% Text title            : Shri Subrahmanya Kavacham 3
% File name             : subrahmaNyakavacham3.itx
% Category              : subrahmanya, kavacha
% Location              : doc\_subrahmanya
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan, PSA Easwaran
% Description-comments  : Sri Subrahmanya Stuti Manjari pages 114-124 (PDF pages 133-143)
% Source                : Skandapurana
% Latest update         : February 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Subrahmanya Kavacham 3 ..}##
\itxtitle{.. shrIsubrahmaNyakavacham 3 ..}##\endtitles ##
OM shrIgaNeshAya namaH |
nArada uvAcha\-
devesha shrotumichChAmi brahman vAgIsha tattvataH |
subrahmaNyasya kavachaM kR^ipayA vaktumarhasi || 1||
brahmovacha
maharShe shR^iNu madvAkyaM bahunA kiM tavAnagha |
mantrAshcha koTishaH santi shambhuviShNvAdidevatAH || 2||
sahasranAmnAM koTyashcha hya~NganyAsAshcha koTishaH |
upamantrAstvaneke cha koTishaH santi nArada || 3||
mAlAmantrAH koTishashcha hyashvamedhaphalapradAH |
kumArakavachaM divyaM bhuktimuktiphalapradam || 4||
sarvasampatkaraM shrImadvajrasArasamanvitam |
sarvAtmake shambhuputre matirastyatra kiM tava || 5||
dhanyo.asi kR^itakR^ityo.asi bhakto.asi tvaM mahAmate |
yasyedaM sharajaM janma yadi vA skanda eva cha || 6||
tenaiva labhyate chaitatkavachaM sha~Nkaroditam |
R^iShishChando devatAshcha kAryAH pUrvavadeva cha || 7||
dhyAnaM tu te pravakShyAmi yena svAmimayo bhavet |
o~NkAMrarUpiNaM devaM sarvadevAtmakaM prabhum || 8||
devasenApatiM shAntaM brahmaviShNushivAtmakam |
bhaktapriyaM bhaktigamyaM bhaktAnAmArtibha~njanam || 9||
bhavAnIpriyaputraM cha mahAbhayanivArakam |
sha~NkaraM sarvalokAnAM sha~NkarAtmAnamavyayam || 10||
sarvasampatpradaM vIraM sarvalokaikapUjitam |
evaM dhyAtvA mahAsenaM kavachaM vajrapa~njaram || 11||
paThennityaM prayatnena trikAlaM shuddhisaMyutaH |
satyaj~nAnapradaM divyaM sarvama~NgaladAyakam || 12||
asya shrIsubrahmaNyakavachastotramahAmantrasya parabrahma R^iShiH |
devI gAyatrI ChandaH | prasannaj~nAnasubrahmaNyo devatA | OM bIjaM,
shrIM shaktiH, sauM kIlakam | prasannaj~nAnasubrahmaNya prasAdasid.hdhyarthe
jape viniyogaH |
karanyAsaH\-shrIsubrahmaNyAya a~NguShThAbhyAM namaH |
shaktidharAya tarjanIbhyAM namaH | ShaNmukhAya madhyamAbhyAM namaH |
ShaTtriMshatkoNasaMsthitAya anAmikAbhyAM namaH | sarvatomukhAya
kaniShThikAbhyAM namaH | tArakAntakAya karatalakarapR^iShThAbhyAM namaH |
evaM hR^idayAdinyAsaH | bhUrbhuvassuvarom (iti digbandhaH) |
dhyAnam \-
ShaDvaktraM shikhivAhanaM triyanaM chitrAmbarAla~NkR^itaM
shaktiM vajramayIM trishUlamabhayaM kheTaM dhanushchakrakam |
pAshaM kukkuTama~NkushaM cha varadaM dorbhirdadhAnaM sadA
dhyAyAmIpsitasiddhaye shivasutaM skandaM surArAdhitam ||
dviShaDbhujaM ShaNmukhamambikAsutaM
kumAramAdityasamAnatejasam |
vande mayUrAsanamagnisambhavaM
senAnyamadyAhamabhIShTasiddhaye ||
gA~NgeyaM vahnigarbhaM sharavaNajanitaM j~nAnashaktiM kumAraM
