% Text title : Subrahmanya Karnamritam % File name : subrahmaNyakarNAmRRitam.itx % Category : subrahmanya % Location : doc\_subrahmanya % Author : Gopalakrishnakavi % Transliterated by : Mahaperiaval trust % Proofread by : Sivakumar Thyagarajan shivakumar24 at gmail.com, PSA Easwaran % Description-comments : Subramanya Sthuthi Manjari % Latest update : February 6, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Subrahmanyakarnamritam ..}## \itxtitle{.. shrIsubrahmaNyakarNAmR^itam ..}##\endtitles ## shivaM nashsharvANIstanajanitamandoShNamadhuraM payaH ShaDbhirvaktrairupachitakapolairapi piban | hasanharyashvAdIMshchirabhavasudhAlubdhadhiShaNAn kumAraH pUrveShAM kalayatu gurUNAmapi guruH || 1|| vilajjantAmaj~nAH puraharakumArastutividhau na jihrImashchAsminnapi bahu bibhImaH kathamapi | purANI vANyetatsavidhasaraNaklAntacharaNA muhuH subrahmaNyomiti na kimavAdItplutayutam || 2|| kathApIyUShaM te.asadR^isharasamAtR^ipti pibatAM satAM stokAsvAdA sharabhavamudhA nUtanasudhA | janashrutyAmevaM parivR^itajagatyAM cha bahudhA pravarteran ke vA na tava vitate.api stavapathe || 3|| abhIShTaM yAchatsu druhiNaharivAhAdiShu puro yatastrAtuM prApto nanu bhavasi mAmeva jhaTiti | tataste pAdAbjaM parivahatu tAntaM mama matiH prapa~nche vikhyAtA dhruvamupakR^itau pratyupakR^itiH || 4|| sakR^innatvA hi tvAM bhajati kuTilo vA.apyabhimataM tathApi klishnAti prakR^itigahane karmavipine | jano.asminko heturbhavati na vijane tribhuvane na cholla~NghyA daivI saraNiriha kenApi viShamA || 5|| vachobAlA yasyAmalaguNamanIShAsahacharI rahassthAne dhyAne viharati tavA~NghripraNayinA | sa santoShAmbhodheradhijaTharamAmajjati chiraM nijApatyAmodAdapi cha paritoSho jagati kaH || 6|| mayA te vikrItashchalahR^idayadUtaH padataTI\- niShevArthaM svArthaM bahukR^ipa kR^ipAmApya bhavataH | samIkR^itya svArthe ghaTanamuchitaM te.asya chalato vidhirvikreturme dhruvamavaguNAchChAdanamapi || 7|| durArAdhyAH sAdhyAH kathamiva bhaveyurmakhabhujaH padaM te pUrveShAM vachasAmapyaviShayaH | shuchA krUre.apAre bhavajaladhipUre paripatan nirAlambo lambodarasahaja kaM yAmi sharaNam || 8|| samAdhAnairdhyAnairbahuvidhavidhAnairapi shuchIn paritrAtuM shaktA jagati vibudhAssanti bahudhA | api tyAjyAnvrAtyAdhamapatitapAShaNDapishunaiH paritrAtuM shaktastvamiva jagati tvaM prabhavasi || 9|| tavAdhArAchChUrAsuradamana sarvAmaravarAn tR^iNAgrebhyo matvA sukhamavasamAjanmadivasam | vilambashchedadyApyahaha tava devAsmadavane kumAratvaM khyAtaM tava sadasi jAyeta mahatAm || 10|| sadA sevaM sevaM suraparivR^iDhatvAdhyavasitAn parishrAnteranyatphalamahamavApaM na kimapi | idAnIM tvatpAdavyatiShajitakarmavrajamamuM paritrAya~nChambhoH prakaTaya sutattvaM tava vibho || 11|| puraH prAdurbhUtvA na bhavasi bhavAMshchenmama mude kumAra prakrIDan jhaTiti galati khyAtiranaghA | punaH prAptuM nedR^ikkila