% Text title            : Amritanada Upanishad
% File name             : amritanada.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : S.
% Proofread by          : S.
% Description-comments  : 21/108; Krishna-Yajur-Veda, Yoga Upanishad
% Latest update         : October 12, 1999
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Amritanada Upanishad ..}##
\itxtitle{.. amR^itanAdopaniShat 21 ..}##\endtitles ##

amR^itanAdopaniShatpratipAdyaM parAkSharam.h .
traipadAnandasAmrAjya.n hR^idi me bhAtu santatam.h ..
AUM saha nAvavatu . saha nau bhunaktu . saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
shAstrANyadhItya medhAvI abhyasya cha punaH punaH .
paramaM brahma vij~nAya ulkAvattAnyathotsR^ijet.h .. 1..
o~NkAra.n rathamAruhya viShNu.n kR^itvAtha sArathim.h .
brahmalokapadAnveShI rudrArAdhanatatparaH .. 2..
tAvadrathena gantavya.n yAvadrathapathi sthitaH .
sthitvA rathapathasthAna.n rathamutsR^ijya gachChati .. 3..
mAtrAli~Ngapada.n tyaktvA shabdavya~njanavarjitam.h .
asvareNa makAreNa pada.n sUkShma.n cha gachChati .. 4..
shabdAdiviShayAH pa~ncha manashchaivAticha~nchalam.h .
chintayedAtmano rashmInpratyAhAraH sa uchyate .. 5..
pratyAhArastathA dhyAnaM prANAyAmo.atha dhAraNA .
tarkashchaiva samAdhishcha ShaDa~Ngo yoga uchyate .. 6..
yathA parvatadhAtUnA.n dahyante dhamanAnmalAH .
tathendriyakR^itA doShA dahyante prANanigrahAt.h .. 7..
prANAyAmairdaheddoShAndhAraNAbhishcha kilbiSham.h .
pratyAhAreNa sa.nsargAddhyAnenAnIshvarAnguNAn.h .. 8..
kilbiSha.n hi kShaya.n nItvA rucira.n chaiva chintayet.h .. 9..
ruchira.n rechaka.n chaiva vAyorAkarShaNa.n tathA .
prANAyAmastrayaH proktA rechapUrakakumbhakAH .. 10..
savyAhR^iti.n sapraNavA.n gAyatrI.n shirasA saha .
triH paThedAyataprANaH prANAyAmaH sa uchyate .. 11..
utkShipya vAyumAkAsha.n shUnya.n kR^itvA nirAtmakam.h .
shUnyabhAvena yu~njIyAdrechakasyeti lakShaNam.h .. 12..
vaktreNotpalanAlena toyamAkarShayennaraH .
eva.n vAyurgrahItavyaH pUrakasyeti lakShaNam.h .. 13..
nochChvasenna cha nishvAset.h gAtrANi naiva chAlayet.h .
evaM bhAva.n niyu~njIyAt.h kumbhakasyeti lakShaNam.h .. 14..
andhavatpashya rUpANi shabdaM badhiravat.h shR^iNu .
kAShThavatpashya te dehaM prashAntasyeti lakShaNam.h .. 15..
manaH sa~Nkalpaka.n dhyAtvA sa.nkShipyAtmani buddhimAn.h .
dhArayitvA tathA.a.atmAna.n dhAraNA parikIrtitA .. 16..
AgamasyAvirodhena Uhana.n tarka uchyate .
samaM manyeta ya.n labdhvA sa samAdhiH prakIrtitaH .. 17..
bhUmibhAge same ramye sarvadoShavivarjite .
kR^itvA manomayI.n rakShA.n japtvA chaivAtha maNDale .. 18..
padmaka.n svastika.n vApi bhadrAsanamathApi vA .
baddhvA yogAsana.n samyaguttarAbhimukhaH sthitaH .. 19..
nAsikApuTama~NgulyA pidhAyaikena mArutam.h .
AkR^iShya dhArayedagni.n shabdamevAbhichintayet.h .. 20..
omityekAkSharaM brahma omityekena rechayet.h .
divyamantreNa bahushaH kuryAdAtmamalachyutim.h .. 21..
pashchAddhyAyIta pUrvoktakramasho mantravidbudhaH .
sthUlAtisthUlamAtrAya.n nAbherUrdhvarupakramaH .. 22..
tiryagUrdhvamadho dR^iShTi.n vihAya cha mahAmatiH .
sthirasthAyI viniShkampaH sadA yoga.n samabhyaset.h .. 23..
tAlamAtrAviniShkampo dhAraNAyojana.n tathA .
dvAdashamAtro yogastu kAlato niyamaH smR^itaH .. 24..
aghoShamavya~njanamasvara.n cha akaNThatAlvoShThamanAsika.n cha .
arephajAtamubhayoShmavarjita.n yadakShara.n na kSharate kadAchit.h
.. 25..
yenAsau pashyate mArgaM prANastena hi gachChati .
atastamabhyasennitya.n sanmArgagamanAya vai .. 26..
hR^iddvAra.n vAyudvAra.n cha mUrdhadvAramataH param.h .
mokShadvAraM bila.n chaiva suShiraM maNDala.n viduH .. 27..
bhaya.n krodhamathAlasyamatisvapnAtijAgaram.h .
atyAharamanAhara.n nitya.n yogI vivarjayet.h .. 28..
anena vidhinA samya~NnityamabhyasataH kramAt.h .
svayamutpadyate j~nAna.n tribhirmAsairna sa.nshayaH .. 29..
chaturbhiH pashyate devAnpa~nchabhistulyavikramaH .
ichChayApnoti kaivalya.n ShaShThe mAsi na sa.nshayaH .. 30..
pArthivaH pa~nchamAtrastu chaturmAtrANi vAruNaH .
Agneyastu trimAtro.asau vAyavyastu dvimAtrakaH .. 31..
ekamAtrastathAkAsho hyardhamAtra.n tu chintayet.h .
siddhi.n kR^itvA tu manasA chintayedAtmanAtmani .. 32..
tri.nshatparvA~NgulaH prANo yatra prANaH pratiShThitaH .
eSha prANa iti khyAto bAhyaprANasya gocharaH .. 33..
ashItishcha shata.n chaiva sahasrANi trayodasha .
lakShashchaikonaniHshvAsa ahorAtrapramANataH .. 34..
prANa Adyo hR^idisthAne apAnastu punargude .
samAno nAbhideshe tu udAnaH kaNThamAshritaH .. 35..
vyAnaH sarveShu chA~NgeShu sadA vyAvR^itya tiShThati .
atha varNAstu pa~nchAnAM prANAdInAmanukramAt.h .. 36..
raktavarno maNiprakhyaH prANo vAyuH prakIrtitaH .
apAnastasya madhye tu indragopasamaprabhaH .. 37..
samAnastu dvayormadhye gokShIradhavalaprabhaH .
ApANDara udAnashcha vyAno hyarchissamaprabhaH .. 38..
yasyedaM maNDalaM bhitvA mAruto yAti mUrdhani .
yatra tatra mriyedvApi na sa bhUyo.abijAyate .
na sa bhUyo.abhijAyata ityupaniShat.h .. 39..
AUM saha nAvavatviti shAntiH ..
 .. iti kR^iShNayajurvedIya amR^itanAdopaniShatsamAptA ..
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}