brahmeshAnAmareDyaM guhamachalasutaM rudratejaH svarUpam |
sonAnyaM tArakaghnaM sakalabhayaharaM kArtikeyaM ShaDAsyaM
subrahmaNyaM mayUradhvajarathasahitaM devadevaM namAmi ||
kanakakuNDalamaNDitaShaNmukhaM vanajarAjivirAjitalochanam |
nishitashastrasharAsanadhAriNaM sharavaNodbhavamIshasutaM bhaje ||
(lamityAdi pa~nchapUjA |)

atha kavacham |
subrahmaNyaH shiraH pAtu shikhAM pAtu shivAtmajaH |
shivaH pAtu lalATaM me bhrUmadhyaM krau~nchadAraNaH || 13||
bhuvau pAtu kumAro me netre pAtu trinetrakaH |
pAyAdgaurIsutaH shrotre gaNDayugmaM harAtmajaH || 14||
dakShanAsApuTadvAraM prANarUpI maheshvaraH |
sarvadevAtmakaH pAtu jihvAM sArasvatapradaH || 15||
dantAn rakShatu deveshaH tAluyugmaM shivAtmajaH |
devasenApatiH pAtu chubukaM chAdrijAsutaH || 16||
pArvatInandanaH pAtu dvAvoShThau mama sarvadA |
ShaNmukho me mukhaM pAtu sarvadevashikhAmaNiH || 17||
siMhagarvApahantA me grIvAM pAtu sanAtanaH |
tArakAsurasaMhantA kaNThaM duShTAntako.avatu || 18||
subhujo me bhujau pAtu skandhamagnisuto mama |
sandhiyugmaM guhaH pAtu karau me pAtu pAvanaH || 19||
karA~NgulIH shrIkaro.avyAt surarakShaNadIkShitaH |
vakShaH sthalaM mahAsenaH tArakAsurasUdanaH || 20||
kukShiM pAtu sadA devaH subrahmaNyaH sureshvaraH |
udaraM pAtu rakShohA nAbhiM me vishvapAlakaH || 21||
lokeshaH pAtu pR^iShThaM me kaTiM pAtu dharAdharaH |
guhyaM jitendriyaH pAtu shishnaM pAtu prajApatiH || 22||
aNDadvayaM mahAdeva UruyugmaM sadA mama |
sarvabhUteshvaraH pAtu jAnuyugmamaghApahaH || 23||
ja~Nghe me vishvabhukpAtu gulphau pAtu sanAtanaH |
vallIshvaraH pAtu mama maNibandhau mahAbalaH || 24||
pAtu vallIpatiH pAdau pAdapR^iShThaM mahAprabhuH |
pAdA~NgulIH shrIkaro me indriyANi sureshvaraH || 25||
tvachaM mahIpatiH pAtu romakUpAMstu shA~NkariH |
ShANmAturaH sadA pAtu sarvadA cha harapriyaH || 26||
kArtikeyastu shuklaM me raktaM sharavaNodbhavaH |
vAchaM vAgIshvaraH pAtu nAdaM me.avyAtkumArakaH || 27||
pUrvasyAM dishi senAnIrmAM pAtu jagadIshvaraH |
AgneyyAmagnidevashcha kraturUpI parAtparaH || 28||
dakShiNasyAmugrarUpaH sarvapApavinAshanaH |
khaDgadhArI cha nairR^ityAM sarvarakShoniyAmakaH || 29||
pashchimAsyAM dishi sadA jalAdhAro jitendriyaH |
vAyavyAM prANarUpo.avyAnmahAseno mahAbalaH || 30||
uttarasyAM dishi sadA nidhikartA sa pAtu mAm |
shambhuputraH sadA pAtu dishyaishAnyAM mahAdyutiH || 31||
UrdhvaM brahmapatiH pAtu chaturmukhaniShevitaH |
adhastAtpAtu vishvAtmA sadA brahmANDabhR^itparaH || 32||
madhyaM pAtu mahAsenaH shUrasaMhArakR^itsadA |
aha~NkAraM mano buddhiM skandaH pAtu sadA mama || 33||
ga~NgAtIranivAsI mAmAdiyAme sadA.avatu |
madhyayAme surashreShThastR^itIye pAtu shAmbhavaH || 34||
dinAnte lokanAtho mAM purvarAtryAM purArijaH |
ardharAtre mahAyogI nishAnte kAlarUpadhR^it || 35||
mR^ityu~njayaH sarvakAlamantastu shikhivAhanaH |
bahiH sthitaM shaktidharaH pAtu mAM yogipUjitaH || 36||
sarvatra mAM sadA pAtu yogavidyo nira~njanaH |
pAtu mAM pa~nchabhUtebhyaH pa~nchabhUtAtmakastadA || 37||
