% Text title : Atharvashira Upanishad % File name : atharvashira.itx % Category : atharvashIrSha, upanishhat, shiva % Location : doc\_upanishhat % Author : Vedic Tradition % Transliterated by : Sunder Hattangadi % Proofread by : Sunder Hattangadi % Description-comments : 22/108; Atharva Veda, Shaiva Upanishad % Latest update : July 13, 1999, April 13, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. atharvashira upanishad ..}## \itxtitle{.. atharvashiropaniShat shivAtharvashIrShaM cha ..}##\endtitles ## atharvavedIya shaiva upaniShat .. atharvashirasAmarthamanarthaprochavAchakam . sarvAdhAramanAdhAraM svamAtratraipadAkSharam .. AUM bhadraM karNebhiH shR^iNuyAma devA bhadraM pashyemAkShabhiryajatrAH . sthiraira~NgaistuShTuvA.nsastanUbhi\- rvyashema devahitaM yadAyuH .. svasti na indro vR^IddhashravAH svasti naH pUShA vishvavedAH . svasti nastArkShyo ariShTanemiH svasti no bR^ihaspatirdadhAtu .. AUM shAntiH shAntiH shAntiH .. AUM devA ha vai svargaM lokamAya.nste rudramapR^ichChanko bhavAniti . so.abravIdahamekaH prathamamAsaM vartAmi cha bhavishyAmi cha nAnyaH kashchinmatto vyatirikta iti . so.antarAdantaraM prAvishat dishashchAntaraM prAvishat so.ahaM nityAnityo.ahaM vyaktAvyakto brahmAbrahmAhaM prA~nchaH pratya~ncho.ahaM dakShiNA~ncha uda~nchohaM adhashchordhvaM chAhaM dishashcha pratidishashchAhaM pumAnapumAn striyashchAhaM gAyatryahaM sAvitryahaM triShTubjagatyanuShTup chAhaM Chando.ahaM gArhapatyo dakShiNAgnirAhavanIyo.ahaM satyo.ahaM gaurahaM gauryahamR^igahaM yajurahaM sAmAhamatharvA~Ngiraso.ahaM jyeShTho.ahaM shreShTho.ahaM variShTho.ahamApo.ahaM tejo.ahaM guhyoha.maraNyo.ahamakSharamahaM kSharamahaM puShkaramahaM pavitramahamugraM cha madhyaM cha bahishcha purastAjjyotirityahameva sarvebhyo mAmeva sa sarvaH samAM yo mAM veda sa sarvAndevAnveda sarvA.nshcha vedAnsA~NgAnapi brahma brAhmaNaishcha gAM gobhirbrAhmANAnbrAhmaNena havirhaviShA AyurAyuShA satyena satyaM dharmeNa dharmaM tarpayAmi svena tejasA . tato ha vai te devA rudramapR^ichChan.h te devA rudramapashyan . te devA rudramadhyAyan tato devA UrdhvabAhavo rudraM stuvanti .. 1.. AUM yo vai rudraH sa bhagavAnyashcha brahmA tasmai vai namonamaH .. 1.. yo vai rudraH sa bhagavAn yashcha viShNustasmai vai namonamaH .. 2.. yo vai rudraH sa bhagavAnyashcha skandastasmai vai namonamaH .. 3.. yo vai rudraH sa bhagavAnyashchendrastasmai vai namonamaH .. 4.. yo vai rudraH sa bhagavAnyashchAgnistasmai vai namonamaH .. 5.. yo vai rudraH sa bhagavAnyashcha vAyustasmai vai namonamaH .. 6.. yo vai rudraH sa bhagavAnyashcha sUryastasmai vai namonamaH .. 7.. yo vai rudraH sa bhagavAnyashcha somastasmai vai namonamaH .. 8.. yo vai rudraH sa bhagavAnye chAShTau grahAstasmai vai namonamaH .. 9.. yo vai rudraH sa bhagavAnye chAShTau pratigrahAstasmai vai namonamaH .. 10.. yo vai rudraH sa bhagavAnyachcha bhUstasmai vai namonamaH .. 