% Text title            : advayatAraka
% File name             : advayataarak.itx
% Category              : vedanta, upanishhat
% Location              : doc\_upanishhat
% Transliterated by     : Sorin Suciu aka SeSe at sorins at hotmail.com
% Proofread by          : Sorin Suciu aka SeSe at sorins at hotmail.com
% Latest update         : October 1, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. advayatAraka   ..}##
\itxtitle{.. advayatAraka ..}##\endtitles ##

                                .. shrIH ..
                   upaniShadbrahmayogivirachitaM vivaraNam.h
               shrImadappayashivAchAryavirachitabhAShyopetA
##          Invocation##
          OM pUrNamadaH pUrNamidaM pUrNAt.h pUrNamudachyate .
            pUrNasya pUrNamAdAya pUrNamevAvashiShyate ..
                      OM shAntiH shAntiH shAntiH .
##          Text##
                    vyAkhyeyo viShayaH tadadhikArI cha
##          Ed . II .  tArakayogAdhikAraH .##
athAto.advayatArakopaniShadaM vyAkhyAsyAmaH .
yataye jitendriyAya shamAdiShaDguNapUrNAya .. 1..
##          Commentary I.##
shrImadvishvAdhiShThAnaparamaha.nsasadgururAmachandrAya namaH
dvaitAsambhavavij~nAnasa.nsiddhAdvayatArakaM .
tArakabrahmeti gitaM vande shrIrAmavaibhavaM ..
iha khalu shuklayajurvedapravibhakteyaM advayatArakopaniShat.h
rAjayogasarvasvaM prakaTayantI brahmAtraparyavasannA dR^ishyate .
asyAH svalpagranthato vivaraNamArabhyate . atra
yathoktAdhikAryuddeshena
shrutayaH tArakayogamupadishantItyAha ##-####-## atheti .. atha
karmopAsanAkANDadvayanirUpaNAnantaraM yataH tena
puruShArthAsiddhiH
ataH tadarthaM yatra svAtirekeNa dvayaM na vidyate tat.h advayaM
brahma
tanmAtrabodhinI vidyA tArakopaniShat.h tAM shrutayo vayaM
vyAkhyAsyAmaH .
kasmA adhikAriNa ityata Aha ##-####-## yataya iti .
svAshramAnuShThanapUrvakaM
deshikaMukhato vedantashravaNaM tato yuktibhiH
shrutyaviruddhAbhiH
mananaM cha kR^itvA nididhyasAnAya yatata iti yatiH .
ajitendriyasya
yatitvaM kuta ityata Aha ##-####-## jitendriyAyeti . jitendriyasya
yatitvopapatteH .
ariShaDvargAkrAntasya jitendriyatA kuta ityata Aha ##-####-##
shamAdiShaDguNapUrNAyeti . shamAdiShaDguNasampatteH
ariShaDvargoparatipUrvakatvAt.h . evaM sAdhanavate shrutayaH
tArakayogamupadishantItyarthaH .. 1..
##          Text##
                             yogopAya tatphalam.h
##          Ed . II .  yogAnuShThAnaM tatphalaM cha .##
chitsvarUpo.ahamiti sadA bhavayan.h samya~NnimIlitAkShaH
ki~nchidunmIlitAkSho vA.antardR^iShTyA bhrUdaharAdupari
sachchidAnandatejaHkUTarUpaM paraM brahmAvalokayan.h tadrUpo
bhavati .. 2..
##          Commentary I.##
evaM nididhyasAnopAyatatphalamAha ##-####-## chiditi .. yogI svAntaH
chidrUpo.asmIti bhavayanardhonmIlitalochanaH bhrUmadhyAdau
sachchidAnandamAtraM brahmAhamasmItyAlokayantadrUpastArakarUpo
bhavati .. 2..
##          Text##
                           advayatArakapadArthau
garbhajanmajarAmaraNabhayAtsa.ntArayati tasmAttArakamiti .
jIveshvarau mAyikAviti vij~nAya sarvavisheShaM neti netIti
vihAya
yadavashiShyate tatadvayaM brahma .. 3..
