% Text title            : Dashopanishatsarah 3 (Ratnapanchakam 4)
% File name             : dashopaniShatsAraH3.itx
% Category              : upanishhat, upaniShad
% Location              : doc\_upanishhat
% Author                : Kalyanasevaka
% Proofread by          : Brahatha Mohan
% Latest update         : May 22, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dashopanishatsarah Ratnapanchakam 4 ..}##
\itxtitle{.. dashopaniShatsAraH ratnapa~nchakam 4 ..}##\endtitles ##
(ratnapa~nchake chaturthaM ratnam |)

IshakenakaThaprashnamuNDamANDUkyatittiriH ||
aitareyaM cha ChAndogyaM bR^ihadAraNyakaM tathA || Om ||
shAntiH \-
shaM no mitro na indro hyavatu pavana ! mAM brahma sAkShAdbhavAnnu
pratyakShaM nau bhunaktu j~na ! sahaguNigaNairvIryakAryaM kariShye |
Chandobhyo vishvarUpo.abhavadahamadhunA vishruvaM bhUrisaukhyaM
vR^ikShasyAhaM sumUlaM hyada idamakhilaM pUrNa pUrNa svarUpam || 1||
ApyAyantvindriyANi, tviha balamakhilaM svAtmadharmAshcha santu,
shrautaM me mA prahAsIrmanasi vasatu tatsatyavij~nAnarUpam |
bhadraM naH sarvataH syAnnarasuragaNataH, svasti bhUyAjjanebhyo
brahmAtmAnaM prapadye nama iti gurave, pratyagartho.asmi vastu || 2||
1\. Isha\- (IshopaniShat)
IshAvAsyaM bahuvidhajagatsarvamekAMshato vai
tajj~nAnArthaM prathamata iha svasya chittasya shuddhiH |
tatkartavyA niyatamanasA brahmayAthAtmasiddhiH
shoko moho bhavati na tadA hyekamevAdvitIyam || 3||
2\. kena\- (kenopaniShat)
shrotrashrotraM yadiha jagati prANachakShvindriyANAM
vyApAro hi prachalati nijo yasya sAmarthyayogAt |
agnirvAyuH surapatirapi j~nAtumAsanna yadvai
vij~nAnaM tadvimalamR^itaM brahma sAkShAtkuruShva || 4||
3\. kaTha\- (kaThopaniShat)
shreyo dhIro vR^iNIte, viShayasuramaNaM paNDitammanyamAnAH
kurvantu j~nAnahInA, ihaparasukhitA naiva teShAM kadA.api |
labhyo vai nAyamAtmA pravachanavidhinA meghayA sushrutena,
praj~nAnenApnuyAttannirupamamamalaM brahmakalyANarUpam || 5||
4\. prashna\- (prashnopaniShat)
prajAsR^iShTiM brahmA.akuruta sakalAM prANavibhavAM
mano vAkprANasya stavanamiha kurvanti cha surAH |
sa kartA draShTAdiH paramapuruShe tiShThati sadA
tamAtmAnaM j~nAtvA.akSharamajamakhaNDaM bhavati nA || 6||
5\. muNDaka\- (muNDakopaniShat)
yasminvij~nAta eke bhavati cha sakalaM j~nAtameveha pUrNaM
yaM sAkShAdbrahmavidyA.akSharamajamachalaM prApayantI parA syAt |
tajj~nAnArthaM sa gachChedgurumiha sharaNaM shrotriyaM brahmaniShThaM
brahmaivedaM vijAnan shamadamasahito brahmabhUto bhavetsaH || 7||
6\. mANDUkya\- (mANDukyopaniShat)
trikAlAtItaH sansakalasamayo yastrividhataH
sa evo~NkArashchidvimalaparamAtmA shivatamaH |
sa AtmA vij~neyastripadarahitaH shAntiparamo
hyadR^iShTo.agrAhyo.ajo hR^idayakamale.antarbahirapi || 8||
7\. taittirIya\- taittirIyopaniShat)
satyaM j~nAnaM hyanantaM shatashataguNitaM pUrNamAnandamekaM
yasmAtprANo mano vAksakalasuragaNo dUramatyantamasti |
sarve dhAvanti bhItyA raviyamapavanAH pa~nchakoshAtidUraM
hyaprApyaM bhedabud.hdhyA.abhayamachalamayaM brahmavitprApnuyAttat || 9||
8\. aitareya \- (aitareyopaniShat)
sarvM praj~nAnameva kratughR^itimatayaH kAmasa.nj~nAnamedhAH
sa~Nkalpo.aj~nAnajUtI smR^itihR^idayavashA nAmadheyAni tasya |
praj~nAnaM brahmasAkShAtsuranarasahitaH sthAvaro ja~Ngamashcha
praj~nAne sarvaloko.amR^itamiha sa bhajejj~nAnavij~nAnapUrNaH || 10||
9\. ChAndogya\- (ChAndogyopaniShat)
sarvaM brahmaiva nAnyaddhR^idi bahirakhilaM shliShyate nApi kena
prANaH kaM khaM mano vai jagadidamakhilaM bhAvayedbrahma pUrNam |
mR^itpiNDAnmR^iNmayaM tatkalashamukhamidaM nAmarUpaM cha mithyA
tasmAdbrahmaiva sAkShAttvamasi vimalatatsachchidAnandabhUmA || 11||
10\. bR^ihadAraNyaka\- (bR^ihadAraNyakopaniShat)
otaHproto.ayamAtmA, sakalanaravaraiH pUrNavairAgyayuktai \-
rbAlyaM maunaM cha kR^itvA.akSharamajamamano brahma vedyaM prayatnaiH |
nAnAbhAnaM vihAya pravachanamatisaMlApanaM shAstravedAn
shAnto dAntastitikShuH paramasukhadhanaM brahma bhUyAtsvasaMrAT || 12||

vedAntArthAtisAropaniShadamR^itatadbrahmapIyUShapAnaM
kR^itvA.aha~NkArashUnyo mamatavarahitaH sachchidAnandapUrNaH |
AchAryaM sha~NkaraM sadgurumahamanamaM nityakalyANamAsaM
shAntiH shAntiH sushAntirbhavabhayagalitaM brahmasAmrAjyamAptam || 13||
etatsArasya pAThAtsatatasumananAdhyAsataH pUrNasAkShA\-
tkArAdUbrahmaiva bhUyAchChamadamasahitaH shuddhasattvo virAgI |
kaShTaM naivAtra ki~nchinnvakhilamuShaniShadbhAShyajAlaM cha mAstu
kalyANaHsevako.ayaM triguNavirahitaM kevalaM brahma vastu || 14||

iti shrIsamartharAmadAsa\-kalyANapadAnvita\-
kalyANasevakapraNIta ratnapa~nchake chaturthaM ratnaM
dashopaniShatsAro nAma sampUrNam |
##
Proofread by Brahatha Mohan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}