miShati kAlastava manA\- giyaM te vij~naptiH punarapi punaste punarapi || 12|| mayi kroshatyevaM sapadi na dayAM yadvitanuShe nidAnaM kiM tatra jvalanajanimattvaM nu bhavataH | utAdreH kanyAyAH kaThinajaTharAntarviluThanaM na vai jAne mlAnepsitakushalayone.alpadhiShaNaH || 13|| ayante bhadrAptyai katichana samAdhInshubhadhiyo jayaM te kAmAdervidadhati shamAdyaiH praharaNaiH | smayante yAgAdyaiH katichana vidhAnairupachitaiH vayaM teShu shrAntAstava virachayAmo.a~njalimamum || 14|| nagAste pa~nchatvaM dadhati jaDatAM daivatamaNiH pashutvaM sA dhenustava charaNadAtR^itvayashasA | vinA taM tvAM ko nu spR^ihayati dhanAndhAnnarapashUn samArAddhuM dhImAniha jagati sarvAmaraguro || 15|| shrutervajrAyante prathamamatithInAM kila kathAH yamAyante dehi tvamiti lipayo yasya kudhiyaH | kurukShetrAyante naTaviTasamAjAH sagaNikAH kathaM nAthantyenaM tvayi sati jagannAtha kR^ipaNAH || 16|| vidhattAM vyAsa~NgaM sarasijabhavaH shrautashikhare samAdhattAM nidrAM jaladhijaThare shrIpatirapi | samedhantAM lIlAnaTanachaTulA dhUrjaTikR^itAH vidhIyante dIkShA guhacharaNadhUlyAsmadavane || 17|| pratiShThantAM sArdhaM sapadi madhumatyA diviShado na chAdyAkA~NkShAmastadanusaraNaM tatkR^itaphalam | apA~NgAH svarga~NgAchaTulataravIchIsahacharAH tirashchakrustR^iShNAkalitaparitApaM mama vibhoH || 18|| namaste svardheno.amarapuratarubhyo.a~njaliriyaM namashchintAratnApasarata yathAyAtamadhunA | prasAde senAnyassati jagati kaH prArthayati vaH sudhAsindhostIre kathamiva bhavetkA~njikakathA || 19|| svapAdasmartAraM sapadi kalayannAtmasadR^ishaM punastoShAbhAvAnmR^igayati varaM dAtumaparam | yadAkhyApIyUShaM pibati savane divyapariShat sa subrahmaNyo naH sphurati purataH pUrNakaruNaH || 20|| prabhAvasmindIkShAM vahati mama rakShAdhvaravidhau labhante shokAgnau sapadi pashutAM shAtravajanAH | bhajante modAbdhAvavabhR^ithavidhAM bandhunivahAH divAndhAshchakrADgAH kathamiva samAnaprakR^itayaH || 21|| suparyAptA goptuM janamativipannaM suragaNAH paTIyAn reNurvA guhacharaNapAthojamathitaH | na sandigdhe.adyAsmAn jagati janatA.a.alokya tava tad\- rajoleshaprAptAkhilasuravarAkA~NkShitashivAn || 22|| chiraM bhrAmaM bhrAmaM kkachana marudeshe bhavamiShe parishrAntAH shAntAH shaR^iNuta vachanaM ki~nchana shishoH | samApyaitatsarvaM sapadi vidhivAkyAdadhigataM pade bhUmAnande dadata hR^idayaM dhUrjaTibhuvaH || 23|| priyachChAyApAyAMstyajata kushalAyAtimahate phalAyAmohAyArjayata sadupAyAnapi cha vaH | umAdAyAdA~NghreratibhayadamAyAmayamayAt apAyAduddhartA na bhavati parastrirnanu shape || 24|| abhUma prAgete vayamamitakA~NkShAjalanidhau aho majjaM majjaM bhR^ishamalabhamAnAstaTabhuvam | idAnIM svArAjyaM tR^iNamapi samaM yachcharaNajAt prasAdAtpashyAmaH kimiha varayAmo.adya varadam || 25|| patantI rudrAdreH shrutibhuvi galantI kShitarujo dalantI shUrAdInapi parikR^iShantI taTatarUn | harantI