##          Commentary I.##
kiM tArakamityatAha ##-####-## garbheti .. jyotirli~NgaM bhruvormadhye
nityaM dhyAyetsadA yatiH . iti shrutisiddhajyotirli~Ngasya
pratyagrUpatvena
svAj~navikalpitagarbhAsAdisa.nsAratArakatvAttArakaM
pratyagAtmetyarthaH . jIveshabhede sati
pratyagabhinnabrahmabhAvaH kuta
ityAsha~Nkya tayorbhedasya mAyikatvena mithyAtvAttato yachChiShyate
tadeva
brahmetyAha ##-####-## jIveti .. 3..
##          Text##
                       lakShyatrayAnusandhAnavidhiH
##          Ed . II .  tadadhigamopAyaH##
tatsiddhyai lakShyatrayAnusa.ndhAnaM kartavyaM .. 4..
##          Commentary I.##
tadadhigamopAyaH kathamityata Aha tatsiddhyA iti .. 4..
##          Commentary II.##
parichChinnajyotIrUpalakShyAnusandhAnasyApi
chittashuddhiphalakatvam.h
mUrtAmUrtAtmakaM yatra tArakadvayamuchyate .
jyotirdarshanamArgoktiM vyakhyAsye.advayatArakaM ..
nanu ##-####-## jIveshvarau mAyikAviti vij~nAya sarvavisheShaM neti
netIti
vihAya yadavashiShyate tatadvayaM brahma iti yaduktaM tad.h yuktameva .
api tu ##-####-## tatsiddhyai lakShyatrayAnusa.ndhAnaM kartavyaM
ityetadayuktaM .
kutaH lakShyatrayasya cha dehAntargatatvena
parichChinnajyotiHsvarUpatayA
svayamaparichChinnatvAbhAvAt.h . advayabrahma hi aparichChinnaM
mahAkAshavat.h
prasiddhaM . tatsiddhyai parichChinnalakShyatrayAnusandhAnaM kathaM
sAdhanaM syAt.h . aparichChinnabrahmasiddhyai hi
aparichChinnabrahmadhyAnaM
kartavyaM . ataH iha viruddhamuktimiti chet.h ##-####-## satyamevaitat.h .
tathApi
uktalakShyatrayAnusandhAnadvArA sa.nshuddhachittsyaiva
vAkyArthashravaNamananasa.nskR^itAntaHkaraNavashIkaraNapUrvakAp
arichChinna##-##
brahmAtmaikyAnusandhAnakaraNasAmarthyasaMbhavAt.h .
anyathA dehamadhyagatajyotirdarshanahInatya
vAkyAdishravaNAdipravR^ittyasaMbhavAchcha parichChinnAnusandhAnaM
yuktimityanusandhAnaM .. 1##-##4..
##          Text##
                            antarlakShyalakShaNam.h
dehamadhye brahmanADI suShumnA sUryarUpiNI pUrNachandrAbhA
vartate . sA tu mUlAdhArAdArabhya brahmarandhragAminI bhavati .
tanmadhye taTitkoTisamAnakAntyA mR^iNAlasUtravat.h sukShmA~NgI
kuNDalinIti prasiddhA.asti . tAM dR^iShTvA manasaiva naraH
sarvapApavinAshadvArA mukto bhavati .
phAlordhvagalalATavisheShamaNDale nirantaraM
tejastArakayogavisphuraNena pashyati chet.h siddho bhavati .
tarjanyagronmIlitakarNarandhradvaye tatra phUtkArashabdo jAyate .
tatra
sthite manasi chakShurmadhyagatanIlajyotissthalaM vilokya
antardR^iShTyA
niratishayasukhaM prApnoti . evaM hR^idaye pashyati .
evamantarlakShyalakShaNaM mumukShubhirupAsyaM .. 5..
