% Text title            : IshAvAsyopanishat (shAnkarabhAShya 2)
% File name             : IshAvAsyopanishadshAnkarabhAShya.itx
% Category              : upanishhat, shankarAchArya, bhAShya
% Location              : doc\_upanishhat
% Transliterated by     : svAminI tattvapriyAnanda tattvapriya3108 at gmail.com
% Proofread by          : svAminI tattvapriyAnanda
% Acknowledge-Permission: svAminI tattvapriyAnanda
% Latest update         : August 25, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ishavasyopanishat with Shankarabhashya ..}##
\itxtitle{.. IshAvAsyopaniShat shA~NkarabhAShyasahitA ..}##\endtitles ##
IshAvAsyopaniShat (1) 
OM pUrNamadaH pUrNamidaM pUrNAtpUrNamudachyate | pUrNasya pUrNamAdAya pUrNamevAvashiShyate ||
OM shAntiH shAntiH shAntiH ||
IshAdimantrANAM viniyogaH
\ldq{}IshA vAsyam\rdq{} ityAdayo mantrAH karmasvaviniyuktAH | teShAmakarma\-sheShasyAtmano yAthAtmya\-prakAshakatvAt | yAthAtmyaM chAtmanaH shuddhatvApApa\-viddhatvaikatva\-nityatvAsharIratva\-sarva\-gatatvAdi vakShyamANam | tachcha karmaNA virudhyeteti yukta evaiShAM karmasvaviniyogaH |
na hi evaM\-lakShaNamAtmano yAthAtmyamutpAdyaM vikAryamApyaM saMskAryaM karttR^i\-bhoktR^i\-rUpaM vA, yena karma\-sheShatA syAt | sarvAsAmupaniShadAmAtma\-yAthAtmya\-nirUpaNenaiva upakShayAt | gItAnAM mokSha\-dharmANAM chaivaM\-paratvAt | tasmAdAtmano.anekatva\-karttR^itva\-bhoktR^itvAdi cha, ashuddhatva\-pApa\-viddhatvAdi cha, upAdAya loka\-buddhi\-siddhaM karmANi vihitAni |
karmAdhikAraH
yo hi karma\-phalenArthI dR^iShTena brahma\-varchasAdinA, adR^iShTena svargAdinA cha, \ldq{}dvi\-jAtirahaM, na kANa\-kubjatvAdyanadhikAra\-prayojaka\-dharmavAn\rdq{} ityAtmAnaM manyate so.adhikriyate karmasu iti hyadhikAra\-vido vadanti |
anubandhachatuShTayaM
tasmAdete mantrA Atmano yAthAtmya\-prakAshanenA.a.atma\-viShayaM svAbhAvikamaj~nAnaM nivarttayantaH shoka\-mohAdi\-saMsAra\-dharma\-vichChitti\-sAdhanaM AtmaikatvAdi\-vij~nAnaM utpAdayanti, ityevamuktAdhikAryabhidheya\-sambandha\-prayojanAn mantrAn sa~NkShepato vyAkhyAsyAmaH ||
OM
IshA vAsyamida{\m+}sarvaM yatki~ncha jagatyAM jagat |
tena tyaktena bhu~njIthA mA gR^idhaH kasyasviddhanam || 1||
IshAvAsyamityAdi. (2) | IshA IShTe iti IT, teneshA | IshitA parameshvaraH paramAtmA sarvasya | sa hi sarvamIShTe sarva\-jantUnAmAtmA san pratyagAtmatayA | tena svena rUpeNAtmanA IshA vAsyaM AchChAdanIyam | kim?
idaM sarvaM yatki~ncha yatki~nchit jagatyAM pR^ithivyAM jagat tatsarvam | svenAtmanA Ishena pratyagAtmatayA \ldq{}ahamevedaM sarvam\rdq{} iti paramArtha\-satya\-rUpeNAnR^itamidaM sarvaM charAcharamAchChAdanIyaM svena (3) paramAtmanA | yathA chandanAgarvAdeH udakAdi\-sambandhaja\-kledAdijamaupAdhikaM daurgandhyaM tatsvarUpa\-nigharShaNenAchChAdyate svena pAramArthikena gandhena, tadvad eva hi svAtmanyadhyastaM svAbhAvikaM kartR^itva\-bhoktR^itvAdi\-lakShaNaM jagad dvaita\-rUpaM jagatyAM pR^ithivyAM \- \ldq{}jagatyAm\rdq{} ityupalakShaNArthatvAtsarvameva nAma\-rUpa\-karmAkhyaM vikAra\-jAtaM (4) \- paramArtha\-satyAtma\-bhAvanayA tyaktaM syAt |
evamIshvarAtma\-bhAvanayA yuktasya putrAdyeShaNA\-traya\-sa.nnyAse evAdhikAraH, na karmasu | tena tyaktena tyAgenetyarthaH | na hi tyakto mR^itaH putro vA bhR^ityo vA Atma\-sambandhitAyAH (5) abhAvAdAtmAnaM pAlayati | ataH \ldq{}tyAgena\rdq{} ityayameva vedArthaH | bhu~njIthAH pAlayethAH |
evaM tyaktaiShaNastvaM mA gR^idhaH (6) gR^idhimAkA~NkShAM mA kArShIH dhana\-viShayAm | kasyasviddhanaM (7) kasyachit parasya svasya vA dhanaM mA kA~NkShIrityarthaH | svidityanarthako nipAtaH | athavA, mA gR^idhaH | kasmAt? kasyasviddhanaM ityAkShepArthaH | na kasyachiddhanamasti, yad gR^idhyeta | \ldq{}AtmaivedaM sarvam\rdq{} (ChA\. 8\.25\.2) itIshvara\-bhAvanayA sarvaM tyaktam | ata Atmana evedaM sarvam, Atmaiva cha sarvam | ato mithyA\-viShayAM gR^idhiM mA kArShIrityarthaH || 1||
