% Text title : Skanda Vedapada Stavah % File name : skandavedapAdastavaH.itx % Category : subrahmanya % Location : doc\_subrahmanya % Transliterated by : Mahaperiaval trust % Proofread by : Sivakumar Thyagarajan shivakumar24 at gmail.com, PSA Easwaran % Description-comments : from subrahmaNyastutimanjarI % Latest update : November 29, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Skanda Veda Pada Stavah ..}## \itxtitle{.. skandavedapAdastavaH ..}##\endtitles ## yo devAnAM puro ditsurarthibhyo varamIpsitam | agre sthitaH sa vighnesho mamAntarhR^idaye sthitaH || 1|| mahaH purA vai budhasaindhavashrIsharATavImadhyagataM hR^idantaH | shrIkaNThaphAlekShaNajAtamIDe tatpuShkarasyAyatanAddhi jAtam || 2|| maho guhAkhyaM nigamAntapa~Nkti mR^igyA~Nghripa~NkeruhayugmamIDe | sAmbo vR^iShasthaH sutadarshanotko yatparyapashyatsarirasya madhye || 3|| tvAmeva devaM shivabhAlanetramahovivartaM paramAtmarUpam | tiShThan vrajan jAgradahaM shayAnaH prANena vAchA manasA bibharmi || 4|| namo bhavAnItanujAya te.astu vij~nAtatattvA munayaH purANAH | yameva shambhuM harimabjayoniM yamindramAhurvaruNaM yamAhuH || 5|| koTIrakoTisthamahArghakoTimaNiprabhAjAlavR^itaM guhaM tvAm | ananyachetAH praNavAbjahaMsaM vedAhametaM puruShaM mahAntam || 6|| sa no.avatu svAlikapa~NktijIvagrahaM gR^ihItAyatachandrakhaNDaH | guhAdasIyantamidaM svarUpaM parAtparaM yanmahato mahAntam || 7|| svargApagAmadhyagapuNDarIkadalaprabhAjaitravilochanasya | akShNAM sahasreNa vilokyamAnaM na sandR^ishe tiShThati rUpamasya || 8|| hemadviShatkuNDalamaNDalADhyagaNDasthalImaNDitatuNDashobhaH | brahma tvameveti guho munIndraiH hR^idA manIShA manasA.abhiklR^iptaH || 9|| supakvabimbAdharakAnti raktasandhyAmR^igA~NkAyitadantapa~NktiH | guhasya naH pAtu viloladR^iShTiH yenAvR^itaM khaM cha divaM mahIM cha || 10|| karIndrashuNDAyitadoHprakANDa dviShaTkakeyUravirAjamAnam | guhaM mR^iDAnIbhavamaprameyaM na chakShuShA pashyati kashchanainam || 11|| svakIyadordaNDagR^ihItachaNDakodaNDanirmuktapR^iShatkaShaNDaiH | triviShTapAndha~NkaraNairashUnyAn yaH saptalokAnakR^iNoddishashcha || 12|| sauvarNahArAdivibhUShaNojjvalanmaNiprabhAlIDha vishAlavakShAH | skandaH sa mAM pAtu jitAbjayoniH ajAyamAno bahudhA vijAyate || 13|| devassa vaihArikaveShadhArI lIlAkR^itAsheShajagadvimardaH | shikhidhvajaH pAtu bhaya~Nkarebhyo yaH saptasindhUnadadhAtpR^ithivyAm || 14|| ShaDAnano dvAdashabAhudaNDaH shrutyantagAmI dviShaDIkShaNADhyaH | bhItAya mahyaM girijAtanUjo hiraNyavarNastvabhayaM kR^iNotu || 15|| yo dAnavAnIkabhaya~NkarATavI samUlakotpATanachaNDavAtaH | ShANmAturaH saMhR^ita sarvashatruH athaikarAjo hyabhavajjanAnAm || 16|| atIva bAlaH pravayAH kumAro varNI