% Text title            : Adhyatma Upanishad
% File name             : adhyatmaupan.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  73 / 108; Shukla Yajurveda - Samanya upanishad
% Latest update         : August  11, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Adhyatma Upanishad ..}##
\itxtitle{.. adhyAtmopaniShat ..}##\endtitles ##

yatrAntaryAmyAdibhedastattvato na hi yujyate .
nirbhedaM paramAdvaita.n svamAtramavashiShyate ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH ..
hariH AUM .. antaHsharIre nihito guhAyAmaja eko nityamasya
pR^ithivI sharIra.n yaH pR^ithivImantare sa.ncharanyaM pR^ithivI na veda .
yasyApaHsharIra.n yo apo.antare sa.ncharanyamApo na viduH .
yasya tejaH sharIra.n yastejo.antare sa.ncharanya.n tejo na veda .
yasya vAyuH sharIra.n yo vAyumantare sa.ncharanya.n vAyurna veda .
yasyAkAshaH sharIra.n ya AkAshamantare sa.ncharanyamAkAsho na veda .
yasya manaH sharIra.n yo mano.antare sa.ncharanyaM mano na veda .
yasya buddhiH sharIra.n yo buddhimantare sa.ncharanyaM buddhirna veda .
yasyAha.nkAraH sharIra.n yo.aha.nkAramantare sa.ncharanyamaha.nkAro na veda .
yasya chitta.n sharIra.n yashchittamantare sa.ncharanya.n chitta.n na veda .
yasyAvyakta.n sharIra.n yo.avyaktamantare sa.ncharanyamavyakta.n na veda .
yasyAkShara.n sharIra.n yo.akSharamantare sa.ncharanyamkShara.n na veda .
yasya mR^iyuH sharIra.n yo mR^ityumantare sa.ncharanyaM mR^ityurna veda .
sa eSha sarvabhUtAntarAtmApahatapApmA divyo deva eko nArAyaNaH .
ahaM mameti yo bhAvo dehAkShAdAvanAtmani . adhyAso.aya.n nirastavyo
viduShA brahmaniShThayA .. 1..
j~nAtvA svaM pratyagAtmAnaM buddhitadvR^ittisAkShiNam.h .
so.ahamityeva tadvR^ittyA svAnyatrAtmyamAtmanaH .. 2..
lokAnuvartana.n tyaktvA tyaktvA dehAnuvartanam.h .
shAstrAnuvartana.n tyaktvA svAdhyAsApanaya.n kuru .. 3..
svAtmanyeva sadA sthityA mano nashyati yoginaH .
yuktyA shrutyA svAnubhUtyA j~nAtvA sArvAtmyamAtmanaH .. 4..
nidrAyA lokavArtAyAH shabdAderAtmavismR^iteH .
kvachinnavasara.n dattvA chintayAtmAnamAtmani .. 5..
mAtApitrormalodbhUta.n malamA.nsamaya.n vapuH .
tyaktvA chaNDAlavaddUraM brahmabhUya kR^itI bhava .. 6..
ghaTAkAshaM mahAkAsha ivAtmAnaM parAtmani .
vilApyAkhaNDabhAvena tUShNIM bhava sadA mune .. 7..
svaprakAshamadhiShThAna.n svayaMbhUya sadAtmanA .
brahmANDamapi piNDANDa.n tyajyatAM malabhANDavat.h .. 8..
chidAtmani sadAnande deharUDhAmaha.ndhiyam.h .
niveshya li~NgamutsR^ijya kevalo bhava sarvadA .. 9..
yatraiSha jagadAbhAso darpaNAntaHpura.n yathA .
tadbrahmAhamiti j~nAtvA kR^itakR^ityo bhavAnagha .. 10..
aha.nkAragrahAnmuktaH svarUpamupapadyate .
chandravadvimalaH pUrNaH sadAnandaH svayaMprabhaH .. 11..
kriyAnAshAdbhavechchintAnAsho.asmAdvAsanAkShayaH .
vAsanAprakShayo mokShaH sA jIvanmuktiriShyate .. 12..
sarvatra sarvataH sarvabrahmamAtrAvalokanam.h .
sadbhAvabhAvAnAdADhyAdvAsanAlayamashnute .. 13..
pramAdo brahmaniShThAyA.n na kartavyaJ kadAchana .
pramAdo mR^ityurityAhurvidyAyAM brahmavAdinaH .. 14..
yathApakR^iShTa.n shaivAla.n kShaNamAtra.n na tiShThati .
