% Text title            : subrahmaNya kavacham 2
% File name             : subrahmaNyakavacham2.itx
% Category              : kavacha, subrahmanya
% Location              : doc\_subrahmanya
% Transliterated by     : N.Balasubramanian bbalu at satyam.net.in
% Proofread by          : N.Balasubramanian bbalu at satyam.net.in
% Latest update         : January 7, 2009, April 17, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsubrahmaNya kavacham 2 ..}##
\itxtitle{.. shrIsubrahmaNyakavacham 2 ..}##\endtitles ##

           || shrIrastu||
       || OM namassubrahmaNyAya ||
      || atha subrahmaNya kavacham ||
asya shrI subrahmaNya kavachastotra mahAmantrasya 
agastyo bhagavAn R^iShiH\, anuShTupChandaH\, shrI subrahmaNyo devatA\,
saM bIjaM\, svAhA shaktiH\, saH kIlakaM\,
shrI subrahmaNyaprasAdasiddhyarthe jape viniyogaH |
hiraNyasharIrAya a~NguShThAbhyAM namaH\,
ikShu dhanurdharAya tarjanIbhyAM namaH\,
sharavaNabhavAya madhyamAbhyAM namaH\, 
shikhivAhanAya anAmikAbhyAM namaH\,
shaktihastAya kaniShThikAbhyAM namaH\,
sakaladurita mochanAya karatalakarapR^iShThAbhyAM namaH |
evaM hR^idayAdi nyAsaH |
          || dhyAnam ||
kanakakuNDalamaNDitaShaNmukhaM vanajarAjita lochanam |
nishita shastrasharAsanadhAriNaM sharavaNodbhavamIshasutaM bhaje || 
lamityAdibhiH pa~nchapUjA || 
agastya uvAcha || 
skandasya kavachaM divyaM nAnA rakShAkaraM param |
purA pinAkinA proktaM brahmaNo.anantashaktaye || 1||
tadahaM sampravakShyAmi bhadraM te shR^iNu nArada |
asti guhyaM mahApuNyaM sarvaprANi priya~Nkaram || 2||
japamAtreNa pApaghnaM sarvakAmaphalapradam |
mantraprANamidaM j~neyaM sarvavidyAdikArakam || 3||
skandasya kavachaM divyaM paThanAdvyAdhinAshanam |
pishAcha ghorabhUtAnAM smaraNAdeva shAntidam || 4||
paThitaM skandakavachaM shraddhayAnanyachetasA |
teShAM dAridryaduritaM na kadAchidbhaviShyati || 5||
bhUyassAmrAjya sa.nsiddhirante kaivalyamakShayam |
dIrghAyuShyaM bhavettasya skande bhaktishcha jAyate || 6||
shikhAM rakShetkumArastu kArtikeyashshiro.avatu |
lalATaM pArvatIsUnuH vishAko bhrUyugaM mama || 7||
lochane krau~nchabhedI cha nAsikAM shikhivAhanaH |
karNadvayaM shaktidharaH karNamUlaM ShaDAnanaH || 8||
gaNDayugmaM mahAsenaH kapolau tArakAntakaH |
oShThadvaya~ncha senAnIH rasanAM shikhivAhanaH || 9||
tAlU kalAnidhiH pAtu dantA~ncha devashikhAmaNiH|
gA~NgeyashchubukaM pAtu mukhaM pAtu sharodbhavaH || 10||
hanU harasutaH pAtu kaNThaM kAruNya-vAridhiH |
skandhAvumAsutaH pAtu bAhuleyo bhuja-dvayam || 11||
bAhU bhavedbhavaH pAtu stanau pAtu mahoragaH |
madhyaM jagadvibhuH pAtu nAbhiM dvAdasha-lochanaH ||12 || 
kaTiM dviShaDbhujaH pAtu guhyaM ga~NgAsuto.avatu |
jaghanaM jAhnavIsUnuH pR^iShThabhAgaM parantapaH || 13||
UrU rakShedumAputraH jAnuyugmaM jagaddharaH |
ja~Nghe pAtu jagatpUjyaH gulphau pAtu mahAbalaH || 14||
pAdau pAtu paraMjyotiH sarvA~NgaM kukkuTaddhvajaH |
UrdhvaM pAtu mahodAraH adhastAtpAtu shA~NkariH || 15||
pArshvayoH pAtu shatrughnaH sarvadA pAtu shAshvataH |
prAtaH pAtu paraM brahma maddhyAhne yuddhakaushalaH || 16||
aparAhne guhaH pAtu rAtrau daityAntako.avatu |
trisandhyantu trikAlaj~naH antasthaM pAtvarindamaH || 17||
bahisthitaM pAtu khaDhgI niShaNNaM kR^ittikAsutaH |
vrajantaM prathamAdhIshaH tiShThantaM pAtu pAshabhR^it || 18||
shayane pAtu mAM shUraH mArge mAM pAtu shUrajit |
ugrAraNye vajradharaH sadA rakShatu mAM vaTuH || 19||
subrahmaNyasya kavachaM dharmakAmArthamokShadam |
mantrANAM paramaM mantraM rahasyaM sarvadehinAm || 20||
sarvarogaprashamanaM sarvavyAdhi  vinAshanam |
sarvapuNya pradaM divyaM subhagaishvarya vardhanam || 21||
sarvatra shubhadaM nityaM yaH paThedvajrapa~njaram |
subrahmaNyassusamprIto vA~nChitArthAn prayachChati || 22||
dehAnte muktimApnoti skandavarmAnubhAvataH || 
   || iti skAnde agastya nArada sa.nvAde shivaproktaM 
              subrahmaNya kavachaM sampUrNam || 

##

Encoded and proofread by N.Balasubramanian bbalu@satyam.net.in

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}