evaM \ldq{}Atma\-vidaH putrAdyeShaNA\-traya\-sa.nnyAsenAtma\-j~nAna\-niShThatayA AtmA rakShitavyaH\rdq{} ityeSha vedArthaH | atha itarasya anAtmaj~natayA.a.atma\-grahaNAyAshaktasya idamupadishati mantraH \-
kurvanneveha karmANi jijIviShechChata{\m+}samAH |
evaM tvayi nAnyatheto.asti na karma lipyate nare || 2||
kurvanniti | kurvanneva (8) iha nirvarttayanneva karmANi agnihotrAdIni jijIviShet jIvitumichChet shataM shata\-sa~NkhyAkAH samAH saMvatsarAn | tAvaddhi puruShasya paramAyurnirUpitam | tathA cha prAptAnuvAdena yajjijIviShet shataM varShANi tatkurvanneva karmANItyetadvidhIyate |
evaM evaM\-prakAreNa (9) tvayi jijIviShati nare nara\-mAtrAbhimAnini itaH etasmAd agnihotrAdIni karmANi kurvato varttamAnAt prakArAd anyathA prakArAntaraM na asti, yena prakAreNAshubhaM karma na lipyate | karmaNA na lipyata ityarthaH | ataH shAstra\-vihitAni karmANyagnihotrAdIni kurvanneva jijIviShet |
j~nAnakarmasamuchchayakhaNDanaM
prashnaH
kathaM punaridamavagamyate \ldq{}pUrveNa mantreNa sa.nnyAsino j~nAna\-niShThoktA, dvitIyena tadashaktasya karma\-niShThA\rdq{} iti?
uttaraM
j~nAnakarmavibhAgaH
uchyate | j~nAna\-karmaNorvirodhaM parvatavad akampyaM yathoktaM na smarasi kim? ihApyuktaM \- \ldq{}yo hi jijIviShet sa karmANi kurvan\rdq{} iti, \ldq{}IshA vAsyamidaM sarvam\rdq{}, \ldq{}tena tyaktena bhu~njIthAH mA gR^idhaH kasyasviddhanam\rdq{} (I\. 1) iti cha | \ldq{}na jIvite maraNe vA gR^idhiM kurvItAraNyamiyAt iti cha (10) padam, tato na punariyAt\rdq{} iti sa.nnyAsa\-shAsanAt | ubhayoH phala\-bhedaM cha vakShyati (7, 18) | \ldq{}imau dvAveva panthAnAvanuniShkrAntatarau bhavataH kriyA\-pathashchaiva purastAt sannyAsashchottareNa\rdq{}. nivR^itti\-mArgeNa eShaNA\-trayasya tyAgaH | tayoH sannyAsa\-patha evAtirechayati | \ldq{}nyAsa evAtyarechayat\rdq{} (ma\.nA\. 4\.78) iti cha taittirIyake | \ldq{}dvAvimAvatha panthAnau yatra vedAH pratiShThitAH | pravR^itti\-lakShaNo dharmo nivR^ittishcha vibhAShitaH \ldq{} (ma\.bhA\.shA\. 241\.6) ityAdi putrAya vichArya nishchitamuktaM vyAsena vedAchAryeNa bhagavatA | vibhAgaM chAnayoH pradarshayiShyAmaH (navama\-mantra\-vyAkhyAnAvataraNikAyAm, antima\-mantra\-vyAkhyAne cha) || 2||
athedAnImavidvannindArtho.ayaM mantra Arabhyate \-
asuryA nAma te lokA andhena tamasA.a.avR^itAH |
tA{\m+}ste pretyAbhigachChanti ye ke chA.a.atmahano janAH || 3||
asuryAH paramAtma\-bhAvamadvayamapekShya devAdayo.apyasurAH | teShAM cha sva\-bhUtA lokA asuryAH nAma | nAma\-shabdo.anarthako nipAtaH | te lokAH karma\-phalAni | lokyante dR^ishyante bhujyanta iti janmAni | andhena adarshanAtmakenAj~nAnena tamasA AvR^itAH AchChAditAH | tAn sthAvarAntAn pretya tyaktvemaM dehaM abhigachChanti yathA\-karma yathA\-shrutaM (ka\. 2\.2\.7) | ye ke cha AtmahanaH AtmAnaM ghnantItyAtmahanaH | ke? te janAH ye.avidvAMsaH | kathaM te AtmAnaM nityaM hiMsanti? avidyA\-doSheNa vidyamAnasyAtmanaH tiraskaraNAt | vidyamAnasyAtmano yatkAryaM phalamajarAmaratvAdi\-saMvedana\-lakShaNam, tat hatasya iva tirobhUtaM bhavatIti prAkR^itA avidvAMso janA Atmahana ityuchyante | tena hyAtma\-hanana\-doSheNa saMsaranti te || 3||
yasyAtmano hananAdavidvAMsaH saMsaranti, tadviparyayeNa vidvAMso janA muchyante te nAtmahanaH (12) , tatkIdR^ishamAtma\-tattvamiti? uchyate \-
anejadekaM manaso javIyo nainaddevA ApnuvanpUrvamarShat |
taddhAvato.anyAnatyeti tiShThattasminnapo mAtarishvA dadhAti || 4||
anejaditi | anejat na ejat | \ldq{}ejR^i kampane\rdq{}. kampanaM chalanaM, svAvasthA\-prachyutiH, tadvarjitam | sarvadaika\-rUpamityarthaH | tachcha ekaM sarva\-bhUteShu | manasaH sa~NkalpAdi\-lakShaNAd javIyaH javavattaram |
AkShepaH
kathaM viruddhamuchyate \- \ldq{}dhruvaM nishchalamidam\rdq{}, \ldq{}manaso javIyaH\rdq{}, iti cha?