##          Commentary I.##
antarbAhyamadhyabhedena lakShyaM trividhaM . tatra
antarlakShyalakShaNaM
tadabhyAsaphalaM chAha ##-####-## deheti .. yadA kuNDalinI
prANadR^iShTimanognibhiH
mUlAdhAratrikoNAgrAla~NkArasuShumnA.adhovaktraM vibhidya
tanmadhye
pravishati tadA bAhyAntaHprapa~nchavismaraNapUrvakaM
munyantaHkaraNaM
nirvikalpabrahmapadaM bhajati . muniH nirvikalpaj~nAnAt.h vikalpAt.h
mukto
bhavatItyarthaH . tatsiddhyupAyaH kaH ityata Aha ##-####-## phAleti .
tadgatasukhAnubhavopAyaM vadan.h antarlakShyaM upasa.nharati ##-####-##
tarjanIti .
sukhaM prApnoti na kevalaM karNarandhradvaye evaM hR^idaye .. 5..
##          Text##
                            bahirlakShyalakShaNam.h
atha bahirlakShyalakShaNaM . nAsikAgre chaturbhiH
ShaDbhiraShTabhiH
dashabhiH dvAdashabhiH kramAt.h a~NgulAlante
nIladyutishyAmatvasadR^igraktabha~NgIsphuratpItavarNadvayopetaM
vyoma
yadi pashyati sa tu yogI bhavati . chaladR^iShTyA
vyomabhAgavIkShituH
puruShasya dR^iShTyagre jyotirmayUkhA vartate . taddarshanena yogI
bhavati .
taptakA~nchanasa~NkAshajyotirmayUkhA apA~NgAnte bhUmau vA
pashyati
taddR^iShTiH sthirA bhavati . shirShopari
dvAdashA~NgulasamIkShituH
amR^itatvaM bhavati . yatra kutra sthitasya shirasi
vyomajyotirdR^iShTaM
chet.h sa tu yogI bhavati .. 6..
##          Commentary I.##
bahirlakShyalakShaNamAha ##-####-## atheti . yogI bhavati
ityAdikR^itsnopaniShat.h
prAyasho maNDalabrAhmaNopaniShadvyAkhyAnena vyAkhyAtaM
syAditi
mantavyaM .. 6..
##          Text##
                           madhyalakShyalakShaNam.h
atha madhyalakShyalakShaNaM
prAtashchitrAdivarNAkhaNDasUryachakravat.h vahnijvAlAvalIvat.h
tadvihInAntarikShavat.h pashyati . tadAkArAkAritayA avatiShThati .
tadbhUyodarshanena guNarahitAkAshaM bhavati .
visphurattArakAkAradIpyamAnagADhatamopamaM  paramAkAshaM
bhavati .
kAlAnalasamadyotamAnaM mahAkAshaM bhavati .
sarvotkR^iShTaparamadyutipradyotamAnaM tattvAkAshaM bhavati .
koTisUryaprakAshavaibhavasa~NkAshaM sUryAkashaM bhavati .
evaM bAhyAbhyantarasthavyomapa~nchakaM tArakalakShyaM . taddarshI
vimuktaphalastAdR^igvyomasamAno bhavati . tasmAttAraka eva
lakShyamamanaskaphalapradaM bhavati .. 7..
##          Commentary I.##
antarbAhyalakShyasvarUpamuktvA madhyalakShyasvarUpamAha ##-####-## atheti .
taddarshI vimuktasvAj~nAnatatkAryaphalaH . yasmAdevaM tasmAt.h .. 7..
##          Commentary II.##
             uktAnAM lakShyatrayavyomnAM bhautikatvasha~NkA
nanviha antarlakShyabAhyalakShyamadhyalakShyalakShaNeShu
uchyamAneShu
nIlaraktapItrachitrAdivarNayuktavyomadarshanAni avagamyante .
naitaiH
darshanaiH ki~nchidapi mumukShoH prayojanaM bhavitumarhati . kutaH
nAnAvidhajyotirviShayakatvena bhautikatvAt.h . yadi
brahmajyotirdarshanaM
syAttadA kramamuktyai vA tat.h upayuktaM syAt.h . na tu tadetat.h .
brahmaNaH
evaM nAnAvidhatvAbhAvAt.h . bhautikAni tu jyotI.nShi
upAdhibhedAt.h
bahuvidhAni bhavitumarhanti . tasmAt.h
prapa~nchitalakShaNabahuvidhajyotirdarshanAni siddhyarthakAni syuH .