santApAnpunarapi punantI smR^itivashAt sravantI kApyeShA vilasati vahantI mama puraH || 26|| atikrUro.arAtiShvamitashamapUro munijane kaThoro vIratve kusumasukumAro.api hR^idaye | ruchodyatsUro.asAvamR^itakarapUro.alpahasite sumandAro.asmAkaM jayati sa kumAro giribhuvaH || 27|| namovAkaM brUmo nayanaramaNIyAya shivayoH tada~NkAla~NkAraM kamapi vidadhAnAya cha muhuH | tayoH premAmbhodheH sharaduditarAkAshashabhR^ite parasmai kasmaichittriyugavadanAyAdimahase || 28|| tulAkoTikvANasphuraNalalitAbhyAM trijagatAM paraM pitrornetrotsavadanaTanAbhyAM cha kR^itinAm | manoharmye rAjatkanakakalashAbhyAM shrutishiro\- vimR^igyAbhyAM padbhyAM natasuratarubhyAM natiriyam || 29|| kkaNadbhyAM pANibhyAM raNitacharaNAbhyAM maNitale skhaladbhyAM jAnubhyAM kalitagamanaM sArdhavachanam | anAdyordampatyoH sukR^itamiva mUrtaM nayanayoH adR^iShTvedaM tejaH kathamiva kR^itI khalviha janaH || 30|| pAyAtkushalakaraNDaH puShkaramAlAparIvR^itashikhaNDaH | tADitatAmasaShaNDaH tArakatAmisrataruNamArtANDaH || 31|| netrIbhUtaH shivayoH kashchana patrIkR^itoragAhAraH | pAtrIbhavatu puro me dhAtrIkR^itakR^ittiko.akShiyugaLasya || 32|| ambhojapatranetraH kumbhodbhUtAditAmarasamitraH | shambhoH pramodaputraH stambho jagatAM samedhatAM chitraH || 33|| kShantA natamantUnAM gantA gajarAjamadabharaM bha~njan | kAntyA kanakaniyantA krau~nchanihantA kadA nu hR^idi rantA || 34|| nigamashikharAlavAlo vallImallIlatA~nchitaskandhaH | kashchana surasAlo no vR^ishchatu pAshchAtyajanmasantApam || 35|| shAsitadaityakadambaH shamadhanachetastaTAkakAdambaH | AsInmamAvalambaH shakratanUjAlasAkShyalikadambaH || 36|| yaj~nAvaghuShTanAmA prAj~nAlApAbhirAmaguNasImA | parameshvarayoH premAla~NkR^itasAmA mamAstu shubhabhUmA || 37|| sanakAdisiddhasevyo janako jagatAM shiva~NkaraH shivayoH | kanakadravanIkAshaH shanakaiH shanakairudeti purato naH || 38|| ShaNmukha! mukhajitashashadhara! dharajA~NkavAsa! vAsavAdyarchya | archiShmadadhikakAnte kAnte jagatAM pade vidhehyasmAn || 39|| ka~njabhavavachanagehaM kA~nchanasahakArikiraNasandoham | shritarakShAsannAhaM shivayormUrtaM shrayAmahe sneham || 40|| vandemahi mandehAsuraharasandehadAyi deharuchim | kuruvindakAntichelaM bAlaM shivayoH kimanyadavashiShTam || 41|| maNDitavedashikhaNDaiH khaNDitadanujaughachaNDabhujadaNDaiH | chaNDIshabhAgyaShaNDaiH daNDitadurito.asmi ma~NgalakaraNDaiH || 42|| phullAravindadAmnA kalhArAdrIndrashaR^i~NgakR^itadhAmnA | nAmnA ra~njitasAmnA kenachidArAji ma~NgalamahimnA || 43|| alamalamashaktihastaiH amukuTamastairavedavinyastaiH | bhaktAnAmasamastaiH aparairamaheshvarA~NkatalashastaiH || 44|| dUrAdadAhi duritaM shUrAdyasuraughatUladahanena | sAreNa kenachinme mArArAtergR^ihasthabhAvasya || 45|| AshAsmahe sadA vayamAshAdhIshochchamaulipIThAya | shrutichUDottaMsAya pramathAdhIshAtmajA~NghrikamalAya || 46|| AmnAyashikharavedyAdAnatasallokabhavarujAM