samAdhAnaM
naiSha doShaH | nirupAdhyupAdhimattvenopapatteH | tatra nirupAdhikena svena rUpeNochyate \ldq{}anejadekam\rdq{} iti | manaso.antaH\-karaNasya sa~Nkalpa\-vikalpa\-lakShaNasyopAdheH anu\-varttanAt (13) | iha dehasthasya manaso brahma\-lokAdi\-dUra\-gamanaM sa~Nkalpena kShaNa\-mAtrAd bhavatItyato manaso javiShThatvaM loke prasiddham | tasminmanasi brahma\-lokAdIn drutaM gachChati sati, prathama\-prAptaH iva Atma\-chaitanyAvabhAso gR^ihyate | ataH \ldq{}manaso javIyaH\rdq{} ityAha |
na enad devAH dyotanAddevAH chakShurAdInIndriyANi, etat prakR^itamAtma\-tattvaM na Apnuvan na prAptavantaH | tebhyo mano javIyaH | mano\-vyApAra\-vyavahitatvAd AbhAsa\-mAtramapyAtmanaH (14) naiva devAnAM viShayI\-bhavati | yasmAd javanAnmanaso.api pUrvamarShat pUrvameva gataM, vyomavad vyApitvAt |
sarva\-vyApi tadAtma\-tattvaM sarva\-saMsAra\-dharma\-varjitaM svena nirupAdhikena svarUpeNa avikriyameva sat, upAdhi\-kR^itAH sarvAH saMsAra\-vikriyA anubhavati iva (15) avivekinAM mUDhAnAmanekaM iva cha prati\-dehaM pratyavabhAsata ityetadAha \- tad dhAvataH drutaM gachChataH anyAn Atma\-vilakShaNAn mano\-vAgindriya\-prabhR^itIn atyeti atItya gachChati iva | ivArthaM svayameva darshayati \- \ldq{}tiShThat\rdq{} iti, svayamavikriyameva sadityarthaH |
tasmin Atma\-tattve sati nitya\-chaitanya\-svabhAve, mAtarishvA mAtari antarikShe shvayati gachChatIti mAtarishvA vAyuH, sarva\-prANa\-bhR^it, kriyAtmakaH | yadAshrayANi kArya\-karaNa\-jAtAni yasminnotAni protAni cha, yatsUtra\-sa.nj~nakaM sarvasya jagato vidhArayitR^i, sa mAtarishvA | apaH karmANi prANinAM cheShTA\-lakShaNAni, agnyAditya\-parjanyAdInAM jvalana\-dahana\-prakAshAbhivarShaNAdi\-lakShaNAni | dadhAti vibhajati ityarthaH | dhArayatIti vA | \ldq{}bhIShAsmAdvAtaH pavate\rdq{} (tai\. 2\.8\.1) ityAdi\-shrutibhyaH | sarvA hi kArya\-karaNAdi\-vikriyA nitya\-chaitanyAtma\-svarUpe sarvAspada\-bhUte satyeva bhavantItyarthaH || 4||
na mantrANAM jAmitAstIti pUrvamantroktamapyarthaM punarAha \-
tadejati tannaijati taddUre tadvantike |
tadantarasya sarvasya tadu sarvasyAsya bAhyataH || 5||
tadejatIti | tad Atma\-tattvaM yatprakR^itaM tad ejati chalati, tad eva cha naijati svato naiva chalati | svato.achalameva sat, chalati iva ityarthaH | ki~ncha, tad dUre varSha\-koTi\-shatairapyaviduShAM aprApyatvAd dUre iva | tad u antike iti chChedaH | tadu antike samIpe.atyantameva viduShAmAtmatvAt | na kevalaM dUre, antike cha | tad antaH abhyantare asya sarvasya | \ldq{}ya AtmA sarvAntaraH\rdq{} (bR^i\. 3\.4\.1) iti shruteH | asya sarvasya jagato nAma\-rUpa\-kriyAtmakasya tad u api sarvasya asya bAhyataH | vyApakatvAdAkAshavad niratishaya\-sUkShmatvAd antaH | \ldq{}praj~nAna\-ghana eva\rdq{} (bR^i\. 4\.5\.13) iti cha shAsanAnnirantaraM cha || 5||
yastu sarvANi bhUtAnyAtmanyevAnupashyati |
sarvabhUteShu chAtmAnaM tato na vijugupsate || 6||
yastu yaH parivrAT mumukShuH sarvANi bhUtAni avyaktAdIni sthAvarAntAni Atmanyeva anupashyati | Atma\-vyatiriktAni na pashyatItyarthaH | sarvabhUteShu cha teShveva cha AtmAnaM teShAmapi bhUtAnAM svamAtmAnamAtmatvena (16) , \ldq{}yathAsya dehasya kArya\-karaNa\-sa~NghAtasya AtmA ahaM sarva\-pratyaya\-sAkShi\-bhUtashchetayitA kevalo nirguNaH, anenaiva svarUpeNAvyaktAdInAM sthAvarAntAnAmahamevAtmA\rdq{} iti sarva\-bhUteShu chAtmAnaM nirvisheShaM yastvanupashyati saH tataH tasmAdeva darshanAd na vijugupsate vijugupsAM ghR^iNAM na karoti | prAptasyaivAnuvAdo.ayam | sarvA hi ghR^iNA Atmano.anyad duShTaM pashyato bhavati | AtmAnamevAtyanta\-vishuddhaM nirantaraM pashyato na ghR^iNA\-nimittaM arthAntaraM astIti prAptameva \ldq{}tato na vijugupsate\rdq{} iti || 6||
imamevArthamanyo.api mantra Aha \-
yasminsarvANi bhUtAnyAtmaivAbhUdvijAnataH |
tatra ko mohaH kaH shokaH ekatvamanupashyataH || 7||
