm |
te punaH kashyapaM prApya nivedya svamanoratham || 199||
tenAvadhIritAH shukramupetyAbhyarthayan punaH |
sa chArthashAstraM lokasya pauruShAyattatAmapi || 200||
nirUpayan devahiMsAM kartumetAnachodayat |
atha te hR^iShTamanasaH prasthitA digjigIShayA || 201||
nyarundhannalakAmAdau chatura~NgabalaiH saha |
dhanadena cha vai tasya vR^ittyA shUraH sutoShitaH || 202||
IshAna\-dishamutsR^ijya shivachihnasya dhAraNAt |
mahendranagarIM dagdhvA prApuH vahneH purIM tataH || 203||
agniM vijitya shamana\-nagarIM roddhumAgaman |
yamo.api vividhai ratnairvastrairdhAnyaishcha sAdaram || 204||
pratyudgamya praNamyAmUn tannideshena lambhitaH |
pitR^irAjyaM jugopAtha nirR^iteH prayayurdisham || 205||
tena j~nApita\-bandhutvAH tamAsthApya nije pade |
varuNasya dishaM prApya rurudhustasya pattanam || 206||
varuNashcha yadA bhIto viveshAntaramambudheH |
luNTayitvA tadA sarvaM dhanaM tasya yayurdrutam || 207||
vAyoH kakubhametasmin bhIte pAtAlamIyuShi |
mumuShustasya ratnAni lalanAshcha suretare || 208||
evaM jitvA disho.aShTau cha nAgalokamupetya te |
nAgAnvijitya taishchApi svIyaratnaiH prasAditAH || 209||
saptadvIpAM vasumatIM vijigyuH kramashashcha te |
kShIrAmbudhimathA.asAdya payaH pAnairalolayan || 210||
shrIshcha bhUmishcha nidrANaM prabodhya nijanAyakam |
AsannamApadaM tasmA abrUtAM so.api taiH saha || 211||
yuddhvA chiraM tatasteShAM varamIshakR^itaM smaran |
sAntvayaMstAn parAM maitrIM bhAvayaMstaishcha moditaH || 212||
atha dyulokaM kramashaH lokAMshcha maharAdikAn |
atItya satyalokasthaM brahmANaM prayayurdrutam || 213||
so.api taiH svasya sambandhaM pitAmaha itIrayan |
anuj~nAtashcha taissatyalokaM rakShannavartata || 214||
atha te viShNulokAkhyaM vaikuNThaM prApya tena cha |
prasAditAH shambhulokaM jagmuH sarvopari sthitam || 215||
tatra natvA nandinaM te teneshAj~nA\-puraHsaram |
praveshitAH praNemushcha sha~NkaraM sAkamambayA || 216||
tenAdiShTAH sarvamaNDaM nirIkShya punaratra vai |
sthAtavyamiti sarvANi vIkShyANDAnyasurairvR^itAH || 217||
mAtAmaha~nchAsurendraM shukrAchAryaM nijaM gurum |
praNipatya nivedyAbhyAM sarvaM digvijayAdikam || 218||
athaitya dakShiNe sindhutIre tiShThan yadA.asurAH |
tadA viShNumukhA devA AgatAstad\-didR^ikShayA || 219||
tanmadhyapatitAn rudrAn dR^iShTvA paprachCha tatkathAm |
shUrastadA viShNunoktAM brahmAhantAM shivena cha || 220||
tadbha~NgaprabhR^itiM vArtAM shrutvA.abhUdativismitaH |
nirmite nagare sindhumadhye prAvishadujjvale || 221||
vIramAhendra\-nagare puryaShTaka\-samAvR^ite |
nivasandevatAnAM cha kAryaM prAdAdyathochitam || 222||
matsya\-grahaNakArye.anye niyuktA duHkhitAH surAH |
dakShayaj~na\-samudbhUtaM mantuM dhyAyanta Asata || 223||
dine dine cha shUrastu prAtaH prasthAya kautukAt |
pAtAlaM madhyamaM svargaM chAnuvIkShya nyavartata || 224||
tatra dR^iShTvA shachIM kAmamohitaH praiShayatsvakam |
dUtaM tasyA AharaNe tajj~nAtvA devarAT tadA || 225||
rUpAntareNa shrIkALI\-nagaraM prApya bhAryayA |
veNurUpa\-dharo.atiShThannAradAnumatashchiram || 226||
kadAchiddaivayogena loke.avagraha\-pIDite |
veNuH shushoSha shakrashcha shachI chAmlAyatAM bhR^isham || 227||
atha sUtaH shaunakAdyairajAmukhyAH kathAM prati |
pR^iShTaH provAcha vR^ittAntaM tasyA duritadUShitam || 228||
durvAsasaM kadAchitsA balAdAkR^iShya sa~NgatA |
vAtApimilvalaM chobhAvasUta paramoddhatau || 229||
tau cha tAtamayAchetAM tapaHsarvaM dadAtviti |
kruddhena tena shaptau cha nashyatAM brAhmaNairiti || 230||
ilvalastu vidhAtAramiShTvA tasya prasAdataH |
vAtApermeShabhAvena pAke.api punarAgamam || 231||
avR^iNochcha tadArabhya kuTaka\-prAntabhUtale |
viprAnnimantrya bhuktyante vAtApiM prAhvayanbalI || 232||
ghAtayAmAsa tAn kAle gachChatyevaM kadAchana |
vindhya\-parvatamAsAdya nArado meruvikramam || 233||
varNayitvA tasya kopamutpAdya ravirodhane |
prairayattaM tato devAH sambhUyAgastyamabruvan || 234||
bhagavannastvamevAdya sharaNaM shambhunA samaH |
iti tatprArthanAma~NgIkurvan kalashabhUryayau || 235||
IshAdAdAya kAverIM kuNDikAyAM munIshvaraH |
vArANasyAM shivaM natvA prayAsyan dakShiNAM disham || 236||
vindhyaM mamarda hastena bhUdharaM mArgarodhakam |
krau~nchaM mAyAvinaM madhye shaptvA shailo bhaveti cha || 237||
kuTakaM prApya vAtApimilvalaM cha suretarau |
bhuktyai nimantritastAbhyAM jighAMsU tau cha va~nchakau || 238||
hatvA tatpApa\-shud.hdhyarthaM sahyAdrau tapa Acharat |
tadA gaNeshaH shakreNa pUjitaH prApya tatsthalam || 239||
kAkarUpeNa tatratya\-kuNDikAmudachAlayat |
muninAnudruto brahmachAri\-veShamupetya saH || 240||
javAt dudrAva tachChIrShe kuTTituM munirabhyagAt |
sumukhashcha nijaM rUpaM munaye darshayan mudA || 241||
shuNDayA.anIya tIrthAmbhaH pUrayitvA cha kuNDikAm |
prAvAhayachcha kAverIM sA cha shrIkALI\-pattanam || 242||
vegAdupetya tatratyAn vR^ikShAn puShTAnakArayat |
mumude veNu\-rUpeNa sthitaH shachyA shatakratuH || 243||
atha devAH sahasrAkShaM tatrAgatya vyajij~napan |
tvayA nAthena hInAnAM na manaH svAsthyamR^ichChati || 244||
tadehi sthAnamityuktaH shachIM nikShipya shAstari |
kailAsamagamachChakraH shivAnugraha\-lipsayA || 245||
nandinA cha tadA sevAvasaro neti vAritaH |
tatraiva shikhariNyasmin nyavasadvibudhaiH saha || 246||
tadA tvajAmukhI lokAnaTantyeva yadR^ichChayA |
shrIkALI\-nagare devImindrANImupalabhya cha || 247||
balAd\-grahItumArebhe tadA shAsturanuj~nayA |
mahAkAlaH karau tasyAH ChitvA.arakShachChachImapi || 248||
ajAmukhI ChinnahastA krandantI dAruNaM bahu |
sAntvyamAnA cha durmukhyA gatA shUrAntikaM kShaNAt || 249||
indrANyapi cha shakreNa nArada\-preritena hi |
nItA meruguhAM tasthau bhayamutsR^ijya bhAminI || 250||
shUraH sabhAmadhyagataH svasAraM vIkShya duHkhitAm |
patitAM ChinnahastA~ncha krodhena kaluShIkR^itaH || 251||
pR^iShTvA hetuM mahAkAla\-cheShTitaM durmukhImukhAt |
j~nAtvA tatratya\-devAn sa shR^i~NkhalAbhirbabandha ha || 252||
AhUya vedhasaM tasyA bAhU sandhApya tena cha |
prArthito mochayAmAsa devAnnigaDitAnapi || 253||
AhUya bhAnukopa~ncha mahAkAla\-surendrayoH |
bandhanArthaM vyAdidesha so.api gatvA balaiH saha || 254||
apashyannamarAvatyAM devendraM nyaruNatpurIm |
yuddhvA chiraM jayantena baddhvA taM vashamAnayat || 255||
airAvataM bhagnadantaM kArayitvA surA~NganAH |
bandIkR^itya pituH pArshve paricharyAmakArayat || 256||
iti gIShpatinA skanda\-sannidhAvAsurI kathA |
varNitA bhaktinamreNa so.api shrutvA visiShmiye || 257||
itthamAsurakANDIyAM kathAM shR^iNvanti ye narAH |
prItaH ShaDvadanasteShAM kShiprArogyaM prayachChati || 258||
atha ShaDvadanaH shrImAn bhItAn viShNumukhAn surAn |
anugR^ihyAbhayaM datvA vIrabAhuM mahAmatim || 259||
preShayamAsa nikaTaM shUrapadmasya dautyataH |
so.api gatvA samudrAntaH daityAn hatvA bahUnapi || 260||
prApya la~NkAM tatpati~ncha hatvA.ayomukha\-sa.nj~nakam |
uttaraM vIramAhendra\-nagaradvAramAgamat || 261||
tatra ghoramaghora~ncha dvArapAlau sasainikau |
jAgarUkau nirIkShyAtha prAchyadvAramupAgamat || 262||
tatrApi mahiShAkShau dvau dvArapAlau nirIkShya saH |
praveshe vighnamutprekShya vIrabAhurmahAmatiH || 263||
yAmyAM dishamavApAtha tatratyena nirIkShitaH |
gajAsureNa pR^iShTashcha kastvamityuddhatAkSharam || 264||
yuddhvA sahasravaktreNa tena taM vinihatya cha |
pashchima\-dvAramArgeNa pravishya nagarIM laghu || 265||
vIthIrAlokayaMstatra surANAM pravilApanam |
dR^iShTa\-susvapna\-sa~njAta\-harShANAM vachanAni cha || 266||
shR^iNvaMstAMshcha jayantAdInAshvAsya guhavArtayA |
shUrapadmaM sabhAmadhye siMhAsanagataM vidan || 267||
tatkAla\-smR^ita\-ShaTvaktrAnugrahAdAgate shubhe |
divye siMhAsane sthitvA svAmi\-sandeshamabravIt || 268||
tvatpIDitairviShNumukhairdevo vij~nApitaH shivaH |
kumAraM janayAmAsa tvadvadhAya sa chAgataH || 269||
shrIsentinagare svIya\-sainikairAvR^itaH sthitaH |
dayayA tvayi sandeshaM prAhiNochChruNu taM hitam || 270||
jayantAdIn diviShado bandhAnmochaya mAchiram |
nochet sabandhuM tvAmadya hanyAmiti jagAda cha || 271||
tatChrutvA kupitaH shUro vIrabAhuvadhe bhaTAn |
nyayu~Nkta te.api ShaDvaktra\-smaraNAttena mAritAH || 272||
athAdidesha tanayaM vajrabAhuM suretaraH |
vIrabAhornigrahAya so.api yuddhvA chiraM balI || 273||
ante niShUdito vIrabAhunA sainikaiH saha |
putrashokena santaptaH shUraH sammantrya mantribhiH || 274||
protsAhitashcha bahubhiH sAntvyamAno.api dhImatA |
siMhavaktreNAnujena tamanAdR^itya helayA || 275||
tArakakrau~ncha\-hananaM na pauruShakR^itantviti |
yuktyopapAdya yuddhAya sannAhamakarotsvayam || 276||
vIrabAhustu siddhArtho niryAya pathi sa~Ngatam |
vyAlivaktraM nihatyAshu shrIsentinagaraM yayau || 277||
pratyudgata~nja vibudhaiH muditaiH padmajAdibhiH |
ShaDvaktra\-sannidhiM prApya vR^ittaM sarvaM nyavedayat || 278||
tenApi shvaH shUrapadmaM hatvA bhItiM tadudbhavAm |