vaidyAt | AdyAchcharAcharANAM hR^idyAtpitroH kimanyadavalambe || 47|| amarAbhaya~NkarANAM timirArINAmapA~NgasuShamAsu | chamarANAM shrutivanyA vayamiha dAsAshchidindukiraNAnAm || 48|| paryAptachandravadane parvataputrIshubhA~NkamaNisadane | parihR^itasurArikadane madane vallyA mano.avalagnaM naH || 49|| taruNAruNakiraNAvalipariNAmasphuraNacharaNataruNAbje | charaNAyudhadhvaje.ahaM karuNAmbhodhau nimagnabhAvo.asmi || 50|| yasmiMstredhA vilasati mR^iShA jAgatI vR^ittireShA yasya sphUrtyAM vrajati sahasA chinmayI tanmayItvam | yo.astaM yAte sphurati hR^idaye nirvikalpe samAdhau premAsAraH paramashivayoH so.astu nastApashAntyai || 51|| yasyaikAMshAjjagati sakalAH prANinaH prANavantaH yasyAkhyAne nigamashikharaM nApa kAM kAmavasthAm | nAntashshoko bhavati bhajatAM yasya leshopalabdheH premAsAraH paramashivayoH so.astu nastApashAntyai || 52|| klAntAH klAntA yamanu nigamAH sa~Ngirante giraM te yannirNetuM sapadi munayaH sAdhvasaM te labhante | maunenaivAbhinayati jagaddeshiko yasya tattvaM premAsAraH paramashivayoH so.astu nastApashAntyai || 53|| yasyAvAptyai shamadhanatatiryAti nAnApathena prApto yo yairjagati viraLAH sarvathA sarvadA te | yaH prApyetAshritashamadamaiH saMyame svAtmarUpaH premAsAraH paramashivayoH so.astu nastApashAntyai || 54|| nAshApAshAkulitamanasAM bhAsate yatprabhAvo\- .apyAtmAdhAraM nikhilakaraNaM nekShate yaM parAktvAt | jAnantyanye kvachana samaye yanmayAneva sarvAn (jAnate.anye) premAsAraH paramashivayoH so.astu nastApashAntyai || 55|| prANApAnau galitagamanau yatra yatrAntara~NgaM nirvyAsa~NgaM nikhilakaraNaM yatra luptapramANam | tatrAsInA dadR^ishurapare bhAsurAnyatprasAdAn premAsAraH paramashivayoH so.astu nastApashAntyai || 56|| kiM nIhAraH kimamR^itakaraH kiM raviH kiM nu dhUmaH kiM khadyotaH kimu hutavahaH kiM taTit kiM nu hIraH | ityullekhyo bhavati yamibhiryatprasAdaH samAdhau premAsAraH paramashivayoH so.astu nastApashAntyai || 57|| mUlAdhAre hR^idi maNipure svAspade tAlumUle chetassthAne dhruvashashigR^ihe naikadhA siddhilubdhAH | yaM kurvantaH sapadi kR^itinaH svepsitAnyApnuvanti premAsAraH paramashivayoH so.astu nastApashAntyai || 58|| brAhmIM granthiM prathamamatha tAM vaiShNavIM tAM cha raudrIM bhittvA kechinniyatamarudAbaddhachetashshalAkyA | prauDhonmannyAssuratasamaye yatsvarUpA bhavanti premAsAraH paramashivayoH so.astu nastApashAntyai || 59|| mugdhasmerAnanakamalayA nAgarAjanyaputryA saudhe jyotsnAsphuraNavishade nirbhayaM ke.api rantvA | pAdAbjIyAM madhuramadhurAM yasya mAdhvIM pibanti premAsAraH paramashivayoH so.astu nastApashAntyai || 60|| uttiShThantyAmuragayuvatau ma~njuma~njIranAdaM mandaM mandaM mukhasarasijaM muktimAdarshayantIm | Ali~NgantaM sulabhamitare yatkR^ipApA~Ngasa~NgAt premAsAraH paramashivayoH so.astu nastApashAntyai || 61|| prAjye rAjye kalitahR^idayAH ke.api