upaniShadAM vaiyarthyakalpanAnarhatvAt.h . iti chet.h ##-####-##
              tannirasanena eShAM mumukShUpayogitvanirNayaH
atrochyate . nirvisheShasya parasya brahmaNa eva etAni jyotI.nShi
iti .
kutaH bhautikajyotiShaM dehAdbahiH darshanIyatvena
dehAntadarshanAyogyatvAt.h . pratyagAtmajyotiShaH ekarUpatve.api
vividhanADIvannADIsambandhavashAt.h nAnAvarNopapatteH .
yathA
ekavR^ittimAnapyAtmA nAnAnADIsambandhavashAt.h
jAgratsvapnasuShuptyavasthAvisheShaiH nAnAvidhaH anubhUyate
tadvat.h .
yadyapi eteShAM jyotiShAmkhaNDatvena darshanaviShayatvAbhAt.h
kramamuktyai
paramparayA sadyomuktyai vA sAdhanatvaN syAt.h . na tu sAkShAt.h
sadyomuktyai . na tu tAvatA siddhyArthakAni mumukShoH
anupayuktAnIti
vaktuM yuktaM .. 5##-##7..
##          Text##
                             dvividhaM tArakam.h
tattArakaM dvividhaM pUrvArdhaM tArakamuttarArdhamamanaskaM
cheti . tadeSha shloko bhaveti ##-####-##
tadyogaM cha dvidhA viddhi pUrvottaravidhAnataH .
pUrvaM tu tArakaM vidyAt.h amanaskaM taduttaramiti .. 8..
##          Text##
                             tArakayogasiddhiH
##          Ed . II.## tArakayogasya somasR^iryaikyadarshanaikaphalakatvaM .
akShyantastArayoH chandrasUryapratiphalanaM bhavati .
tArakAbhyAM
sUryachandramaNDaladarshanaM brahmANDamiva
piNDANDashiromadhyasthAkAshe ravIndumaNDaladvitayamastIti
nishchitya
tArakAbhyAM taddarshanaM . atrApyubhayaikyadR^iShTyA manoyuktaM
dhyAyet.h tadyogAbhAve indrayapravR^itteranavakAshAt.h .
tasmAtantardR^iShTyA tAraka evAnusa.ndheyaH .. 9..
##          Commentary I.##
brahmANDavat.h piNDANDe.api ravIndU vidyete iti nishchitya
tArakAbhyAM
tadaikyadarshanataH tArakayogasiddhiH bhavedityAha ##-####-## akShIti ..
ayogI
yathA brahmANDasthachandrasUryau manassahakR^itatArakAbhyAM
pashyati
tathA yogI svamastakAkAshavibhAtaravIndudvayaM
manassahakR^itatArAbhyAM
avalokayedityarthaH . rUpadarshanasya chakShuradhInatvAt.h kiM
manasetyata
Aha ##-####-## taditi . manasi anyatra vyApR^ite rUpAdigrahaNashaktiH
chakShurAdeH
nAstItyatra anyatramanA abhUvaM nAdarshamanyatramanA abhUvaM
nAshrauShamityAdishruteH . yasmAdevaM tasmAt.h .. 9..
##          Commentary II.##
nanu nirguNAkAshaM paramAkAshaM mahAkAshaM tattvAkAshaM
sUryAkAshaM cheti tArakalakShyaM AkAshapa~nchakamabhidhIyate .
atra
kathaM pUrvottarArdhavibhAgaH iti . atrochyate .
ubhayaikyadR^iShTyA
manoyuktaM dhyAyetiti tAra evAnusandhyeyaH . iti cha
dhyAnayogAbhyAsasya
vihitatvAt.h . tadabhyAsakAlaH pUrvArdhaH tArakayogasa.nj~nakaH
tatphalIbhUtajyotirdR^ishanakAlaH uttarArdhaH
amanaskayogasa.nj~nakaH .
evameva cha AkAshapa~nchakadarshane pUrvottaravibhAgo mantavyaH .. 9..
