% Text title            : Akshi Upanishad
% File name             : akshi.itx
% Category              : upanishhat
% Location              : doc\_upanishhat
% Author                : Vedic tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  :  72 / 108; Krishna Yajurveda - Samanya upanishad
% Latest update         : Mar. 24, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AkShi Upanishad ..}##
\itxtitle{.. akShyupaniShat ..}##\endtitles ##

yatsaptabhUmikAvidyAvedyAnandakalevaram.h .
vikalevarakaivalya.n rAmachandrapadaM bhaje ..
AUM saha nAvavatu saha nau bhunaktu
saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM ..
atha ha sA.nkR^itirbhagavAnAdityaloka.n jagAma .
tamAditya.n natvA chAkShuShmatIvidyayA
tamastuvat.h . AUM namo bhagavate shrIsUryA\-
yAkShitejase namaH . AUM khecharAya namaH .
AUM mahAsenAya namaH . AUM tamase namaH .
AUM rajase namaH . AUM sattvAya namaH .
AUM asato mA sadgamaya . tamaso mA jyotirgamaya .
mR^ityormA.amR^ita.n gamaya . ha.nso bhagavA\-
~nChuchirUpaH pratirUpaH . vishvarUpa.n ghR^iNina.n
jAtavedasa.n hiraNmaya.n jyotIrUpa.n tapantam.h .
sahasrarashmiH shatadhA vartamAnaH puruShaH
prajAnAmudayatyeSha sUryaH . AUM namo
bhagavate shrIsUryAyAdityAyAkShitejase.ahovAhini
vAhini svAheti . eva.n chAkShuShmatIvidyayA stutaH
shrIsUryanArAyaNaH suprIto.abravIchchAkShuShmatI\-
vidyAM brAhmaNo yo nityamadhIte na tasyAkShirogo
bhavati . na tasya kule.andho bhavati . aShTau
brAhmaNAngrAhayitvAtha vidyAsiddhirbhavati .
ya eva.n veda sa mahAnbhavati .. 1..
atha ha sA.nkR^itirAdityaM paprachCha bhagavan\-
brahmavidyAM me brUhIti . tamAdityo hovAcha .
sA.nkR^ite shR^iNu vakShyAmi tattvaj~nAna.n sudurlabham.h .
yena vij~nAtamAtreNa jIvanmukto bhaviShyasi ..1..
sarvamekamaja.n shAntamananta.n dhruvamavyayam.h .
pashyanbhUtArthachidrUpa.n shAnta Asva yathAsukham.h .. 2..
avedana.n viduryoga.n chittakShayamakR^itrimam.h .
yogasthaH kuru karmANi nIraso vAtha mA kuru .. 3..
virAgamupayAtyantarvAsanAsvanuvAsaram.h .
kriyAsUdArarUpAsu kramate modate.anvaham.h .. 4..
grAmyAsu jaDacheShTAsu satata.n vichikitsate .
nodAharati marmANi puNyakarmANi sevate .. 5..
ananyodvegakArINi mR^idukarmANi sevate .
pApAdbibheti satata.n na cha bhogamapekShate .. 6..
snehapraNayagarbhANi peshalAnyuchitAni cha .
deshakAlopapannAni vachanAnyabhibhAShate .. 7..
manasA karmaNA vAchA sajjanAnupasevate .
yataH kutashchidAnIya nitya.n shAstrANyavekShate .. 8..
tadAsau prathamAmekAM prApto bhavati bhUmikAm.h .
eva.n vichAravAnyaH syAtsa.nsArottaraNaM prati .. 9..
sa bhUmikAvAnityuktaH sheShastvArya iti smR^itaH .
vichAranAmnImitarAmAgato yogabhUmikAm.h .. 10..
shrutismR^itisadAchAradhAraNAdhyAnakarmaNaH .
mukhyayA vyAkhyayAkhyAtA~nChrayati shreShThapaNDitAn.h .. 11..
padArthapravibhAgaj~naH kAryAkAryavinirNayam.h .
jAnAtyadhigatashchAnyo gR^iha.n gR^ihapatiryathA .. 12..
madAbhimAnamAtsaryalobhamohAtishAyitAm.h .
bahirapyAsthitAmIShatyajatyahiriva tvacham.h .. 13..
itthaMbhUtamatiH shAstragurusajjanasevayA .
sarahasyamasheSheNa yathAvadadhigachChati .. 14..
asa.nsargAbhidhAmanyA.n tR^itIyA.n yogabhUmikAm.h .
tataH patatyasau kAntaH puShpashayyAmivAmalAm.h .. 15..
yathAvachChAstravAkyArthe matimAdhAya nishchalAm.h .
tApasAshramavishrAntairadhyAtmakathanakramaiH .
shilAshayyAsanAsIno jarayatyAyurAtatam.h .. 16..
vanAvanivihAreNa chittopashamashobhinA .
asa~Ngasukhasaukhyena kAla.n nayati nItimAn.h .. 17..
abhyAsAtsAdhushAstrANA.n karaNAtpuNyakarmaNAm.h .
jantoryathAvadeveya.n vastudR^iShTiH prasIdati .. 18..
tR^itIyAM bhUmikAM prApya buddho.anubhavati svayam.h .. 19..