AvR^iNoti tathA mAyA prAj~na.n vApi parA~Nmukham.h .. 15..
jIvato yasya kaivalya.n videho.api sa kevalaH .
samAdhiniShThatAmetya nirvikalpo bhavAnagha .. 16..
aj~nAnahR^idayagrantherniHsheShavilayastadA .
samAdhinA vikalpena yadAdvaitAtmadarshanam.h .. 17..
atrAtmatva.n dR^iDhIkurvannahamAdiShu sa.ntyajan.h .
udAsInatayA teShu tiShThedghaTapaTAdivat.h .. 18..
brahmAdistambaparyantaM mR^iShAmAtrA upAdhayaH .
tataH pUrNa.n svamAtmAnaM pashyedekAtmanA sthitam.h .. 19..
svayaM brahmA svaya.n viShNuH svayamindraH svaya.n shivaH .
svaya.n vishvamida.n sarva.n svasmAdanyanna ki.nchana .. 20..
svAtmanyAropitA sheShAbhAsavastunirAsataH .
svayameva paraMbrahma pUrNamadvayamakriyam.h .. 21..
asatkalpo vikalpo.aya.n vishvamityekavastuni .
nirvikAre nirAkAre nirvisheShe bhidA kutaH .. 22..
draShTR^idarshanadR^ishyAdibhAvashUnye nirAmaye .
kalpArNava ivAtyantaM paripUrNe chidAtmani .. 23..
tejasIva tamo yatra vilInaM bhrAntikAraNam.h .
advitIye pare tattve nirvisheShe bhidA kutaH .. 24..
ekAtmake pare tattve bhedakartA katha.n vaset.h .
suShuptau sukhamAtrAyAM bhedaH kenAvalokitaH .. 25..
chittamUlo vikalpo.aya.n chittAbhAve na kashchana .
atashchitta.n samAdheyi pratyagrUpe parAtmani .. 26..
akhaNDAnandamAtmAna.n vij~nAya svasvarUpataH .
bahirantaH sadAnandarasAsvAdanamAtmani .. 27..
vairAgyasya phalaM bodho bodhasyoparatiH phalam.h .
svAnandAnubhavachChAntireShaivoparateH phalam.h .. 28..
yadyuttarottarAbhAve pUrvarUpa.n tu niShphalam.h .
nivR^ittiH paramA tR^iptirAnando.anupamaH svataH .. 29..
mAyopAdhirjagadyoniH sarvaj~natvAdilakShaNaH .
pArokShyashabalaH satyAdyAtmakastatpadAbhidhaH .. 30..
AlambanatayA bhAti yo.asmatpratyayashabdayoH .
antaHkaraNasaMbhinnabodhaH sa tvaMpadAbhidhaH .. 31..
mAyAvidye vihAyaiva upAdhI parajIvayoH .
akhaNDa.n sachchidAnandaM paraM brahma vilakShyate .. 32..
ittha.n vAkyaistathArthAnusandhAna.n shravaNaM bhavet.h .
yuktyA saMbhAvitatvAnusandhAnaM manana.n tu tat.h .. 33..
tAbhya.n nirvichikitse.arthe chetasaH sthApitasya yat.h .
ekatAnatvametaddhi nididhyAsanamuchyate .. 34..
dhyAtR^idhyAne parityajya kramAddhyeyaikagocharam.h .
nivAtadIpavachchitta.n samAdhirabhidhIyate .. 35..
vR^ittayastu tadAnImapyaj~nAtA AtmagocharAH .
smaraNAdanumIyante vyutthitasya samutthitAH .. 36..
anAdAviha sa.nsAre sa.nchitAH karmakoTayaH .
anena vilaya.n yAnti  shuddho dharmo vivardhate .. 37..
dharmameghamimaM prAhuH samAdhi.n yogavittamAH .
varShatyeSha yathA dharmAmR^itadhArAH sahasrashaH .. 38..
amunA vAsanAjAle niHsheShaM pravilApite  .
samUlonmUlite puNyapApAkhye karmasa.nchaye .. 39..
vAkyamapratibaddha.n satprAkparokShAvabhAsite .
karAmalakamavadbodhaparokShaM prasUyate .. 40..
vAsanAnudayo bhogye vairAgyasya tadAvadhiH .
ahaMbhAvodayAbhAvo bodhasya paramAvadhiH .. 41..
lInavR^itteranutpattirmaryAdoparatestu sA .
sthitapraj~no yatiraya.n yaH sadAnandamashnute .. 42..
brahmaNyeva vilInAtmA nirvikAro viniShkriyaH .
brahmAtmanoH shodhitayorekabhAvAvagAhini .. 43..
nirvikalpA cha chinmAtrA vR^ittiH praj~neti kathyate .
sA sarvadA bhavedyasya sa jIvanmukta iShyate .. 44..
dehendriyeShvahaMbhAva idaMbhAvastadanyake .
yasya no bhavataH kvApi sa jIvanmukta iShyate .. 45..