yasminsarvANi bhUtAni | yasmin kAle yathoktAtmani vA, tAnyeva bhUtAni sarvANi paramArthAtma\-darshanAt AtmaivAbhUt Atmaiva saMvR^ittaH, paramArtha\-vastu vijAnataH, tatra tasminkAle tatrAtmani vA, ko mohaH kaH shokaH | shokashcha mohashcha kAma\-karma\-bIjaM ajAnato bhavati | na tu Atma\-ekatvaM vishuddhaM gaganopamaM pashyataH | \ldq{}ko mohaH kaH shokaH\rdq{} iti shoka\-mohayoravidyA\-kAryayorAkShepeNAsambhava\-pradarshanAt sakAraNasya saMsArasya atyantamevochChedaH pradarshito bhavati || 7||
yo.ayamatItairmantrairuktaH AtmA, sa svena rUpeNa kiM\-lakShaNa ityAha ayaM mantraH \-
sa paryagAchChukramakAyamavraNaM
asnAvira{\m+}shuddhamapApaviddham |
kavirmanIShI paribhUH svayambhUH
yAthAtathyato.arthAnvyadadhAchChAshvatIbhyaH samAbhyaH || 8||
sa paryagAt | saH yathokta AtmA paryagAt pari samantAd agAt gatavAn | AkAshavad vyApItyarthaH | shukraM shuddhaM jyotiShmat | dIptimAnityarthaH | akAyaM asharIraH | li~Nga\-sharIra\-varjita ityarthaH | avraNaM akShatam | asnAviraM snAvAH (17) shirAH yasminna vidyanta ityasnAviram | avraNamasnAviramityAbhyAM sthUla\-sharIra\-pratiShedhaH | shuddhaM nirmalamavidyA\-mala\-rahitamiti kAraNa\-sharIra\-pratiShedhaH | apApaviddhaM dharmAdharmAdi\-pApa\-varjitam | shukramityAdIni vachAMsi pu.Nlli~Ngatvena pariNeyAni, \ldq{}sa paryagAt\rdq{} ityupakramya \ldq{}kavirmanIShI\rdq{} ityAdinA pu.Nlli~NgatvenopasaMhArAt |
kaviH krAnta\-darshI sarva\-dR^ik, \ldq{}nAnyadato.asti draShTR^i\rdq{} (bR^i\. 3\.8\.11) ityAdi\-shruteH | manIShI manasa IShitA, sarvaj~naH Ishvara ityarthaH | paribhUH sarveShAM pari upari bhavatIti paribhUH | svayambhUH svayameva bhavatIti | yeShAmupari bhavati, yashchopari bhavati sa sarvaH svayameva bhavatIti svayambhUH |
sa nitya\-mukta IshvaraH yAthAtathyataH sarvaj~natvAt yathA\-tathA\-bhAvo yAthAtathyaM tasmAt yathA\-bhUta\-karma\-phala\-sAdhanataH arthAn karttavya\-padArthAn vyadadhAt vihitavAn, yathAnurUpaM vyabhajadityarthaH | shAshvatIbhyaH nityAbhyaH samAbhyaH saMvatsarAkhyebhyaH prajApatibhyaH ityarthaH || 8||
IshAvAsyopaniShadvibhAgaH
atrAdyena mantreNa sarvaiShaNA\-parityAgena j~nAna\-niShThoktA prathamo vedArthaH, \ldq{}IshA vAsyamidaM sarvam ||mA gR^idhaH kasya sviddhanam\rdq{} (I\. 1) iti | aj~nAnAM jijIviShUNAM j~nAna\-niShThA.asambhave \ldq{}kurvanneveha karmANi jijIviShet\rdq{} (I\. 2) iti karma\-niShThoktA dvitIyo vedArthaH |
bR^ihadAraNyake pravR^ittimArgapradarshanaM
anayoshcha niShThayorvibhAgo mantra\-dvaya\-pradarshitayorbR^ihadAraNyake.api pradarshitaH \- \ldq{}so.akAmayata jAyA me syAt\rdq{} (bR^i\. 1\.4\.17) ityAdinA aj~nasya kAminaH karmANIti | \ldq{}mana evAsyAtmA vAgjAyA\rdq{} (bR^i\. 1\.4\.17) ityAdi\-vachanAdaj~natvaM kAmitvaM cha karma\-niShThasya nishchitaM avagamyate | tathA cha tatphalaM saptAnna\-sargaH | teShvAtma\-bhAvena (18) Atma\-svarUpAvasthAnam |
bR^ihadAraNyake nivR^ittimArgapradarshanaM
jAyAdyeShaNA\-traya\-sa.nnyAsena chAtma\-vidAM karma\-niShThA\-prAtikUlyena Atma\-svarUpa\-niShThaiva darshitA \- \ldq{}kiM prajayA kariShyAmo yeShAM no.ayamAtmAyaM lokaH\rdq{} (bR^i\. 4\.4\.22) ityAdinA |
IshAvAsye pradarshita\-j~nAnayoga\-vivaraNaM
ye tu j~nAna\-niShThAH sa.nnyAsinaH tebhyaH 4\.3 \ldq{}asuryA nAma te\rdq{} (I\. 3) ityAdinA avidvannindA\-dvAreNAtmano yAthAtmyaM \ldq{}sa paryagAt\rdq{} (I\. 8) ityetadantairmantraiH upadiShTam | te hyatrAdhikR^itA na kAmina iti | tathA cha shvetAshvatarANAM mantropaniShadi \ldq{}atyAshramibhyaH paramaM pavitraM provAcha samyagR^iShi\-sa~Ngha\-juShTam\rdq{} (shve\. 6\.21) ityAdi vibhajyoktam |
IshAvAsye pradarshita\-karmayoga\-vivaraNaM
ye tu karmiNaH karma\-niShThAH karma kurvanta eva jijIviShavaH tebhya idamuchyate \- \ldq{}andhaM tamaH\rdq{} ityAdi |
brahmavidyA\-karmasamuchchayakhaNDanaM
AkShepaH
kathaM punarevamavagamyate, na tu sarveShAmiti?