vyapaneShye devatAnAmiti dhIraM pratishrutam || 279||
vIramAhendra\-kANDIyakathaivaM varNitA dvijAH |
shR^iNvatAM kAryasiddhiH syAdvIrabAhu\-prasAdataH || 280||
OM jaya jaya skandapurANe sha~NkarasaMhitAyAM
asura\-vIramAhendrakANDe skandasaptashatyAM
vIrabAhudUtaH pa~nchamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM hrIM sA~NgAya sAyudhAya sashaktikAya
saparivArAya savAhanAya saptanavati\-mantrAtmakAya
shrIkArtikeyamUrtaye tAmbUla\-ku~NkumAkShata\-
puShpa\-saghR^ita\-drAkShAphalamAhutiM samarpayAmi namaHsvAhA |
anena divyama~NgaLa homena puraharanandanaH ripukulabha~njanaH
dinakarakoTirUpaH parihR^ita\-lokatApaH
shikhIndravAhanaH mahendrapAlanaH
nikhiladanuja\-tUlavAtUlaH tApasasamArAdhitaH
navavIrasevitaH raNadhIrasambhAvitaH
vIrabAhusodaraH shrIkArtikeyaH prIyatAm |
jaya shrI kArtikeyamUrte jaya jaya
jaya vIrabAhusodara jaya jaya
jaya asurakulamardana jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.6 bhAnukopavadhaH ShaShTho.adhyAyaH |}
OM sAM shikhivAhanAsanAya namaH |
OM sAM shikhivAhanamUrtaye namaH |
bhAnukara\-ratnanibha\-divya\-rasavastraM
vajradhanu\-kheTa\-varapadma\-karashUlam |
shaktishara\-khaDga\-bhaya\-hR^id\-dhvaja\-rathA~NgaM
naumi shikhivAhana\-ShaDAnana\-surUpam ||
OM naM sauM shrIM shikhivAhanAya namaH |
shrutvA pratishrutaM shUradUtAstasmai nyavedayan |
tathApi yuddhaM bAlena na yuktamiti lajjayA || 281||
mantribhiH saha sa mmantrya bhAnukopAhvayaM sutam |
AhUya sAntvayitvA taM prAhiNodasurAdhipaH || 282||
skando.api nAradamukhAt shrutvA yuddhodyamaM ripoH |
pratasthe bhUtasa~Nghaishcha vR^ito brahmAdibhiH suraiH || 283||
vIramAhendra\-nagarasyottaradvAra\-pArshvataH |
shibiraM prAvishannUtnaM nirmitaM vishvakarmaNA || 284||
tato yuddhaM pravavR^ite sainyayordevadaityayoH |
daityasenAM yadA.apashyanmUrChitAM shUrapadmajaH || 285||
tadA.avarShadbANavR^iShTiM bhUtasainyopari krudhA |
bhUtAni cha tathA mUrChAmApushChinnA~NgasandhayaH || 286||
vIrabAhurapi prekShya tAdR^ishIM bhUtadurdashAm |
preShayAmAsa vegena bhUtasenApatIn nava || 287||
prathamaM bhUtasenAnIH siMho yoddhuM prachakrame |
analashchAsurachamU\-nAthastaM pratyayudhyata || 288||
anale nihate chaNDaH siMhamabhyadravadruShA |
so.api siMhena nihataH tatastvajamukho yayau || 289||
tasminnapi hate mAyI nIlenAyudhyata krudhA |
nihatashcha tataH senA bhR^ishamugreNa tADitAH || 290||
nirIkShya bhAnukopastu prayAtaH samarA~NgaNam |
vIrabAhu~ncha bahudhA nyakchakre tarjayan ripum || 291||
dUtastvaM na mayA sAkaM yuddhArha iti so.api tam |
dUto vA yadi vA svAmI balI yoddhetyatarjayat || 292||
tatashcha tumulaM yuddhaM prAvartata tayormithaH |
aShTAvapi yadA vIrA mUrChAM prAptA raNAjire || 293||
tadA kopena mahatA vIrabAhuH puraH sthitaH |
kirITaM bhAnukopasya babha~nja kavachaM tathA || 294||
tadAnIM bhAnurahasat munayashcha jayaM jaguH |
vIrashcha ShaNmukhaM dhyAyan bhAnukopamatADayat || 295||
mUrChite bhAnukope cha bhUtasenA mudA.anvitAH |
mamardurAsurIM senAM sA cha bhItA vidudruve || 296||
gatamoho bhAnukopaH svasenAM vIkShya vidrutAm |
mohAstraM prerayAmAsa vIrabAhuM prati krudhA || 297||
tena mohaM gatAH sarve bhUteshA bhuvyasherata |
tachChrutvA ShaNmukhashchAstramamohaM samakalpayat || 298||
vItamohAstataH sarve jAtAH suptotthitA iva |
vIrabAhushcha bhUyopi bhAnukopopari krudhA || 299||
astraM pAshupataM kSheptumupakrAnto yadA tadA |
bhAnukopastadevAstraM gR^ihAdAhartumudyataH || 300||
nirgato nagarIM prApa sUryashchAstamitastataH |
shUrapadmastu taM dR^iShTvA svayaM gatvA raNAjiram || 301||
yuddhAya sajjastaM shakraH ShaNmukhAya nyavedayet |
so.api vIraiH sahAgatya yadA yoddhuM mano dadhe || 302||
tadogro nAma senAnIH shUraM vR^ikShairavidhyata |
shUreNApyastramAgneyaM vAruNaM brAhmameva cha || 303||
astraM nArAyaNIya~ncha muktaM sarva~ncha sograsAt |
tataH pAshupate mukte shUreNograstu ShaNmukham || 304||
dhyAyan pa~nchAkSharaM mantraM jajApa vihitA~njaliH |
tadastraM tu kShaNAchChambhoH hastaM prApa tadAj~nayA || 305||
tatashcha shUro vyathitaH bhUtasenAM prakampayan |
astrANi varShayAmAsa ShaNmukhashcha visiShmiye || 306||
tataH sutumule yuddhe pravR^itta ubhayorapi |
senayostatra siMhAsya\-sutau dR^iptAvayudhyatAm || 307||
atishUrAsurendrAkhyau nihatau vIrabAhunA |
tau dR^iShTvA shUrapadmastu kruddha AshIviShopamaH || 308||
adrAvayadbhUtasenAM vIrAMshcha mUrChayanniva |
tataH skandaH svayaM tena yoddhumabhyAyayau tadA || 309||
bAlo.asIti prahasitaH rudranetra\-sphuli~Ngavat |
svalpo.api nAshayellokAniti pratyavadat smayan || 310||
pravR^itte shastrasampAte bhagavAn ShaNmukhastadA |
kirITaM shUrapadmasya rathamashvAMshcha varma cha || 311||
dhanushcha hArakeyUrAdyachChinattAdR^ishaM cha tam |
dR^iShTvA bhUtAni sarvANi chakruH kolAhalaM mudA || 312||
bhartsyamAnAM cha senAM svAM dR^iShTvA nirviNNa\-mAnasam |
shUraM yAhi shva AyAhi yuddhAyetyAha ShaNmukhaH || 313||
devAn viShNumukhAMshchApi shUrapadmavadhArthinaH |
AshvAsya shUrasaMhAraM shvaH kuryAmityagAdgR^iham || 314||
vIrAshcha devasenAshcha muktvA mUrchChAM samutthitAH |
etasminnantare bhUtasenAH shUrasya pattanam || 315||
luNTayitvA.atighorAkhyaM dvArapAlaM nihatya cha |
utpATya gopuraM vArddhau prAkShipan mandaraM yathA || 316||
tachChrutvA bhAnukopastu mAyAM dhyAtvA pitAmahIm |
tayA cha nirbandhita yA dattaM mohAstramApya cha || 317||
yuddhAya prasthito dUtaM praiShayadvIrabAhave |
so.api nyavedayad\-bhAnukopoktiM vIrabAhave || 318||
punaryuddhAya niryAhi vIrabAho itIritaH |
so.api skandasya padayornatvA.anuj~nAmavApya cha || 319||
anyaishcha sahito vIrairbhUtasenA\-samAvR^itaH |
gatvA yuddhamahIM tena sAkaM chiramayud.hdhyata || 320||
astrapratyastra\-sa~NgrAme satyubhAbhyAM prayojite |
ubhe pAshupate chAstre vyomni yuddhvA chiraM mithaH || 321||
R^iShibhiH prArthite lokapIDA mAbhUditi svayam |
nivR^itte ravirapyastamagAchChUrAtmajaH punaH || 322||
mAyayA mohayitvA tAn navavIrAn payonidhau |
prakShipya shUrapadmasya nikaTaM prApya tAnmR^itAn || 323||
nivedya cha paredyustaM haniShyAmi guhaM ripum |
iti vij~nApya tenApi satkR^itaH svagR^ihaM yayau || 324||
skando.api j~nAtavR^ittAntaH svIkAM shaktiM prayujya cha |
vIrAn payonidhau magnAn prAbodhayadumAsutaH || 325||
prabudhya cha pareShvAtmamohaM sa~nchintayatsu cha |
vIrabAhuH kShaNAdeva sarvasainya\-samAvR^itaH || 326||
luNTayAmAsa nagaraM vIramAhendramR^iddhimat |
pashchima\-dvArapAla~ncha bahusenA\-samAvR^itam || 327||
vinihatya vyAghra\-vaktraM sahAgneyena mArutam |
astraM prayojya nagarIM dAhayAmAsa kR^itsnataH || 328||
dahyamAnAM purIM dR^iShTvA shUrapadmaH krudhA jvalan |
AhUya meghAMstairagniM shamayitvA.ativegataH || 329\ |
vIrabAhuM svanagarI\-dAhakaM tatprabhuM guham |
hantuM kR^itamatistUrNamabhiyAtuM mano dadhe || 330||
tadA hiraNyanAmA.asya putraH pAtAlapAlakaH |
Ishasya mahimAnaM tatputra\-tachChakti\-vaibhavam || 331||
mahatvaM vIrabAhoshcha varNayitvA.a.ashu saMsadi |
nyaShedhad\-yuddhasa~NkalpaM prArthayachCharaNAgatim || 332||
yadA cha shUro vArtAM tAM nAshR^iNot krodhamApa cha |
tadA svayaM hiraNyo.agAdyuddhAya shivasUnunA || 333||
pravR^itte tumule yuddhe nIlastaM pratyayudhyata |
tasmin parAjite vIrabAhuH svayamayudhyata || 334||
bhagne rathe sArathau cha naShTe dhvaste.akhilAyudhe |
mAyAhiraNyaM yuddhAya kR^itvA pUrvastirodadhe || 335||
tena sAkaM chiraM yuddhvA vIrabAhushcha mUrchChitaH |
tatChrutvA nAradAt skandaH j~nAnAstreNAvabodhayat || 336||
tato bhIto hiraNyastu dhArayan matsyarUpatAm |
samudrasalile magno jugopa prANamAtmanaH || 337||
athAgnimukhanAmA.anyaH shUraputro mahAbalaH |
chandrAya kupito bhAnukopa\-spardhAyuto hi yaH || 338||
yayau sasainyastaM hanyAM vIrabAhuM kShaNAditi |
taM cha yuddhe.amUrChayatsa dhIro vIrapurandaraH || 339||
tato.asuro bhadrakAlIM sasmArAgatya sA punaH |
yuddhvA chiraM vIrabAhu\-pramukhaishchChinnabAhukA || 340||
dattvA jayAshiShaM vIrabAhave vindhyamAyayau |
athAgnivadano mAyA\-balenAghAtayat krudhA || 341||
aShTau vIrAMstadAkarNya vIrabAhuryamaM prati |
sandesha\-chITImanayat teShAM jIvanahetave || 342||
yamenAgatya te vIrAH jIvitAshcha punaH krudhA |
yuddhvA.agnimukhamAjaghnuH sadya eva sasainikam || 343||
shUrastvagnimukhaM putraM mR^itaM shrutvA.atiduHkhitaH |
viniHshvasan namravaktraH punashchintAparo.abhavat || 344||
trisahasraM tataH putrAstasya pAtAlavAsinaH |
sAntvayitvA svapitaraM yoddhumabhyAyayuH kShaNAt || 345||
taiH sAkaM bhUtasenAdhipatInAM cha mahadraNam |
babhUva tumulaM devamuni\-vismaya\-kArakam || 346||
vIrabAhushcha bANaughaistachChirAMsyachChinadyadA |
tadA punaH prarUDhAni tAni bhUyo.achChinadruShA || 347||
asakR^ichChidyamAnAni yadA nAntaM gatAni cha |
dadhyau guhaM tadA vIrabAhuH shaktidharaM prabhum || 348||