11.. yo vai rudraH sa bhagavAnyachcha bhuvastasmai vai namonamaH .. 12.. yo vai rudraH sa bhagavAnyachcha svastasmai vai namonamaH .. 13.. yo vai rudraH sa bhagavAnyachcha mahastasmai vai namonamaH .. 14.. yo vai rudraH sa bhagavAnyA cha pR^ithivI tasmai vai namonamaH .. 15.. yo vai rudraH sa bhagavAnyachchAntarikShaM tasmai vai namonamaH .. 16.. yo vai rudraH sa bhagavAnyA cha dyaustasmai vai namonamaH .. 17.. yo vai rudraH sa bhagavAnyAshchApastasmai vai namonamaH .. 18.. yo vai rudraH sa bhagavAnyachcha tejastasmai vai namonamaH .. 19.. yo vai rudraH sa bhagavAnyashcha kAlastasmai vai namonamaH .. 20.. yo vai rudraH sa bhagavAnyashcha yamastasmai vai namonamaH .. 21.. yo vai rudraH sa bhagavAnyashcha mR^ityustasmai vai namonamaH .. 22.. yo vai rudraH sa bhagavAnyachchAmR^itaM tasmai vai namonamaH .. 23.. yo vai rudraH sa bhagavAnyachchAkAshaM tasmai vai namonamaH .. 24.. yo vai rudraH sa bhagavAnyachcha vishvaM tasmai vai namonamaH .. 25.. yo vai rudraH sa bhagavAnyAchcha sthUlaM tasmai vai namonamaH .. 26.. yo vai rudraH sa bhagavAnyachcha sUkShmaM tasmai vai namonamaH .. 27.. yo vai rudraH sa bhagavAnyachcha shuklaM tasmai namonamaH .. 28.. yo vai rudraH sa bhagavAnyachcha kR^iShNaM tasmai vai namonamaH .. 29.. yo vai rudraH sa bhagavAnyachcha kR^itsnaM tasmai vai namonamaH .. 30.. yo vai rudraH sa bhagavAnyachcha satyaM tasmai vai namonamaH .. 31.. yo vai rudraH sa bhagavAnyachcha sarvaM tasmai vai namonamaH .. 32.. .. 2.. bhUste AdirmadhyaM bhuvaH svaste shIrShaM vishvarUpo.asi brahmaikastvaM dvidhA tridhA vR^iddhistaM shAntistvaM puShTistvaM hutamahutaM dattamadattaM sarvamasarvaM vishvamavishvaM kR^itamakR^itaM paramaparaM parAyaNaM cha tvam . apAma somamamR^itA abhUmAganma jyotiravidAma devAn . kiM nUnamasmAnkR^iNavadarAtiH kimu dhUrtiramR^itaM mArtyasya . somasUryapurastAt sUkShmaH puruShaH . sarvaM jagaddhitaM vA etadakSharaM prAjApatyaM sUkShmaM saumyaM puruShaM grAhyamagrAhyeNa bhAvaM bhAvena saumyaM saumyena sUkShmaM sUkShmeNa vAyavyaM vAyavyena grasati svena tejasA tasmAdupasa.nhartre mahAgrAsAya vai namo namaH . hR^idisthA devatAH sarvA hR^idi prANAH pratiShThitAH . hR^idi tvamasi yo nityaM tisro mAtrAH parastu saH . tasyottarataH shiro dakShiNataH pAdau ya uttarataH sa o~NkAraH ya o~NkAraH sa praNavaH yaH praNavaH sa sarvavyApI yaH sarvavyApI so.anantaH yo.anantastattAraM yattAraM tatsUkShmaM tachChuklaM yachChuklaM tadvaidyutaM yadvaidyutaM tatparaM brahma yatparaM brahma sa ekaH ya ekaH sa rudraH ya rudraH yo rudraH sa IshAnaH ya IshAnaH sa bhagavAn maheshvaraH .. 