% Text title            : Vishvamitraproktam Skanda Ashtottarashata Nama Stotram
% File name             : vishvAmitraproktaMskandAShTottarashatanAmastotram.itx
% Category              : subrahmanya, skandapurANa, aShTottarashatanAma, stotra
% Location              : doc\_subrahmanya
% Proofread by          : PSA Easwaran
% Description/comments  : skandapurANa | mAheshvarakhaNDa | kaumArikAkhaNDa | adhyAya 29/123-145||
% Latest update         : April 27, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vishvamitraproktam Skanda Ashtottarashata Nama Stotram ..}##
\itxtitle{.. vishvAmitraproktaM skandAShTottarashatanAmastotram ..}##\endtitles ##
vishvAmitrastu bhagavAnkumAraM sharaNaM gataH |
stavaM divyaM samprachakre mahAsenasya chApi saH || 123||
aShTottarashataM nAmnAM shrR^iNu tvaM tAni phAlguna |
japena yeShAM pApAni yAnti j~nAnamavApnuyAt || 124||

OM tvaM brahmavAdI tvaM brahmA brAhmaNavatsalaH |
brahmaNyo brahmadevashcha brahmado brahmasa~NgrahaH || 125||
tvaM paraM paramaM tejo ma~NgalAnAM cha ma~Ngalam |
aprameyaguNashchaiva mantrANAM mantrago bhavAn || 126||
tvaM sAvitrImayo deva sarvatraivAparAjitaH |
mantra sharvAtmako devaH ShaDakSharavatAM varaH || 127||
mAlI maulI patAkI cha jaTI muNDI shikhaNDyapi |
kuNDalI lA~NgalI bAlaH kumAraH pravaro varaH || 128||
gavAmputraH surArighnaH sambhavo bhavabhAvanaH |
pinAkI shatruhA shveto gUDhaH skandaH karAgraNIH || 129||
dvAdasho bhUrbhuvo bhAvI bhuvaH putro namaskR^itaH |
nAgarAjaH sudharmAtmA nAkapR^iShThaH sanAtanaH || 130||
tvaM bhartA sarvabhUtAtmA tvaM trAtA tvaM sukhAvahaH |
sharadakShaH shikhI jetA ShaDvaktro bhayanAshanaH || 131||
hemagarbho mahAgarbho jayashcha vijayeshvaraH |
tvaM kartA tvaM vidhAtA cha nityo nityArimardanaH || 132||
mahAseno mahAteja vIrasenashcha bhUpatiH |
siddhAsanaH surAdhyakSho bhImaseno nirAmayaH || 133||
shauriryadurmahAtejA vIryavAnsatyavikramaH |
tejogarbho.asuraripuH suramUrtiH surorjjitaH || 134||
kR^itaj~no varadaH satyaH sharaNyaH sAdhuvatsalaH |
suvrataH sUryasa~NkAsho vahnigarbhaH kaNo bhuvaH || 135||
pippalI shIghrago raudrI gA~Ngeyo ripudAraNaH |
kArttikeyaH prabhuH kShantA nIladaMShTro mahAmanAH || 136||
nigraho nigrahANAM cha netA tvaM suranandanaH |
pragrahaH paramAnandaH krodhaghnastAra uchChritaH || 137||
kukkuTI bahulI divyaH kAmado bhUrivardhanaH |
amogho.amR^itado hyagniH shatrughnaH sarvamodanaH || 138||
avyayo hyamaraH shrImAnunnato hyagnisambhavaH |
pishAcharAjaH sUryAbhaH shivAtmA shivanandanaH || 139||
apArapAro durj~neyaH sarvabhUtahite rataH |
agrAhyaH kAraNaM kartA parameShThI paraM padam || 140||
achintyaH sarvabhUtAtmA sarvAtmA tvaM sanAtanaH |
evaM sa sarvabhUtAnAM saMstutaH parameshvaraH || 141||
nAmnAmaShTashatenAyaM vishvAmitramaharShiNA |
prasannamUrtirAhedaM munIndraM vriyatAmiti || 142||
mama tvayA dvijashreShTha stutireShA nirUpitA |
bhaviShyati mano.abhIShTaprAptaye prANinAM bhuvi || 143||
vivardhate kule lakShmIstasya yaH prapaThedimam |
na rAkShasAH pishAchA vA na bhUtAni na chApadaH || 144||
vighnakArINi tadgehe yatraiva saMstuvanti mAm |
duHsvapnaM cha na pashyetsa baddho muchyate bandhanAt || 145||
stavasyAsya prabhAveNa divyabhAvaH pumAnbhavet ||

iti shrIskandapurANe mAheshvarakhaNDe, kaumArikAkhaNDe,
ekonatriMshAdhyAyAntargataM vishmitraproktaM skandAShTottara\-
shatanAmastotraM samAptam |

skandapurANa | mAheshvarakhaNDa | kaumArikAkhaNDa | adhyAya 29/123\-145||
##
skandapurANa . mAheshvarakhaNDa . kaumArikAkhaNDa . adhyAya 29/123-145..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}