prAdurbhUya kShaNAt so.api tAni brahmavareNa hi |
ChinnAnyapi prarohanti Chidyante yugapadyadi || 349||
antaM gachCheyuratyantamityupAdishadagnibhUH |
tathaiva yugapattAni ChitvA vIro mudaM yayau || 350||
shUre.atha trisahasrANAM AkarNya nidhanaM shuchA |
nidhyAyati mahAmedhA dharmakopa\-samAhvayaH || 351||
sachivastaM sAntvayitvA svayaM yuddhAya niryayau |
puNDarIkaM gajashreShThamAruhyAnyaishcha mantribhiH || 352||
taM vIrabAhurbahubhirbANairhatvA gajaM tadA |
nirmadaM kR^itavAn so.api stutvA taM svAM dishaM gataH || 353||
etatsarvaM nishamyAtha bhAnukopo\-.atikhinnadhIH |
mA.abhUdAyodhanaM tAvaditi tAtaM vyajij~napat || 354||
kruddhaM j~nAtvA cha pitaraM punaryuddhAya niryayau |
jAte cha tumule yuddhe shastra\-pratyastra\-varShiNi || 355||
mAyAyuddhe samArabdhe vij~nAnAstreNa vArite |
khaDga\-yuddhaM prachakrAte tadA skandaM hR^idi smaran || 356||
ChitvA.a.adau bhAnukopasya hastaM savyaM tathetaram |
shirashchChitvA vIrabAhuH jayaM prApa mudAnvitaH || 357||
tato devAshcha R^iShayaH jahR^iShuH puShpavarShiNaH |
skandashcha praNataM dorbhyAM Ali~NgyAnvagrahInmudA || 358||
bhAnukopavadhaM vIrabAhunA kR^itamadbhutam |
shR^iNvanti ye te vijayaM sarvatra prApnuyurdhruvam || 359||
OM jaya jaya skandapurANe sha~NkarasaMhitAyAM vIramAhendrakANDe skandasaptashatyAM
bhAnukopavadhaH ShaShTho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM naM sauM shrIM sA~NgAya sAyudhAya sashaktikAya saparivArAya
savAhanAya ekonashIti\-mantrAtmakAya shikhivAhanamUrtaye tAmbUla\-
ku~NkumAkShata\-puShpa\-saghR^ita\-ikShukhaNDa\-mahAhutiM samarpayAmi namaHsvAhA |
anena divyama~NgaLahomena suravaranuta\-darshitAtmIya\-divyasvarUpaH
amara\-stoma\-sampUjya\-bhujabala\-nirjitAnekaH gIrvANa\-bhIdhvAnta\-mArtANDaH
ShaDvaktraH gaurIsha\-phAlekShita\-sa~njAta\-tejas\-sambhUtaH shrIshikhivAhanaH prIyatAm |
jaya shrI shikhivAhanamUrte jaya jaya
jaya vIrabAhusodara jaya jaya
jaya asuramardana jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.7 siMhamukhavadhaH saptamo.adhyAyaH |}
OM sAM skandAsanAya namaH |
OM sAM skandamUrtaye namaH |
ShaDvaktraM shikhivAhanaM trinayanaM raktAmbarAla~NkR^itam |
shaktiM charma cha khaDga\-shUla\-vishikhAbhItiM dhanushchakrakam ||
pAshaM kukkuTama~Nkusha~ncha varadaM dorbhidadhAnaM tathA |
dhyAyedIpsita\-siddhidaM shashidharaM skandaM surArAdhitam ||
OM sAM skandAya namaH |
bhAnukopaM hataM shrutvA shUrapadmAsuro bhR^isham |
vilalApa chiraM tatra padmakomalayA saha || 360||
viShNushakramukhA devA vihareyuritaH sukham |
ityAdi pralapaMstasya guNAn vIryakR^itAnbahUn || 361||
tataH kopena mahatA samAhUya nijAnujam |
siMhavaktraM praiShayachcha hantuM putrahaNaM raNe || 362||
so.api shambhukumArasya prabhAvaM bahudhA tadA |
varNayitvA.antataH shUra\-nideshAdyoddhumAyayau || 363||
pravR^itte tumule yuddhe bhUtadaityesha\-senayoH |
siMhAbhidhAno bhUteshaH siMhAsyaM pratyayudhyata || 364||
astra\-pratyastra\-varSheNa dAruNaM yudhyatordvayoH |
tanujAH siMhavaktrasya samAyAtAH krudhA raNam || 365||
kanake.agnimukhe chApi yudhA shramamavAptayoH |
khaDgena vIrabAhustAn chichCheda yugapatkrudhA || 366||
tataH khinnamanAH siMhamukhaH krodhamavApya cha |
mohAstreNa nirAsthattAn vIrabAhumukhAn girau || 367||
udaye.atha guhaH kutretyanviShyan prApa vegataH |
hemakUTaM ShaNmukhashcha mArutena niveditaH || 368||
avaruhyAsanAt saimhAt brahmaviShNu\-puraskR^itaH |
R^iShibhiH stUyamAnashcha vandibhirmAgadhairapi || 369||
chandrasUrya\-dhR^itachChatraH vIjyamAno marutvatA |
sha~Nkha\-dundubhinirghoShaiH prayayau rathamAsthitaH || 370||
tataH pravavR^itte yuddhaM tumulaM romaharShaNam |
jagadbhayakaraM ghoraM siMhavaktra\-ShaDAsyayoH || 371||
pAshamochaka\-sa.nj~nAstraM prayujya prathamaM guhaH |
udayAdri\-gatAn vIrabAhvAdInAnayatkShaNAt || 372||
siMhavaktraM krudhA bhUtasenA\-nigaraNodyatam |
dR^iShTvA tatkara\-sAhasraM chichCheda bhagavAn guhaH || 373||
prarUDheShu punasteShu mUrdhnashchichCheda sAyakaiH |
te chArohan punaH, skandaH punashchichCheda tAnapi || 374||
tato.asya varamAhAtmyaM viditvA pArvatIsutaH |
mukhamekaM bhujau dvau cha sheShayitvA.anyadAchChinat || 375||
kUrmA~NgAnIva tAnyAshu bahirniHsaraNaM prati |
pravR^ittAni samAlokya hu~NkAreNa nyavArayat || 376||
athodyataM daNDahastaM yoddhuM siMhamukhaM guhaH |
kulishena vidAryAshu prANaistaM cha vyayUyujat || 377||
kulishastu ripuM hatvA ga~NgAmbhasi nimajjya cha |
punaH prapede skandasya hastaM devAshcha tatkShaNAt || 378||
R^iShibhiH saha senAnyaM tuShTuvuH puShpavR^iShTibhiH |
vavarShushcha jayArAvairabhyanandaMshcha shA~Nkarim || 379||
nidhanaM siMhavaktrasya guhena kR^itamadbhutam |
ye shR^iNvanti jayasteShAmIpsitArthashcha sid.hdhyati || 380||
OM jaya jaya skandapurANe sha~NkarasaMhitAyAM yuddhakANDe skandasaptashatyAM
siMhamukhavadhaH saptamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya saparivArAya
savAhanAya ekaviMshati\-mantrAtmakAya skandamUrtaye
tAmbUla\-ku~NkumAkShata\-puShpa\-saghR^ita\-ikShukhaNDa\-mahAhutiM
samarpayAmi namaHsvAhA |
anena divyama~NgaLa\-homena shUlachakra\-sharachApa\-
khaDgakheTaka\-sha~NkhapAsha\-vajrashakti\-varadAbhaya\-
dvAdasha\-bhujAla~NkR^itaH,akuNTha\-kaNThadhvani\-gambhIra\-mahArambha\-
siMhamukhAsura\-sainya\-viShAda\-peShaNa\-dhurINa\-bhIShaNa\-nipuNa\-
prabhAva\-nijavaibhavaH skandamUrtiH prIyatAm |
jaya shrI skandamUrte jaya jaya
jaya vIrabAhusodara jaya jaya
jaya siMhamukhAsurahantre jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.8 shUrasaMhAra aShTamo.adhyAyaH |}
OM sAM shUrasaMhAramUrtyAsanAya namaH |
OM sAM shUM saMhAramUrti mUrtaye namaH |
haramukha\-kharabhAnuM raktavarNaM tamIDe
dhanu\-vara\-pavi\-kheTaM padma\-pAshaM dadhAnam |
shara\-bhayahara\-shaktiM khaDga\-chakrA~NkushaM cha
sura\-varamuni\-shaMsyaM shUrasaMhAra\-mUrtim ||
OM shiM shrIM shrauM shUrasaMhAramUrtaye namaH |
shrutvA bhrAtR^ivadhaM vIraH shUrapadmo.apatadbhuvi |
vilalApa chiraM duHkhAttataH sa.nj~nAmavApya cha || 381||
krodhena mahatA.a.aviShTaH daityAnaNDAntarasthitAn |
sadya evAnayAmAsa te cha dR^iptA mahAbalAH || 382||
siMhavaktrAdhika\-sthUladehA yoddhuM samAgatAH |
tAMshcha dR^iShTvA bhR^ishaM bhItA devA indrAdayo guham || 383||
vyajij~napan prabho shUrapadmaM jahi sahAnugam |
rakShA.asmAniti so.api cha smayaMstebhyo.abhayaM dadau || 384||
tataH pravR^itte tumule yuddhe skandAbhimantritaH |
eko.api bANaH shatadhA bhUtvA daityAnahan kShaNAt || 385||
tatastvanyANDagAn daityAnAhUyAsuranAyakaH |
yoddhuM pravR^ittastAMshchApi kShaNenaivAvadhIdguhaH || 386||
kR^itvaivaM bahukR^itvashcha krodhAviShTo guhastadA |
pidadhe.aNDAntara\-dvAraM bANaistachchAsureshvaraH || 387||
j~nAtvA svayaM yayau yoddhuM vIravAdAn vadan bahUn |
ShaNmukhashcha vR^ithA vAdo mAbhUditi samAdadhat || 388||
yoddhumArabhatAtyantaM lokavismaya\-kArakam |
devAshcha munayashchaiva shashaMsurvijayaM tadA || 389||
astrapratyastra\-varSheNa pravR^itte tumule raNe |
dhvajaM chichCheda devasya shUrapadmaH sharaiH krudhA || 390||
agnistu kukkuTo bhUtvA dhvaje.atiShThatsurechChayA |
guho.api shUrapadmasya dhvajachApaM tathA.achChinat || 391||
daityAMshcha koTisa~NkhyAkAn jaghAna kShaNamAtrataH |
tataH shUro nabhasthaH san yuyudhe mAyayA khalaH || 392||
svAmI cha vij~nAnAstreNa mAyAM nAshamanInayan |
aTannaNDAntaraM shUraH dvIpAntaramavApa cha || 393||
guho.api tatra tatraiva prAharattaM baloddhatam |
tadAnIM vibudhAn bhItAn paryasAntvayadachyutaH || 394||
kShaNAttu vIramAhendra\-paryante.ayudhyatAM tadA |
shUrapadmasya sainyaM cha rathamashvAMshcha sAyakaiH || 395||
chichCheda bhagavAn skando devAH sarve mudaM yayuH |
tuShTuvushcha guhaM bhaktinamrA viShNvAdayaH samam || 396||
jaya gaurIsuta, svAmin, tArakakrau~nchadAraNa, |
kArAgAra\-vinikShipta\-chaturmukha, shivAtmaja || 397||
gA~Ngeya, kArtikeyAgni\-garbha, lokArtinAshana |
sharakAnana\-sa~njAta, subrahmaNya, jayeti cha || 398||
shUrastvatha svakaM sainyaM bhasmIbhUtaM vilokayan |
mAyAM sasmAra jananIM sApi chAgatya taddhitam || 399||
pR^iShTvA sainyaM jIvayituM sudhAdyAnayanAya tam |
prabodhyA.agAnnijaM sthAnaM shUrapadmostato mudA || 400||
indralokarathaM shIghraM preShayitvA sudhAgirim |
AnAyya tena siMhAsya\-bhAnukopa\-mukhAsurAn || 401||
ajIvayattadA devAH viShaNNAstAnumAsutaH |
sAntvayitvA.a.asurIM senAmavadhIt kShaNamAtrataH || 402||
muktvA pAshupatAstraM tad\-dR^iShTvA shUrastatastataH |
bhUmiH, meghaH, samudrashcha, vahniH, vAtyA, mahIdharaH || 403||
ityAdi rUpaM svIchakre tattatpratyaharadguhaH |
svakIyaM vishvarUpaM cha tasmai darshayati sma saH || 404||
sarvataHpANipAdaM cha sarvato.akShishiromukham |
sarvataHshrutimallokaM sarvamAvR^itya bhAti yat || 405||
sa dR^iShTvA vishvarUpaM tadativismita\-mAnasaH |