##          Text##
                  mUrtAmUrtabhedena dvividhamanusandheyam.h
tArakaM dvividhaM mUrtitArakaM amUrtitArakaM cheti .
yatindriyAntaM tat.h mUrtimat.h . yat.h bhrUyugAtItaM tat.h amUrtimat.h .
sarvatra antaHpadArthavivechane manoyuktAbhyAsa iShyate .
tArakAbhyaM
tadUrdhvasthasattvadarshanAt.h manoyuktena antarIkShaNena
sachchidAnandasvarUpaM brahmaiva . tasmAt.h shuklatejomayaM brahmeti
siddhaM .
tadbrahma manaHsahakArichakShuShA antardR^iShTyA vedyaM bhavati .
evamamUrtitArakamapi . manoyuktena chakShuShaiva daharAdikaM
vedyaM
bhavati rUpagrahaNaprayochanasya manashchakShuradhInatvAt.h
bAhyavadAntare.api AtmamanashchakShuHsa.nyogenaiva
rUpagrahaNakAryodayAt.h .
tasmAnmanoyuktA antardR^iShTiH tArakaprakAshAya bhavati .. 10..
##          Commentary I.##
yadanusandheyaM tat.h katividhamityatra tattArakaM ..
bAhyapadArthavivechanavat.h antaHpadArthavivechanamapi
manashchakShuradhInamityAha ##-####-## sarvatreti .
tadUrdhvasthasattvadarshanAt.h
bhrUmadhyordhvavilasitottaratArakalakShyadarshanAt.h .
kenaitaddarshanIyamityatra manoyukteneti . brahmaiva
uttaratArakalakShyamityanusa.ndheyaM . yasmAdevaM tasmAt.h .
bhrUmadhyAdisthalavilasitshuklatejaso manaHkalpitatve.api
brahmaNaH
sarvavyApakatvena tatrApi vidyamAnatvAt.h tadeva brahmeti
abhimatidraDhimnA
lIne tatra manasi kalpakasApekShakalpanAvairaLaye nirvikalpakaM
brahmaiva
avashiShyate ityarthaH . yattejo manaHkalpitaM tadbrahma .
yasmAdevaM tasmAt.h .. 10..
##          Commentary II.##
mUrtitArakAmUrtitArakayoshcha
indryAntabhrUyugAtItatvakathanena
saguNamUrtidhyAnaparatvaM chAvagantavyaM . saguNamUrtidhyAnasya
cha
niShkAmakR^itasya cha kramamuktichittashuddhiprayojanatayA
suprasiddhatvAt.h .. 10..
##          Text##
                            tArakayogasvarUpaM
bhrUyugamadhyabile dR^iShTiM taddvArA Urdhvasthitateja
AvirbhUtaM
tArakayogo bhavati . tena saha manoyuktaM tArakaM susa.nyojya
prayatnena
bhrUyugmaM sAvadhAnatayA ki~nchidUrdhvamtkShepayet.h . iti
pUrvatArakayogaH . uttaraM tu amUrtimatamanaskamityuchyate .
tAlumUlordhvabhAge mahAn.h jyotirmayUkho vartate . tat.h
yogibhirdhyeyaM .
tasmAtaNimAdisiddhirbhavati .. 11..
##          Commentary I.##
ko.ayaM tArakayoga ityatra bhrUyugamadhyabile tatratyAj~nAchakre
dR^iShTiyugmaM saMniveshya . sAvadhAnatayA vilokayan.h . dhyeyaM
tajjyotiH brahmeti yogibhishchintyamityarthaH . tataH kiM
bhavatItyatra
tasmAditi .. 11..