samAdhAnaM
uchyate \- akAminaH sAdhya\-sAdhana\-bhedopamardena \ldq{}yasmin sarvANi bhUtAni AtmaivAbhUdvijAnataH | tatra ko mohaH kaH shoka ekatvamanupashyataH\rdq{} (I\. 7) iti yadAtmaikatva\-vij~nAnamuktaM, tanna kenachitkarmaNA j~nAnAntareNa vA hyamUDhaH samuchchichIShati | iha tu samuchchichIShayA avidvadAdi\-nindA kriyate | tatra cha yasya yena samuchchayaH sambhavati, nyAyataH shAstrato vA, tadihochyate | yaddaivaM vittaM devatA\-viShayaM j~nAnaM tat karma\-sambandhitvenopanyastaM, na paramAtma\-j~nAnam | \ldq{}vidyayA deva\-lokaH\rdq{} (bR^i\. 1\.5\.16) iti pR^ithakphala\-shravaNAt |
tayorj~nAna\-karmaNoriha ekaikAnuShThAna\-nindA samuchchichIShayA, na nindA\-paraiva, ekaikasya pR^ithakphala\-shravaNAt \ldq{}vidyayA tadArohanti\rdq{} (shatapathabrA\. 10\.5\.4\.6) , \ldq{}vidyayA deva\-lokaH\rdq{} (bR^i\. 1\.5\.16) , \ldq{}na tatra dakShiNA yAnti\rdq{} (shatapathabrA\. 10\.5\.4\.6) , \ldq{}karmaNA pitR^i\-lokaH\rdq{} (bR^i\. 1\.5\.16) iti | na hi shAstra\-vihitaM ki~nchidakarttavyatAM iyAt | tatra \-
andhaM tamaH pravishanti ye.avidyAmupAsate |
tato bhUya iva te tamo ya u vidyAyA{\m+}ratAH || 9||
andhaM tamaH adarshanAtmakaM tamaH pravishanti | ke? ye avidyAM vidyAyA anyA avidyA, tAM, karmetyarthaH | karmaNo vidyA\-virodhitvAt | tAmavidyAmagnihotrAdi\-lakShaNAmeva kevalAM upAsate tatparAH santo.anutiShThantItyabhiprAyaH | tataH tasmAdandhAtmakAt tamasaH bhUya iva bahutarameva te tamaH pravishanti | ke? karma hitvA ye u ye tu vidyAyAM eva, devatA\-j~nAne eva ratAH abhiratAH || 9||
tatrAvAntara\-phala\-bhedaM vidyA (19) \-karmaNoH samuchchaya\-kAraNamAha | anyathA phalavadaphalavatoH sannihitayora~NgA~NgitA eva (20) syAdityarthaH |
anyadevAhurvidyayA.anyadAhuravidyayA |
iti shushruma dhIrANAM ye nastadvichachakShire || 10||
anyadevetyAdi | anyat pR^ithag eva vidyayA kriyate phalamiti AhuH vadanti | \ldq{}vidyayA deva\-lokaH\rdq{} (bR^i\. 1\.5\.16) \ldq{}vidyayA tadArohanti\rdq{} (shatapathabrA\. 10\.5\.4\.6) iti shruteH | anyad AhuH avidyayA karmaNA kriyate phalamiti | \ldq{}karmaNA pitR^i\-lokaH\rdq{} (bR^i\. 1\.5\.16) iti shruteH | iti evaM shushruma shrutavanto vayaM dhIrANAM dhImatAM vachanam | ye AchAryA naH asmabhyaM tat karma cha j~nAnaM cha vichachakShire vyAkhyAtavantaH., teShAmayamAgamaH pAramparyAgata ityarthaH || 10||
yata evamataH \-
vidyAM chAvidyAM cha yastadvedobhaya{\m+}saha |
avidyayA mR^ityuM tIrtvA vidyayA.amR^itamashnute || 11||
vidyAM cha avidyAM cha devatA\-j~nAnaM karma chetyarthaH | yaH tad etad ubhayaM saha ekena puruSheNa anuShTheyaM veda tasyaivaM samuchchaya\-kAriNa eva eka\-puruShArtha\-sambandhaH (21) krameNa syAdityuchyate \- avidyayA karmaNA agnihotrAdinA mR^ityuM svAbhAvikaM karma j~nAnaM cha mR^ityu\-shabda\-vAchyaM ubhayaM tIrtvA atikramya vidyayA devatA\-j~nAnena amR^itaM devatAtma\-bhAvaM ashnute prApnoti | tad.hdhyamR^itamuchyate yaddevatAtma\-gamanam || 11||
adhunA vyAkR^itAvyAkR^itopAsanayoH samuchchichIShayA pratyekaM nindochyate \-
andhaM tamaH pravishanti ye.asambhUtimupAsate |
tato bhUya iva te tamo ya u sambhUtyA{\m+}ratAH || 12||
