% Text title            : skandastavam by vAmadeva
% File name             : skandastavamvAmadeva.itx
% Category              : subrahmanya
% Location              : doc\_subrahmanya
% Proofread by          : NA
% Description/comments  : shivapurANam 6.11 verses 22-35
% Source                : shivapurANam, saMhitA 6 (kailAsasaMhitA), adhyAyaH 11
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Skandastava ..}##
\itxtitle{.. shrIskandastavam ..}##\endtitles ##
(shivamahApurANe)
vAmadeva uvAcha |
OM namaH praNavArthAya praNavArthavidhAyine |
praNavAkSharabIjAya praNavAya namonamaH || 22|| 1

vedAntArthasvarUpAya vedAntArthavidhAyine |
vedAntArthavide nityaM viditAya namonamaH || 23|| 2

namo guhAya bhUtAnAM guhAsu nihitAya cha |
guhyAya guhyarUpAya guhyAgamavide namaH || 24|| 3

aNoraNIyase tubhyaM mahato.api mahIyase |
namaH parAvaraj~nAya paramAtmasvarUpiNe || 25|| 4

skandAya skandarUpAya mihirAruNetejase |
namo mandAramAlodyanmukuTAdibhR^ite sadA || 26|| 5

shivashiShyAya putrAya shivasya shivadAyine |
shivapriyAya shivayorAnandanidhaye nama || 27|| 6

gA~NgeyAya namastubhyaM kArtikeyAya dhImate |
umAputrAya mahate sharakAnanashAyine || 28|| 7

ShaDakSharasharIrAya ShaDvidhArthavidhAyine |
ShaDadhvAtItarUpAya ShaNmukhAya namonamaH || 29|| 8

dvAdashAyatanetrAya dvAdashodyatabAhave |
dvAdashAyudhadhArAya dvAdashAtmannamo.astu te || 30|| 9

chaturbhujAya shAntAya shaktikukkuTadhAriNe |
varadAya vihastAya namo.asuravidAriNe || 31|| 10

gajAvallIkuchAliptaku~NkumA~NkitavakShase |
namo gajAnanAnandamahimAnanditAtmane || 32|| 11

brahmAdidevamunikinnaragIyamAnagAthAvisheShashuchichintitakIrtidhAmne |
vR^indArakAmalakirITavibhUShaNasrakpUjyAbhirAmapadapa~Nkaja te namo.astu || 33|| 12

iti skandastavandivyaM vAmadevena bhAShitam |
yaH paThechChR^iNuyAdvApi sa yAti paramAM gatim || 34|| 13

mahApraj~nAkaraM hyetachChivabhaktivivardhanam |
AyurArogyadhanakR^itsarvakAmapradaM sadA || 35|| 14


iti stutvA vAmadevo devaM senApatiM prabhum |
pradakShiNAtrayaM kR^itvA praNamya bhuvi daNDavat || 36||
sAShTA~NgaM cha punaH kR^itvA pradakShiNanamaskR^itam |
abhavatpArshvatastasya vinayAvanato dvijAH || 37||
vAmadevakR^itaM stotramparamArthavijR^imbhitam |
shrutvAbhavatprasanno hi maheshvarasutaH prabhuH || 38||

tamuvAcha mahAsenaH prIto.asmi tava pUjayA |
bhaktyA stutyA cha bhadrante kimadyakaravANyaham || 39||
mune tvaM yoginA.nmukhyaH paripUrNashcha nispR^ihaH |
bhavAdR^ishAM hi lokesmiprArthanIyaM na vidyate || 40||
tathApi dharmarakShAyai lokAnugrahakA~NkShayA |
tvAdR^ishA sAdhavassanto vicharanti mahItale || 41||
shrotavyamasti chedbrahmanvaktumarhasi sAmpratam |
tadidAnImahaM vakShye lokAnugrahahe tave || 42||
iti skandavachaH shrutvA vAmadevo mahAmuniH |
prashrayAvanataH prAha meghagambhIrayA girA || 43||

vAmadeva uvAcha |
bhagavanparameshastvaM parAparavibhUtidaH |
sarvaj~nasarvakartA cha sarvashaktidharaH prabhuH || 44||
jIvA vayaM tu te vaktuM sannidhau parameshituH |
tathApyanugraho yante yattvaM vadasi mAM prati || 45||
kR^itArtho.ahaM mahAprAj~na vij~nAnakaNamAtrataH |
preritaH paripR^ichChAmi kShantavyotikramo mama || 46||
praNavo hi paraH sAkShAtparameshvaravAchakaH |
vAchyaH pashupatirdevaH pashUnAM pAshamochakaH || 47||
vAchakena samAhUtaH pashUnmochayate kShaNAt |
tasmAdvAchakatAsiddhiH praNavena shivamprati || 48||
OM mitIdaM sarvamiti shrutirAha sanAtanI |
omiti brahma sarvaM hi brahmeti cha samabravIt || 49||
devasenApate tubhyandevAnAmpataye namaH |
namo yatInAmpataye paripUrNAya te namaH || 50||
evaM sthite jagatyasmi~nChivAdanyanna vidyate |
sarvarUpadharaH svAmI shivo vyApI maheshvaraH || 51||
samaShTivyaShTibhAvena praNavArthaH shruto mayA |
na jAtuchinmahAsena samprAptastvAdR^isho guruH || 52||
ataH kR^itvAnukampAM vai tamarthaM vaktumarhasi |
upadeshavidhAnena sadAchArakrameNa cha || 53||
svAmyekaH sarbvajantUnAM pAshachChedakaro guruH |
atastvatkR^ipayA so.arthaH shrotavyo hi mayA guro || 54||
iti sa muninA pR^iShTaH skandaH praNamya sadAshivaM
     praNavavapuShaM sAShTatriMshatkalAvaralakShitam |
sahitamunayA shashvatpArshve munipravarAnvitaM
     gaditumupachakrAma shreyaH shrutiShvapi gopitam || 55||

iti shrIshivamahApurANe ShaShThyAM kailAsasaMhitAyAM
vAmadevabrahmavarNana.nnAmaikAdasho.adhyAyAntargatam skandastavaM sampUrNam ||
##
shivapurANam, saMhitA 6 (kailAsasaMhitA), adhyAyaH 11
Although the initial stotra ends at verse 35, verse 44 onwards
also constitute relevant praise of Skanda, so is included
for reference.
NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}