% Text title            : Arunika Upanishad
% File name             : aruni.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 16/108; Sama Veda, Sannyasa Upanishad
% Latest update         : Sept. 24, 1999
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Arunika Upanishad ..}##
\itxtitle{.. AruNikopaniShat ..}##\endtitles ##
|| AruNikopaniShat ||  ##16##
AruNikAkhyopaniShatkhyAtasa.nnyAsino.amalAH |
yatprabodhAdyAnti muktiM tadrAmabrahma me gatiH ||
OM ApyAyantviti shAntiH ||
OM AruNiH prAjApatyaH prajApaterlokaM jagAma | taM
gatvovAcha | kena bhagavankarmANyasheShato visR^ijAmIti |
taM hovAcha prajApatistava
putrAnbhrAtR^InbandhvAdI~nChikhAM yaj~nopavItaM yAgaM
svAdhyAyaM
bhUrlokabhuvarlokasvarlokamaharlokajanolokatapolokasatyalokaM
chAtalatalAtalavitalasutalarasAtalamahAtalapAtAlaM brahmANDaM
cha visR^ijet | daNDamAchChAdanaM chaiva kaupInaM cha
parigrahet | sheShaM visR^ijediti || 1||
gR^ihastho brahmachArI vA vAnaprastho vA upavItaM bhUmAvapsu
vA visR^ijet | laukikAgnInudarAgnau samAropayet |
gAyatrIM cha svavAchAgnau samAropayet | kuTIcharo
brahmachArI kuTuMbaM visR^ijet | pAtraM visR^ijet |
pavitraM visR^ijet | daNDA.c.nlokA.nshcha visR^ijediti hovAcha
. ata urdhvamamantravadAcharet | UrdhvagamanaM visR^ijet |
auShadhavadashanamAcharet | trisandhyAdau snAnamAcharet |
sandhiM samAdhAvAtmanyAcharet | sarveShu
vedeShvAraNyakamAvartayedupaniShadamAvartayedupaniShadamAvartay
editi || 2||
khalvahaM brahmasUchanAtsUtraM brahmasUtramahameva
vidvAntrivR^itsUtraM tyajedvidvAnya evaM veda sa.nnyastaM mayA
sa.nnyastaM mayA sa.nnyastaM mayeti triruktvAbhayaM
sarvabhUtebhyo mattaH sarvaM pravartate | sakhAmAgopAyojaH
sakhAyo.asIndrasya vajro.asi vArtraghnaH sharma me bhava
yatpApaM tannivArayeti | anena mantreNa kR^itaM vAiNavaM
daNDaM kaupInaM
parigrahedauShadhavadashanamAcharedauShadhavadashanaM
prAshnIyAdyathAlAbhamashnIyAt | brahmacharyamahi.nsA
chAparigrahaM cha satyaM cha yatnena he rakShata he rakShata he
rakShata iti || 3||
athAtaH paramaha.nsaparivrAjakAnAmAsanashayanAdikaM bhUmau
brahmacharyaM mR^itpAtramalAmbupAtraM dArupAtraM vA
yatInAM
kAmakrodhaharSharoShalobhamohadambhadarpechChAsUyAmamatvAha~Nk
ArAdInapi parityajet | varShAsu dhruvashIlo.aShTau
mAsAnekAkI yatishcharet dvAveva vA vichareddvAveva vA
vicharediti || 3||
sa khalvevaM yo vidvAnsopanayanAdUrdhvametAni prAgvA tyajet
. pitraM putramagnyupavItaM karma kalatraM chAnyadapIha yatayo
bhikShArthaM grAmaM pravishanti pANipAtramudarapAtraM vA |
OM hi OM hi OM hItyetadupaniShadaM vinyaset ||
khalvetadupaniShadaM vidvAnya evaM veda pAlAshaM
bailvamAshvatthamaudumbaraM daNDaM mau~njIM mekhalAM
yaj~nopavItaM cha tyaktvA shUro ya evaM veda | tadviShNoH
paramaM padaM sadA pashyanti sUrayaH | divIva chakShurAtatam |
tadviprAso vipanyavo jAgR^ivA.nsaH samindhate | viShNoryatparamaM
padamiti | evaM nirvANAnushAsanaM vedAnushAsanaM
vedAnushAsanamiti || 5||
iti sAmavedIyAruNikopaniShatsamAptA ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}