andhaM tamaH pravishanti ye asambhUtiM \- sambhavanaM sambhUtiH, sA yasya kAryasya sA sambhUtiH, tasyA anyA asambhUtiH prakR^itiH kAraNamavidyA avyAkR^itAkhyA, tAM asambhUtimavyAkR^itAkhyAM prakR^itiM kAraNamavidyAM kAma\-karma\-bIja\-bhUtAmadarshanAtmikAM \- upAsate ye, te tadanurUpamevAndhaM tamo.adarshanAtmakaM pravishanti | tataH tasmAdapi bhUyaH bahutaramiva tamaH te pravishanti ye u sambhUtyAM kArya\-brahmaNi hiraNyagarbhAkhye ratAH || 12||
adhunA ubhayorupAsanayoH samuchchaya\-kAraNamavayava\-phala\-bhedamAha \-
anyadevAhuH sambhavAdanyadAhurasambhavAt |
iti shushruma dhIrANAM ye nastadvichachakShire || 13||
anyadeveti | anyadeva pR^ithageva AhuH phalaM sambhavAt sambhUteH kArya\-brahmopAsanAt aNimAdyaishvarya\-lakShaNaM vyAkhyAtavanta ityarthaH | tathA cha anyadAhuH asambhavAt asambhUteravyAkR^itAd avyAkR^itopAsanAt | yaduktaM \ldq{}andhaM tamaH pravishanti\rdq{} iti, \ldq{}prakR^iti\-layaH\rdq{} iti cha paurANikairuchyate | iti evaM shushruma dhIrANAM vachanaM ye naH tadvichachakShire vyAkR^itAvyAkR^itopAsana\-phalaM vyAkhyAtavanta ityarthaH || 13||
yata evamataH samuchchayaH sambhUtyasambhUtyupAsanayoryuktaH eva eka\-puruShArthatvAchchetyAha \-
 (a) sambhUtiM cha vinAshaM cha yastadvedobhaya{\m+}saha |
vinAshena mR^ityuM tIrtvA.asambhUtyA.amR^itamashnute || 14||
sambhUtiM cha vinAshaM cha yastadvedobhayaM saha, vinAshena vinAsho dharmo yasya kAryasya saH tena dharmiNA abhedenochyate \ldq{}vinAshaH\rdq{} iti | tena tadupAsanena anaishvaryamadharma\-kAmAdi\-doSha\-jAtaM cha mR^ityuM tIrtvA \- hiraNyagarbhopAsanena hyaNimAdi\-prAptiH phalam, tena anaishvaryAdi\-mR^ityumatItya \- asambhUtyA avyAkR^itopAsanayA amR^itaM prakR^iti\-laya\-lakShaNaM ashnute | \ldq{}sambhUtiM cha vinAshaM cha\rdq{} ityatrAvarNalopena (22) nirdesho draShTavyaH, prakR^iti\-laya\-phala\-shrutyanurodhAt || 14||
mAnuSha\-daiva\-vitta\-sAdhyaM phalaM shAstra\-lakShaNaM prakR^iti\-layAntam | etAvatI saMsAra\-gatiH | ataH paraM pUrvoktaM \ldq{}AtmaivAbhUdvijAnataH\rdq{} (I\. 7) iti sarvAtma\-bhAva eva sarvaiShaNA\-sa.nnyAsa\-j~nAna\-niShThA\-phalam | evaM dvi\-prakAraH pravR^itti\-nivR^itti\-lakShaNo vedArtho.atra prakAshitaH |
tatra pravR^itti\-lakShaNasya vedArthasya vidhi\-pratiShedha\-lakShaNasya kR^itsnasya prakAshane pravargyAntaM brAhmaNamupayuktam | nivR^itti\-lakShaNasya vedArthasya prakAshane ata UrdhvaM bR^ihadAraNyakaM upayuktam |
tatra niShekAdi\-shmashAnAntaM karma kurvan jijIviShedyo vidyayA saha, apara\-brahma\-viShayayA, taduktaM \- \ldq{}vidyAM chAvidyAM cha yastadvedobhayaM saha | avidyayA mR^ityuM tIrtvA vidyayA.amR^itamashnute\rdq{} (I\. 11) iti | tatra (so.adhikArI) kena mArgeNAmR^itatvamashnute? ityuchyate \- \ldq{}tadyattatsatyamasau sa Adityo ya eSha etasminmaNDale puruSho yashchAyaM dakShiNe.akShanpuruShaH\rdq{} (bR^i\. 5\.5\.2) | etadubhayaM satyaM brahmopAsInaH, yathokta\-karma\-kR^ichcha yaH, so.antakAle prApte satyAtmAnam (23) AtmanaH prApti\-dvAraM yAchate \-
hiraNmayena pAtreNa satyasyApihitaM mukham |
tattvaM pUShannapAvR^iNu satyadharmAya dR^iShTaye || 15||
hiraNmayena pAtreNa hiraNmayaM iva hiraNmayam, jyotirmayamityetat | tena pAtreNa iva apidhAna\-bhUtena satyasya eva Aditya\-maNDalasthasya brahmaNaH apihitaM AchChAditaM mukhaM dvAram | tat (24) tvaM he pUShan apAvR^iNu apasAraya satyadharmAya tava satyasyopAsanAt satyaM dharmo yasya mama so.ahaM satya\-dharmA tasmai mahyam | athavA, yathA\-bhUtasya dharmasyAnuShThAtre | dR^iShTaye tava satyAtmana upalabdhaye || 15||