ke.apyadhvarAjye yogaishvarye katichana nijAvAptisaukhye.api ke.api | samprApteShTAssapadi sakalA yatkR^ipApA~Ngasa~NgAt premAsAraH paramashivayoH so.astu nastApashAntyai || 62|| tAraM tAraM bhavajalanidheryanmanoragrabhAge nikShipyAnye sharavaNabhavetyantarevAlapantaH | Ali~Ngante svayamupanatAM muktikAntAM prasannAM premAsAraH paramashivayoH so.astu nastApashAntyai || 63|| mAyAnUrurmanuvararavirdeshikendro dayAdreH udyannenastimirapaTalIM shochayanshokaghUkAn | yasyAnandaM dishati paramaM bhaktakokAvalInAM premAsAraH paramashivayoH so.astu nastApashantyai || 64|| yanmantrasyAmarapurataroH kAmamUlasya mUle tiShThanto ye nikhilataruNInetranIlotpalAnAm | jAyante te.apyamR^itaruchayo mUrtimantashcha kAmAH premAsAraH paramashivayoH so.astu nastApashAntyai || 65|| vAgAsvAdyA manunavasudhA lihyate yairyadIyA teShAM vaktrAdvahati kavitAkaitavAtsvaH sravantI | ki~nchAsheShaM bhuvanamayate dAsatAmIkShyamANaM premasAraH paramashivayoH so.astu nastApashAntyai || 66|| yanmantrendurjaladhitanayAjyotsnayA dyotyamAnaH chittAkAshe sphurati vimale yasya tasyottamasya | ApattApaH prashamamayate vR^iddhimAmodasindhuH premAsAraH paramashivayoH so.astu nastApashAntyai || 67|| mantrAkArAmamarataTinIM chandrashailAdvahantIM yasyAchAryaprasR^imarakR^ipAsArapIyUShapUrAm | diShTyA dR^iShTyA jagati viShayIkurvatAM kvAbhitApAH premAsAraH paramashivayoH so.astu nastApashAntyai || 68|| tredhA sAdhyaM jvalanalalanAvarmapAshA~NkushAdIn shiShTAdiShTe vapuShi vidadhan yanmanoH kAmadhenoH | dugdhaM dugdhaM pibati kushalaM sveShTamAyAsashUnyaM premAsAraH paramashivayoH so.astu nastApashAntyai || 69|| ShaTtriMshAraissahitamanubhirnAgapatraissavIraiH sA~NbhiH parNaiH sakamalavarAstrAdibhirvR^ittabhaumaiH | yuktaM yantraM dishati bhajatAM yasya sarvAnpumarthAn premAsAraH paramashivayoH so.astu nastApashAntyai || 70|| nAkAdhIshavirodhivAmanayanA kokavaLIvisphura\- chChokAmbhonidhishAradAbhravilasadrAkAnishAnAyakam | kekAma~njulapakShipu~NgavarathaM pAkArijAkAmukaM prAkAraM dR^iDhamAshraye diviShadAmekAkSharArdhaM param || 71|| pArAsharyavachaH prapa~nchataTinIpUrAtmakeLIlavo dUrAnmuktasharapravAhashamitakrUrAsuroSharbudhaH | mArArAtivadhUshubhodarasudhAvArAshichintAmaNiH ghorA duHkhaparamparAH shamayatu smerAmR^itairadya naH || 72|| sheShAdrIshvaramaulikelisadanA bhAShAdhidevyullasad\- bhAShA bhUtagaNAmarAripariShaddveShA parA devatA | eShA.a.astAM mama mAnase shivashivonmeShA turAShADbhavad\- yoShA.a.ali~NgitavigrahA pratidinaM toShAya bhUShA shruteH || 73|| kAntyA nyakkR^itabAlabhAnusumukhaH shAntyAdibhissevitaH kShAntyA kAchana bhUmireva bhajatAM bhrAntyApadidhmAnalaH | bhAntyA.avyAjakR^ipArasairabhimukhaM yAntyA dR^ishAM mAdR^ishAM hantyAdhInyadasau kimanyadiha no mAntyAlamindrashriyA || 74|| bhImArAtivanAnalassurapurIrAmAbhirAmAkR^itiH sAmAbhiShTutapAdapadmavibhavassImA dayAsampadAm | somAnandakaraH paraM sumanasAM kShemAvahaprakriyaH kAmAneSha tanotu naH pratidinaM premAlasairvIkShaNaiH || 75|| AdAvAhitachetasAmanudinaM vedAvalInAM satAM nAdAviShkaraNakShaNe prakaTayanpAdAruNaM pAvanam | khedAn khaNDayati sma yo.ativiShamAn bhedAndhakAroditAn shrIdAkA~NkShitasampadaM dishatu me modAkaraH shUlinaH || 76|| netA dharmapathe sadaiva charatAM jetA.anyathAvartinAM ketAvAhitakukkuTaH pratiraNaM vetALasa~NghastutaH | AtAmrairnayanA~nchalairyadi sa mAM shItAMshubimbaspR^ishaiH prItAntaHkaraNo nirIkShitumahaM kretAsmi shakrashriyAm || 77|| helAbharjitasarvalokaditibhUhAlAhalenA~NgulI\- lIlAbhiH shivayoH pramodajaladhervelAvalIM plAvayan | jvAlAjAlajaTAlashaktivilasatsAlAbhabhAsvadbhujaH khelAM naH puratastanotu surarADbAlAvilolAntaraH || 78|| rambhAdisphuradAbhirUpyavilasaddambhAvalopiprabhA\- jambhArAtisutAghanastanaparIrambhAvagADhorase | stambhAyAkhilaviShTapasya kushalArambhAya nAkaukasAM shumbhAditridashAritUlahutabhugDimbhAya bhUyo namaH || 79|| kShudrANAM danujanmanAM cha vinatAbhadrAvalInAmapi ChidrANyapratilabhya bAlakatayA vidrAvaNe dIkShitaH | rudrANIstananUtanAmR^itaghaTImudrAyitauShThAdharaH nidrAM drAvayatAnmamAdya bahudhA.abhadrAM sa rudrAtmajaH || 80|| bhAsA sArasabAndhavaM nayasudhAkAsAramevAshaye nAsAprINanasAyakaM tanuruchA dAsAyitAshAdhipam | yA sAnandamapekShate na rahase kA sAtra so.asmanmano\- vAsAyAdya kR^itAdaro vayamataH kAsAM shriyAM nAshrayAH || 81|| ga~NgAvishruta karmanarmasachivApA~NgAmR^itormichChaTA\- sa~NgAmR^iShTavishiShTashiShTajanatAtu~NgAghasa~NghAnalam | shaR^i~NgArojjvalakelisaMhatinaTIra~NgAyitendrAtmajA\- na~NgAdvaitamupAsmahe vayamamI bha~NgAya tu~NgApadAm || 82|| shAntAntaHkaraNAlaye vR^iShasutAkAntAbhirUpye kR^ipA\- .a.akrAntAndolitashoNalochanadalaprAntAvadhUtApadi | svAntAnyAdadhate na ye shivasute bhrAntAstu te saMshaya\- shrAntAH santu pade pade bhavapathe kiM tAvatA naH kShatiH || 83|| svekShAdhInacharAcharodayalayo lAkShAsadR^ikShachChaviH sAkShAnnirjarakAnanakShitiruhaH prekShAvatAM kA~NkShitaH | dIkShAmadya dadhAtu dAtumati me drAkShAsadR^ikShAM giraM rUkShAmAdhivijR^imbhitAM shamayituM dAkShAyaNInandanaH || 84|| vAchAtItapadAmbujAtavibhavaM prAchAmR^iShINAM punaH nIchArivrajajIrNaparNadahanaM khechArikelIratham | mochAmarmakR^iShA manoj~navachasA yAchAmahe kaM varaM dhIchA~nchalyamapAkarotu jagatAmAchAryavaryo mama || 85|| saMsArAmayabheShajaM shamadamAhiMsAparArAdhitaM haMsAla~NkR^itakomalashrutishirottaMsA~NghripAthoruham | puMsAnAdimatA prakAshitabhujAshaMsApadAnakramaM kaMsArAtisutAkapolaruchirochchAMsAgramArAdhnumaH || 86|| chApAsitrishikhAdibhUShitabhujavyApAratuShTAmara\- strIpANyabjavikIrNakalpakusumashrIpATalA~NgadyutiH | pApAtmAnupalabhya divyanagarIbhUpAtmajAkAmukaH tApAnnassamapAkarotu mahitaiH shrIpAdapadmAmR^itaiH || 87|| bAhAsa~njitatIkShNahetiruchibhiH