% Text title            : Vidyarya Stotram
% File name             : vidyAryAstotram.itx
% Category              : subrahmanya
% Location              : doc\_subrahmanya
% Transliterated by     : Sivakumar Thyagarajan shivakumar24 at gmail
% Proofread by          : Sivakumar Thyagarajan, PSA Easwaran
% Latest update         : March 14, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vidyarya Stotram ..}##
\itxtitle{.. shrIvidyAryAstotram ..}##\endtitles ##
OM shrIgaNeshAya namaH |
kAmitakalpatarubhyaH kurmaH praNatiM kumAranAmabhyaH |
kulagirijAkutukebhyaH kebhyashchitkekirAjaketubhyaH || 1||
astu manastuShTayai me vastu munistutyamastamitatUstam |
dhvastasamastasapatnaM hastalasachChakti nistulaishvaryam || 2||
ekaM prashamitashokaM shrIkaNThasyAshraye triyaM tokam |
AkampitaripulokaM mA ka~nchana lekhamanyamavivekam || 3||
IkShAmahe kadAgre sAkShAllAkShAjharIsadR^ikShAbham |
rUkShAsurakulashikShAdIkShAdharamakShayokSharathabhAgyam | 4||
lambodarasahajebhyo bimbokebhyo bruve namovAkam |
bimbopamAdharebhyaH kamborAta~NkadAyikaNThebhyaH || 5||
arbhakamadbhutamekaM nirbharamantarbhajAmi bhavyArtham |
yo hi girIshAtmabhavo bhajati girIshAtmajAtmabhavabhAvam || 6||
hanta nirantaramantaH santanu devaM tamApadantakaram |
kiM tapasAnyena phalaM chintayatAmantakAntakatanUjam || 7||
rAkAshashadharasuShamAnIkAshamR^idusmitArdramukhakamalam |
shrIkAntabhAgineyaM shokAntakaraM bhaje.ahamekAntam || 8||
IDe hR^itabhavapAshaM surapR^itaneshaM kR^itAsuravinAsham |
uddhatarAjasadeshaM veshaM veshaM vR^ithaivamAnesham || 9||
manasA vachasA shirasA chintaya sa~NkIrtayAnama kumAram |
jhaTiti sa vimatAnhatvA bhagavAnkuryAdabhIShTaghaTanAM te || 10||
harihayamukhyasurANAmaribhayashAntipradAnaniShNAtaH |
giritanayA.a.atmabhavo mAM bharitadayApA~NgagocharIkuryAt | 11|
abhimataphalado devairabhinutamahimA mamAstu sa kumAraH |
yasya shikhI jiShNurbhajati prakR^ititvamapi cha patratvam || 12||
sa jayati vichitracharitraH shAktIkAgresaro mahAvIraH |
shaMsanti yaM mahAntaH putraM cha patiM cha devavAhinyAH || 13||
amaranirAmayakandaM samaraparAbhR^itashakraripuvR^indam |
bhramaramivAdhyaravindaM shramarahitaM kuruta chetasi skandam || 14||
kA~nchana kautukalaharIM krau~nchanagachChedinIM panIpadye |
kA~nchanamaNigaNavilasatkA~nchikayA lA~nChitAmaladukUlAm || 15||
avalokaye.antaranishaM shivalokasyaikamujjvalAbharaNam |
navalohitaprakAshaM bhavalopavidhAnanipuNamagnibhuvam || 16||
haratu ripUnasmAkaM sharavaNajo bhavatu cheShTasa~NghaTakaH |
haratu himAchalatanayAniratishayapremaratnasampuTakaH | 17|
aruNaM niravadhikaruNaM sharaNAgatarakShaNe sajAgaraNam |
sharaNaM bhajAmi taruNaM hariNA~NkAbharaNahArdapariNAmam || 18||
lalite vallImilite lIyemahi mahasi bAhuleyAkhye |
ekaM yadapAdAnIchakre prakR^itIstu ShaDapi janikartR^i | 19||
aravindavairivadanaM kuruvindamadApahAraradanam |
sharadindIvaranayanaM smara vR^indArakavirodhinirmathanam || 20|
haste yasya sadA.a.aste shaktiryA kAchidapratimashaktiH |
bhUbhR^idbhedanachu~nchustaM chumbatu mAnasaM chirAya mama | 21|
ramaNIyAnanaShaTkaM rabhasavidIrNAsurotkarapR^iShatkam |
bhajatAnatabharaNotkaM bhagavantaM kArtikeyamapakalakam || 22||
IshAnAtmajamIDe kleshAnantaM nayetsa mama sarvAn |
bandhUkAbhaH sAyaMsandhyAsamayo yathAtapodgArAn || 23||
manmathamathanatanUje manmanaso ratiranArataM bhavatu |
unmadakhalajanabhayade sanmatirAjIvinIdinAdhIshe || 24||
sahasA nihatasapatnA mahasAM nidhayo mahAmahAnandAH |
iha sAmrAjyamakhaNDaM guha sAnatayo janAHprapadyante || 25||
a~NgAnama gA~NgayaM bha~NgAkaTabha~NgadAyakA~NgAbham |
bhR^i~NgAbhirAmakeshaM shR^i~NgArAdvaitachArumukhachandram || 26||
kalaye kapAliputraM karuNApAtraM kalApivarapatram |
kalimaladArulavitraM kamalasunetraM kalAdharasuvaktram || 27||
asmi nilIye tasmin susmitamukhasArase surAbhayade |
asurasamUhAsurasaprasR^imaratarShaprachaNDabhujabhujage || 28||
lokottaramavaloke lohitaruchi manasi kimapi taddhAma |
shokottaralo.api jano yatsmR^itimAtreNa bhavati nirvR^itadhIH || 29||
anupamasuShamasharIraM bhajata kumAraM bhavasya sukumAram |
danujavinAshavihAraM jaladhigabhIraM jagaddhitavichAram | 30|
hatavimatAvitalekhe niTilataTashrInirastashashilekhe |
mama ratirastu vishAkhe shamalatamassamudayAhimamayUkhe | 31|
re mAnasa visR^ijemAM sImAM shokasya tAvaduddAmAm |
kaumAraM smara charaNaM bhUmAnaM bhaja sukhasya chAmAnam | 32|
IshAtpituratishayitaM pa~nchamukhAtShaNmukhaM namaskurmaH |
yo.ayamadhaHkurvANo jayatitarAM nIlakaNThamuragabhujam || 33||
mahitadayAbharitamatiM vihitanatAnandamamitavIryanidhim |
vimathitavimatasamUhaM namata mahAtripurasundarIsUnum || 34||

iti shrIvidyAryAstotraM sampUrNam |

##
Entered by Sivakumar Thyagarajan
Proofread by Sivakumar Thyagarajan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}