na pratyagbrahmaNorbheda.n kadApi brahmasargayoH .
praj~nayA yo vijAnAti sa jIvanmukta iShyate .. 46..
sAdhubhiH pUjyamAne.asminpIDyamAne.api durjanaiH .
samabhAvo bhavedyasya sa jIvanmukta iShyate .. 47..
vij~nAtabrahmatattvasya yathApUrva.n na sa.nsR^itiH .
asti chenna sa vij~nAtabrahmabhAvo bahirmukhaH .. 48..
sukhAdyanubhavo yAvattAvatprArabdhamiShyate .
phalodayaH kriyApUrvo niShkriyo nahi kutrachit.h .. 49..
ahaM brahmeti vij~nAnAtkalpakoTishatArjitam.h .
sa.nchita.n vilaya.n yAti prabodhAtsvapnakarmavat.h .. 50..
svamasa~NgamudAsInaM parij~nAya nabho yathA .
na shliShyate yatiH ki.nchitkadAchidbhAvikarmabhiH .. 51..
na nabho ghaTayogena surAgandhena lipyate .
tathAtmopAdhiyogena taddharme naiva lipyate .. 52..
j~nAnodayAtpurArabdha.n karma j~nAnAnna nashyati .
adattvA svaphala.n lakShyamuddishyotsR^iShTabANavat.h .. 53..
vyAghrabuddhyA vinirmukto bANaH pashchAttu gomatau .
na tiShThati bhinattyeva lakShya.n vegena nirbharam.h .. 54..
ajaro.asmyamaro.asmIti ya AtmAnaM prapadyate .
tadAtmanA tiShThato.asya kutaH prArabdhakalpanA .. 55..
prArabdha.n siddhyati tadA yadA dehAtmanA sthitiH .
dehAtmabhAvo naiveShTaH prArabdha.n tyajyatAmataH .. 56..
prArabdhakalpanApyasya dehasya bhrAntireva hi .. 57..
adhyastasya kutastattvamasatyasya kuto janiH .
ajAtasya kuto nAshaH prArabdhamasataH kutaH .. 58..
j~nAnenAj~nAnakAryasya samUlasya layo yadi .
tiShThatyaya.n katha.n deha iti sha~NkAvato jaDAn.h .
samAdhAtu.n bAhyadR^iShTyA prArabdha.n vadati shrutiH .. 59..
na tu dehAdisatyatvabodhanAya vipashchitAm.h .
paripUrNamanAdyantamaprameyamavikriyam.h .. 60..
sadghana.n chidghana.n nityamAnandaghanamavyayam.h .
pratyagekarasaM pUrNamananta.n sarvatomukham.h .. 61..
aheyamanupAdeyamanAdheyamanAshrayam.h .
nirguNa.n niShkriya.n sUkShma.n nirvikalpa.n nira~njanam.h .. 62..
anirUpyasvarUpa.n yanmanovAchAmagocharam.h .
satsamR^iddha.n svataHsiddha.n shuddhaM buddhamanodR^isham.h .. 63..
svAnubhUtyA svaya.n j~nAtvA svamAtmAnamakhaNDitam.h .
sa siddhaH susukha.n tiShTha nirvikalpAtmanAtmani .. 64..
kva gata.n kena vA nIta.n kutra lInamida.n jagat.h .
adhunaiva mayA dR^iShTa.n nAsti kiM mahadadbhutam.h .. 65..
ki.n heya.n kimupAdeya.n kimanyatki.n vilakShaNam.h .
akhaNDAnandapIyUShapUrNabrahmamahArNave .. 66..
na ki.nchidatra pashyAmi na shR^iNomi na vedmyaham.h .
svAtmanaiva sadAnandarUpeNAsmi svalakShaNaH .. 67..
asa~Ngo.ahamana~Ngo.ahamali~Ngo.aha.n hariH .
prashAnto.ahamananto.ahaM paripUrNashchirantanaH .. 68..
akartAhamabhoktAhamavikAro.ahamavyayaH .
shuddha bodhasvarUpo.aha.n kevalo.aha.n sadAshivaH .. 69..
etA.n vidyAmapAntaratamAya dadau . apAntaratamo brahmaNe dadau .
brahmA ghorA~Ngirase dadau . ghorA~NgirA raikvAya dadau . raikvo rAmAya dadau .
rAmaH sarvebhyo bhUtebhyo dadAvityetannirvANAnushAsana.n
vedAnushAsana.n vedAnushAsanamityupaniShat.h ..
AUM pUrNamadaH pUrNamidaM pUrNAtpUrNamudachyate .
pUrNasya pUrNamAdAya pUrNamevAvashiShyate ..
AUM shAntiH shAntiH shAntiH .. hariH AUM tatsat.h ..
iti adhyAtmopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}