3.. atha kasmAduchyata o~NkAro yasmAduchchAryamANa eva prANAnUrdhvamutkrAmayati tasmAduchyate o~NkAraH . atha kasmAduchyate praNavaH yasmAduchchAryamANa eva R^igyajuHsAmAtharvA~NgirasaM brahma brAhmaNebhyaH praNAmayati nAmayati cha tasmAduchyate praNavaH . atha kasmAduchyate sarvavyApI yasmAduchchAryamANa eva sarvA.nlokAnvyApnoti sneho yathA palalapiNDamiva shAntarUpamotaprotamanuprApto vyatiShaktashcha tasmAduchyate sarvavyApI . atha kasmAduchyate.ananto yasmAduchchAryamANa eva tiryagUrdhvamadhastAchchAsyAnto nopalabhyate tasmAduchyate.anantaH . atha kasmAduchyate tAraM yasmAduchchAramANa eva garbhajanmavyAdhijarAmaraNasa.nsAramahAbhayAttArayati trAyate cha tasmAduchyate tAram . atha kasmAduchyate shuklaM yasmAduchchAryamANa eva klandate klAmayati cha tasmAduchyate shuklam . atha kasmAduchyate sUkShmaM yasmAduchchAryamANa eva sUkShmo bhUtvA sharIrANyadhitiShThati sarvANi chA~NgAnyamimR^ishati tasmAduchyate sUkShmam . atha kasmAduchyate vaidyutaM yasmAduchchAryamANa eva vyakte mahati tamasi dyotayati tasmAduchyate vaidyutam . atha kasmAduchyate paraM brahma yasmAtparamaparaM parAyaNaM cha bR^ihadbR^ihatyA bR^i.nhayati tasmAduchyate paraM brahma . atha kasmAduchyate ekaH yaH sarvAnprANAnsaMbhakShya saMbhakShaNenAjaH sa.nsR^ijati visR^ijati tIrthameke vrajanti tIrthameke dakShiNAH pratya~ncha uda~nchaH prA~ncho.abhivrajantyeke teShAM sarveShAmiha sadgatiH . sAkaM sa eko bhUtashcharati prajAnAM tasmAduchyata ekaH . atha kasmAduchyate rudraH yasmAdR^iShibhirnAnyairbhaktairdrutamasya rUpamupalabhyate tasmAduchyate rudraH . atha kasmAduchyate IshAnaH yaH sarvAndevAnIshate IshAnIbhirjananIbhishcha paramashaktibhiH . amitvA shUra No numo dugdhA iva dhenavaH . IshAnamasya jagataH svardR^ishamIshAnamindra tasthiSha iti tasmAduchyate IshAnaH . atha kasmAduchyate bhagavAnmaheshvaraH yasmAdbhaktA j~nAnena bhajantyanugR^ihNAti cha vAchaM sa.nsR^ijati visR^ijati cha sarvAnbhAvAnparityajyAtmaj~nAnena yogeshvairyeNa mahati mahIyate tasmAduchyate bhagavAnmaheshvaraH . tadetadrudracharitam .. 4.. eko ha devaH pradisho nu sarvAH pUrvo ha jAtaH sa u garbhe antaH . sa eva jAtaH janiShyamANaH pratya~NjanAstiShThati sarvatomukhaH . eko rudro na dvitIyAya tasmai ya imA.nllokAnIshata IshanIbhiH . pratya~NjanAstiShThati sa.nchukochAntakAle sa.nsR^ijya vishvA bhuvanAni goptA . yo yoniM yonimadhitiShThatityeko yenedaM sarvaM vicharati sarvam . tamIshAnaM puruShaM devamIDyaM nichAyyemAM shAntimatyantameti . kShamAM hitvA hetujAlAsya mUlaM buddhyA sa~nchitaM sthApayitvA tu rudre . rudramekatvamAhuH shAshvataM vai purANamiShamUrjeNa pashavo.anunAmayantaM mR^ityupAshAn . tadetenAtmannetenArdhachaturthena mAtreNa shAntiM sa.nsR^ijanti pashupAshavimokShaNam . yA sA prathamA mAtrA brahmadevatyA raktA varNena yastAM dhyAyate nityaM sa gachChetbrahmapadam . yA sA dvitIyA mAtrA viShNudevatyA kR^iShNA varNena yastAM dhyAyate nityaM sa gachChedvaiShNavaM padam . yA sA tR^itIyA mAtrA IshAnadevatyA kapilA varNena yastAM dhyAyate nityaM sa gachChedaishAnaM padam . yA sArdhachaturthI mAtrA sarvadevatyA.avyaktIbhUtA khaM vicharati shuddhA sphaTikasannibhA varNena yastAM dhyAyate nityaM sa gachChetpadamanAmayam . tadetadupAsIta munayo vAgvadanti na tasya grahaNamayaM panthA vihita uttareNa yena devA yAnti