svAhAsahAyo muhuH hAhA~NgIkR^itavandibhAvasaraNirvAhAyitAkhaNDalaH | nIhArAdrisutAtmajo diviShadAM sAhAyyakArI mR^idhe dAhAnAshu dhunotu nassumanasAmAhArarItyA girA || 88|| IshAnA~Nkamanoj~nasaudhamamitakleshAndhakArAruNaM koshAgAramapekShitArthavitateH pAshAyudhArAdhitam | kAshAchChasmitachUrNamohitahR^iShIkeshAtmajAlolupaM dhIshAntyAdi shubhAya sarvavipadAM nAshAya chAshAsmahe || 89|| a~Nke kalpitadevarAjatanayaM la~NkeshadarpachChidaM sa~NketAlayamAdivA~NmR^igadR^ishAM pa~NkeruhaM pAdayoH | ka~Nkelidrumaku~njakelisadanaM taM keshavAnandanaM kiM kelyA namatAM cha muktiriti chechCha~Nke.analashshItalaH || 90|| sampAtena nijAyudhasya vilasachChampAsanAbherjaga\- tkimpAkaM kalayantamantakasabhAsampAtukaM tArakam | kampAkrAntadhiyA na dhartumanishaM yaM pArayante janAH taM pAre tamasAM sthitaM kalayatAM kiM pAmaraiH pArthivaiH || 91|| gatyA shikShitadR^iptasiMhagamanaiH shaktyA sphuradbAhubhiH prItyA poShitabhaktalokanivahaiH shrutyA.a.attabandikramaiH | ratyA.a.aptairnijakAntibhiH katipayairetyAtra yadbhUyate tatyA kiM mama sAmprataM diviShadAM bhUtyANimAdyApi cha || 92|| kAlaM daivatavidviShAM galavalanmAlaM surendrAtmajA\- lolaM shaktishikhAvidAritamahAshailaM divashchAriNAm | sAlaM pAdaruchAhatAshrutatamojAlaM bhavedrakShituM ko.alaM no jagatAM traye.api cha paro bAlaM vinA shUlinaH || 93|| dharmAntadhvanadabhravibhramadhanushcharmAsibhAsvadbhujo varmAla~NkR^itavigrahaH pratidinaM sharmApaho vidviShAm | dharmAdyarthashubhAlayo munimanobharmAsanAdhiShThito narmANi pratipadyatAM manasi me marmAdivAksantateH || 94|| svarvAsishramashaR^i~NkhalAH shithilayansarvAshcha sharvAj~nayA kurvANo vipadaH prakAmamavanIgIrvANavidveShiNAm | arvAchInavachassudUramahimA durvAsasAbhyarchitaH gurvAj~nAvashavartino haratu me durvAradurvAsanAH || 95|| shiShTAnAM vishinaShTi tuShTimamitAM kaShTAni naShTaM naya\- tyaShTA~Ngasya purastanoti nayanAbhIShTAn shishutvakramAn | kliShTAkliShTagatIH pinaShTi manasastuShTAtmanAM saMyame spaShTAspaShTagirAdya tena shishunA naShTAkhilApanmama || 96|| AdhArAmbujamadhyakelisadano bAdhAvaho.aha~NkR^iteH bodhAnandavivartabhAsuratanurme.adho.adhimUrdhaM jvalan | rAdhAvallabhamAnitAtmavibhavo.agAdhAM vidhattAM shriyaM krodhAdhervijayaM shachIpriyatamAsAdhAraNIM cha prathAm || 97|| gADhAbhyAsavinidritoragasutAlIDhAnilAnAM satAM gUDhAvAsamupetya chetasi paraM soDhA samastainasAm | bADhAj~nAnapishAchikAvR^itamahAmUDhAtmanAM durlabhaH ShoDhAsyAmburuhashshubhAni jagatAM voDhA vidhattAM mama || 98|| AgopAlavidhAtR^itulyavibhave yAgopageyaprathe vegodbhinnapunarbhavA~NkuramahAyogopasargApadi | rogotsiktajanAnavApya charaNenAgopagItAtmaje (vItAnuje) bhUgoLe.abhiratiM na ko nu kalayedrogo na chedrAjasaH || 99|| oShThAsa~njitalochanAya divijashreShThAtmajAyA jaga\- jjyeShThAna~Ngavivartavigrahavate preShThAya shiShTAvane | goShThAyAdigavAM