##          Commentary II.##
prakR^itayoge pUrNamanovilayAbhAvena dR^ishyamAnajyotiShaH
pratyagAtmasvarUpatvanirNayaH
idaM jyotiH tvaMpadArthaH Ahosvit.h tatpadArthaH iti
sa.nshIyate .
kutaH sa.nshayaH tvaMpadArthavivechana iti sachchidAnandasvarUpaM
brahmaiveti cha uktatvAt.h . atrochyate . tvaMpadArthaH
pratyagAtmaiva .
brahmA.nshatvAttu brahmatvamupacharyate sAkShAdbrahmayogo hi
manoviyuktAbhyAsarUpaH . tatraiva manonAshasambhavAt.h .
manoyuktAbhyAsastu prakR^itaH kaNTharavoktaH .
manassahakArichakShuShA
vedyaM bhavatIti cha . yadi manasaiva vedyamityuktaM tadA
antardR^iShTeH
mano.ananyatvAt.h manasaH brahmaNi vilayasambhavAchcha
akhaNDabrahmayoga
eva vivakShitaH iti vaktuM shakyaM . na tu tadasti .
pratyagAtmayoge cha
Antare bAhyavat.h AtmamanashchakShussa.nyogenaiva
rUpagrahaNakAryodayaH
syAt.h . na tu brahmayoge tadIyAkhaNDasamyagdarshanaM
chakShuradhInaM
mano.adInaM vA bhavati . chakShurmanasI pR^iShThataH kR^itvA
svayaMprakashamAnatvAt.h . nanu manoyuktAntardR^iShTirityuktatvAt.h
manasaH
antardR^iShTidvArA brahmaNi vilaya eva arthAdavagamyate iti chetra .
bahyavadityuktatvena prakR^itayoge manovilayAsambhavAt.h .
tAtkAlikastu
manolayaH suShuptasyeva nAtyanta shlAdhyatamo bhavitumarhati .
yadvA
kramamuktisAdhanIbhUto.api sa manolayaH
punarjanmabIjabharjanAbhAvAt.h
na nAshAparaparyAyaH ityavagantavyaM .. 11..
##          Text##
                              shAmbhavImudrA
antarbAhyalakShye dR^iShTau nimeShonmeShavarjitAyAM satyaM
sAMbhavI mudrA bhavati . tanmudrArUDhaj~nAninivAsAt.h bhUmiH
pavitrA bhavati . taddR^iShTyA sarve lokAH pavitrA bhavanti .
tAdR^ishaparamayogipUjA yasya labhyate so.api mukto bhavati .. 12..
##          Commentary I.##
yatyogibhiH dhyeyamuktaM paryavasAne tadeva sAMbhavI mudrA
bhavatItyAha antariti .. mudrA bhavati ityatra
antarlakShyaM bahirdR^iShTiH nimeShonmeShavarjitA .
eShA sA shAmbhavI mudrA sarvatantreShu gopitA ..
iti shruteH . tanmudrArUDhayoginaM stauti ##-####-## taditi . pavitrA
bhavati
ityatra svapAdanyAsamAtreNa pAvayan.h vasudhAtalaM iti
svarUpadarshanokteH . pavitrA bhavanti ##-####-##
svecharA bhUcharAH sarve brahmaviddR^iShTigocharAH .
sadya eva vimuchyante koTijanmArjitairaghaiH ..
iti shruteH .. 12..
##          Text##
                            antarlakShyavikalpAH
antarlakShyajvalajjyotiHsvarUpaM bhavati . paramagurUpadeshena
sahasrArajvalajjyotirvA buddhiguhAnihitachijjyotirvA
ShoDashAntasthaturIyachaitanyaM vA antarlakShyaM bhavati .
taddarshanaM
sadAchAryamUlaM .. 13..
##          Commentary I.##
antarlakShyaM vikalpya nirdhArayati ##-####-## parameti .. uktavikalpAnAM
ekArthaparyavasAyitvAt.h taddarshanamUlaM kimityatra ##-####-##
taddarshanamiti .. 13..
##          Text##
                              AchAryalakShaNam.h
AchAryo vedasampanno viShNubhakto vimatsaraH .
yogaj~no yoganiShThashcha sadA yogAtmakaH shuchiH .. 14..
gurubhaktisamAyuktaH puruShj~no visheShataH .
evaM lakShaNasampanno gururityabhidhIyate .. 15..
gushabdastvandhakAraH syAt.h rushabdastannirodhakaH .
andhakAranirodhitvAt.h gururityabhidhIyate .. 16..
gurureva paraM brahma gurureva parA gatiH .
gurureva parA vidyA gurureva parAyaNaM .. 17..
gurureva parA kAShThA gurureva paraM dhanaM .
yasmAttadupadeShTA.asau tasmAdgurutaro gururiti .. 18..