tiShThantamagnibhUH pAtu gachChantaM shUrasUdanaH |
vishAkho.avyAchChayAnaM mAM niShaNNaM tu sureshvaraH || 38||
mArge me nIlakaNThashcha shailadurgeShu nAyakaH |
araNyadeshe durge chAbhayaM dadyAdbhayApahaH || 39||
bhAryAM putrapradaH pAtu putrAn rakShet harAtmajaH |
pashUn rakShenmahAtejA dhanaM dhanapatirmama || 40||
rAjarAjArchitaH pAtu hrasvadehaM mahAbalaH |
jIvanaM pAtu sarvesho mahAmaNivibhUShaNaH || 41||
sUryodaye tu mAM sarvo hyashvinyAdyAshcha tArakAH |
meShAdyA rAshayashchaiva prabhavAdyAshcha vatsarAH || 42||
ayane dve ShaDR^itavo mAsAshchaitramukhAstathA |
shuklakR^iShNau tathA pakShau tithayaH pratipanmukhAH || 43||
ahorAtre cha yAmAdi muhUrtA ghaTikAstathA |
kalAH kAShThAdayashchaiva ye chAnye kAlabhedakAH || 44||
te sarve guNasampannAH santu saumyAstadAj~nayA |
ye pakShiNo mahAkrUrAH uragAH krUradR^iShTayaH || 45||
ulUkAH kAkasa~NghAshcha shyenAH ka~NkAdisa.nj~nakAH |
shukAshcha sArikAshchaiva gR^idhrAH ka~NkA bhayAnakAH || 46||
te sarve skandadevasya khaDgajAlena khaNDitAH |
shatasho vilayaM yAntu bhinnapakShA bhayAturAH || 47||
ye dravyahAriNashchaiva ye cha hiMsAparA dviShaH |
ye pratyUhakarA martyA duShTamartyA durAshayAH || 48||
duShTA bhUpAlasandohAH ye bhUbhArakarAH sadA |
kAyavighnakarA ye cha ye khalA duShTabuddhayaH || 49||
ye cha mAyAvinaH krUrAH sarvadravyApahAriNaH |
ye chApi duShTakarmANo mlechChAshcha yavanAdayaH || 50||
nityaM kShudrakarA ye cha hyasmadbAdhAkarAH pare |
dAnavA ye mahAdaityAH pishAchA ye mahAbalAH || 51||
shAkinIDAkinIbhedAH vetAlA brahmarAkShasAH |
kUShmANDabhairavAdyA ye kAminI mohinI tathA || 52||
apasmAragrahA ye cha raktamAMsabhujo hi ye |
gandharvApsarasaH siddhA ye cha devasya yonayaH || 53||
ye cha pretAH kShetrapAlAH ye vinAyakasa.nj~nakAH |
mahAmeShA mahAvyAghrA mahAturagasa.nj~nakAH || 54||
mahAgovR^iShasiMhAdyAH saindhavA ye mahAgajAH |
vAnarAH shunakA ye cha varAhA vanachAriNaH || 55||
vR^ikoShTrakharamArjArAH ye chAtikShudrajantavaH |
agAdhabhUtA bhUtA~NgagrahagrAhyapradAyakAH || 56||
jvAlAmAlAshcha taDito durAtmAno.atiduHkhadAH |
nAnArogakarA ye cha kShudravidyA mahAbalAH || 57||
mantrayantrasamudbhUtAH tantrakalpitavigrahAH |
ye sphoTakA mahArogAH vAtikAH paittikAshcha ye || 58||
sannipAtashleShmakAshcha mahAduHkhakarAstathA |
mAheshvarA vaiShNavAshcha vairi~nchAshcha mahAjvarAH || 59||
chAturthikAH pAkShikAshcha mAsaShANmAsikAshcha ye |
sAMvatsarA durnivAryA jvarAH paramadAruNAH || 60||
sR^iShTakA ye mahotpAtA ye jAgratsvapnadUShakAH |
ye grahAH krUrakartAro ye vA bAlagrahAdayaH || 61||
mahAshino mAMsabhujo manobuddhIndriyApahAH |
sphoTakAshcha mahAghorAH charmamAMsAdisambhavAH || 62||
divAchorA rAtrichorA ye sandhyAsu cha dAruNAH |
jalajAH sthalajAshchaiva sthAvarA ja~NgamAshcha ye || 63||
viShapradAH kR^itrimAshcha mantratantrakriyAkarAH |
mAraNochchATanonmUladveShamohanakAriNaH || 64||
garuDAdyAH pakShijAtA udbhidashchANDajAshcha ye |