tadbhaktatvaM yathA chaichChat tadA tadakuchadvibhuH || 406||
tatashchUtamahIruddhvaM svIkR^ityAti\-bhayAnakam |
trInlokAn vyApya tiShThantaM ShaNmukhaH prekShya vismitaH || 407||
prAhiNochcha nijAM shaktiM sA.api dvedhA vidArya tam |
prAgAdbhagavato hastaM hAhAkArastadA hyabhUt || 408||
ekaH kukkuTarUpeNa shikhirUpeNa chetaraH |
bhUtvA skandasya ketutvaM vAhanatvaM cha bhejatuH || 409||
devAshcha tuShTuvuH sarve modamAnA guhaM tadA |
shUrapatnI tu tachChrutvA nAmnA yA padmakomalA || 410||
viveshAgniM hiraNyashcha duHkhitaH shukravAkyataH |
aurdhvadehika\-karmANi pituH kR^itvA.acharattapaH || 411||
ShaNmukhashcha suraiH sArdhaM hemakUTapuraM yayau |
iti shUrasya saMhAraM bhaktyA shR^iNvanti ye narAH || 412||
teShAM shatrujayaH svArtha\-siddhiH sarvAshcha sampadaH |
rAmo.api shUrasaMhAraM shrutvA.agastya\-mukhAtpurA || 413||
rAvaNaM samare hatvA sItAM pratyAnayatpurIm |
kathaivaM yuddhakANDIyA kathitA munipu~NgavAH || 414||
shR^iNvatAM shatru\-chorAgni\-viShabhIti\-vinAshinI |
bahavashcha kathAmetAM shrutvA.arInajayan purA || 415||
OM jaya jaya skandapurANe sha~NkarasaMhitAyAM yuddhakANDe skandasaptashatyAM
shUrasaMhAraH aShTamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya saparivArAya
savAhanAya pa~nchatriMshat\-mantrAtmakAya skandamUrtaye
tAmbUla\-ku~NkumAkShata\-puShpa\-saghR^itadADimIphala\-
mahAhutiM samarpayAmi namaHsvAhA |
anena divyama~NgaLa\-homena nikhiladeva\-R^iShimunivara\-
hR^idayadhyAna\-vimala\-jalAvagAhana\-helAtaraLa\-ruchiranayanaH
bhaktArti\-nikR^intana\-\-kalita\-shUrasaMhAramUrtiH prIyatAm |
jaya shrIshUrasaMhAramUrte jaya jaya
jaya bhaktarakShaNa jaya jaya
jaya kukkuTadhvaja jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.9 shrI devasenA\-vivAhaH navamo.adhyAyaH |}
OM devasenAnyAsanAya namaH |
OM devasenAnImUrtaye namaH |
abhayamasi\-rathA~Nga~nchA~NkushaM shaktishUlaM varadakulishapAshaM padmadaNDau gadA~ncha |
dadhatamubhayapakSha\-dvAdashoddAma\-hastaiH dvidasha\-kamalanetraM devaseneshamIDe ||
OM shrIM sauM hrIM devasenAmUrtaye namaH |
tato guho jayantAdIn vibudhAn vIrabAhunA |
mochayitvA stutaH sarvaiH hemakUTapure sthitaH || 416||
Adishya sAgaraM shUranagarIM plAvayeti cha |
shrIsentinagaraM prApa brahmaviShNvAdi\-pUjitaH || 417||
tatroShitvA nishAM prAtaH pratiShThApya shivaM svayam |
pUjayitvA vidhAnena pratasthe paraparvatam || 418||
tatrAdishya shivaj~nAnaM parAsharabhuvAM svayam |
indreNa prArthitaH svIyakanyA\-pANigrahaM prati || 419||
a~NgIkR^itya cha tatraiva kArayAmAsa pattanam |
nirmame vishvakarmA cha puraprAsAda\-gopuram || 420||
merorguhAta AnIya putrIM shachyA samaM vR^iShA |
brahmAviShNU puraskR^itya kR^itvA vaivAhikochitam || 421||
jAmAtaraM mayUrAdhirUDhaM tatpuravIthiShu |
pradakShiNaM kArayitvA svagehe dvAri maNDape || 422||
avatArya purandhrIbhiH kArayitvA.aShTama~Nagalam |
DolAdhirohaNaM mAlA\-vyatyayaM cha visheShataH || 423||
kArayitvA shubhe ma~nche upaveshya shachIpatiH |
dhArApUrvamadAtkanyAM subrahmaNyAya shobhanam || 424||
pArvatIparameshau cha tasminneva kShaNe mudA |
tatrAgatya sutaM prItyA pratinandya snuShAmapi || 425||
brahmAdibhiH stUyamAnau kailAsaM yayaturgirim |
guho.api lAjahomAdIn kR^itvA sarvAn yathAvidhi || 426||
praveshahome bhAryAyai darshayitvA dhruvaM svayam |
arundhatI~ncha chatvAri dinAnyaupAsanaM vyadhAt || 427||
nirvartya sheShahomaM cha guhaH prApyAmarAvatIm |
dagdhAM tAM nUtanAM tvaShTrA kArayitvA shatakratum || 428||
siMhAsane sthApayitvA sAkaM shachyA sutena cha |
paTTAbhiShechanaM tasya kArayAmAsa vedhasA || 429||
mayUramadhiruhyAtha prApya kailAsaparvatam |
pitarau praNipatyAbhyAmAshIrbhirabhinanditaH || 430||
devasenAsametaH san gatvA skandagiriM prati |
sukhaM nyavAtsIllokAnAM yogakShema\-vidhAyakaH || 431||
vivAhamitthaM skandasya kalyANaM devasenayA |
ye shR^iNvanti narAste syuH putrapautrAdi\-saMyutAH || 432||
OM jaya jaya skandapurANe sha~NkarasaMhitAyAM devakANDe skandasaptashatyAM
devasenAvivAhaH navamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya saptadashamantrAtmakAya
shrI devasenApatimUrtaye tAmbUla\-ku~NkumAkShata\-
puShpa\-saghR^ita\-kadaLIphala\-mahAhutiM samarpayAmi namaHsvAhA |
anena divyama~NgaLa\-homena bhagavAn
akhaNDa\-jagadaNDa\-puNDarIka\-vikasanaH sakalasurAsura\-
mitaretarApekShita\-sudhAvitaraNa\-samayasamAdhita\-
nikhilajana\-hR^idayara~njaka\-sakalaprapa~ncha\-
pratyUha\-rambhA\-menakAdi\-tilottamA\-UrvashImukhya\-
surayuvatInAM karatALanAda\-samaya\-samedhita\-
naTanapara\-daraku~nchitacharaNaH shrI devasenApatiH prIyatAm |
jaya shrI devasenApatimUrte jaya jaya
jaya kalyANapradAyaka jaya jaya
jaya indrANImA~NgaLyarakShaka jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.10 shrI vallIvivAha dashamo.adhyAyaH |}
OM vallIkalyANasundaramUrtAsanAya namaH |
OM vallIkalyANasundaramUrtaye namaH |
hastadvandve.akShamAlAmabhayamapidhR^itaM kuNDikAshroNibaddhaM
savye vAme niShaNNaM sruvadhR^itavidhinA hUyamAnena yuktam |
sarvAla~NkArayuktaM jalakalashadhR^itA viShNuNA chAruNAbhaM
vallIkalyANamUrtiM sakalasuragaNaiH stUyamAnaM prapadye ||
OM vaM sauM hrIM vallIkalyANasundaramUrtaye namaH |
atha sUtaH punaH pR^iShTaH naimiShIyaistapodhanaiH |
tiShThan skandagirau skandaH kimakArShIdvadeti cha || 433||
so.api pramodabharita\-mAnasaH pArvatIsutaH |
vyavahallavalIM yena vaibhavenAha tAM kathAm || 434||
kA~nchIpurI\-parisare lavalIparvato mahAn |
asti tannikaTe kashchitpaTTaNaH shabareshituH || 435||
vyAdharAT so.anapatyastu pUjayan ShaNmukhaM prabhum |
vratopavAsa\-niyamaiH paryatoShayadanvaham || 436||
tasyAdrernikaTe kashchichChivayogI tapo.acharat |
yaH kaNvashApato viShNurmartyabhAvamupAgataH || 437||
tatsamIpaM gatA lakShmIrbibhratI hariNItanum |
tAM dR^iShTvA mohito vipraH tayA sAkamarIramat || 438||
tataH sA garbhiNI bhUtvA suShuve kanyakAM shubhAm |
vijAtIyAM sutAM dR^iShTvA .apalAyata mR^igo.anyataH || 439||
vijane rudatIM kanyAM vIkShya vyAdhapatirvane |
AdAya dorbhyAmAghrAya mUrdhni bhAryAkare dadau || 440||
sA.api tAM poShayAmAsa nidhiM labdhveva nirdhanaH |
lavalI\-mUlajAtatvAdvallItyAkhyAM gatA cha sA || 441||
pupoSha chandralekheva kalAvR^iddhiM dine dine |
vayasi dvAdashe prApte vyAdharAjo nyayojayat || 442||
priya~Ngu\-pAlanArthaM tAM sakhIbhiH saha kAnane |
bhagavAn ShaNmukhashchApi gatvA shrIpUrNaparvatam || 443||
tAmudvoDhumanA AsInnArado.apyAyayau tadA |
tenAveditavR^ittAnto lavalInikaTaM guhaH || 444||
gatvA tayA samavadat vyAdheshashchAyayau tadA |
jhaTityasana\-vR^ikSho.ayamAsId\-vyAdhA vilokya tam || 445||
ChettumArebhire vyAdharAjastvAhAtishItalaH |
eSha vR^ikSho lavalyA me vartatAM tApahArakaH || 446||
ityuktvA gatavatsveShu punaH skando.atisundaram |
taruNaM veShamAsthAya lavalI\-sa~NgakAmukaH || 447||
tayA sAkaM samalapat tadA.a.agAd\-vyAdharAT punaH |
guho.api jaraTho bhUtvA daNDI palitamUrdhajaH || 448||
rudrAkSha\-vilasadgAtraH prAdAd\-vyAdhAya bhasma cha |
vyAdhastuShTamanA vallyA rakShArthaM taM tadantike || 449||
avasthApya gataH svAmI kShudhaM tasyai nyavedayat |
sA.api praiya~NgavaM piShTaM madhu pakvaphalAni cha || 450||
adAt pipAsunA tena jale pR^iShTe jalAshayam |
adarshayadashaktena prArthitA cha ninAya tam || 451||
pItvA tatrodakaM vR^iddhaH tadIyamadharAmR^itam |
chakame sA pratyaShedhat tadA herambamasmarat || 452||
so.api dvipo mahAn bhUtvA lavalyAH padavIM shritaH |
sA cha bhItA samAshliShyadvR^iddhaM so.api nijAM tanum || 453||
gR^ihItvA ramayAmAsa tAM gandharvavivAhataH |
gaNeshe.antarhite tAvapyAshramaM jagmaturmudA || 454||
vyAdhAshcha j~nAtavR^ittAntAH krudhA yoddhuM samAgatAH |
guho.api kukkuTaM smR^itvA tena tAn samaghAtayat || 455||
lavalyA prArthitashchAtha guhastAnudajIvayat |
atha vyAdhapatiH skandamudvoDhuM vidhinA sutAm || 456||
prArthayAmAsa devo.api pArvatIparameshvarau |
smR^itvA devAnmunIdrAMshcha samastairvibhavaiH saha || 457||
shubhe muhurte vyAdhena viShNvaMshena shriyA saha |
dhArApUrvaM pradattAM tAmuduvAha yathochitam || 458||
mA~Ngalya\-tantunAnena mama jIvana\-hetunA |
kaNThe badhnAmi subhage lavalIti manuM japan || 459||
kaNThe babandha mA~NgalyasUtraM tasyAstadA vidhiH |
kArayitvA saptapadIM lAjahomAdyakArayat || 460||
divyadundubhayo neduH puShpavR^iShTirmahatyabhUt |
R^igyajuHsAmamantraishcha R^iShayaH prochurAshiShaH || 461||
jagatpramuditaM sarvaM skandastu skandaparvatam |
gatvA dvAbhyAM cha kAntAbhyAM saha reme mudAnvitaH || 462||
idItaM lavalIdevyAH vivAha\-charitaM shubham |
ye shR^iNvanti narAsteShAM bhUyAsussarvasampadaH || 463||
OM jaya jaya skandapurANe sha~NkarasaMhitAyAM devakANDe skandasaptashatyAM
vallIvivAhaH dashamo.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya ekatriMshat\-mantrAtmakAya