yena pitaro yena R^iShayaH paramaparaM parAyaNaM cheti . vAlAgramAtraM hR^idayasya madhye vishvaM devaM jAtarUpaM vareNyam . tamAtmasthaM yenu pashyanti dhIrAsteShAM shAntirbhavati netareShAm . yasminkrodhaM yAM cha tR^iShNAM kShamAM chAkShamAM hitvA hetujAlasya mUlam . buddhyA sa.nchitaM sthApayitvA tu rudre rudramekatvamAhuH . rudro hi shAshvatena vai purANeneShamUrjeNa tapasA niyantA . agniriti bhasma vAyuriti bhasma jalamiti bhasma sthalamiti bhasma vyometi bhasma sarva.nha vA idaM bhasma mana etAni chakShU.nShi yasmAdvratamidaM pAshupataM yadbhasma nA~NgAni sa.nspR^ishettasmAdbrahma tadetatpAshupataM pashupAsha vimokShaNAya .. 5.. yo.agnau rudro yo.apsvantarya oShadhIrvIrudha Avivesha . ya imA vishvA bhuvanAni chaklR^ipe tasmai rudrAya namo.astvagnaye . yo rudro.agnau yo rudro.apsvantaryo oShadhIrvIrudha Avivesha . yo rudra imA vishvA bhuvanAni chaklR^ipe tasmai rudrAya namonamaH . yo rudro.apsu yo rudra oShadhIShu yo rudro vanaspatiShu . yena rudreNa jagadUrdhva.ndhAritaM pR^ithivI dvidhA tridhA dhartA dhAritA nAgA ye.antarikShe tasmai rudrAya vai namonamaH . mUrdhAnamasya sa.nsevyApyatharvA hR^idayaM cha yat . mastiShkAdUrdhvaM prerayatyavamAno.adhishIrShataH . tadvA atharvaNaH shiro devakoshaH samujjhitaH . tatprANo.abhirakShati shiro.antamatho manaH . na cha divo devajanena guptA na chAntarikShANi na cha bhUma imAH . yasminnidaM sarvamotaprotaM tasmAdanyanna paraM ki~nchanAsti . na tasmAtpUrvaM na paraM tadasti na bhUtaM nota bhavyaM yadAsIt . sahasrapAdekamUrdhnA vyAptaM sa evedamAvarIvarti bhUtam . akSharAtsa.njAyate kAlaH kAlAdvyApaka uchyate . vyApako hi bhagavAnrudro bhogAyamano yadA shete rudrastadA sa.nhAryate prajAH . uchChvAsite tamo bhavati tamasa Apo.apsva~NgulyA mathite mathitaM shishire shishiraM mathyamAnaM phenaM bhavati phenAdaNDaM bhavatyaNDAdbrahmA bhavati brahmaNo vAyuH vAyoro~NkAraH AUMkArAtsAvitrI sAvitryA gAyatrI gAyatryA lokA bhavanti . archayanti tapaH satyaM madhu kSharanti yadbhuvam . etaddhi paramaM tapaH . Apo.ajyotI raso.amR^itaM brahma bhUrbhuvaH svaro nama iti .. 6.. ya idamatharvashiro brAhmaNo.adhIte ashrotriyaH shrotriyo bhavati anupanIta upanIto bhavati so.agnipUto bhavati sa vAyupUto bhavati sa sUryapUto bhavati sa sarverdevairj~nAto bhavati sa sarvairvedairanudhyAto bhavati sa sarveShu tIrtheShu snAto bhavati tena sarvaiH kratubhiriShTaM bhavati gAyatryAH ShaShTisahasrANi japtAni bhavanti itihAsapurANAnAM rudrANAM shatasahasrANi japtAni bhavanti . praNavAnAmayutaM japtaM bhavati . sa chakShuShaH pa~NktiM punAti . A saptamAtpuruShayugAnpunAtItyAha bhagavAnatharvashiraH sakR^ijjaptvaiva shuchiH sa pUtaH karmaNyo bhavati . dvitIyaM japtvA gaNAdhipatyamavApnoti . tR^itIyaM japtvaivamevAnupravishatyoM satyamoM satyamoM satyam .. 7.. AUM bhadraM karNebhiriti shAntiH .. .. ityatharvashiropaniShatsamAptA .. ## Encoded by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}