##          Commentary I.##
AchAryalakShaNamuktvA gurushabdArthamAha ##-####-## gushabdastviti .. 14##-##18..
##          Commentary II.##
paramAtmadarshanA~NgabhUtapratyagAtmadarshanasya sarvathA
anupekShaNIyatvoddhoShaH
nanviha tAdR^ishaparamayogipUjA yasya labhyate so.api mukto
bhavatIti
etAdR^ishAni vAkyAni arthavAdAH evasyuH . kutaH
sahasrArajvalajjyotirvA ##-####-##
ityAdivAkyoktadehaparichChinnajyotirmAtre
paryavasannAyAH asyAH upaniShada AdyantaparyAlochane.api
aparichChinnabrahmAtmaikyayogasya kvachidapi anuktatvAt.h . iti chet.h ##-####-##
atrochyate .
satyamevaitat.h . tvaMpadalakShyArthasiddhyA
ahaMpadalakShyArthasyApi
siddhitvena kaimutikanyAyAt.h brahmapadArthasiddheH kathaM
tvamahaMpadArthayoH bhedaH nAyaM doShaH . tvaM padasya
khaNDapratyagAtmArthakatvAt.h . ahaMpadasya
tattvamasivAkyArthaj~nAnodayAnantaraM
akhaNDabrahmayogAbhyAsArthaM
grAhyatvena akhaNDapratyagAtmArthakatvAchcha tvamahaMpadayoH
bhedasya
vispaShTatvAt.h . tasmAdatra uktayoginaH sadyomuktyabhAvena
aupacharikaparamattvena cha prakR^itavAkyAni arthavAdA eva . tathApi
svadehAntarvartijyotidarshanaM vinA tattvamasi iti
upadishatAmahaM
brahmAsmIti vA~NmAtreNa pralapatAM cha bhrAntatamAnAM
kalpakoTiShvapi sa.nsArabandhAnmokShAsambhavAt.h
mokShaprathamasAdhanatvAchchAsya darshanasya upekShA na kadApi
kAryA iti
sthitaM .. 12##-##18..
##          Text##
                            granthAbhyAsaphalam.h
yaH sakR^iduchchArayati tasya sa.nsAramochanaM bhavati .
sarvajanmakR^itaM pApaM tatkShaNAdeva nashyati . sarvAn.h
kAmAnavApnoti .
sarvapuruShArthasiddhirbhavati . ya evaM vedetyupaniShat.h .. 19..
##          Commentary I.##
granthatadarthapaThanAnusandhAnaphalamahA ##-####-## ya iti ..
kAmAkAmadhiyAM
paThanaphalaM sarvakAmAptiH paramapuruShArthAptishcha .
ityupaniShachChabdaH advayatArakopaniShatsamAptyarthaH .. 19..
shrIvAsudevendrashiShyopaniShadbrahmayoginA .
advayopaniShadvyAkhyA likhiteshvaragocharA .
advayopaniShadvyAkhyAgrantho.ashItiritIritaH ..
          OM pUrNamadaH pUrNamidaM pUrNAt.h pUrNamudachyate .
            pUrNasya pUrNamAdAya pUrNamevAvashiShyate ..
                      OM shAntiH shAntiH shAntiH .
iti shrImadIshAdyaShTottarashatopaniShachChAstravivaraNe
tripa~nchAshatsa~NkhyApUrakaM advayatArakopaniShadvivaraNaN
sampUrNaM .
iti shrImatsundareshvaratAtAchAryashiShyAppayashivAchAryakR^itiShu
advayatArakopaniShadbhAShyaM samAptaM .. OM ..
OM shrImadvishvAdhiShThanaparamaha.nsasadgururAmachandrArpaNamastu ..
##
Encoded and proofread by Sorin Suciu aka SeSe at sorins at hotmail.com.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}