% Text title            : Ekakshara Upanishad
% File name             : ekakshara.itx
% Category              : upanishhat
% Location              : doc\_upanishhat
% Author                : Vedic Tradition
% Transliterated by     : Sunder Hattangadi
% Proofread by          : Sunder Hattangadi
% Description-comments  : 69 / 108; Krishna Yajurveda - Samanya upanishad
% Latest update         : Mar. 23, 2000
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. EkakShara ..}##
\itxtitle{.. ekAkSharopaniShat ..}##\endtitles ##

ekAkSharapadArUDha.n sarvAtmakamakhaNDitam.h .
sarvavarjitachinmAtra.n tripAnnArAyaNaM bhaje ..
AUM saha nAvavatu saha nau bhunaktu .
saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
hariH AUM
ekAkShara.n tvakShare.atrAsti some
     suShumnAyA.n cheha dR^iDhI sa ekaH .
tva.n vishvabhUrbhUtapatiH purANaH
     parjanya eko bhuvanasya goptA .. 1..
vishve nimagnapadavIH kavInAM
     tva.n jAtavedo bhuvanasya nAthaH .
ajAtamagre sa hiraNyaretA
     yaj~naistvamevaikavibhuH purANaH .. 2..
prANaH prasUtirbhuvanasya yoni\-
     rvyApta.n tvayA ekapadena vishvam.h .
tva.n vishvabhUryonipAraH svagarbhe
     kumAra eko vishikhaH sudhanvA .. 3..
vitatya bANa.n taruNArkavarNaM
     vyomAntare bhAsi hiraNyagarbhaH .
bhAsA tvayA vyomni kR^itaH sutArkShya\-
     stava.n vai kumArastvamariShTanemiH .. 4..
tva.n vajrabhR^idbhUtapatistvameva .
     kAmaH prajAnA.n nihito.asi some .
svAhA svadhA yachcha vaShaT karoti
     rudraH pashUnA.n guhayA nimagnaH .. 5..
dhAtA vidhAtA pavanaH suparNo
     viShNurvarAho rajanI rahashcha .
bhUtaM bhaviShyatprabhavaH kriyAshcha .
     kAlaH kramastvaM paramAkShara.n cha .. 6..
R^icho yajU.nshi prasavanti vaktrA\-
     tsAmAni samrADvasuvantarikSham.h .
tva.n yaj~nanetA hutabhugvibhushcha
     rudrAstatha daityagaNA vasushcha .. 7..
sa eSha devo.ambaragashcha chakre
     anye.abhyadhiShTheta tamo nirundhyaH .
hiraNmaya.n yasya vibhAti sarvaM
     vyomAntare rashmimivA.nshunAbhiH .. 8..
sa sarvavettA bhuvanasya goptA
     tAbhiH prajAnA.n nihitA janAnAm.h .
protA tvamotA vichitiH kramANA.n
     prajApatishChandamayo vigarbhaH .. 9..
sAmaishchidanto virajashcha bAhUM
     hiraNmaya.n vedavidA.n variShTham.h .
yamadhvare brahmavidaH stuvanti
     sAmairyajurbhiH kratubhistvameva .. 10..
tva.n strI pumA.nstva.n cha kumAra eka\-
     stva.n vai kumArI hyatha bhUstvameva .
tvameva dhAtA varuNashcha rAjA
     tva.n vatsaro.agnyaryama eva sarvam.h .. 11..
mitraH suparNashchandra indro  rudra\-
    stvaShTA viShNuH savitA gopatistvam.h .
tva.n viShNurbhUtAni tu trAsi daityA.n\-
     stvayAvR^ita.n jagadudbhavagarbhaH .. 12..
tvaM bhUrbhuvaH svastva.n hi
     svayaMbhUratha vishvatomukhaH .
ya eva.n nitya.n vedayate guhAshayaM
     prabhuM purANa.n sarvabhUta.n hiraNmayam.h .. 13..
hiraNmayaM buddhimatAM parA.n gati.n
     sa buddhimAnbuddhimatItya tiShThatItyupaniShat.h ..
AUM saha nAvavatu saha nau bhunaktu .
saha vIrya.n karavAvahai .
tejasvinAvadhItamastu mA vidviShAvahai ..
AUM shAntiH shAntiH shAntiH ..
ityekAkSharopaniShatsamAptA ..
##
Encoded by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}