% Text title            : subrahmaNyabhujangaprayAtastutiH
% File name             : subrahmaNyabhujangaprayAtastutiH.itx
% Category              : subrahmanya, sachchidAnanda-shivAbhinava-nRisiMhabhAratI, bhujanga
% Location              : doc\_subrahmanya
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Subrahmanyabhujangaprayatastutih ..}##
\itxtitle{.. shrIsubrahmaNyabhuja~NgaprayAtastutiH ..}##\endtitles ##
shrIkArtikeyakShetre \- (tiruchchendUraparanAmake)
maheshAnanAbjArkamardhenduphAlaM mahAvighnavArAshikumbhaprabhUtam |
mahendrAdisevyaM praNamrAntara~NgaM mahApApadAhaM mahebhAsyamIDe || 1||

apasmAramukhyAnkShaNAdrogavaryAn harantaM natAnAM nijA~NghripraNAmAt |
bhaje sUnumAdyasya vaidyasya shambhorabodhAmayasya prashAntyarthamArAt || 2||

avaj~nAya khelAM charantaM kumAraM maheshaM praNantuM vidhiH sambhrameNa |
gato.antaH punarniShkramanyena kArAgR^ihaM prApitastaM bhaje tArakArim || 3||

kathaM chandratulyaM mukhaM te vadAmaH kala~Nkena hInaM tathA kR^iShNapakShe |
kShayenApi namrAntaradhvAntabhedAttatastadvishiShTaM guheshAnasUno || 4||

kadAhaM nirIho hR^idambhojamadhye payojAbhaye kukkuTaM shaktivaryam |
karaiH sandadhAnaM sadA vIkShamANo mudaM pArashUnyAM bhaje kArtikeya || 5||

vivekaM viraktiM shamAdeshcha ShaTkaM mumukShAM cha samprApya kR^itvA vichAram |
dR^iDhaM bodhamApsye kadA vedashIrShaiH kR^ipAM kurvanAthe mayIshAnasUno || 6||

jananyAH prasUteH sthalaM vAsabhUmiH pitushcheti shailaM na jahyAM kadApi |
itIvAnatAleH prabodhAya shaile vasantaM sadA pArvatIputramIDe || 7||

janAnAM shayAnaM sadA hR^idbile taM bhuja~NgaM manaHsa.nj~namArAnnihantum |
mayUraM bhujagasya bhoktAramAste samAruhya nityaM bhavA~nChambhusUno || 8||

natAnAmabhIShTAni dAtuM vichitrANyalaM shaktirastIti sambodhanAya |
ajasraM vahantaM kare shaktimIDe parAshaktiputraM kR^ipAvArirAshim || 9||

nivAryAshu rogAnsamastAntyabhaktAn kR^ipApA~NgaleshaiH sadA pAlayantam |
sadAraM savAhaM sabhR^ityaM sashiShyaM sadA bhAvaye ShaNmukhaM hR^itsaroje || 10||

purA tArakaM siMhavaktraM cha shUraM jaghAnAjimadhye surANAM kR^ite yaH |
maheshAtmajaM hyaurasaM bhaktavashyaM pulindAtmajAsvAntachoraM bhaje.aham || 11||

maheshasya pa~nchAnanasyAmbikAyA mukhAnAM pramodaM nijAsye kShaNAdyaH |
pradAtuM ShaDAsyo babhUvaikadA taM guhaM gandhashailAdhivAsaM bhaje.aham || 12||

mukhenAbjaminduM smitena mradimnA karasya pravAlaM gatenebharAjam |
hasantaM harinnAthasaMsevitA~NghriM sadA mAnase kurmahe kArtikeyam || 13||

yamAhurjanAH prAkR^itA dehamAtraM hR^iShIkANi kechijjagushchittamanye |
tamAtmAnamAnandasachchittbarUpaM sadA bhAvaye pArvatIpremapAtram || 14||

yamichChanti vettuM makhairvedapAThaistathA dAnatashchopavAsaishcha viprAH |
tamatyantagUDhaM mayUrAdhirUDhaM bhaje nIlakaNThasya putraM pavitram || 15||

vibodhAkhyamudrAyutasyAtmayonerviyogo na me jAtu bhUyAditIva |
samudrasya tIre nivAsaM sadA yaH karotyAdarAttaM guhaM saMshraye.aham || 16||

surAriShvajasraM sharANAM pramokShaM vidhAtuM sharANAM vane yo babhUva |
surArAtyamitraM purArAtiputraM surendrAtmajAprANakAntaM bhaje tam || 17||

vidhAtuM stutiM te vidhIndreshamukhyA na shaktAH kimatrAsti sAmarthyamasya |
tathApyAdarAchchittachA~nchalyato vA kR^itaM matprayatnaM sahasveshasUno || 18||

bhuja~NgAkhyavR^ittena klR^iptAM stutiM ye paThantyAdarAchChraddhayA shuddhachittAH |
suputrAyurArogyavidyAvatastAn kuruShveshasUno mayA prArthitastvam || 19||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIsugrahmaNyabhuja~NgaprayAtastutiH sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}