shrIvallIkalyANa\-sundaramUrtaye
tAmbUla\-ku~NkumAkShata\-puShpa\-saghR^ita\-
kadaLIphala\-mahAhutiM samarpayAmi namaHsvAhA |
anena divyama~NgaLa\-homena bhagavAn
kadaLIkramuka\-vitAna\-dhvajapatAkAtoraNa\-nAnAvidha
dIpamAlyachChandanAla~NkR^ita\-maNDape, hArakeyUraratna\-
kuNDalAbharaNa\-vichitravastra\-puShpamAlAdibhirala~NkR^itaH
shrIvallIkalyANasundaraH prIyatAm |
jaya shrIvallIkAntasmaraNaM jaya jaya
jaya bhaktaparipAlana jaya jaya
jaya kalyANasundara jaya jaya
jaya sakalakArya\-jayaprade jaya jaya
namaH pArvatIpataye harahara mahAdeva ||
\section{2\.11 shrItyAgarAjamahimA ekAdasho.adhyAyaH |}
OM hAM hauM tyAgarAjAsanAya namaH |
OM hAM hauM tyAgarAjamUrtaye namaH |
dakShAlambita\-vAmanidrita\-padaM kR^iShNaM mR^igaM~nchAbhayaM
Ta~NkAMshchAdadhataM vara~ncha kaTakaM bibhrANakaM vAmake |
vAmAlambita\-nidritAnyapadayA devyA yutaM madhyataH |
skandenAbja\-karadvayena sahitaM somAguheshaM bhaje ||
OM hAM hauM tyAgarAjAya namaH |
lavalIM devasenAM cha paryaNaiShIdyadA guhaH |
muchukundashcha rAjarShirAsItsannihitastadA || 464||
iti tasya prasa~Ngena R^iShayaH shaunakAdayaH |
sUtaM paprachChuretasya vR^ittAntaM bhaktibhAvitAH || 465||
so.api natvA guruM sUtaH samprahR^iShTa\-tanUruhaH |
muchukundasya vR^ittAntaM sarvaM vaktuM prachakrame || 466||
purA kadAchitkailAse pArvatyai parameshvaraH |
kathA upadishannAsta tadA bilvoparisthitaH || 467||
vAnaro bilvapatrANi vyAkirachCha~Nkaropari |
taM dR^iShTvA sha~Nkarastasmai vyatarachchakravartitAm || 468||
pashchAdgaNapatitvaM cha tathaiva sa raveH kule |
sambhUya devarAjasya sAhyaM kR^itvA sahasrashaH || 469||
tena pratyupakArArthaM prArthitastena pUjitam |
devaM vavre sa tu prAha viShNoH sa iti so.apyatha || 470||
viShNuM gatvA tadIyAM cha labdhvA.anuj~nAM punardivam |
shakraM gatvA prArthayata sa tu va~nchayituM nR^ipam || 471||
mUrtIH pa~ncha vinirmAya teShvekA gR^ihyatAmiti |
avochanmuchukundastu somAskandasya pUrNayA || 472||
kR^ipayA prApya satyAM tAM mUrtiM tAM kamalAlaye |
pratiShThApya visheSheNa pUjayAmAsa bhaktitaH || 473||
saiva tyAgesha iti khalvadhunA pUjyate janaiH |
sakR^iddarshana\-mAtreNa muktidA viShNupUjitA || 474||
purA viShNurvinA shaktiM shivaM sampUjya tadvashAt |
putraM dagdhaM viditvA.atha taddoShavinivR^ittaye || 475||
somAskandaM svahR^idaye viniveshya svapan shanaiH |
svakIyochChvAsa\-niHshvAsairAndolayati taM sadA || 476||
kadAchijjiShNave tAM hi datvA dabhrasabhAM gataH |
shishye taM cha mahendro.api chiraM sampUjya bhUbhR^ite || 477||
muchukundAya viShNvAj~nAmavalambya dadAviti |
sa eSha bhagavadbhaktaH shivapArShadatAM gataH || 478||
sannidadhau vivAhe.api ShaNmukhasyetyavarNayat |
devakANDakathA seyaM shR^iNvatAM ma~NgalapradA || 479||
OM jaya jaya skandapurANe sha~NkarasaMhitAyAM devakANDe skandasaptashatyAM
shrItyAgarAjamahimA ekAdasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya ShoDasha\-mantrAtmakAya
shrItyAgarAjamUrtaye tAmbUla\-ku~NkumAkShata\-
puShpa\-saghR^ita\-bilvaphala\-mahAhutiM samarpayAmi namaHsvAhA |
anena divyama~NgaLa\-homena bhagavAn sharadabhra\-shubhraH
purandara\-bR^indAraka\-bR^indavanditaH jaTAmakuTa\-koTitaTa\-
ghaTita\-kishorachandra\-chandrikA\-samunmUlita\-shokasantApaH
samasta\-bhuvanasantAnaH shrItyAgarAjaH prIyatAm |
jaya shrI tyAgarAjamUrte jaya jaya
jaya somAskandeshvara jaya jaya
jaya rAjAdhirAja jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.12 dakShacharitaH dvAdasho.adhyAyaH |}
OM hAM hauM hrIM pArvatIshAsanAya namaH |
OM hAM hauM hrIM pArvatIshamUrtaye namaH |
shAntaM padmAsanasthaM shashidharamakuTaM pa~nchavaktraM trinetraM
shUlaM vajra~ncha khaDgaM parashumabhayadaM savyabhAge vahantam ||
nAgaM pAsha~ncha ghaNTAM praLayahutavahaM chA~NkushaM vAmabhAge |
nAnAla~NkAra\-yuktaM sphaTikamaNinibhaM pArvatIshaM namAmi ||
OM hAM hauM hrIM pArvatIshAya namaH |
atha sUtaH punaH pR^iShTaH munibhiH shaunakAdibhiH |
dakShasya charitaM vaktuM sarvamArabhatA.a.aditaH || 480||
satyaloke purA brahmA putrairdashabhiranvitaH |
tasthau tadA suto jyeShThaH dakShaH prapachCha padmajam || 481||
trimUrtiShUttamaH ko vetyatha brahmA jagAda tam |
shiva evottama iti sapramANaM sayuktikam || 482||
tadAkarNyA.atha dakSho.api samprApto mAnasaM saraH |
tattIre tapa AtiShThat shive vinyastamAnasaH || 483||
bahuvarSheShvatIteShu prasannAdvR^iShavAhanAt |
putrAn bahUMshcha duhitR^IH shivashvashuratAmapi || 484||
lebhe.atha vedavalyAkhyAM muniputrImudvAhya cha |
tasyAM sahasra\-sa~NkhyAkAn tanayAnapyajIjanat || 485||
tAn svasR^iShTi\-sahAyArthaM prAhiNottapase tadA |
nAradastatvamudbodhya tAnnyavArayadIhitAt || 486||
punaH sahasramutpAdya teShvapyevaM gateShu cha |
munibhyo duhitR^IrdatvA taddvArA jagato vidhiH || 487||
sR^iShTimichChan tathA chakre kanyakAH saptaviMshatim |
chandrAya pradadau tAstaM kR^ittikA\-mAtrarAgiNam || 488||
pitre nivedayAmAsuH sopi taM kShayametviti |
shashApAtha shashI shambhumArarAdha svamUrdhani || 489||
abibhrat taM shivastattu shrutvA dakShaH svahelanam |
manyamAnaH dviShan shambhuM nindituM cha prachakrame || 490||
dakShAya varadAnAchcha jAmAtA bhavituM shivaH |
gaurIM padmasaromadhye sha~NkhAkArA tapashchara || 491||
ityAkhyAt sA tathA dakShahastaM prAptA sma tena cha |
vedavallyAH karaM nItA putrI dAkShAyaNItyabhUt || 492||
atha tAM dvAdashasamAM charantIM niyamAn shivaH |
bhikShubrAhmaNa\-veSheNa vavre tadbhartsitashcha saH || 493||
svakaM rUpaM samAlambya pANau jagrAha tAM satIm |
vivAhasamaye chApi shivaH kalyANamaNDapAt || 494||
antarhitastadA dakShaH krodhaM dviguNamAharat |
nininda cha shivaM bhUyaH sa tu dAkShAyaNIM rahaH || 495||
gR^ihItvA prApya kailAsaM tayA sAkamarIramat |
dakShastu munivAkyena sAntvayiShyan shivaM yayau || 496||
kailAsaM nandinA ruddhaH kruddhena cha vimAnitaH |
parAvR^itya kratuM ka~nchit AjahAra tadadhvare || 497||
shivapratinidhirnandI sadasyairbahumAnitaH |
tad dR^iShTvA ruShito dakShaH nininda bahudhA shivam || 498||
nandikeshastadA tatra vartamAnAn divaukasaH |
shaptvA jagAma kailAsaM dakShastu kratulopataH || 499||
dR^iShTvA vihavyAnvibudhAn arudraM yaj~namAharat |
tatrAgateShu muniShu dadhIchiH puratastadA || 500||
nyaShedhad\-rudrahInasya yaj~nasyArambhamAtmavit |
dakSho.api tadgatAn doShAn upanyAsyad\-bahUn bhramAt || 501||
dadhIchirapi sarvAMstAn guNAnuktvA sahetukam |
niryayau yaj~nashAlAtaH tatra ki~nchidihochyate || 502||
dakShaH \-
yadi shambhurmaheshAnaH kathameSha digambaraH |
dadhIchiH \-
R^iShipatnI\-mohanArthaM digvAsastvaM gR^ihItavAn || 503||
kathaM bibharti shUlaM saH sAtvikairatigarhitam |
pralaye sarvasaMhAra\-kR^itichihnamavehi tat || 504||
kapAlaM vA kathaM dhatte shiShTairati\-vigarhitam |
bhairavaH san brahmashIrShamachChinat tatprasiddhaye || 505||
muktalajjaH kathaM vIthyAM bhikShAmaTati durmatiH |
vairAgya bodhanArthaM tallokAnAM dakSha budhyatAm || 506||
karkashaM vyAghracharmApi kathaM dhatte.atimUDhadhIH |
abhichArAgataM vyAghraM hatvA tadajinaM dadhau || 507||
pinAkaM vA kathaM mando bibhartyajagavaM dhanuH |
shrutisiddhaM dhanuridaM shR^iNu dakSha visheShavat || 508||
mR^iga~ncha parashuM ghoraM pANyordhatte kuto vR^ithA |
abhichArAgatau tau hi vashIkR^itya dadhau svayam || 509||
AshIviShaiH kuto ghoraiH sarpairveShTitavigrahaH |
dArukAvana\-niryAtAn nijagrAha dayAnidhiH || 510||
bhUtasenAbhiranishaM bhIShaNAbhiH kuto vR^itaH |
bhakta\-shatruvinAshAya bhUtairaTati bhUtakR^it || 511||
mUrdhnA kathaM muNDamAlAM bibharti vishadAM shivaH |
bahUnAM druhiNAnAM hi saMhAra\-j~nApanAya tat || 512||
dhatte DamarukaM chApi kiM mahArAva\-bhIShaNam |
pralaye svasya sheShitvaM ghoShayaMstanninAdataH || 513||
apasmAramadhaH kR^itvA pAdasyAste kathaM sadA |
asuraM sarvalokAnAM bhIkaraM hi tathA.akarot || 514||
dhR^itvA karatale vahniM kuto nR^ityati bhIShaNam |
abhichAre prayukto.agniH soyaM karatale dhR^itaH || 515||
niShThuraM gajacharmApi kuto dhatte.atira~Nkavat |
gajAsuraM ghAtayitvA dadhau tachcharma sha~NkaraH || 516||
vArAhaM dantamutpATya muktalajjo bibharti kim |
bha~NgAdAdi\-varAhasya tachchihnaM sa bibhartyajaH || 517||
dhIyate tena ghoreNa kamaThAsthi kathaM mune |
hareH kUrmAvatArasya bha~NgAdetad\-dadhAtprabhuH || 518||
apibatkAlakUTa~ncha viShamunmattavatkatham |
samudramathane bhItaloka\-rakShaNahetave || 519||
tundilaM vR^iShabhaM vR^iddhaM kimarthamadhirohati |
bhItaM dharmaM pAlayituM taM svavAhamakalpayat || 520||
muNDamAlAbhiranyAbhirveShTitA~NgaH kathaM sadA |
bahukalpa\-brahmaviShNu\-nAshasUchanameva tat || 521||
ashuchIni sadA.asthIni dhatte.a~Nge puShpavatkatham |
idaM cha pralaye svasya sheShitvasyaiva sUchakam || 522||
dhatte yaj~nopavItaM cha shiroruhakR^itaM katham |
sarvasaMhAra\-kAritvaprathAyai dakSha viddhi tat || 523||