pUShannekarShe yama sUrya prAjApatya vyUha rashmIn samUha tejaH |
yatte rUpaM kalyANatamaM tatte pashyAmi yo.asAvasau puruShaH so.ahamasmi || 16||
pUShanniti | he pUShan jagataH poShaNAtpUShA raviH | tathA eka eva R^iShati gachChatItyekarShiH, he ekarShe | tathA sarvasya saMyamanAdyamaH, he yama | tathA rashmInAM prANAnAM rasAnAM cha svIkaraNAt sUryaH, he sUrya | prajApaterapatyaM prAjApatyaH, he prAjApatya | vyUha vigamaya rashmIn svAn | samUha ekIkuru upasaMhara te tejaH tApakaM (25) jyotiH | yat te tava rUpaM kalyANatamaM atyanta\-shobhanam, tat te tava AtmanaH prasAdAt pashyAmi |
ki~ncha, ahaM na tu tvAM bhR^ityavad yAche, yo.asau Aditya\-maNDalasthaH vyAhR^ityavayavaH (26) puruShaH puruShAkAratvAt, pUrNaM vAnena prANa\-bud.hdhyAtmanA jagatsamastamiti puruShaH | puri shayanAdvA puruShaH | so.ahaM asmi bhavAmi || 16||
vAyuranilamamR^itamathedaM bhasmAnta{\m+}sharIram |
OM krato smara kR^ita{\m+}smara krato smara kR^ita{\m+}smara || 17||
vAyuriti | athedAnIM mama mariShyato vAyuH prANaH adhyAtma\-parichChedaM hitvA adhidaivatAtmAnaM sarvAtmakaM anilaM amR^itaM sUtrAtmAnaM, pratipadyatAmiti vAkya\-sheShaH | \ldq{}li~NgaM chedaM j~nAna\-karma\-saMskR^itamutkrAmatu\rdq{} iti draShTavyam, mArga\-yAchana\-sAmarthyAt | atha idaM sharIraM agnau hutaM bhasmAntaM bhasmAvasheShaM bhUyAt | omiti yathopAsanaM ompratIkAtmakatvAt satyAtmakaM agnyAkhyaM brahmAbhedenochyate | he krato sa~NkalpAtmaka smara yanmama smarttavyaM tasya kAlo.ayaM pratyupasthitaH | ataH smara etAvantaM kAlaM bhAvitam | kR^itaM agne smara yanmayA bAlya\-prabhR^ityanuShThitaM karma tachcha smara | krato smara kR^itaM smara iti punarvachanamAdarArtham || 17||
punaranyena mantreNa mArgaM yAchate \-
agne naya supathA rAye asmAn vishvAni deva vayunAni vidvAn |
yuyodhyasmajjuhurANameno bhUyiShThAM te nama uktiM vidhema || 18||
agne nayeti | he agne naya gamaya supathA shobhanena mArgeNa | supatheti visheShaNaM dakShiNa\-mArga\-nivR^ittyartham | nirviNNo.ahaM dakShiNena mArgeNa gatAgata\-lakShaNena | ato yAche tvAM punaH punaH gamanAgamana\-varjitena shobhanena pathA naya | rAye dhanAya, karma\-phala\-bhogAyetyarthaH | asmAn yathokta\-dharma\-phala\-vishiShTAn vishvAni sarvANi he deva vayunAni karmANi, praj~nAnAni vA vidvAn jAnan |
ki~ncha, yuyodhi viyojaya vinAshaya asmad asmattaH juhurANaM kuTilaM va~nchanAtmakaM enaH pApam | tato vayaM vishuddhAH santaH iShTaM prApsyAma ityabhiprAyaH | kintu vayamidAnIM te na shaknumaH paricharyAM kartum | bhUyiShThAM bahutarAM te tubhyaM nama\-uktiM namaskAra\-vachanaM vidhema namaskAreNa paricharema ityarthaH || 18||
\ldq{}avidyayA mR^ityuM tIrtvA vidyayAmR^itamashnute\rdq{} (I\. 11) , \ldq{}vinAshena mR^ityuM tIrtvA asambhUtyA amR^itamashnute\rdq{} (I\. 14) iti shrutvA kechit saMshayaM kurvanti | ataH tannirAkaraNArthaM (27) sa~NkShepato vichAraNAM kariShyAmaH | tatra tAvat kiM\-nimittaH saMshayaH iti? uchyate \-
AkShepaH
vidyA\-shabdena mukhyA paramAtma\-vidyaiva kasmAnna gR^ihyate, amR^itatvaM cha?