taterbhuvanavarShiShThAya sabhyAntare niShThAyAshritalochanAbjayuganediShThAya kurmo.a~njalim || 100|| sImne sadguNasampadAM navamaNIdhAmne shritApaddviSha\- nnAmne shAsitadaivatAripariShatsthemne cha hemne shriyA | vyomne chidvimalAya sarvajagatAM dhAmne niketIbhava\- tsAmne.anAdikuTumbibhAgyalaharIbhUmne parasmai namaH || 101|| parayuvatirataM mAM sha~NkayitvA.apyudAse tadapi madavanaM te sAmprataM sAmprataM hi | tyajati gurukalatravyApR^itaM tvatpitA kiM vimalakamalasampaddrohiNaM rohiNIsham || 102|| paradhanApahR^itau yatamAne nochitA mayi taveyamupekShA | vismR^itaM kimu hiraNyaharatvaM tattvayA tava vibhoH shvashurasya || 103|| ahiMsakAnAmiha hiMsako.api na te.achChidaM brahmashiraH piteva | atIva lubdhaM kimupekShate mAM lubdhAtmajA sApi tavA~NkasaMsthA || 104|| malinasa~NgatidUShitameva mAM kimu vilokayituM parisha~Nkase | na hi bhavAniva bhUtapishAchikAsadasi santatamAsitumutsahe || 105|| niShki~nchano.ayamiti kiM nanu mayyudAse bhikShAshanastava pitA bhagavaMstadAstAm | tvaM chApi bhaikShamaTasi prakaTaM phalinyAM tanmAM bhajasva sadR^ishI khalu bandhutA nau || 106|| paripAlayituM tavAbhikA~NkShA yadi dR^iptAnkR^ipaNottamAgravR^ittyA | kimu kIrtiritastavApyapUrvA vimalA dInadayAlutopaklR^iptA || 107|| a~NgIkR^itaM mR^igashishuM na shashI jahAti phAlaM tapantamapi no dahanaM triNetraH | AshIviShaM cha viShamaM na hi sheShashAyI tIkShNasvabhAvamapi mAM na jahIhi pAlyam || 108|| kaNThe gaDurbhavati yachCharadindukAnteH ardhAsanaM bhajati yatsurabhojyalakShmyAH | AchAryatAM bhajati yannavamallikAnAM AnandamAvahati te smitameva tannaH || 109|| athavA kShaNikAchalAlavAlo guNapuShpaH parisevito dvijendraiH | shrutimugdhalatA~nchito.a~NghrishAkhI tava divyaH phalatIpsitaM mamaiShaH || 110|| kiM vA vipadi vidheyaM dhyeyaM te dhyAtR^ima~NgalaM charaNam | sampadi kiM karaNIyaM bhUyo bhUyo.aparokShaNIyaM tat || 111|| baddhAdarAH shritavipatparitApashAntyai dugdhAbdhigarbhabharitAmR^itavIchivandyAH | mugdhAbjajanmaviphalIkaraNasvabhAvAH shraddhAlavo.avitumamI tava mAM kaTAkShAH || 112|| amR^itamiva surANAM brAhmaNAnAM trayIva praNava iva yatInAM yoginAmunmanIva | shrutipathapathikasya shrImadekaM nidAnaM mama tu kimapi labdhaM lubdhakanyAbhilubdham || 113|| pAtaya vA ghAtaya vA pAlaya vA samavalokya lAlaya vA | labdhaM tava padayugmaM nAhaM mu~nchAmi nApi durvR^ittIH || 114|| namo namaste nagadambhabhedin namo namaste nigamAntachArin | namo namaste khagarAjayAyin namo namaste bhagavan parAtman || 115|| shrIsha~NkarAtmajaguNagaNagrathitA tadIya\- pAdAravindamakarandakaNAvasiktA | modAvahA bhavatu sajjanaShaTpadAnAM gopAlakR^iShNakavivAk surapuShpamAlA || 116|| iti shrIgopAlakR^iShNakavivirachitaM shrIsubrahmaNyakarNAmR^itaM sampUrNam | ## Proofread by Sivakumar Thyagarajan shivakumar24 at gmail.com, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}