shUlAgra\-protamanishaM pretaM kR^itvA kuto.aTati |
koTisho vidhiviShNUnAM mR^itisaMsUchanAya tat || 524||
shmashAna\-bhasmabhirgAtraM uddhUlayati kintvasau |
shuddhabhasmAvasheShitvaM jagato bodhayatyataH || 525||
mahATopena satataM tANDavaM kurute katham |
AnandabharitaH shambhurata eva prasidhyati || 526||
saMhartA sarvajagatAM niShThurashcha kathaM mune |
duHkhitasyAsya jagato vishramArthamavehi tat || 527||
kAmAndhIkR^itachakShuH san shirasA kiM vahet striyam |
bhagIratha\-prArthanayA lokakShemAya chAvahat || 528||
aparAM tu sharIrArdhe kathaM vahati mandadhIH |
shivashakti\-samAviShTaM sarvaM jagaditIrayan || 529||
sa IshvaraH kuTumbI cha putravAMshcha kathaM mune |
gajavaktrAkhya\-daityasya nAshAya hi gajAnanam || 530||
shUrapadmAdi\-daityAnAM saMhArAya ShaDAnanam |
ajIjanat kAlakAlo merudhanvA maheshvaraH || 531||
tamomayaguNaH kena sarveShAmupakArakaH |
nAsti svatastamastatra kintu sAtvikameva tat || 532||
kathametAdR^isho vipraiH paraM brahmeti kathyate |
OM tatsaditi nirdeshaH sarvastatra shrutau kR^itaH || 533||
IshAnaH sarvavidyAnAM IshvaraH sarvadehinAm |
brahmA chAdhipatirbrahma brahmaNo.adhipatishcha saH || 534||
shivoM tatpuruShAyeti sanmahaste namo namaH |
iti gaurIpatiH sAkShAd\-gIyate shrutimauliShu || 535||
ityuktvA taM cha tatrAnyAn shaptvA bhUmisurAnapi |
dadhIchirniyayau draShTuM shambhuM kailAsaparvatam || 536||
OM jaya jaya skandapurANe sha~NkarasaMhitAyAM dakShakANDe skandasaptashatyAM
dakShacharitaH dvAdashod.hdhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDaLaM vande kumAraM puShkarasrajam ||
OM sAM sA~NgAya sAyudhAya sashaktikAya saparivArAya savAhanAya
saptapa~nchAshat\-mantrAtmikAya shrIpArvatIshAya tAmbUla\-ku~NkumAkShata\-
puShpa\-saghR^ita\-panasaphala mahAhutiM samarpayAmi namaHsvAhA |
anena divyama~NgaLa\-homena bhagavAn vidhimadhumathana\-
shatamakhanikhila\-suravara\-bhavakaraNabharaNaH yantra\-
niyantrita\-svAnta\-sa~Nkalpa\-bhUtabhaviShya\-vartamAna\-
kAlatraya\-samastavastu\-tatvaviShayaH nityanirmala\-
j~nAnAtmakaH mantra\-padavarNabhuvana\-tatvakalAtmakaH
shrIpArvatIshaH prIyatAm |
jaya shrI pArvatIpate jaya jaya
jaya parameshvara jaya jaya
jaya sakalakArya jaya prade jaya jaya
namaH pArvatIpataye hara hara mahAdeva ||
\section{2\.13 dakShayaj~naH trayodasho.adhyAyaH |}
OM hAM vIrabhadrAsanAya namaH |
OM hAM vIrabhadramUrtaye namaH |
nIlAbhaM raktavastraM bhrukuTiyutamukhaM jvAlakeshaM trinetram |
savye khaDga~ncha daNDaM cha vishikhaparashuM vAmabhAge kapAlam |
kheTa~NghaNTAM vahantaM musalamapidadhat ki~NkiNI\-mAlayADhyam |
siMhAkheTaikavR^itti sphuratu mama puro vIrabhadra\-svarUpam |
OM klIM hrIM vIrabhadrAya namaH |
gate munivare tasmin dakShasyAsya durAtmanaH |
balaM vIryaM dhR^itiH kIrtiH niryayuH sarvasampadaH || 537||
tathApi daivavashagaH rudreNa rahitaM kratum |
kartumArabhya sarveShAM AhvAne praiShayadbhaTAn || 538||
na shivAya janaH kopi preShito nApi patrikA |
prahitA svasya jAmAtre sarvayaj~nabhuje.api cha || 539||
dAkShAyaNyastu sarvAshcha bhUShitA ramaNaiH saha |
samAruhya vimAnAni gachChanti shatashastadA || 540||
satI vyajij~napachChambhu\-nikaTe svamanoratham |
pituryaj~namahaM draShTuM gantumichChAmi bho iti || 541||
niShiddhA.api maheshena strIchApalyAtpiturgR^iham |
gatA yato.adhvaraM gachChedanAhUta iti smR^itiH || 542||
vimAnitA cha dakSheNa mAtrA yadyapi mAnitA |
na satkR^itA cha R^itvigbhiH dakShabhItyA cha daivataiH || 543||
tadA rudro vIrabhadraM preShayitvA cha kAlikAm |
yaj~naM vidhvaMsayAmAsa mR^igo bhUtvA kratustadA || 544||
yayau sa tamanudrutya hatvA tatratya\-nAkinAm |
a~NgachChedaM vidhAyApi yajamAnasya vai shiraH || 545||
chichCheda vedavallyAshcha karaM dantAMshcha tigmagoH |
bhagasya netre bibhide niShpipeSha cha shItagum || 546||
alu~nchachcha bhR^igoH shmashru nyakR^intachcha yamasya kam |
akhaNDayachcha rasanAM hastAMshchaiva havirbhujaH || 547||
evaM dhvaste makhe devaiH prArthitaH parameshvaraH |
yojayitvA.ajashirasA yajamAnaM punaH kratum || 548||
samApayyA.atha tenApi chamakena stutaH shivaH |
prAjApatyaM padaM tasmai datvA svasthAnamAyayau || 549||
devAshcha sha~NkaraM stutvA punarlabdhA~NgakAstataH |
svaM svaM sthAnaM pratiyayuH punastatpApasheShataH || 550||
shUreNa pIDitA Asan bhUyaH skandena mochitAH |
R^iShayashcha tathA shaptA nandinA vedanindite || 551||
mArge.abhUvan ratAH shambhu\-bhasma\-rudrAkSha\-dUShakAH |
punarIshaprasAdena muktimeShyanti kAlataH || 552||
ityevaM dakShakANDasya kathA samupavarNitA |
shrutA pApaharI nR^iNAM shivabhakti\-vivarddhinI || 553||
OM jaya jaya skandapurANe sha~NkarasaMhitAyAM dakShakANDe skandasaptashatyAM
dakShayaj~naH trayodasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya saptadasha\-mantrAtmakAya
shrIvIrabhadrAya tAmbUla\-ku~NkumAkShata\-
puShpa\-saghR^ita\-kuShmANDa\-khaNDa\-mahAhutiM samarpayAmi namaHsvAhA |
anena divyama~NgaLa\-homena bhagavAn dUShaNadUShita\-
janmamaraNa\-jarAbhaya\-vitaraNa\-varasAhasaH shikShArUkSha\-
svabhAvaH karakamala\-kallolollasita\-kapAlashUlAyudhaH
tribhuvana\-bhaya~Nkara\-karALavadanaH pApijana\-durjana\-
tarjanapaTu\-garjanabhIShaNaH vIrabhadraH prIyatAm |
jaya shrI vIrabhadra jaya jaya
jaya shatrumardana jaya jaya
jaya duShTanigraha jaya jaya
jaya shiShTaparipAlana jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.14 upadeshakANDekailAsavarNanA chaturdasho.adhyAyaH |}
OM hAM yogagurvAsanAya namaH |
OM hAM yogagurumUrtaye namaH |
kailAsAdri\-nibhaM shashA~Nka\-dhavaLaM sphUrjajjaTAmaNDitaM
nAsAlokana\-tatparaM trinayanaM vIrAsane saMsthitam |
mudrA\-Ta~Nka\-kura~Nga\-jAnuvilasat\-pANiM prasannAnanaM
kaTyAsakta\-bhuja~NgamaM munivara\-dhyeyaM guruM bhAvaye ||
OM hAM yogagurave namaH |
athopadesha\-kANDIyakathA\-sa~NgrahamArabhe |
vaidiko nikhilo dharmo yatra vispaShTamuchyate || 554||
atha taM sUtamAmantrya shaunakAdyA munIshvarAH |
paprachChuH kila kailAsaH kIdR^igityatha so.avadat || 555||
prAkAraiH saptabhishchaiva parIto ratnagopuraiH |
dhArmikairmunibhirbrahmaviShNvAdibhirupAsitaH || 556||
annadAH prathame santi dvitIye shivapUjakAH |
tR^itIye shivakai~NkaryaparAssanti chaturthake || 557||
somavAravrataparAH pradoShavratinastataH |
pa~nchame tvatha ShaShThe ye shivarAtrivrataM dadhuH || 558||
prAkAre saptame tatra pa~nchAkShara\-parAyaNAH |
tato.antare shivaj~nAnaparairvedAntaniShThitaiH || 559||
sadAshivena satataM sarvama~NgalayA saha |
adhiShThitaH pApinAM tu durArohaH shivadviShAm || 560||
sulabho bhasmarudrAkSha\-dhAriNAM shivayAjinAm |
shivapuNyakR^itAM shaivavratAnuShThAyinAmapi || 561||
shivabhaktAnna\-dAtR^INAM shrIpa~nchAkShara\-jApinAm |
umA\-vighnesha\-ShaDvaktra\-vratAnuShThAnashAlinAm || 562||
ityAkarNyAtha munibhiH shivapuNyAni kIrtaya |
iti samprArthitaH sUtaH kramAdvaktuM prachakrame || 563||
bhartsanAtsarvapApAnAM smAraNAchcha shivasya yat |
bhasmeti khalu vikhyAtaM bhuktimukti\-phalapradam || 564||
OM jaya jaya skandapurANe sha~NkarasaMhitAyAM upadeshakANDe skandasaptashatyAM
kailAsavarNanA chaturdasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya ekAdasha\-mantrAtmakAya
shrIyogagurumUrtaye tAmbUla\-ku~NkumAkShata\-puShpa\-saghR^ita
chUtaphala\-mahAhutiM samarpayAmi namaHsvAhA |
anena divyama~NgaLa\-homena bhagavAnmerumandara\-
niShada\-gandhamAdana\-himAchalAchalaratna\-navaratna\-nikara\-dhagaddhagitashR^i~Nga\-
kailAsa\-shikharaH dikpAla\-mauLi\-
pALi\-mallikAmandAra\-kusuma\-makaranda\-sAndra\-
sundara\-charaNAravindaH pustakAkShamAlA\-vahni\-
chinmudrahastaH vANIsha\-bhUmIsha\-amaresha\-pramukha\-
nikhila\-munivara\-dhyAnopAsana\-vedAnta\-siddhAnta\-
\-upadesha\-shrIgurumUrtiH prIyatAm |
jaya shrIj~nAnamUrtte jaya jaya
jaya j~nAnadAyaka jaya jaya
jaya chitsvarUpa jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.15 upadeshakANDe bhasmadhAraNa\-prabhAvaH pa~nchadasho.adhyAyaH |}
OM kAmeshvarAsanAya namaH |
OM kAmeshvaramUrtaye namaH |
bhasmoddhULita\-vigrahaM shashidharaM veNIjaTA\-maNDitaM
Ta~NkaM kR^iShNamR^igaM dadhAnamabhayaM vIrAsane saMsthitam |
a~Nke savyatale.aparaM karatalaM vinyasya yogeshvaraM
vyAghra\-tvagvasanaM lalATajadR^ishA dagdha\-smareshaM bhaje ||
OM kAmeshvarAya namaH |
tadbhasmoddhUlanaM tAdR^ik tripuNDraM cha na la~Nghayet |
shrutvA vidhIyate yasmAt tattyAgI patito bhavet || 565||
ki~nchAj~nAnasya vichChittiH j~nAnAdeva na chAnyathA |
tatj~nAnasAdhanaM bhasma\-dhAraNaM muNDake shrutam || 566||
shivadattaM bhasma dhR^itvA viShNuH shaktimavApya cha |
jagatsR^iShTvA pAlayati jAgarUko.adhunApi hi || 567||
draviDeShu dvijaH kashchit sarvAshI kutsitAshayaH |
sarvastrInirataH pApI mR^itaH shR^i~NgATake kvachit || 568||
sArameyAstadA.a.agatya jagdhuM tasya kalevaram | da ?
