% Text title            : Ashrama Upanishad
% File name             : AshramopaniShat.itx
% Category              : upanishhat
% Location              : doc\_upanishhat
% Transliterated by     : Sunder Hattangadi
% Proofread by          : Sunder Hattangadi
% Description/comments  : Atharva Veda upanishad
% Latest update         : March 21, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ashrama Upanishad ..}##
\itxtitle{.. AshramopaniShat ..}##\endtitles ##
sarvAshramAH samabhavan yasmAtso.ayaM janArdanaH |
kaivalyAvAptaye bhUyAtsadAchAraratAnhi tAn  || 1||

OM bhadra.n karNebhiH shruNuyAma devAH |
bhadra.n pashyemAkShabhiryajatrAH |
sthiraira~NgaistuShTuvA.nsastanUbhirvyashema devahita.n yadAyuH |
svasti na indro vR^iddhashravAH |  svasti naH pUShA vishvavedAH |
svasti nastArkShyo ariShTanemiH | svasti no bR^ihaspatirdadhAtu ||
OM shAntiH shAntiH shAntiH ||

hariH OM || athAtashchatvAra AshramAH ShoDashabhedA bhavanti |
tatra brahmashchAriNashchaturvidhA bhavanti gAyatro brAhmaNaH
prAjApatyo bR^ihanniti | ya upanayanAdUrdhvaM trirAtramakShAralavaNAshI
gAyatrImantre sa gAyatraH | yo.aShTAchatvAriMshadvarShANi vedabrahmacharyaM
charetprativedaM dvAdasha vA yAvadgrahaNAntaM vA vedasya sa brAhmaNaH |
svadAnirata R^itukAlAbhigAmI sadA paradAravarjI prAjApatyaH | athavA
chaturviMshativarShANi gurukulavAsI brAhmaNo.aShTAchatvAriMshadvarShavAsI
cha prAjApatyaH | A prAyaNAdguroraparityAgI naiShThiko bR^ihanniti  ||  1||

gR^ihasthA api chaturvidhA bhavanti \-\-\-vArtAkavR^ittayaH
shAlInavR^ittayo yAyAvarA ghorasannyAsikAshcheti | tatra vArtAkavR^ittayaH
kR^iShigorakShavANijyamagarhitamupayu~njAnAH shatasaMvatsarAbhiH
kriyAbhiryajanta AtmAnaM prArthayante | shAlInavR^ittayo yajanto na
yAjayanto.adhIyAnA nAdhyApayanto dadato na pratigR^ihNantaH shatasaMvatsarAbhiH
kriyAbhiryajanta AtmAnaM prArthayante | yAyAvaro yajanto yAjayanto.adhIyAnA
adhyApayanto dadataH pratigR^ihNantaH shatasaMvatsarAbhiH kriyAbhiryajanta
AtmAnaM prArthayante | ghorasannyAsikA uddhR^itaparipUtAbhiradbhiH kAryaM
kurvantaH pratidivasamAhR^ito~nChavR^ittimupayu~njAnAH shatasaMvatsarAbhiH
kriyAbhiryajanta AtmAnaM prArthayante  || 2||

vAnaprasthA api chaturvidhA bhavanti  vaikhAnasA
akR^iShTapachyauShadhivanaspatibhirgrAmabahiShkR^itAbhiragniparicharaNaM
kR^itvA pa~nchamahAyaj~nakriyAM nirvartayanta AtmAnaM prArthayante |
udumbarAH prAtarutthAya yAM dishamabhiprekShante tadAhR^itodumbarabadara\-
nIvArashyAmAkairagniparicharaNaM kR^itvA pa~nchamahAyaj~nakriyAM nirvartayanta
AtmAnaM prArthayante | bAlakhilyA jaTAdharAshchIracharmavalkalaparivR^itAH
kArtikyAM paurNamAsyAM puShpaphalamutsR^ijantaH sheShAnaShTau
mAsAn vR^ittyupArjanaM kR^itvA.agniparicharaNaM kR^itvA
pa~nchamahAyaj~nakriyAM nirvartayanta AtmAnaM prArthayante | phenapA
unmattakAH shIrNaparNaphalabhojino yatra yatra vasanto.agniparicharaNaM
kR^itvA pa~nchamahAyaj~nakriyAM nirvartayanta AtmAnaM prArthayante  || 3||

parivrAjakA api chaturvidhA bhavanti\-\-\-kuTIcharA
bahUdakA haMsAH paramahaMsAshcheti | tatra kuTIcharAH
svaputragR^iheShu bhikShAcharyaM charanta AtmAnaM prArthayante |
bahUdakAstridaNDakamaNDalushikyapakShajalapavitrapAtrapAdukAsanashikhAyaj~nopavItakaupIna\-
kAShAyaveShadhAriNaH sAdhuvR^itteShu brAhmaNakuleShu bhaikShAcharyaM
charanta AtmAnaM prArthayante | haMsA ekadaNDadharAH shikhAvarjitA
yaj~nopavItadhAriNaH shikyakamaNDaluhastA grAmaikarAtravAsino
nagare tIrtheShu pa~ncharAtraM vasanta ekarAtradvirAtrakR^ichChra\-
chAndrAyaNAdi charanta AtmAnaM prArthayante | paramahaMsA
nadaNDadharA muNDAH kanthAkaupInavAsaso.avyaktali~NgA
avyaktAchArA anunmattA unmattavadAcharantastridaNDa\-
kamaNDalushikyapakShajalapavitrapAtrapAdukAsanashikhAyaj~nopavItAnAM
tyAginaH shUnyAgAradevagR^ihavAsino na teShAM dharmo nAdharmo
na chAnR^itaM sarvaMsahAH sarvasamAH samaloShTAshmakA~nchanA
yathopapannachAturvarNyabhaikShAcharyaM charanta AtmAnaM mokShayanta AtmAnaM
mokShayanta iti  || 4|| OM tatsadityupaniShat  ||

OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNAmevAshiShyate ||
OM shAntiH shAntiH shAntiH ||

ityAtharvaNIyAshramopaniShatsamAptA  ||
##

Encoded and proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}