yuvA ShaNmukha ekavaktraH | itthaM mahastadbahudhA.a.avirAsIdyadekamavyaktamanantarUpam || 17|| yadIyamAyA.a.avaraNAkhyashakti tirohitAntaH karaNA hi mUDhAH | na jAnate tvAM guha taM prapadye pareNa nAkaM nihitaM guhAyAm || 18|| gurUpadeshAdhigatena yogamArgeNa sa.nprApya cha yoginastvAm | guhaM paraM brahma hR^idambujasthaM vibhrAjadetadyatayo vishanti || 19|| yo devasenApatirAdarAdvai brahmAdibhirdevagaNairabhiShTutaH | taM devasenAnyamahaM prapadye vishvaM purANaM tamasaH parastAt || 20|| hR^idambujAntardaharAgravarti kR^ishAnumadhyasthaparAtmarUpAt | guhAtsusUkShmAnmunayaH pratIyurataH paraM nAnyadaNIyasaM hi || 21|| tapaH prasanneshabahupradattavarapramattAsurabhItibhAjAm | suparvaNAM skanda bhavAn sharaNyaH indrasya viShNorvaruNasya rAj~naH || 22|| sa eva devo girijAkumAro rAjA sa mitraM sa hi no vareNyaH | bhrAtA sa bandhuH sa guruH svasA cha sa eva putraH sa pitA cha mAtA || 23|| svarAjyadAtre svasutAM vitIrya tAM devasenAM sukumAragAtrAm | ArAdhayatyanvahamAmbikeyaM indro haviShmAnsagaNo marudbhiH || 24|| devena yenAlaghuvikrameNa hateShu sarveShvapi dAnaveShu | pureva devAH svapade.adhichakruH indrashcha samrAD varuNashcha rAjA || 25|| ShANmAturo.asau jagatAM sharaNyastejo.annamApaH pavanashcha bhUtvA | bhUsaMrakShaNAyaiva jagatsu devo vivesha bhUtAni charAcharANi || 26|| karau yuvAma~njalimeva nityaM umA~NgajAtAya vidhattamasmai | eSha prasannaH sukumAramUrtirasmAsu devo draviNaM dadhAtu || 27|| nidhiH kalAnAmudadhirdayAnAM patirjanAnAM saraNirmunInAm | kadA prasIdenmayi pArvateyaH pitA virAjAmR^iShabho rayINAm || 28|| saundaryavallItanusaukumAryasarojapuShpandhayamAnaso yaH | chachAra kAntArapatheShu devaH sa no dadAtu draviNaM suvIryam || 29|| ito.api saundaryavadastu dehamitIva hutvA shivabhAlanetre | jAtastataH kiM sa kumAra eva kAmastadagre samavartatAdhi || 30|| mumukShulokAH shR^iNuta priyaM vo bhajadhvamenaM girijAkumAram | asyaiva devasya parAtmateti hR^idi pratIkhShyA kavayo manIShA || 31|| dhenurbahvIHkAmadogdhrIH suvatsAH kuNDodhnIrgA dehi nastvaM sahasram | bhaktArtighnaM devadevaM ShaDAsyaM vidmAhi tvA gopatiM shUragonAm || 32|| vandAmahe barhiNavAhanasthitaM vanIpakAsheShamanIShitapradam | toShTUyamAnaM bahudhA pade pade sa~NkrandanenAnimiSheNa jiShNunA || 33|| digbhyo dashabhyaH paritaH punaH punaH parashshatAyAtasiSheviShAvatAm | anugrahAyaiva ShaDAnano hyasau pratya~NgmukhastiShThati vishvatomukhaH || 34|| kUrmaH phaNIndrashcha tathA phaNAbhR^ito digdantinashchaiva kulAchalA api | bhUtvA.ambikeyaH prathitaH pratApavAn brahmAdhyatiShThat bhuvanAni dhArayan || 35|| yo vai skandaH pR^iShTaH shambhoH satyaM j~nAnaM brahmAdvaitam | o~NkAMrArthaM prAha