bhasmaspR^iShTapadaM nyasyan tadAnIM tatprabhAvataH || 569||
sarvapApa\-vinirmuktaH kailAsamagamad\-dvijaH |
kimutAho buddhipUrvaM virajA\-bhasmadhAriNaH || 570||
tathA va~Nge nR^ipaH kashchit dAnashauNDaH sadA dvijAn |
AhUya tebhyo dAnAni vitatAra tadA dvijaH || 571||
vidarbhAdAgataH kashchid\-dR^iShTvA phAlaM mahIpateH |
bhasmashUnyaM jagAdainaM bhasmadhAraNa\-pUrvakam || 572||
dAnAni dehi rAjendra tadvinA niShphalaM yataH |
karmetyatha mahIpastu tamanAdR^itya garvataH || 573||
dAnAnyadAttato nAtichireNaiva sa shatrubhiH |
parAjito bhraShTarAjyaH vyAdhibhiH paripIDitaH || 574||
aTansa bhAryayA sAkaM vaidarbhadvijametya cha |
dhR^itvA bhasma punA rAjyaM prApyAnte sha~NkaraM yayau || 575||
OM jaya jaya skandapurANe sha~NkarasaMhitAyAM upadeshakANDe skandasaptashatyAM
bhasmadhAraNa\-prabhAvaH pa~nchadasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya ekAdasha\-mantrAtmakAya
shrIyogagurumUrtaye tAmbUla\-ku~NkumAkShata\-puShpa\-
saghR^ita\-drAkShAphala\-mahAhutiM samarpayAmi namaHsvAhA ||
anena divyama~Ngala\-homena bhagavAn svasti\-samasta
vistIrNa\-bhuvanarakShA\-dakShavichakShaNaH dAkShAyaNIkara\-
pallavAkalita\-gala\-lakShita\-gIrvANarAja\-maNikhachitaH
bhasmoddhUlita\-tripuNDra\-vibhUShitaH shrIkAmeshvaraH prIyatAm |
jaya shrI kAmeshvara jaya jaya
jaya bhasmoddhUlita jaya jaya
jaya aishvaryaprada jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.16 upadeshakANDe rudrAkShamahimna ShoDasho.adhyAyaH |}
OM hAM dakShiNAmUrtyAsanAya namaH |
OM hAM dakShiNAmUrti\-mUrtaye namaH |
shItAgaM vahnihastaM dvijapatisahitaM bhasmanoddhUlitA~NgaM
rudrAkShollAsipIThaM hutavahanayanaM mUrdhni ga~NgAM dadhAnam |
OMkAraM mUlamantraM munivarasahitaM vedasAraM shivAkhyaM
vande kailAsanAthaM suravaravinutaM dakShiNAmUrtimIsham ||
OM namo dakShiNAmUrtaye shraddhAM medhAM mahyaM prayachCha svAhA
atha rudrAkSha\-mAhAtmyaM varNayan romaharShaNaH |
prathamaM tat samudbhUtiM tatsa~NkhyA\-niyamAnapi || 576||
sahasraM dhArayedyadvA bAhvoH ShoDasha ShoDasha |
ekaM shikhAyAM karayoH dvAdasha dvAdasha dvayoH || 577||
dvAtriMshatkaNThadeshe tu pratyekaM karNayoshcha ShaT |
dhArayedyastu rudrAkShAn rudravatpUjyate hi saH || 578||
ityuktvA varNabhedena dhAraNaM tatphalaM tathA |
prochya tatra kathA vahnirabravIttAM bravImyaham || 579||
nandigrAme purA kAchidvArayoShA shivAshritA |
svayaM rudrAkShabharaNA svakIyau kapimarkaTau || 580||
vibhUShayantI rudrAkShaiH krIDayantI babhUva ha |
prayAtA sA cha kailAsaM tau cha janmAntare kvachit || 581||
deshe rAjA cha mantrI cha bhUtvA rudrAkShadhAriNau |
krameNa shivasArUpyaM gatau tadvaibhavena hi || 582||
purA puShkaradeshe.abhUtsaumyanAmA mahIpatiH |
tasya bhAryA vasumatI rUpayauvanashAlinI || 583||
tathApi veshyAnirata AsInnarapatistadA |
duHkhitA rAjapatnI tAM dR^iShTvA bhAryA purodhasaH || 584||
rudrAkShamekaM tatkaNThe dhArayAmAsa taddine |
rAjA svabhavanAdanyadgehaM prati yayau nahi || 585||
ramamANaH svagehinyA shuddhAnte.abhUdyadA tadA |
shatruruddhAM purIM shrutvA punashchintAparo.abhavat || 586||
tathA rAj~nI tasya kaNThe rudrAkShaM tadadhArayat |
tanmahimnA tadA sarvAn vidrAvya svaripUnnR^ipaH || 587||
sukhaM bhuktvA chiraM rAjyaM ante kailAsamApa cha |
aho rudrAkShamahimA manovAchAmagocharaH || 588||
rudrAkSha\-dhAraNAtkashchit mArjAropi divaM gataH |
punarAgatya tatratyaM vR^ittAntaM chApyavarNayat || 589||
sindhudeshe dvijaH kashchitsupratIpAhvayo.abhavat |
nityAnnadAna\-nirataH kintu rudrAkSha\-dhAriNAm || 590||
pravesho bhaktashAlAyAM nAnyastatra vishediti |
niyamaM kR^itavAnevaM kAle gachChati jAtuchit || 591||
arudrAkShadharaH kashchit yatistadgehamAgamat |
astu nAma yatirviShNutulyo vA viShNureva vA || 592||
rudrAkSha\-dhAraNamR^ite na muktimiha so.arhati |
itIritastasya putraistarjitashcha sa maskarI || 593||
rAj~ne vij~nApayAmAsa rAjApyAhUya tAMshcha tam |
vyachArayan\-nItitatvaM yatirevaM tadAbravIt || 594||
yatishcha brahmachArI cha pakvAnna\-svAminAvubhau |
tasmA annamadattvAyaM taskaro daNDamarhati || 595||
supratIpastadovAcha praNipatya sabhAsadaH |
na veSheNa yatirbhUyAt nArudrAkShadharo yatiH || 596||
sasharIro divaM yAtuM shakyate kiM tvayA dvija |
iti kruddhena yatinA proktaH provAcha taM dvijaH || 597||
rudrAkSha\-bhR^idbiDAlopi sadeho me divaM vrajet |
ityuktvA svagR^ihAntaHsthaM otuM rudrAkShadhAriNam || 598||
praiShayat tridivaM so.api tatratyairbahumAnitaH |
punaretya kR^itAntasya rudrAkShAdbhItimabravIt || 599||
tato yatiH sa rudrAkShaM dhR^itvA bhuktvA cha tadgR^ihe |
dhyAyan sadAshivaM chitte shivasAyujyamA pa cha || 600||
rudrAkShavaibhavaM shrutvA munayo romaharShaNam |
pa~nchAkSharasya mAhAtmyaM paprachChuH prAha so.api tat || 601||
OM jaya jaya skandapurANe sha~NkarasaMhitAyAM upadeshakANDe skandasaptashatyAM
rudrAkShamahimA ShoDasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya saparivArAya
savAhanAya ShaDviMshati\-mantrAtmikAya shrIdakShiNAmUrtaye
tAmbUla\-ku~NkumAkShata\-puShpa\-saghR^ita\-pUgIphala\-mahAhutiM
samarpayAmi namaHsvAhA |
anena divyama~NgaLa\-homena bhagavAn kanakashikhari\-
nipatadamara\-sarit\-srotassa~njAta\-kanakamaya\-kokanada\-
mR^iNALatantu\-santAna\-samAnopavIta\-virAjamAnaH
nikhilacharAchara\-vargasarganipuNa\-prashasta\-
praNavamukha\-R^igyajussAmAtharvaNa\-vedashivAgama\-shAstropadeshaH
purANasmR^iti\-prabhR^iti\-chatuShShaShTikalA\-sakalamantropadesha\-prashastaH
pustakAkShamAlA\-kamaNDalu\-valkalAla~NkR^itaH shrIdakShiNAmUrtiH prIyatAm |
jaya shrI dakShiNAmUrtte jaya jaya
jaya rudramUrtte jaya jaya
jaya j~nAnaprada jaya jaya
jaya sakalavidyAprada jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.17 upadeshakANDe pa~nchAkSharamahimA saptadasho.adhyAyaH |}
OM hAM hauM sadAshivAsanAya namaH |
OM hAM hauM sadAshivamUrtaye namaH |
dhyAyennirAmayaM devaM jagatsR^iShTyAdi\-kAraNam |
nirguNaM niShkalaM nityaM manovAchAmagocharam ||
ga~NgAdharaM shashidharaM jaTAmakuTa\-maNDitam |
shvetabhUti\-tripuNDrena lalATena virAjitam ||
lochana\-trayasampannaM svarNa\-kuNDalamaNDitam |
divyAmbaraM ratnabhUShaM ratnasiMhAsana\-sthitam ||
sarvAbhIShTa\-pradAtAraM vaTamUle\-nivAsinam |
sanAtanaM sAmbamUrtiM paramAtmAnamavyayam ||
OM hAM hauM sAmbasadAshivAya namaH |
IShattadIya\-mAhAtmyamihApi prochyate spuTam |
pa~nchAkSharaH paro mantraH pa~nchapAtakanAshanaH || 602||
sadgurorupadeshena labdhvA taM niyato japet |
tajjapasya prabhAvena bahavaH siddhimAgatAH || 603||
kAshIrAjasya duhitA pa~nchAkSharaparA.abhavat |
tadbhartA tadabhAvena nAshaknotkrIDituM tayA || 604||
tato guroH sa tallabdhvA tayA sAkamarIramat |
kAkarUpeNa taddehAnniraguH pAparAshayaH || 605||
shuddhasatvo bahUn bhogAn bhuktaveha naradurlabhAn |
ante shivasya sAyujyaM prapede bhAryayA saha || 606||
evaM bADavadeshe cha dvAvAstAM sodarau dvijau |
tayoranyataraH prAptaH sannyAsaM yativAkyataH || 607||
anyo.api tatprapitsuH svapitrA nyAyena vAritaH |
pa~nchAkSharaM mantrarAjaM labdhvA tajjapa\-vaibhavAt || 608||
mahimAnaM yatInAmapyatyakrAmatsa jAtuchit |
nyakkR^ito yatinA bhrAtrA tatprabhAvamadarshayat || 609||
anyepyevaM hi bahavaH mahApAtaka\-dUShitAH |
patitAshchAbhishastAshcha muktAstanmantrajApataH || 610||
iti pa~nchAkSharI\-mantrajapa\-vaibhavamaMshataH |
varNitaM shivanAmnAM cha mAhAtmyaM varNyate.adhunA || 611||
j~nAnato.aj~nAnato vApi shivanAmAtipAvanam |
uchcharantIha ye martyAH nAsti teShAmaghaM dhruvam || 612||
kashchiddvijakule jAtaH madyavikraya\-jIvanaH |
mR^itikAle svaputrasya nikaTe svamudIrayan || 613||
uttamarNAdhamarNatvaM kenachiddhAryate shivam |
iti bruvan jahau prANAn tachChiva\-smR^itimAtrataH || 614||
dhvastapApaH shivagaNaiH kailAsaM drAganIyata |
tathaiva kashchana vyAdhaH praharAhara\- saMhara || 615||
iti bruvannantakAle pratipede harAntikam |
dharmarAjo.api sharveNa shikShitastatra ne~Ngate || 616||
kashchitsa~NkarajAtIyaH sha~Nkareti pR^ithagjanaiH |
AhUtastena te sarvepyadhyArohan shivaM padam || 617||
iti nAmnAM prabhAvo vo varNito.atha munIshvarAH |
shivavratAnAM mAhAtmyaM varNyate chittashuddhidam || 618||
tadIya\-vratamAhAtmyaM shR^iNvatAM pApamochanam |
martyaH san yadanuShThAnAtsukhaM shivapadaM vrajet || 619||
somavAra\-vrataM chomAmaheshAna\-vrataM tathA |
pradoSha\-vratamanyachcha kedAra\-vratamuttamam || 620||
evaM gauryAH ShaNmukhasya dantivaktrasya nandinaH |
bhairavasya vrataM vA.api kR^itvA siddhimavApnuyAt || 621||
shukravAra\-vrataMshchaiva pUrNimA\-vratameva cha |
navarAtra\-vrataMshchaiva gauryA mukhyAnyamUni hi || 622||
ShaShThI\-vrataM kR^ittikarkSha\-vrataM kujadina\-vratam |
ShaNmukhasya vratAnyevaM bahUni shreyase nR^iNAm || 623||
chaturthI\-vratamanyachcha shukravAra\-vrataM tathA |
ekadanta\-prItikaraM sarvasampatkaraM shubham || 624||
nandinastu pradoSheShu pUjanaM vratamuttamam |
tena vandhyA sutaM vindetsaumA~NgalyaM satI chiram || 625||
kArtike bhAnuvAre tu bhairava\-vratamuttamam |
sarvaroga\-prashamanaM sakR^ichchIrNamapIShTadam || 626||
shUlavrataM tathA puNyaM vR^iShabha\-vratameva cha |
anuShThitaM sarvakAma\-siddhidaM bahubhiH purA || 627||
munibhirvibudhairmartyaiH anuShThitamidamparaiH |
bahudhA shrUyate viprAH labdhaM cha paramaM padam || 628||
evaM vratAni viprendrA varNitAnyatha kIrtyate |
shivapuNyasya mAhAtmyaM yatkR^itaM khalu muktidam || 629||
shivali~Ngasya gauryAdimUrttInAM cha munIshvarAH |
nirmANaM svarNa\-rajata\-tAmra\-dAru\-shilAdibhiH || 630||
tatpratiShThA tathA teShAM klR^iptirAyatanasya cha |
vastra\-sragbhUShaNaishchApi pUjanaM sati vaibhave || 631||
dIpAnAM sthApanaM tatra gavAM cha pratipAdanam |
kShetrArAma\-taTAkAdi nirmANaM vibhavochitam || 632||
rathavAhana\-nirmANaM utsavasya prakalpanam |
jIrNAlayoddhAraNaM cha prAdakShiNyaM namaskR^itiH || 633||
shivArchakAya gehAdidAnaM sopaskaraM dvijAH |
dAnaM cha shivabhaktebhyo vastrAdInAM visheShataH || 634||
vAchanaM cha purANAnAM vAchakAya yathArhataH |
vastrAla~NkaraNAdInAM dAnaM tasya namaskR^itiH || 635||
shivabhakta\-janAnAM cha pratyutthAnaM namaskriyA |