dviprakArasa.nsarga.n tasya bhedamima.n shruNu .
dvividho.ayamasa.nsargaH sAmAnyaH shreShTha eva cha .. 20..
nAha.n kartA na bhoktA cha na bAdhyo na cha bAdhakaH .
ityasa.njanamartheShu sAmAnyAsa~NganAmakam.h .. 21..
prAkkarmanirmita.n sarvamIshvarAdhInameva vA .
sukha.n vA yadi vA duHkha.n kaivAtra tava kartR^itA .. 22..
bhogAbhogA mahArogAH sampadaH paramApadaH .
viyogAyaiva sa.nyogA Adhayo vyAdhayo dhiyAm.h .. 23..
kAlashcha kalanodyuktaH sarvabhAvAnanAratam.h .
anAsthayeti bhAvAnA.n yadabhAvanamAntaram.h .
vAkyArthalabdhamanasaH samAnyo.asAvasa~NgamaH .. 24..
anena kramayogena sa.nyogena mahAtmanAm.h .
nAha.n karteshvaraH kartA karma vA prAktanaM mama .. 25..
kR^itvA dUratare nUnamiti shabdArthabhAvanam.h .
yanmaunamAsana.n shAnta.n tachChreShThAsa~Nga uchyate .. 26..
santoShAmodamadhurA prathamodeti bhUmikA .
bhUmiproditamAtro.antaramR^itA~Nkurikeva sA .. 27..
eShA hi parimR^iShTAntaH sa.nnyAsA prasavaikabhUH .
dvitIyA.n cha tR^itIyA.n cha bhUmikAM prApnuyAttataH .. 28..
shreShThA sarvagatA hyeShA tR^itIyA bhUmikAtra hi .
bhavati projjhitAsheShasa.nkalpakalanaH pumAn.h .. 29..
bhUmikAtritayAbhyAsAdaj~nAne kShayamAgate .
sama.n sarvatra pashyanti chaturthIM bhUmikA.n gatAH .. 30..
advaite sthairyamAyAte dvaite cha prashama.n gate .
pashyanti svapnavalloka.n chaturthIM bhUmikA.n gatAH .. 31..
bhUmikAtritaya.n jAgrachchaturthI svapna uchyate .. 32..
chitta.n tu sharadabhrA.nshavilayaM pravilIyate .
sattvAvasheSha evAste pa~nchamIM bhUmikA.n gataH .. 33..
jagadvikalpo nodeti chittasyAtra vilApanAt.h .
pa~nchamIM bhUmikAmetya suShuptapadanAmikAm.h .
shAntAsheShavisheShA.nshastiShThatyadvaitamAtrakaH .. 34..
galitadvaitanirbhAso mudito.ataHprabodhavAn.h .
suShuptamana evAste pa~nchamIM bhUmikA.n gataH .. 35..
antarmukhatayAtiShThanbahirvR^ittiparo.api san.h .
parishrAntatayA nitya.n nidrAluriva lakShyate .. 36..
kurvannabhyAsametasyAM bhUmikAyA.n vivAsanaH .
ShaShThI.n turyAbhidhAmanyA.n kramAtpatati bhUmikAm.h .. 37..
yatra nAsannasadrUpo nAha.n nApyaha.nkR^itiH .
kevala.n kShINamananamAste.advaite.atinirbhayaH .. 38..
nirgranthiH shAntasandeho jIvanmukto vibhAvanaH .
anirvANo.api nirvANashchitradIpa iva sthitaH .. 39..
ShaShThyAM bhUmAvasau sthitvA saptamIM bhUmimApnuyAt.h .. 40..
videhamuktatAtroktA saptamI yogabhUmikA .
agamyA vachasA.n shAntA sA sImA sarvabhUmiShu .. 41..
lokAnuvartana.n tyaktvA tyaktvA dehAnuvartanam.h .
shAstrAnuvartana.n tyaktvA svAdhyAsApanaya.n kuru .. 42..
o~NkAramAtramakhila.n vishvaprAj~nAdilakShaNam.h .
vAchyavAchyakatAbhedAbhedenAnupalabdhitaH .. 43..
akAramAtra.n vishvaH syAdukArataijasaH smR^itaH .
prAj~no makAra ityevaM paripashyetkrameNa tu .. 44..
samAdhikAlAtprAgeva vichintyAtiprayatnataH .
sthulasUkShmakramAtsarva.n chidAtmani vilApayet.h .. 45..
chidAtmAna.n nityashuddhabuddhamuktasadadvayaH .
paramAnandasandeho vAsudevo.ahaomiti .. 46..
AdimadhyAvasAneShu duHkha.n sarvamida.n yataH .
tasmAtsarvaM parityajya tattvaniShTho bhavAnagha .. 47..
avidyAtimirAtIta.n sarvAbhAsavivarjitam.h .
Anandamamala.n shuddhaM manovAchAmagocharam.h .. 48..
praj~nAnaghanamAnandaM brahmAsmIti vibhAvayet.h .. 49..
ityupaniShat.h ..
AUM saha nAvavatu . saha nau bhunaktu . saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM tatsat.h ..
ityalakShyupaniShat.h ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}