kUTayuddhakarA ye cha svAmidrohakarAshcha ye || 65||
kShetragrAmaharA ye cha bandhanopadravapradAH |
mantrA ye vividhAkArAH ye cha pIDAkarAstathA || 66||
yo choktA ye hyanuktAshcha bhUpAtAlAntarikShagAH |
te sarve shivaputrasya kavachottAraNAdiha || 67||
sahasradhA layaM yAntu dUrAdeva tirohitAH |

phalashrutiH |
ityetatkavachaM divyaM ShaNmukhasya mahAtmanaH || 68||
sarvasampatpradaM nR^iNAM sarvakAyArthasAdhanam |
sarvavashyakaraM puNyaM putrapautrapradAyakam || 69||
rahasyAtirahasyaM cha guhyAdguhyataraM mahat |
sarvedevapriyakaraM sarvAnandapradAyakam || 70||
aShTaishvaryapradaM nityaM sarvaroganivAraNam |
anena sadR^ishaM varma nAsti brahmANDagolake || 71||
satyaM satyaM punaH satyaM shR^iNu putra mahAmune |
ekavAraM japannityaM munitulyo bhaviShyati || 72||
trivAraM yaH paThennityaM gurudhyAnaparAyaNaH |
sa eva ShaNmukhaH satyaM sarvadevAtmako bhavet || 73||
paThatAM yo bhedakR^itsyAt pApakR^itsa bhaveddhruvam |
koTisa~NkhyAni varmANi nAnena sadR^ishAni hi || 74||
kalpavR^ikShasamaM chedaM chintAmaNisamaM mune |
sakR^itpaThanamAtreNa mahApApaiH pramuchyate || 75||
saptavAraM paThedyastu rAtrau pashchimadi~NmukhaH |
maNDalAnnigaDagrasto muchyate na vichAraNA || 76||
vidveShI cha bhavedvashyaH paThanAdasya vai mune |
kR^itrimANi cha sarvANi nashyanti paThanAddhruvam || 77||
yaM yaM cha yAchate kAmaM taM tamApnoti pUruShaH |
nityaM trivAraM paThanAtkhaNDayechChatrumaNDalam || 78||
dashavAraM japannityaM trikAlaj~no bhavennaraH |
indrasyendratvametena brahmaNo brahmatA.abhavat || 79||
chakravartitvametena sarveShAM chaiva bhUbhR^itAm |
vajrasAratamaM chaitatkavachaM shivabhAShitam || 80||
paThatAM shR^iNvatAM chaiva sarvapApaharaM param |
gurupUjAparo nityaM kavachaM yaH paThedidam || 81||
mAtuH stanyaM punaH so.api na pibenmunisattama |
kumArakavachaM chedaM yaH paThetsvAmisannidhau || 82||
sakR^itpaThanamAtreNa skandasAyujyamApnuyAt |
senAnIragnibhUH skandastArakArirguNapriyaH || 83||
ShANmAturo bAhuleyaH kR^ittikApriyaputrakaH |
mayUravAhanaH shrImAn kumAraH krau~nchadAraNaH || 84||
vishAkhaH pArvatIputraH subrahmaNyo guhastathA |
ShoDashaitAni nAmAni shR^iNuyAt shrAvayetsadA || 85||
tasya bhaktishcha muktishcha karasthaiva na saMshayaH |
gomUtreNa tu paktvAnnaM bhuktvA ShaNmAsato mune || 86||
sahasraM mUlamantraM cha japtvA niyamatantritaH |
saptaviMshativAraM tu nityaM yaH prapaThedidam || 87||
vAyuvegamanovegau labhate nAtra saMshayaH |
ya evaM varShaparyantaM pUjayedbhaktisaMyutaH || 88||
brahmalokaM cha vaikuNThaM kailAsaM samavApsyati |
tasmAdanena sadR^ishaM kavachaM bhuvi durlabham || 89||
yasya kasya na vaktavyaM sarvathA munisattama |
paThannityaM cha pUtAtmA sarvasiddhimavApsyati |
subrahmaNyasya sAyujyaM satyaM cha labhate dhruvam || 90||

iti shrIskandapurANAnataH shrIsubrahmaNyakavachaM sampUrNam |
##
Encoded by Sivakumar Thyagarajan
Proofread by Sivakumar Thyagarajan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}