tatkAryApratibandhashcha tatsAhya~ncha yathochitam || 636||
etAni shivapuNyAni ye kurvanti narottamAH |
bhuktvA te vipulAn bhogAn putrapautrAdi\-saMyutAH || 637||
kA~nchanena vimAnena shivalokamavApya cha |
kalpakoTi\-sahasrANi modante shivasannidhau || 638||
atra chodAharantImAn itihAsAn purAtanAn |
shR^iNudhvamR^iShayaH sarve shivapuNyakR^itAM shubhAn || 639||
deveShu daityeShu munIshvareShu martyeShu vipreShu cha bhUmipeShu |
vaishyeShu shUdreShvapi sa~NkareShu santyeva nArIShvapi shambhubhaktAH || 640||
teShAM bAhyAni chihnAni dasha santi munIshvarAH |
trINyAntarANi choktAni trayodasha bhavanti hi || 641||
prathamaM bhasmarudrAkSha\-dhAraNaM samudIritam |
gurusevA dvitIyA syAt tR^itIyA cha shivastutiH || 642||
nAmochchAraNamIshasya chaturthaM paripaThyate |
pa~nchamaM devadevasya pUjanaM brAhmaNottamAH || 643||
shivAlayasya puNyasya darshanaM ShaShThamIritam |
tathA shivapurANAnAM shravaNaM saptamaM viduH || 644||
shivabhakta\-namaskAramaShTamaM kathayanti hi |
navamaM shivabhaktebhyo dAnamannasya chakShate || 645||
tebhyo vastrAdidAnaM syAt dashamaM gurave tathA |
evaM bAhyAni chihnAni kathitAni dasha dvijAH || 646||
athAntarANi kathyante mAnasaH prathamo japaH |
dvitIyA mAnasI pUjA sAkShAtkR^itirathAparA || 647||
vAggadgadA~Nga\-kampashcha romaharSho.ashrupAtanam |
yeShAM te shivabhaktAstAn praNaman pUjayannapi || 648||
bhukttaveha vipulAn bhogAn dR^iDhA~NgaH putrapautravAn |
amutra brahmaviShNvAdi\-pratyudyAtaH shivAntikam || 649||
prapadya sannidhau shambhoH sthitvA prApya sarUpatAm |
ante cha shivasAyujyaM labheta brAhmaNottamAH || 650||
etadgauryai shivenoktaM nAnyastadvaktumarhati |
athApi ki~nchit vakShye.ahaM shR^iNudhvaM munisattamAH || 651||
kosalAdhipateH putryashchatasraH kaushikena hi |
shaptA andhatvamApannA araNye ramaNaiH saha || 652||
kumbhodbhavena muninA shivadharmopadeshataH |
tathaiva shivapuNyAni kurvANA achireNa cha || 653||
labdhanetrAshchirambhogAn anubhUyaihikAnapi |
ante prApushcha kailAsaM tathA kashchana chUrNakam || 654||
shiShTaM shivAlayaprAnte pAShANe.alepayattataH |
pinaddhaM tadbhittigataM randhraM tatpuNya\-yogataH || 655||
sa yayau shivaloka~ncha mahiSho.api vane kvachit |
shR^i~NgAbhyAM tarugulmAdIMshChitvA tatratyamAlayam || 656||
shodhayAmAsa tatpuNya\-balAtsa cha divaM yayau |
anyA cha jAriNI kAchidandhA daNDena sarpatI || 657||
taddaNDaM pradadau devagR^iha\-nirmANa\-hetave |
tena puNyaprabhAvena dhvastApApA yayau shivam || 658||
evaM kashchitChivAgAra\-nirmANAyAbhiyAchitaH |
dadAnIti pratij~nAya shvaH shvaH shvaH shva iti bruvan || 659||
mR^itaH pratij~nA\-mAtreNa rAjatvaM prApya tatra tu |
andho.abhavat tato devagR^ihaM nirmAya vistR^itam || 660||
AndhyAnmuktaH bahUn bhogAn bhuktvA.ante shivamApa saH |
evaM vaH kathitaM viprAH shivapuNyasya vaibhavam || 661||
OM jaya jaya skandapurANe sha~NkarasaMhitAyAM
upadesha kANDe skandasaptashatyAM pa~nchAkShara\-shivapuNyamahimA nAma
saptadasho.adhyAyaH |
satyAssantu yajamAnasya kAmAH |
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya ShaShTi\-mantrAtmikAya
shrIsAmbashivamUrtaye tAmbUla\-ku~NkumAkShata\-
puShpa\-saghR^ita\-mAtuli~NgaphalaM\-mahAhutiM samarpayAmi namaHsvAhA |
anena divyama~Ngala\-homena bhagavAn sarvaj~natva\-
sarvabhoktR^itva\-sarvakartR^itva\-sarvamantratva\-
sarveshvaratva\-sarvaparipAlakatva\-akhaNDashaktikatva\-
aluptashaktitva\-sarvasvatantratva\-anAdibodhakatva\-
nityasAdguNyaparipUrNa\-sachchidAnanda\-shrIsAmbashivaH prIyatAm |
jaya shrI parameshvara jaya jaya
jaya mahAdeva jaya jaya
jaya bhaktAnugrahakAraka jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||
\section{2\.18 upadeshakANDa\-muktiphalapradAna aShTAdasho.adhyAyaH |}
OM hAM hauM parashivAsanAya namaH |
OM hAM hauM parashivamUrtaye namaH |
vishvavyApinamAdi\-devamamalaM nityaM paraM niShkalaM
nityodbuddha\-vishuddhapatra\-kamale vyAptAkSharairmaNDitam |
nityAnandamaneka\-pUrNamanishaM nIvAra\-shUkopamaM
shabdabrahmamayaM hR^idambujapuTe nityaM sadA.ahaM bhaje ||
OM hAM hauM parashivAya namaH |
atha shaivapurANAnAM shR^iNuta shravaNe phalam |
tadiyattA\-parichChityai nAlamIsho.api bhUsurAH || 662||
ye shaivAni purANAni shR^iNvanti shraddhayA.anvitaH |
padaM teShAM vinirdiShTaM shA~NkaraM vimalAtmanAm || 663||
bahavaH shAmbhavIM gAthAM shrutvA bhakti\-puraHsaram |
striyaH shUdrAshcha pApiShThA lebhire sadgatiM parAm || 664||
evaM vaH kathitaH shambhupuNyaM vidadhatAM shubham |
viparyaye bhavedyachcha yachcha tad\-drohiNAM bhavet || 665||
tadapyahaM pravakShAmi hAnArthaM munipu~NgavAH |
shivAparAdhaH svalpo.api mahAnaraka\-pAtakR^it || 666||
shivAlayeShTakA\-chauryAt kAlasUtre patennaraH |
tailaM shivasya muShNaMstu raurave pIDyate chiram || 667||
shivAlaya\-pashUn hR^itvA kumbhIpAkeShu pachyate |
shivakShetrApahAreNa pAtyate.avIchinArake || 668||
shivanindAparA ye cha bhasmarudrAkSha\-nindakAH |
AbrahmakalpaM te.ashnanti nirayAnekaviMshatim || 669||
ArAdhanaM shivasyAtaH kartavyaM bhUtimichChatA |
ityukte munayaH sUtaM punaH paprachChurAdarAt || 670||
keShu sthaleShu devAshcharShayashchApUjayachChivam |
iti pR^iShTo.abravItsUtaH kAshyAM kA~nchyAM chidambare || 671||
vR^iddhAdrau shrIkAlahasti\-shaile madhyArjune tathA |
shvetAraNye pa~nchanade valmIke.apyaruNAchale || 672||
gajAraNye.atha hAlAsye mAtR^ibhUteshvarAchale |
rAmeshvare.api sampUjya shivaM prApuH shubhAM gatim || 673||
brahmA viShNushcha shakrashcha dhruvashchottAnapAdajaH |
jamadagnisuto rAmo mArkaNDeyAdayastathA || 674||
shivali~NgaM pratiShThApya pUjayanti yuge yuge |
kechitsvAyambhuvaM li~NgaM pUjayAmAsurAdarAt || 675||
li~Ngasya yasya kasyApi pUjanaM pApanAshanam |
ArShaM daivaM tathA svAyambhuvameShAM vishiShyate || 676||
ityuktavantaM munayaH sUtamUchUH kutUhalAt |
kathaM nu shUrapadmo.agAddaityaH skandasya vAhatAm || 677||
dhvajatAM cha kR^itaM puNyaM tena kiM pUrvajanmani |
iti tachChrotukAmAnAM saMshayaM Chettumarhasi || 678||
iti pR^iShTastadA sUtaH tatpUrvacharitaM jagau |
yenAsuratvaM ShaDvaktra\-vAhanatva~ncha ketutA || 679||
purA viShNumukhA devAH svaM svaM vAhaM bahiHsthale |
nidhAyAntaryayuH shambhudarshanAya tathA guhaH || 680||
tadIyastAmrachUDashcha mayUrashchetyubhau tadA |
mattAvayudhyatAM lokAn dhvaMsayantau tadA guhaH || 681||
kruddhastAvashapaddaityabhAvaM yAsyatha ityubhau |
anunItaH punastAbhyAM matpArshvaM prApsyathastviti || 682||
anvagR^ihNAdguhastasmAt shUro dvedhA babhUva hi |
na kadAchit skandabhaktaH durgatiM gantumarhati || 683||
iti sarvaM varNayitvA shivaj~nAnaM cha muktidam |
nAnyo hi vidyate panthAH ayanAyetyachIkathat || 684||
yadA charmavadAkAshaM veShTayiShyanti mAnavAH |
tadA shivamavij~nAya duHkhasyAnto bhaviShyati || 685||
niShkAma\-karmaNA satva\-shuddhirbhavati dehinAm |
bhaktishcha parameshAne dR^iDhA sampadyate tataH || 686||
guruM prapadya vedAnta\-shravaNAnmananAdapi |
nididhyAsanatashchesha\-sAkShAtkAra udeti hi || 687||
ki~nchijj~natvaM sarvavittvamubhayaM chApyupAdhijam |
yadopAdhi\-layAllInaM shuddhAbhedastadA sphuret || 688||
bhidyate hR^idayagranthishChidyante sarvasaMshayAH |
kShIyante chAsya karmANi tasmin dR^iShTe pare shive || 689||
j~nAnAgninA cha bhasmatvaM nIyate karma sa~nchitam |
AgAminAM cha na shleShaH jIvanmuktastadA bhavet || 690||
prArabdhasyApi bhAgena kShapaNe tAvadeva hi |
atha sampatsyate brahma vimuktashcha vimuchyate || 691||
dahrAdyupAsakAnAM cha brahmaloke shataM samAH |
vAso.atha brahmaNA sArdhaM muktirAtyantikI bhavet || 692||
eShaiva kramamuktiH syAt pa~nchAgnyAdividAM punaH |
punarAvR^ittireveha shrUyate shrutimauliShu || 693||
karmiNashchandraloke svamanubhUya sukhaM phalam |
ghaTIyantravadAvR^ittiM labhante sukR^itakShaye || 694||
jAyasva cha mriyasveti pare sthAnaM punaH punaH |
prayAtAH sukhaduHkhAbdhau magnA duShkR^itakarmiNaH || 695||
ataH padAmbujaM shambhorbhajanIyaM vivekinA |
yaddadAti svabhaktAnAM kaivalyaM sarvama~Ngalam || 696||
iti sUtaH shaunakAdi\-munibhyaH prochya taiH stutaH |
pratyarchito vastragandha\-puShpAdyairmAnito bahu || 697||
satkR^ito dhanyavAdaishcha shivaM hR^idi vichintayan |
gaurI~ncha ShaNmukhaM chaiva yayau kailAsabhUdharam || 698||
kathopadeshakANDIyA kathitA bhaktidA nR^iNAm |
shivaj~nAna~ncha kaivalyaM yA dadAtyavisheShataH || 699||
iti shrIra~NganAthena laghvI sha~NkarasaMhitA |
rachitA shivabhaktAnAM mude tuShyatu sha~NkaraH || 700||
adhIte ya imAM bhaktyA niyataM somavAsare |
sarvAn kAmAnavApyeha shambhoH sAyujyamApnuyAt || 701||

OM jaya jaya skandapurANe sha~NkarasaMhitAyAM upadeshakANDe skandasaptashatyAM
mukti\-phalapradAnaH aShTAdasho.adhyAyaH |
satyAssantu yajamAnasya kAmAH |
shaktyA vibhUShitakarAnnava\-ku~NkumAbhAt |
divyAmbarAt shashinibhAmala\-vaktraShaTkAt ||
vallI\-surendratanayAshrita\-pArshva\-yugmAt |
skandAtparaM kimapi tatvamahaM na jAne ||
utpatti\-shUrasaMhAra\-lIlA\-pariNayAdikam |
jij~nAsUnAM purANAdi\-paThanAlasa\-chetasAm ||
sukhena skanda\-charitamanusandhitsatAM kR^ite |
rachitA shA~NkarI laghvI saMhitesha\-pade.arpitA ||
umAkomaLa\-hastAbja\-sambhAvita\-lalATakam |
hiraNyakuNDalaM vande kumAraM puShkarasrajam ||
OM sAM sA~NgAya sAyudhAya sashaktikAya
saparivArAya savAhanAya chaturmantrAtmikAya
bhagavate parashivAya tAmbUla\-ku~NkumAkShata\-
puShpa\-saghR^ita\-pUrNaphala\-mahAhutiM samarpayAmi namaHsvAhA |
anena divyama~NgaLa\-homena bhagavAn nityotsava\-
nityama~Ngala\-nityakalyANa\-nirvikAra\-nirAdhAra\-
nirAkula\-nityaniShkala\-niShprapa~ncha\-nityashuddha
nirIshvara\-nirmoha\-nityamuktiprada\-shrIparabrahma parashivaH prIyatAm |
jaya shrIparameshvara jaya jaya
jaya pArvatIpate jaya jaya
jaya skandamUrte jaya jaya
jaya sachchidAnandamUrte jaya jaya
jaya sakalakArya\-jayaprade jaya jaya
namaH pArvatIpataye hara hara mahAdeva ||

 || iti skandasaptashatI sampUrNA ||
 || OM tatsat brahmArpaNamastu ||
##

Proofread by Aruna Narayanan, Rajani Arjun Shankar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}