smetthaM subrahmaNyoM subrahmaNyom || 36|| yo jAhvavIsharAraNyahnadAmbhoje babhau purA | tasmai namaH ShaNmukhAya mahAsenAya dhImahi || 37|| yaddakShiNakarAmbhojamiShTadaM svAnujIvinAm | tebhya indrAdisenAnAM senAnibhyashcha vo namaH || 38|| devatAnAmR^iShINAM cha bhaktAnAmapi yoginAm | bhUtAnAmapi vIrANAM patInAM pataye namaH || 39|| namaste.astu maheshAna bhItebhyaH shUrapadmanaH | sunAsIramukhebhyastvaM svastidA abhaya~NkaraH || 40|| kaTAkShavIkShaNApAsta nikhilavyAdhibandhana | devasenApate svAmin abhi tvA shUra nUnumaH || 41|| antashcharasi bhUteShu tvamekaH sUkShmarUpataH | tvameva nigamAnteShu paramAtmA vyavasthitaH || 42|| mahI dyaurantarikShaM cha vAyurApo.analo.ambaram | subrahmaNya jagannAtha tvayi sarvaM pratiShThitam || 43|| shaishave tvaM mahAsena bandIkR^itya prajApatim | asrAkShIstAnyathApUrvaM manuShyAH pashavashcha ye || 44|| vedAntakandarIvarti guhAshayaShaDAnane | trilokIyaM tvayi vibho nAvIvAntaH samAhitA || 45|| kalA muhUrtAH kAShThAshcha mAsA varShA yugAni cha | tvayi vallIsha nihitA nimeShAstruTibhiH saha || 46|| rogakAntAradAvAgne mR^ityukakShahutAshana | shUraghna tvatpratApena rejate rodasI ubhe || 47|| paraM brahma vichinvanto hR^idayAmbhojamadhyagam | yogino nAradAdyAstvAM sadA pashyanti sUrayaH || 48|| hatashUramukhAsheShadaiteyaM tvAM guhAstuvan | agnAviShNU chendravAyU somo dhAtA bR^ihaspatiH || 49|| vAchAlayasyavAchaM tvaM sachakShuH kuruShe.adR^isham | Ashritebhyo jagannAtha shivo naH sumanA bhava || 50|| sa eva jagataH kartA bhartA hartA jagadguruH | kumAraH sachchidAnandaH so.akSharaH paramaH svarAT || 51|| asurAn shUrapadmAdIn hatvA sharavaNodbhavaH | devAn svasvapade kR^itvA samrADeko virAjasi || 52|| tava dR^iShTvA vishvarUpaM saharShabhayavepathu | tvAmastuvannAditeyAH bR^ihaspatipurohitAH || 53|| kinnarA garuDA nAgA yakShAH sAdhyA marudgaNAH | endrIshaM tvAmaharahaH vishve devA upAsate || 54|| vishvAsAnmAnuShINAM cha prajAnAM pashupakShiNAm | charAcharANAM jagatAM dhruvo rAjA vishAmayam || 55|| ambhojasaMvartikAsu rAjahaMsA iva prabho | madIyahR^idayAmbhoje dhruvastiShThAvichAchaliH || 56|| lIlAmAtrakR^itAsheShabhuvanAd girijAsutAt | atharva chAtha R^iksAma yajustasmAdajAyata || 57|| tile tailamiva protaM dadhnyAjyamiva ShaNmukhe | maNau sUtramiva syUtaM brahma vishvamidaM jagat || 58|| yastaptAdInR^iShIn shApAduddadhAra harAtmajaH | mAtuH stanasudhApUre putraH pramudito dhayan || 59|| ijyayA pUjayA stutyA bhaktyA cha paricharyayA | dhyAnena tapasA cha tvAM devaM manasi IDate || 60|| shrutismR^ityAgamAdyuktakarmaNAM phaladAyine | skandAya tubhyaM makhibhiH shraddhayA hUyate haviH || 61|| mUrdhA dyorambaraM nAbhirUrU bhUratalaM pade | ShaNmukhasyetyevamAhuH antarvishvamidaM jagat || 62|| bhaktasantApashamana prAvR^iSheNyaghanAghanAt | skandAdanyaM mano mAgAH sa dR^iShTo mR^iDayAti naH || 63|| jihve tvamuchchairnistandrA rAtrindivamabhiShTuhi | devasenaM mahAsenaM adugdhA iva dhenavaH || 64|| akala~NkasharachchandravilasattvanmukhasrutAH | mandasmitasudhAdhArAstA me kR^iNvantu bheShajam || 65|| devAnIjimahe pUrvaM tapashchakR^imahe purA | yadguho devatAsmAkaM kavirgR^ihapatiryuvA || 66|| madIyahR^idayAmbhojaniryUhamaNima~nchake | ShaDAnana tvatpAdaH syAdiyAn prAdeshasammitaH || 67|| chirantanavachaH stutyaH praNavAmbujaShaTpadaH | karotu devaseneshaH shivA naH pradisho dishaH || 68|| daiteyavadhasannaddho bhavAn pavanasArathiH | dvilakShamarvato haime rathe yuktvA.adhitaShThati || 69|| gaganochChritakodaNDakirITaM shUramAhave | bibheditha tvaM nArAchaiH sahasreNa shatena cha || 70|| aishAllalATanayanAt jAtaM vahniryathA.araNeH | mumukShavo guhaM brahma vichinvantu manIShayA || 71|| hiraNyajyotiShaM skandaM yAchadhvaM bho vanIpakAH | eSho.arthinaH pUrayati prajayA cha dhanena cha || 72|| sannidhAsyati kiM svAmI bhavanAmburuhekShaNaH | tAvakaM ma~njulaM rUpaM smaryate cha na dR^ishryate || 73|| yatastvaM jagatAmeShAM AshiShe shikhivAhana | tato dehi bahUnvrIhIn akR^iShTA ye cha kR^iShTajAH || 74|| dhanadhAnyagR^ihAn putrAn dehi deva dayAnidhe | tvamAshriteShTada iti karNAbhyAM bhUri vishrutam || 75|| bhaktebhyo muchukundAkhyapramukhebhyo yathA guha | prAdAstathA dehi mahAmachyutAM bahulAM shriyam || 76|| bhaktAn tatputrasuhR^idaH tanmAtR^ipitR^isodarAn | pAhi skanda punashchAsya dvipado ye chatuShpadaH || 77|| chorakhyAghrapishAchAkhusarpakITAdibAdhakAt | bhaktAnnishAsu saMrakShan triShu lokeShu jAgR^ihi || 78|| dAnaveShvapi daityeShu rAkShaseShvapyarAtiShu | pishAcheShvapi gA~Ngeya vikramasva mahAnasi || 79|| AdhibhirvyAdhibhishchaiva pIDitAnAmaharnisham | dUtAnAM vapuShi svAmin AsuvorjamiShaM cha naH || 80|| atitIvreNa tapasA tapyamAnA aharnisham | upAsata tvAM taptAdyAH atha hainaM purarShayaH || 81|| dhyAnAvAhanapUjejyAparicharyAstutiShvaham | aj~no me saphalAM pUjAM kR^iNuhi brahmaNaspate || 82|| asurAn rAkShasAn krUrAn devayaj~navighAtakAn | jahi devesha yasmAttvaM rakShohAmIvachAtanaH || 83|| durvR^ittebhyo dhanaM dhatse nIchebhyo.api dhanaM bahu | na dadAsi kuto mahyaM etatpR^ichChAmi sa.nprati || 84|| mukhairetAnmahAraudrAn dUrIkuru jagatpate | mama svamabhikA~NkShante ye stenA ye cha taskarAH || 85|| guha tvatpAdabhaktAnAM gehe jAgratvahardivam | vIrabAhumukhA vIra te nityAnucharAstava || 86|| triShaDvilochaneShvekadR^ikkaTAkSheNa lakShayan | ADhyaM karotu mAM skandaH parjanyo vR^iShTimAniva || 