% Text title            : AravindopaniShad
% File name             : aravindopaniShat.itx
% Category              : upanishhat
% Location              : doc\_upanishhat
% Author                : Traditional
% Transliterated by     : P. R. Kannan prkannanvashi at yahoo.com
% Proofread by          : P. R. Kannan prkannanvashi at yahoo.com
% Translated by         : in Tamil by P. R. Kannan
% Latest update         : March 4, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Aravindopanishad ..}##
\itxtitle{.. shrIaravindopaniShat ..}##\endtitles ##
OM | ekamevAdvitIyaM brahma sadasadrUpaM sadasadatItaM
nAnyat ki~nchidasti trikAladhR^itaM trikAlAtItaM vA sarvantu khalu
brahmaikaM yat ki~ncha jagatyAmaNu vA mahadvodAraM vAnudAraM vA brahmaiva
tad brahmaiva jagadapi brahma satyaM na mithyA |

sa eva parAtparaH puruShastrikAlAtItaH sakalabhuvanAtItaH
sakalabhuvanapraviShTaH sadatIto.asadatItaH sanmayaH chinmaya
Anandamayo.anAdyantaH sanAtano bhagavAn |

sa nirguNo guNAn dhatte saguNo.anantaguNo nirguNatvaM bhu~Nkte
svaya~nchAtivartate nirguNatva~ncha saguNatva~ncha na nirguNo na guNI
kevala eva yaH |

sa bhuvanAtIto bhuvanAni dhArayati bhuvanabhUto bhuvanAni
pravishati kAlAtItaH kAlo bhavatyanantaH sAntaH prakAshata eko
bahavo.arUpo rUpI vidyAvidyAmayyA chichChaktyA |

svayantu na dhartA na dhAryo nAnantaH na sAnto naiko na
bahuH nArUpo na rUpI kevala eva yaH |

sarvANi tvetAni nAmAni yadekatva~ncha bahutva~nchAnanta~ncha
sAnta~ncha prakAshanta eva chidAtmani chinmaye jagati | 

OM tatsat yachcha sachchideva tachchinmayaM jagat bhAsate
chidAtmani satyaprakAshaH satyasya bhagavataH |

yathA sUryasya pratibimba ekaH shAnte jale bahavashchale satyaH
sUryaH satyaH pratibimbaH satyaprakAshaH sataH sUryasya na sa svapnaH
sataH prakAshastu saH, yathA vA sUryasya jyotiH sauraM jagat svashaktyA
dhAvadiva pUrayat prakAshate satyaM jyotiH satyaprakAshaH sataH sUryasya
na so.alIkA bhAtiH sataH satyaprakAshastu saH, yathA vA sUryasya jvAlAmayaM
bimbaM na svayaM sUryaH sUryasya tu sUryatvaM prakAshayatyetadannamayaM
rUpamannAshrite j~nAne tadrUpAtItastu sUryaH satyaH sUryaH satyaM rUpaM
bimbAkR^iti satyaprakAshaH sataH sUryasya na sa mAyAnvitaH sataH
satyaprakAshastu saH, tatheha jagadbrahma satyaprakAsho bhagavataH na svapraH
na mAyAnvitaM nAlIkA bhAtiH sataH satyaprakAshastu tad na svayaM
bhagavAn tathApi svayameva saH | eShA parA mAyaiShA yogamAhAtmyaM
rahasyamayasya yogeshvarasya kR^iShNasyaiShA chichChaktyA AnandamayI lIlA
parasyAtarkyA gatiH |  

sarvamidamarthataH satyaM parArthataH asatyamiti manastuShTyarthaM
vij~nAnArthamuchyatAM na hi ki~nchidapyasatyaM satye brahmaNi |

evaM yat prakAshate jagadAnanda eva tat |

oM tatsat yachcha sachchideva tadyachcha chit sa AnandaH | yattu
nirAnandamiti bhAsate duH khamiti durbalamityaj~nAnamiti
tadAnandasya vikAra Anandasya krIDA |

yo hi jIvaH sa AnandamayaH prachChanno bhagavAn svaprakAshamayaM
jagadbrahma bhoktumavatIrNaH | ya eSha duHkhabhogaH sa bhoga
evAnandamayastasyAnandamevAnandamayo bhu~Nkte |

ko hi nirAnandaM bhoktumutsaheta yaH sarvAnandamayaH sa evotsahate
nirAndamayastu nirAnandaM bhu~njAnaH na bhu~njItAnandaM vinA praNashyet
| ko durbalo bhavituM shaknuyAdyaH sarvashaktimAn sa eva shaknuyAd
durbalo hyAkrAnto durbalatvena na tiShThechChaktiM vinA praNashyet |
ko.aj~nAnaM praveShTuM samartho yaH sarvaj~nAnamayaH sa eva samartho.aj~nastu
tasmiMstimire na dhriyetAsattvasadeva bhaved j~nAnaM vinA praNashyet |
j~nAnasya krIDAj~nAnaM svasminnAtmagopanaM shakteH krIDA daurbalyaM
nirAnandamAnandasya krIDAtmagopanaM svAtmani |

sAnandaM hasati jIvaH sAnandaM krandatyashrUNi mu~nchati tamomaya
Anande bhAsamAna iva yAtanAbhishcheShTamAnaH sAnandaM sphurati sAnandaM
sphurati cheShTamAnaH prachaNDAbhI ratibhiH | pUrNabhogArthaM tasyAnandasya
tAmasasyAMshasya tAmaso bhUtvAnandaM gopayati |

aj~nAnaM mUlametasya bhAvasya sAnta evAhamityashakto
durbalo duHkhI mayA kartavyaM j~nAtavyaM labdhavyaM prayAsena tapaH kShayeNa
mR^ityunA sa tvameSho.ahaM yattvaM na tadahaM yattava shubhaM tanmamAshubhaM
yena tava lAbhastena mama hAniH tvAmeva hanyAM sukhI bhaviShyAmi
naiva sAttviko.ahaM tvAmeva sukhinaM karomi svaduHkhena svahAnyA
svamR^ityunetyAdyaj~nAnasya svarUpaM manasi |

aha~NkAra eva bIjamaha~NkAramokShAdaj~nAnamokShaH
aj~nAnamokShAd duHkhAnmuchyate Anandamayo.ahaM
so.ahameko.ahamananto.ahaM sarvo.ahamiti vij~nAyAnandamayo
bhavatyAnando bhavati |

eSha eva mokShaH | sa muktaH sarveShAM bhogAn bhu~Nkte
sarvAnAnandAnanantaM bhu~njAno na sAntairviyujyate sAntAni bhu~njAno
nAnantena hIyate sa eko bhavati bahurbhavati sa hyajo jAyata iva
jAyamAno.api na jAyate na badhyate na janma tasya vidyate
AtmanyAtmAtmanA prakAshayAmyAtmAnamiti j~nAnAd vimuktaH krIDate |

lIlArthaM hi jagadAnandArthaM lIlAmaya iti lIlAM
kurutAnandasya putrAH yuktAH krIDatAnandaM bhu~NghvamekaM bhogyaM
bhagavantaM prApya bhu~NghvaM sarvavastuShu |

AnandaM hi pravakShyAmi bhagavatAdiShTaH |
tAmasamapAvR^ityAnandaH prakAshatAM tasya putrAH |

##
Encoded and proofread by P. R. Kannan prkannanvashi at yahoo.com
See the link for Tamil commentary by P.R. KANNAN

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}