samAdhAnaM
nanu uktAyAH paramAtma\-vidyAyAH 6\.1 karmaNashcha virodhAt samuchchayAnupapattiH |
AkShepaH
satyam | virodhastu nAvagamyate, virodhAvirodhayoH shAstra\-pramANakatvAt | yathA avidyAnuShThAnaM (28) vidyopAsanaM cha shAstra\-pramANakam, tathA tadvirodhAvirodhAvapi | yathA cha \ldq{}na hiMsyAtsarvA bhUtAni\rdq{} iti shAstrAdavagataM, punaH shAstreNaiva bAdhyate \ldq{}adhvare pashuM hiMsyAt\rdq{} iti, evaM vidyAvidyayorapi (29) syAt, vidyA\-karmaNoshcha samuchchayaH |
samAdhAnaM
na | \ldq{}dUramete viparIte viShUchI avidyA yA cha vidyA\rdq{} (ka\. 1\.2\.4) iti shruteH |
AkShepaH
\ldq{}vidyAM chAvidyAM cha\rdq{} iti vachanAdavirodha iti chet |
samAdhAnaM
na | hetu\-svarUpa\-phala\-virodhAt | vidyAvidyAvirodhAvirodhayorvikalpAsambhavAt (30) 
 |
AkShepaH
samuchchaya\-vidhAnAdavirodha eveti chet |
samAdhAnaM
na | saha\-sambhavAnupapatteH |
AkShepaH
krameNaikAshraye 1\.2 syAtAM vidyAvidye iti chet |
samAdhAnaM
na | vidyotpattau avidyAyAH hyastatvAt tadAshraye.avidyAnupapatteH | na hi \ldq{}agniruShNaH prakAshashcha\rdq{} iti vij~nAnotpattau yasminnAshraye tadutpannam, tasminnevAshraye \ldq{}shIto.agniraprakAsho vA\rdq{} ityavidyAyA utpattiH | nApi saMshayaH, aj~nAnaM vA | \ldq{}yasminsarvANi bhUtAni AtmaivAbhUdvijAnataH | tatra ko mohaH kaH shoka ekatvaM anupashyataH\rdq{} (I 7) iti shoka\-mohAdyasambhava\-shruteH | avidyAsambhavAt tadupAdAnasya karmaNo.apyanupapattimavochAma | \ldq{}amR^itamashnute\rdq{} ityApekShikamamR^itam |
vidyA\-shabdena paramAtma\-vidyA\-grahaNe \ldq{}hiraNmayena\rdq{} ityAdinA dvAra\-mArgAdi\-yAchanaM anupapannaM syAt | tasmAd upAsanayA samuchchayaH, na paramAtma\-vij~nAnena, iti yathA asmAbhiH vyAkhyAta eva mantrANAmartha ityuparamyate ||

iti shrImatparamahaMsaparivrAjakAchAryasya shrIgovindabhagavatpUjyapAdashiShyasya
shrImachCha~NkarabhagavataH kR^itau IshAvAsyopaniShadbhAShyaM sampUrNam ||
\section{TippaNI}
(1) shuklayajuHsaMhItAyAH vAjasaneyIsaMhitetyaparanAmnyAH chatvAriMshadadhyAyaH (40dyaN) iyamupaniShat.) |
(2) adhunA mayA vyAkhyAyate iti sheShaH |
(3) pAThabheda \- kvachinna |
(4) jagataH idaM lakShaNam | jagad nAma nAma\-rUpa\-karmAkhyaM vikAra\-jAtam |
(5) pAThabheda \- AtmasambandhitAbhAvAdAtmAnamiti vA |
(6) ##to covet (4PP.Set) II Per.Sing.Aorist, ##lu~N (mA lu~Ni 3\.3\.175) ##, when ##mA## prefix is used with ##lu~N##, then ##lu~N## can have the meaning of ##li~N## and ##loT## .##
(7) pAThabheda \- dhanamiti na kvachit |
(8) atra kurvanneva jijIviShediti na vidhiH | jIvanechChAyAH rAgaprAptatvAt api tu yadi jijIviShet tadA kurvanneva jijIviShediti ichChAmanUdya karmakaraNaM vidhIyate | pUrvamantrasya tu mA gR^idha iti ichChAniShedhAt sa.nnyAsaviShayatvam | asya tu ichChAnuvAdAd gR^ihasthaviShayatvaM cha spaShTameva | tato mantrayoH bhinnaviShayatvAd brahmavida eva karmavidhiriti na yuktam | stutaye.anumatirvA (bra\.sU\. 3\.4\.14) iti brahmasUtre tu yadyapyatra prakaraNasAmarthyAt vidvAneva kurvan ityabhisambadhyate tathApi vidyAstutaye karmAnuj~nAnametadityuktam | tAvatA na j~nAnakarmasamuchchayaH sid.hdhyet |
(9) pAThabheda \- evamprakAre iti vA |
(10) pAThabheda \- chakAro na kvachit |
(11) pAThabheda \- nivR^ittishcha vibhAvitaH iti vA |
(12) bhavanti iti sheShaH |
(13) manaso javIyaH iti cha iti sheShaH |
(14) AtmanaH AbhAsamAtramapi devAnAM naiva viShayIbhavati |
(15) pAThabheda \- iva ityasmin sthAne iti, iti vA |
(16) svamAtmAnaM teShAM bhUtAnAmAtmatvena pashyati ityanvayaH |
(17) pAThabheda \- sirA iti vA |
(18) anAtma\-svarUpAvasthAnaM iti vA pAThaH |
(19) upAsanA |
(20) pAThabheda \- a~NgA~NgitayA jAmitaiva syAditi vA |
(21) samuchchaya\-kAriNa ekaika\-puruShArtha\-sambandhaH iti pAThAntaram |
(22) asambhUtiM cha vinAshaM cha iti draShTavyaH |
(23) AdityamaNDalasthapuruSham |
(24) tat \- dvAram |
(25) tAvakamiti vA |
(26) tasya bhUriti shiraH bhuvariti bAhU suvariti pratiShThA (bR^i\. 5\.5\.3) | pratiShTheti pAdau |
(27) tannirdhAraNArthamiti vA |
(28) avidyAyAH karmaNaH anuShThAnaM vidyAyAH brahmavidyAyAH upAsanaM cha |
(29) avirodhaH syAditi bhAvaH |
(30) vidyA, avidyA, virodhaH, avirodhaH \- ete sarve siddhavastutvAt na vikalpArhAH | udite juhoti ityatra anudite juhotItyapi sambhavati | kintu sUryasyAstitve vikalpo nAsti |
sAmavedIyAntargata\-talavakAra\-shAkhAyAH navamo.adhyAyaH iyamupaniShat |
##

Encoded and proofread by svAminI tattvapriyAnanda tattvapriya3108 at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}