87|| bhayAnakAsurAnIkakAndishIkAH purA khalu | guha tvAM sharaNaM prApuH indreNa saha devatAH || 88|| tvAmeva kIrtayandeva dhyAyanshR^iNvan prapUjayan | guha tvatpAdabhakto.ahaM jIvAni sharadaH shatam || 89|| kR^ipAdugdhAbdhikallolAyamAnApA~NgavIkShaNa | dehi me guha bahvAyurdIrghAyustvamiheshiShe || 90|| purArAtIkShaNapayaH pArAvArasudhAkara | ShaDvaktra dhehi kR^ipayA mayi medhAM mayi prajAm || 91|| bhaktachAtakavR^indeShTavarShidhArAdhara prabho | asmAn sa~njIvaya svAmin asmin loke shataM samAH || 92|| bhItA vayaM mahAsena pathi durge vane yataH | choravyAghrapishAchebhyaH tato no abhayaM kR^idhi || 93|| vyAdhayaH shUlakuShThArshaH pramehAdyA yataH sadA | pIDayanti pishAchAdyAH tato no dhehi bheShajam || 94|| tvadIyapAdakamaladhyAnavarmitavigrahAn | kuhakA mohakAH kShudrAH mA.asmAnprApannarAtayaH || 95|| dhanadhAnyapashukShetrabaleShvasmadapekShayA | devasenApate.asmAkaM adhare santu shatravaH || 96|| arAtikulanirmUlanAla~NkarmINavikrama | akAraNena bahudhA yo no dveShTi sa riShyatu || 97|| mantrairyantraistathA tantraiH auShadhairAyudhairapi | jighAMsati cha yo.asmAn sa dviShanme bahu shochatu || 98|| AkhaNDalArInasurAn tvaM tu spardhAvato yathA | jahi gA~Ngeya tau martyau yaM chAhaM dveShTi yashcha mAm || 99|| tvannAmakIrtanaparakShema~NkarakarAmbuja | tamimaM saMhara svAmin yashcha no dveShate janaH || 100|| dUre.antike vA yaH shatruH asmAnanaparAdhinaH | shapatyenaM jahi skanda yashcha no shapataH shapAt || 101|| chakShuShA manasA vAchA mantreNa havanena cha | tatkR^ityAM nAshaya svAmin bhrAtR^ivyasyAbhidAsataH || 102|| machChidrAnveShiNaH shatroH dhanamAyuH prajAH pashUn | sarvAnnAshaya shUraghna mA tasyochCheShi ki~nchana || 103|| avidvAMsashcha vidvAMsaH svapne jAgrati vA guha | tebhyo mochaya mAM yadyadenAMsi chakR^imA vayam || 104|| vayamUchima yaddeva jihvayA devahelanam | enaso mochayAgneya tvaM hi vettha yathAtatham || 105|| vittArthaM vA tathA.anyArthaM viprArthaM go.arthameva vA | punIhyasmAMstataH skanda yatki~nchAnR^itamUdima || 106|| tamAgasaM kShamasva tvaM svakIyAbhIShTalipsayA | sa.nprArthya tubhyaM vA.anyasmai yadvAchA.anR^itamUdima || 107|| saundaryavallyA sahitaM ambayA devasenayA | mahAsenaM bhaje devaM satyena tapasA saha || 108|| yo vai paThedguhasyainaM vedAntastavamAdarAt | skAndAH kaTAkShAstasyochchairAyuH kIrtiM prajAM daduH || 109|| skandasyainaM vedapAdastavaM yo bhaktyA nityaM shrAvayedvA paThedvA | bhUyAsuste tasya martyasya shIghraM ye ye kAmA durlabhA martyaloke || 110|| iti skAndapurANAntargataH skandavedapAdastavaH sampUrNaH | ## Proofread by Sivakumar Thyagarajan shivakumar24 at gmail.com and PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}